::|[حملـة لنبـدأ بتغيير حياتنا للأفضـل »الجزء الثالث]|::بسـم الله،،وعليــه توكلنــا

[مسك إلمحآسن]

انا اختفى توا .. مادري ليش !

بس سويت طريقة نهى وضبط معاي :eh_s(17):​

 

[حديث الروح]

الآن دخلت المنتدى
وتساءلت من أين هذا الوهج المبهر

وعندما سرت في // جادة المنتدى ،، وتطلعت الى سماءها

رأيت النجوم ضاحكات ... قلت ماالخبر؟؟

قلن ألم تعرفي أن البدر قد ظهر؟!

نهى !! ألف سلامة ياقمر !!

 

[Sweet Angle]

نننننننننننننهىىىىى يالغااااااااااااااااااااااليه الف الف الفف الففف الحمدالله على السلامة وحشتينا حييييييييييييييل والله العظيم
الحمدالله الحمدالله يارب على سلامتج تستاهلين السلامة ياقلبي
نورتينا و ونستينا بردتج .. الله يعافيج و يرد عافيتج وشدتج ياقلبي ويبعد عنج كل ضرر وسوء ومرض .. اللهم امين

 

[مدمنة خلطات]

الف الحمدلله عالسلامة نهووووي
ماتشوفين شر حبيبتي
,,,

حديث الروح
ماتشووفين شر يا الغلا
و يعطيج الف الف الف عااافية
فعلا ابدعتي باختياراتج
قرات كل اللي فاتني و سويت الاختبارات و الحمدلله النتايج حلووة :eh_s(15):
وقرات تعليقاتج عالبنات بخصوص الاختبارات

والحمدلله كل صفات الشخصية المغناطيسية موجودة فيني
خصوصا الابتسامة لوووووووول
ايام المعهد اللي ما يعرف اسمي يسميني المبتسمة :dddds: ما غير شاقة الكشرة لوووووووووول

,,,

القصة اللي نقلتيها عن اللي جابت سلطان وهي بعمر كبير
حييييييييييييييييل اثرت فيني وجاااات بوقتها فعلااااا
احيانا الواحد اذا فيه جانب بحياته ما اكتمل وتعب وهو ينتظره يبدأ يحس باليأس ولو نسبيا
و يبدأ يفكر لين يوسوس ... ليه ..!! كيف .!! وش معنى انا ...!!
معقولة اكون ظلمت انسان وهذي عقوبتي ..!! فيه احد داعي علي ...!!
و ........... و .......... و ............ سلسلة افكار ما تنتهي ...

كنت راسمه شغلات كثيرة بتصير بحياتي الايام الجاية
وما حطيت ببالي ولو واحد بالمية انها ما راح تصير
إيماني باحلامي كان كبير (ومازال)
فجأة قبل اسبوعين كل شي تغير
كل شي رسمته صدمني الواقع فيه
بالبداية كنت حاسة بغصة وان كل شي حولي ينهار حتى دوامي كنت بتركه ويومين ما رحت بدون عذر
بس الحمدلله صدمتي ما تعدت يومين
وقررت أبدأ من جديد
احيانا صدماتنا و جروحنا تكون خير من بعض النواحي
اول اسبوع ما حاولت احط خطط لاني مشوشة
كل اللي سويته صلاة و دعاء و استغفار و كثرت صدقة
يعني كان اسبوع ديني
الاسبوع اللي بعده قررت اني ابدا بخطوات جرئية وهي اني اقدم ببعض الشركات اللي كنت اعتبر وجود السي في حقي عندهم حلم
وقررت اكمل كورسات الانقلش اللي بدأتها الى التوفل
سبحان الله يا بنات ................
وحده من الشركات لي سنين اتمنااااااااااااهااااا بس ما عندي حتى الجرأة اقدم اقول مستحييييييييييييييييييييل يقبلوني
تدرون وش صار بهالاسبوع ..............!!
هالشركة هي اللي طلبتني و انعرضت علي عرض .....................!!
مو بس هي جاني طلب من كذا شركة ... يعني سمعوا عني واطلبوا السي في حقي ....
وكلهم شركات اجنبية و كبيرة والكل يتمناها منوة ...

