صباح الخيييير
اعتذر عن قلت تواجدي مره ثانيه
الحمدلله عالسلامة نهى وماتشوفين شر انشالله :eh_s(7):
1- ماهو الأمر الذي يجعلك تترددين عند اتخاذ أي قرار ؟
الخوف من المجهول والنتيجة
2- هل تملكين الجرأة الكافية لاتخاذ أي قرار؟ وكم تقيمين نفسك بالنسبة للجرأة % ......؟
لا نهائيا الا بالامور الحياتية البسيطه اما الامور المصيريه حيل صعبه علي ,,ولكن الحمدلله في تطور فاعطي نفسي 50% حاليا :ggdw:
3- ماهي المواضيع المهمة التي قد تتطلب طلب المساعدة من طرف ثانٍ عند اتخاذ القرار بشأنها ؟
بالنسبه لي حاليا .. اي موضوع ممكن ياثر على اسرتي استشير اهلى وزوجي ..ومن قبل انا احسب اسال واستفسر قبل لا اتخذ اي قرار
4- هل اتخذتي في حياتك قرار صائب،،، وماهو شعورك حينها ؟
اي الحمدلله ...استناست وعطتني دافع للمرات اليايه
وهل اتخذتي في حياتك قرار خاطيء،،وماهو شعورك حينها ؟
وماهو السبب برأيك الذي ادى بك لاتخاذ هذا القرار الخاطيء؟
على حسب الموضوع نفسه .. في قرارات خاطئة ولكن مو مصيريه اقول الحمدلله واحاول اعدل الوضع وفي قرارات للاسف مصريه واثرت حيييييييييييييل على حياتي ولكني احاول ان اصلح قد ما اقدر لان الانسان مو معصوم من الخطأ
سبب اتخاذ قرار خاطي ممكن يكون قلت الخبره او الاستعجال
حاليا في موضوع بخاطري من زماااان وخايفه ومتردده بس بيوم قعدت الصبح وقلت لازم ابدي الخطوة الاولى والثانيه ولازم اجازف ليه مته اقعد مكان وافكر .. لوو ... شنو راح يصير
وبالنهايه ماراح اخسر من التجربه
ادعولي الله يخليكم يتم الموضوع بسهاله
- - - - - - - - - - - - - - -
حبيت اعرض عليكم هالمشكله ياليت تتناقشون
فيهـا ..
كيف يكون الرد على البنات اللي لما تقررين
انج تنهينهم من حياتج لسوء معاملتهم احيـانا او ماكلهم الغرور وينظرون لج بنظره
دونيه ( تجمع قهر لمستوى عايلتنـا يمكن ! او ثقتي بنفسي وتفكيري اللي يختلف عنهم مب
عارفه شنهي مشكلتهم بالضبط بس دايما كانو يحبطوني ويحاولون يطعنون فذوقي وكل شي كنت
قبل اهتم لارائهم ) لاكن الان مااعيرهم اي اهتمام وقررت انهاء علاقتي معاهم
ولاكن للاسف بعد 7 سنوات صداقه وبعد ما
الغيتهم من قاموسي ردة الفعل اني
وجدتهم يتهجمون بكلمات حتى فالشوارع ماتنقال
!!
ويتكلمون عني وعن كل شي حتى هلي ؟
انتي مب شي وشكلج وشعرج وجسمج على شنو شايفه
نفسج و و و و و
ما اقدر اكتب الكلام اللي قالوه بالضبط لاني
ما اتلفظ فيه واحتراما لكم طبعـا
سب مب طبيعي انحرجت اقراه والله
!
اللي سويته اني طنشتهم وما اهتميت حق
ولاكلمه قالوها ولا اثرت فيني
مالقو مني رد وكأنهم مب موجودين ( تفسيري
انهم ضعاف لان هذا اسلوب يدل على ضعف الشخصيه عشان جي ماضيعت وقت معاهم )
يمكن تعتقدون اني اتكلم عن بنات في الاعدادي
لاكن للاسـف انهم فالجامعه ومتزوجيـن وعندهم عيــال ..
وحده ثانيه نفس الموقف تصرفت معاهم ان
تهاوشت ودخلت الاهل فالسالفه وصارت مشكله كبيره ! ( يمكن بعدها يتأدبون ) بس كثر
القيل والقـال و و و
وهالشي مايعجبني احسه يقلل من هيبة الشخص نفسه والحوار للاسف
يوصل لمستوى هابط جدا
انا اشوف حلي الافضل بالنسبه لتفكيري الاخر
يمكن يعتقده خوف ..
ممكن تناقشون هالموضوع كيف يكون الرد على
هذي الشاكله ؟
لان اكيد كلنا اذا ماواجهناهم بنواجههم في
حياتنا
مريت بموقف مشابهه وماحبيت انهي الصداقه لان لها سنييين وعشره عمر اكثر من الخوات
بالبدايه كنت اتاثر وابجي واحرق عمري ولا ارد عليهم
اما الحين تغير موقفي اولا :قللت قعداتي وزواراتي لهم
ثانيا: ما اتكلم معاهم عن ولاااااااااااا موضوع عن حياتي ابدا ابدا ولا اعطيهم مجال يبدون رايهم بشي يخصني
ثالثا: في حالة انهم قطو حجي واجرحوني ارد عليهم بطريقة مؤدبة تسكتهم
بالنهايه اكتشفت ان احنا اللي نسمح او لانسمح انهم يعاملونه باي طريقة كانت
