::|[حملـة لنبـدأ بتغيير حياتنا للأفضـل »الجزء الثالث]|::بسـم الله،،وعليــه توكلنــا

[حلفت عℳري*ｼ]

شنو اهي طموحاتكم وتطلعتكم للمستقبل؟*
وايد مثلا اني اكون طبيبة اطفال *

عندج امنية ودج تتحقق ،،واذا صعب تتحقق شنو السبب؟
عندي وايد امنيات بس مو صعب تحقيقها اب اذن الله

عندج موهبة معينة ؟
هذي يمكنة مو موهبة بس انا ممتازة بالسباحة*
و هذي موهبة غريبة هههه لاني اقدر اقلب مود اي احد زعلا و متضايق و اقدر اراضي بسرعة اي احد يزعل مني و الله لا يب الزعل انشاء الله *

 

[RO0O7Y KUWAITYA]

مرحبا بنااااااااااااااااااااااات
تسجيل دخول

 

[RO0O7Y KUWAITYA]

النشاط المطلوب منكم انجازه وتسليمه يوم السبت :

1- بكل صراحة،،، اذكري لنا الايجابيات في شخصيتك ؟
_ الطيبه
_حسن الظن
_سريعه الرضا >>بالعربي قصي علي بكلمتين ارضى مع ان وحده من البنات تقول مثلا ليش رضيتي نسيتي شسوت انا مااقدر مجرد انها سلمتي علي خلاص بس طبعا اكيد تكون لي تحفظات بس اريح تخليني مااشيل بقلبي واتعب الحمدالله
_محبه للغير ومعطائه
كافي مدح لوووووووووووووول لابس جد كتبت لج اللي ببالي واتذكر نفسي بمواقف الحياه

2- كتابة فقرة صغيرة من 5 اسطر عن : كيف يكون الرضا عن النفس؟
الرضا عن النفس الانسانيه من وجه نظر ي يكون بعاملين اساسين هما الصدق والثقه , وذلك بان يكوون الانسان صادق بينه وبين نفسه على انه راض تمام الرضا على نفسه وشخصه وذلك ايضا يكوون بالثقه بما اعطاه المنان من نعم ومميزات خصته عن غيره من البشر , رضا الانسان عن نفسه يكون فيه شكر للخالق رب السموات والارض على مااعطى الانسان ,الاعمال الخيره والصالحه التي تقدم لصاحبها الخير دائما تكوون سببا في رضا الانسان عن نفسه المعطائه دائما , يجب على كل مسلم ومسلمه اي يكونوا مع في اعماق قلووبهم رضا تام عن انفسهم .

 

[((نبض الغلا))]

السلام عليكم ورحمة الله وبركاته ،.

مرحبا نهووي ،، واهلين بنات الحملة عسى يحقق كل اللي خاطركم فيه

<<> سوري عالتاخير انشغلت شوي ، والحين الحمد لله قريت الموضوع كامل ، ورااجعة لكم بقوة باذن ربي

للاسف نتيجتي باول استبيان مو حلوة ،، خذيت اقل التقادير ،
*

 

[((نبض الغلا))]

على فكررة ببداية الحملة ما ذكرت مشااكلي*
والحين حبيت احطها بعضها :
*
*كسوولة حيل**
ارى نفسي اقل من الاخرين*
اقل الامور تفاهة تضايقني*
مترددة باتخاذ قراراتي
*فاشلة بكل شي >< لازم كل شي احووسه
*
*وعسااكم عالقوة ضيووف الحملة*

 

[اميره1980]

اليوم ماكو مشاركات وايد اجازة يعني

 

[حلمي الأمومة]

اذكري لنا الإيجابيات في شخصيتك ..؟
طبعا صعب أتكلم عن نفسي بس حاولت اتذكر صفات إيجابيا من مواقف امر فيها بحياتي اليوميه وبعضها سمعتها من ناس قالوها لي

١/ ميولي دينيه واحب الالتزام رغم التقصير -- ٢/الطيبة ما احب أأذي احد او اجرح مشاعره والتواضع
٣/ التسامح حتى لو احد اخطأ علي واتغافل عن الأخطاء -- ٤/ التضحية
٥/ التماس العذر حتى لو اخطأ بحقي ٦/ كريمه بسسسس مدحت نفسي بما فيه الكفايه هههههههههه

____________________

كيف يكون الرضا عن النفس ؟

يكون الرضا عن النفس بتحقيق بعض الطموحات والأمنيات ،أيضاً الاهتمام بالمظهر الخارجي والداخلي ، فالخارجي يكون بالملبس النظيف والمرتب الجميل ، والداخلي بالثقافه العامه ( قراءة كتب )، ومعرفه ما يدور من احداث يوميه سياسيه او اجتماعيه ... وغيرها ، أيضاً هناك نقطة مهمة للرضا عن الذات وهي حب الذات وتعزيز الأفكار الايجابيه في الذهن ، استطيع ان أرضا عن ذاتي باداءواجباتي في الحياة كالواجبات الدينية والدنيوية ، أيضاً لا افكر بالكمال فالكمال لله وحدة وكل منا له قدرات معينه وعدم التركيز في كل صغيرة وكبيرة في أقوالي وأفعالي لأتخلص من شبح لوم الذات ، أيضاً ممارسه المواهب يساعد على الرضا عن الذات مثل الرسم ، الطبخ ، السباحة ، اتذكر إنجازاتي مهما كانت بسيطة ( التخرج مثلا ) وافتخر بها .. كل هذه الامور من وجهه نظري سبب رئيسي لرضا عن النفس

*

 

[تحت ظلك]