والمعهد اللي ابيه ارسل لي مسج ان المستوى اللي ابيه راح يبدأ الاسبوع الجاي (وانا كان لي شهرين انتظرهم)
وامور يومية كثيرة جالسة تتيسر لي .................... الحمدلله يارب ..
وفي شغلات بشخصيتي احسها بدت تتغير للأحسن ..
ما اقول اني ما احس بضعف و حزن احيانا لكن قد ما اقدر احاول ما استسلم وابتسم
وعلى فكرة رغم كل اللي صار .. والكل قالوا لي مستحيل .. ما زلت على يقين تااااااااااااااام انها مسأأأأأأأأأأأأأأأألة وقت والحلم بيتحقق بإذن الله :yaaaaaarb:

طبعا لو بكتب كل اللي عندي ما راح اخلص لووووووووووووول ...

بس قصة سلطان استثارت المشاعر وخلتني اهذرررررر :eh_s(22):

 

[حديث الروح]

مدمنة خلطات العزيزة ... إن شاء الله تتحقق كل أحلامج وشوفي ربج أكرمج بجم شي ؟ والباقي آت ان شاء الله
ان شاء الله تحسنين ذاتج وتوصلين الى مستوى الرضا التام
وانت بعد قصتج حلوة ياليت اعرف عنها التفاصيل وبالترتيب كان اسويها قصة طموح وامل ووصول رائعة فاذا حبيتي تبعثيلي أسويها واسنعها
وننشرها هذي القصص تعلمنا الأمل وان مافي شيء مستحييييل
مشكورة واتمنى لك تحقيق كل الآمال

 

[نهى الأحمد]

الله يسعد مساكم يا خواتي


شخباركم


مسوكه

يلا زين ضبط معاج التوقيع




الغاليه حديث الروح


مشكوره يا العزيزة على كلامك ومشاعرك الطيبه

انتي نبض الحملة وروحها الحلوة


الله لا يحرمنا منج




هلا والله سويت ياقلبي

شلونج


الله يسلمج حبيبتي تسلمين

عزيزه وغاليه ياقلبي



هلا والله مدمد الغاليه

شلونج ياقلبي

توه منوره الحملة حبيبتي

الله يسلمج ياقلبي


وماشاءالله تبارك الرحمن

اخبارك فعلا تسرّ البال وتفرح

عسى ربي يحقق لج كل امنياتج وطموحاتج حبيبتي


والله فرحتيني ياقلبي


وعقبال ما افرح بخواتي بالحملة بتخطيهم كل صعب في حياتهم

 

[تحت ظلك]

السلام عليكم

هلا والله بالغالية نهى

الحمدلله على السلامة وأجر وعافية

والله فرحت لما شفتج

لاتخليننا مرة ثانية وأسأل ربي جل في علاه أنه يمدج بالصحة والعافية ولو غبتي عنا يجعله غياب خير مثل ماحضورج خير .

 

[نهى الأحمد]

اخواتي العزيزات



اخباركم ومتابعتكم للحملة كانت توصلني فترة غيابي

وفعلا اخبار تفرح وتونس حبيباتي


من شعوري لاندماجكم بالحملة واستفادتكم منها



وهذا اهو اللي يهمني اولا واخرا


استفادتكم من الحملة



اختي الغاليه حديث الروح ماقصرت معاكم من طرح المواضيع الهامة والقصص الهادفة
وكانت تعرف شنو اهي المواضيع اللي فعلا تحتاجونها من خلال ردودكم


توقعوا مني اطرح لكم اليوم موضوع يتكلم عن اتخاذ القرار


لاني من بداية الحملة لاحظت من خلال الاسئلة اللي طرحتها عليكم عندكم مشكلة في اتخاذ قرار


والله يقدرني واقدر اقدم لكم الشي المميز والهادف والمفيد


وترا اعذروني لي غبت عنكم بعض الايام لاني حاليا في فترة العلاج واحتاج راحة شوي


والغاليه روح مارح تقصر معاكم بشي ان شاءالله

 

[نهى الأحمد]

السلام عليكم

هلا والله بالغالية نهى

الحمدلله على السلامة وأجر وعافية

والله فرحت لما شفتج

لاتخليننا مرة ثانية وأسأل ربي جل في علاه أنه يمدج بالصحة والعافية ولو غبتي عنا يجعله غياب خير مثل ماحضورج خير .

وعليكم السلام ياقلبي انتي
الله يسلمج يا الغاليه وعساج دوم فرحانه حبيبتي

بعد عمري والله

ان شاءالله مارح يبعدني شي عنكم

والحمدالله على كل حال


بشريني عنج ؟

 

[تحت ظلك]

وعليكم السلام ياقلبي انتي
الله يسلمج يا الغاليه وعساج دوم فرحانه حبيبتي

بعد عمري والله

ان شاءالله مارح يبعدني شي عنكم

والحمدالله على كل حال


بشريني عنج ؟

بعد قلبي والله

الله يريح قلبج دائما وأبدا

أنا الحمدلله بخير مانقصني الا وجودج :eh_s(7):

 

[نهى الأحمد]

بعد قلبي والله

الله يريح قلبج دائما وأبدا

أنا الحمدلله بخير مانقصني الا وجودج :eh_s(7):

تسلمين ياقلبي

عسى دوم تكوني بخير انتي وكل من يعز عليج حبيبتي


والله يجمعنا دوم على محبته وطاعته


واحب دوم اشوفج مستانسه

 

[تحت ظلك]

آمين ياقلبي
أجمعين
لاحرمتي الأجر

 

[قموووره]

وانا اشهد قموووور انتي عسسسسل الله يوفقج بالدنيا والآخرة

ياااااااااااااااااااابعد عمري والله انتي كله جابره بخاطري الله يجبر بخاطرج دنيا واخره​

 

[قموووره]

الف الحمدلله على سلامتج نهى واجر وعافيه
اسال الله العظيم رب العرش العظيم ان يشفيج شفاءا لا يغادر سقما
والمؤمن مبتلى حبيبتي الحمدلله على كل حال​

 

[قموووره]

ونصيحة أخيرة : إذا أصابك توتر أو غضب أو هم فعليك أن تفعلي شيئاً حركيــاً
عليك بالصلاة .. بالمشي ..بالسباحة أو أخذ حمام ..بزيارة صديق أو قريب ’’

الموضوع أمامك ولك فاكتبي ماشئت من الملاحظات .. وقد تكون اليوم لنا عودة أخرى

^^^^^

رووووح اذا أصابك توتر او غضب عادي اناااام انا جذي انام وأقوم انسى المشكله وطوايفهاااااا

تصدقين شدون انا اذا زعلت او احتريت ادور اي شي يتعبني ويهد حيلي علشان ما افكر بالموضوع واحاول استغفر طول الوقت وربي رحمن رحيم​

 

[قموووره]

*{{ جمال الروح }}*
عزيزتي كثيراً ما تسمعي من يقول أن الجمال هو جمال الروح ! فماهو هذا الجمال الذي يضفي الجاذبية ؟ هو:

1- الروح الطيبة المسالمة التي تبغى الخير لكل الناس، ولا تعترف بالحقد والحسد والكراهية، من السمات التي تضفي عليك جاذبية وسحراً من نوع خاص، فهذه السمات لها رونق وسحر لا يقاوم؛ فهي لا تعترف بجمال الوجه، ولا الجسد الممشوق، انما تعترف فقط بالحس المرهف، وحب الخير للأخرين .

الحمدلله انا احب الخير للكل سواء الي اعرفه والي ما اعرفه وعمري ماكرهت ولاحقدت على احد بس بعض الاحيان احس اني عدائيه مع اني اتضايق من هالشي لاني ماكنت بهالطبع يمكن لاني مضووووووطه بشكل كبير جدا من 16 سنه ومازال الضغط قائم فاحس اني احيانا اكون عدائيه بس الحمد لله اني اتدارك نفسي واذا زعلت احد اتحسف واخذ بخاطره لاني ماحب احد يزعل مني .. بس ازعل من نفسي حيل لمه اتصرف هالتصرف يمكن لاني عايشه متهمه طول الوقت وعلي ضغط ؟؟؟ مالقيت سبب لردة فعلي هذي الا الضغط الي اتعرض له

​

 

[قموووره]

دع الحياة تبكي من جبروت إبتسامتك
يقول أطباء النفس في العالم :
١- من يبتسم الى الناس فهو شخصية طيبة القلب.
٢- من يضحك كثيرا فهو شخصية حزينة من الداخل.
٣- من يهتم بالتفاصيل فهو شخصية صادقة .
٤- من يغضب كثيرا فهو شخصية ضعفية جدا
٥- من لا يقدر محاسن الناس له فهو شخصية مجرده من المشاعر.
٦- من يتوتر عند رؤية أحبائه فهو شخصية خائنه.
٧- أما قليل الغضب فهو شخصية محبوبة .
٨- من يتحمل الآخرين حتى في أخطائهم فهو شخصية حاكمه ولكن احذر من نفاذ صبره .

٩-من يحقد على الناس فهو شخصية ناقصة العقل و البعد عن هذه الشخصية أحسن بكثير من التقرب اليه .
١٠-من في قلبه حقد أو حسد فهو شخصية لا يحمل في قلبه حبا لأحد.
١١- من يسأل عن أحبائه دوما فهو شخصية حنونه.
اعرف شخصيتك بنفسك
ابتسم في وجه من تحب فيشعر
( بحبك )
ابتسم أمام عدوك فيشعر
( بضعفه )
ابتسم أمام من تركك فيشعر
( بغبائه )
ابتسم للدنيا والدموع في عينيك
( فتقهرها )
ابتسم لأنك ستملك الدنيا بإبتسامتك
مسااكم جنه : تُبشرون بِهآ ونيرآن تُعتقون منهآ باذن إآللَّه...
يآ شَارِح الصدُور ومُيسِّر الامُور ☝إجعَل حيَآتِي وحيَآة احِبتِي نُورعلى نُور​

 

[نهى الأحمد]

هلا والله بالغاليه قموووره الاموره


شخبارج ياقلبي


الله يسلمج حبيبتي تسلمين ماقصرتي


وحياج الله بين خواتج


ومشكوره على الكلام الرائع اللي طرحتيه بالحملة
كلها فرح وتفاؤل

والابتسامة دووووم مفعولها قوي في حياتنا وحياة غيرنا




ويا حلو هالكلام

يآ شَارِح الصدُور ومُيسِّر الامُور ☝إجعَل حيَآتِي وحيَآة احِبتِي نُورعلى نُور


اللهم امين

اللهم امين


دقايق وانزل موضوع الحملة ،،،

 

[قموووره]

حبيبتي عساج عالقوه​

 

[نهى الأحمد]

يا هلا وغلا فيكم يا خواتي العزيزات


ولهت عليكم ومشتاقه لكم وسامحوني على القصور بالفترة اللي طافت


موضوع اليوم في بالي من زمان


حتى لما كنت في المستشفى كنت افكر فيه وسجلت الافكار المهمة في تلفوني علشان ما انساها


رح اتكلم اليوم عن


اتخـــــاذ القرار

اتخاذ القرار يا خواتي يحتاج منا اتباع بعض الاساسيات المهمة حتى نكون على
رضا وقناعة وقبول من القرار اللي نتخذه في حياتنا

وطبعا هذا يعتمد على نوعية الموضوع اللي يتطلب منا اتخاذ القرار


عندي بعض النقاط المهمة حبيت انقلها لكم وعقبها رح اكمل كلامي مع اضافة نقاط مني :

قبل اتخاذ القرار

قبل اتخاذك لأي قرار استراتيجي عليك تحليل المشكلة وهدفك من القرار لتصل الى القرار الصحيح

1- تعرف على الموضوع او المشكلة وحددها ====> مالذي يجب أن يتم اتخاذ قرار بخصوصه

2- القيام بالتحيليل ===============> ما البدائل المتوفرة التي تعالج الوضع

3-تقييم الاختيارات ===========> ما المكاسب او الخسائر لك بديل

4- تحديد الاختيارات والتعرف عليها ========> أي البدائل المتوفرة أفضل لإختياره

5- تنفيذ الخطط =========> مالتصرف الواجب اتخاذه حين اتخاذ ذلك الإختيار


* فوائد
-- حاول استخدام الارقام والحقائق للتوضيح والتفضيل بين الخيارات

-- اجعل عنصر المخاطرة مهما حين تقييم البدائل

-- ضع في اعتبارك كل المخرجات الممكنة عند اتخاذ القرار

-- ضع اسوء الاحتمالات قبل اتخاذ القرار

-- دائما اجعل الأمر شورى واستمع للمهتمين لقرارك

-- ان وجدت ان قرارك خاطئ وهناك ماهو افضل فلا تتردد في تغييره

فعلا انها نقاط مهمة وانا استفدت منها وتعتبر من الاساسيات المهمة اللي لازم نحرص عليها قبل اتخاذ اي قرار


وياليت الكل يقراها ولاكثر من مرة


بالنسبة للنقاط اللي ودي اضيفها لكم :


الجرأة :

الجرأة موجوده عند البشر لكن بنسب متفاوته وتكون مطلوبة منا عند اتخاذ اي قرار



الرضا والقناعة والقبول :

طبعا بالنسبة لهذي النقطة نفس الكلام اللي قلته بالنسبة للجرأة


الكلام الموجود بهذي الصورة رح يفيدكم بعد

الانسان يا خواتي العزيزات مهما كان ضعيف باي نقطة من النقاط اللي ذكرتها لازم يقوم بتمرين نفسه ويتعلم من أي خطأ يقع فيه اذا شعر انه اتخذ قرار خاطيء ويعرف وين الخلل ويصحح هذا الخلل

ويبعد عن التردد في اتخاذ اي قرار في حياته لانه الندم مارح يفيدنا بشي غير ضياع الوقت والضيقة

ولانه ( المهم اني أنا اشوف الشي الصح واسويه حتى اكون راضيه ربي ونفسي اولاً)

هذي الجملة سجلوها على ورقة وخلوها جدامكم في المكان اللي تقعدون فيه دايما




يا حبيباتي


انزعوا الخوف والتردد من داخلكم لانه رح يكون له تاثير سلبي في حياتكم


والانسان اللي يتوكل على الله عز وجل مستحيل يخاف او يتردد من اي شي



والحين رح اطرح عليكم بعض الاسئلة ومن خلال اجابتكم
ممكن تعرفون شنو اهي نقاط الضعف عندكم او الخلل بالنسبة لكم لاتخاذ قرار معين
وممكن تلاقون في اجابة البعض شي يفيدكم

اتمنى الاجابة بكل صراحة :


1- ماهو الأمر الذي يجعلك تترددين عند اتخاذ أي قرار ؟



2- هل تملكين الجرأة الكافية لاتخاذ أي قرار؟ وكم تقيمين نفسك بالنسبة للجرأة % ......؟



3- ماهي المواضيع المهمة التي قد تتطلب طلب المساعدة من طرف ثانٍ عند اتخاذ القرار بشأنها ؟



4- هل اتخذتي في حياتك قرار صائب،،، وماهو شعورك حينها ؟

وهل اتخذتي في حياتك قرار خاطيء،،وماهو شعورك حينها ؟
وماهو السبب برأيك الذي ادى بك لاتخاذ هذا القرار الخاطيء؟





يلا شدوا حيلكم حبيباتي


واقروا الموضوع قبل الاجابة على الاسئلة


اللي يهمني قراءة الموضوع والتركيز على مابين السطور



وللعلم يا خواتي


كل كلمة كتبتها في هذا الموضوع من مجهودي الشخصي ومن حكم تجربتي في الحياة

عدا النقاط اللي ذكرتها فوق الموجوده بالاقتباس



وفقكم الله لما يحبه ويرضاه



أختكم

نهى الأحمد

​