بكل صراحة أذكري لنا الإيجابيات في شخصيتك؟
1-صراحة فيني صفة اشوف انها ايجابيه الي هي الرحمة أرحم أي احد اضعف مني حتى لو ظالم ماأقبل أذيته مهما بلغ آذاه لي أرحم الأطفال حتى لو غلط الطفل ماحب أطقه ولا شي ومواقف تبكيني من قلب تحسسني فعلا إني صح لإن بالنهاية الراحمون يرحمهم الله.
2-أشوف نفسي إني محترمة جدا في زمن قل فيه إحترام الناس للناس يعني مهما شفت ولاقيت ناس تفقد الإحترام احترمها لإن هذا الي تربيت عليه وهذا الصح وأعامل الناس باأخلاقي مو باأخلاقهم.
3-رجاحة رأيي وعقلانيتي بكثير من الأمور وصح الي حولي يعترفون بذلك بس نادرا ياخذون برأيي لإن الأراء العقلانيه ماعد تمشي بهالزمن.
باإختصار أشوف نفسي إني من الإشخاص المميزين بالدنيا بس فيه أشياء واجد خلتني أنكر نفسي وأستسلم لتعب الواقع وهالكلام ماعمري قلته لإحد إلا لكم بهالموضوع ولرفيجتي القريبة جدا لروحي وبس هذي أبرز الإيجابيات عندي.

كيف يكون الرضا عن النفس؟

باإعتقادي إنه الإنسان إذا قدر نفسه وأحترمها وأعطاها حقوقها مثل ماعليه من واجبات فهنا بيكون راضي عن نفسه
يحس بالراحه بقلبه لإنه راضي بشكله صفاته اخلاقه هذا الي انا اشوفه والله أعلم.

 

[لذه السكر]

صباح الخير

تسجيل دخول

 

[شادن33]

السلام عليكم
شلووونكم بنات

ها وين الواجب اقصد واجب يوم السبت

 

[شادن33]

النشاط المطلوب منكم انجازه وتسليمه يوم السبت :


1- بكل صراحة،،، اذكري لنا الايجابيات في شخصيتك ؟


الإيجابيات وايد متساهله مع الناس أنسى بسرعه ويقولون هذه نعمه من الله عندي لامبالاة بكلام الناس ههههه الله يعين

2- كتابة فقرة صغيرة من 5 اسطر عن : كيف يكون الرضا عن النفس؟

الرضا عندي أنا لما اسوي شي زين او أتقن اي عمل سواء فى البيت او خارجه
الرضا عندي لما اصلي صلاتي بوقتها احس برضا
الرضا عندي لما اقوم بتدريس عيالي احس سويت إنجازا لما يتفوقون
الرضا عندي لنا اتصل يوميا على امي وخواتي اطمن عليهم احس برضا
الرضا عندي لما اسوي شي لاخرتي

 

[شادن33]

في بعد واجب ولاااااا

 

[شادن33]

شنو اهي طموحاتكم وتطلعتكم للمستقبل؟
طموحاتي أنا خخخ احس بس ماعندي طموووح
طموووحي بعيالي ابي اشوفهم كبار معتمدين على نفسهم ابي اشوفهم بمراكز عاليه وحلوه
الله لايضيع تعبي ياااارب

عندج امنية ودج تتحقق ،،واذا صعب تتحقق شنو السبب؟
امنيه الحمدلله عندي كل شي ضروري مؤ لازم الكماليات اهم شي الصحه والعافيه
الله يدوم هالنعم علينا ولا يغير علينا يارب


عندج موهبة معينة ؟
كنت احب اسوي الشغلات اليدو يه البسيطة بس الحين التهيت بالبيت والعيال

 

[شادن33]

نهووووي خلصت ألواجب خخخخ
مع اني وايد مشغووووله بس عشانج والله

دمتم بخير

 

[Sweet Angle]

مساء الورد على البنات و وردتنا الحلوة نهى الله يعطيج العافيه يالغالية


النشاط المطلوب منكم انجازه وتسليمه يوم السبت :


1- بكل صراحة،،، اذكري لنا الايجابيات في شخصيتك ؟

بكل صراحه مممم اني احب الخير لكل الناس وماشيل بقلبي على احد يعني مو زعوله ولو زعلوني على طول انسى
واني متفائلة واشوف الجزء الحلو بكل شي



2- كتابة فقرة صغيرة من 5 اسطر عن : كيف يكون الرضا عن النفس؟

الرضا عن النفس يكون لمن الواحد يكون واثق بنفسه و يحب نفسه وبنفس الوقت يحب الحياة والناس
ويكون راضي عن نفسه لما يكلمها بايجابية ويمسح السلبيات عن نفسه من باله ويطمح للاحسن
ويوثق بقراراته و مدام انه يسوي الصح ف ماله شغل بالناس جذي اهو راضي عن نفسه

 

[ميما الاموره]

السلام عليكم
الايجابيات في شخصيتيي
اني هاديه كتير
بوخد حسن النيه بكلام الناس يعني مابفسر الكلام على مزاجي
طيبه
بحب اساعد الجميع بدون مقابل
بحب الناس
علاقتي مع الناس الي بعرفهم كلهم ممتازه مافي مشاكل مع الجميع
2 كيف يكون الرضا عن النفس
بالنسبه الي
بكون راضيه عن نفسي لما احب نفسي وادلعها
اكون صداقات حلوه
لما ارضي ربي اكتر واكتر
لما اصيرر متحدثه بجرئه
لما اوصل لاعلى درجات ست البيت الماهره
3 طموحاتي
ان مشروعي الاصغير ينجح ويتطور
اربي اولادي احسن تربيه ويوصلوا لاعلى المراتب
اصل درجه الكمال بالنسببه لاهتمامي ببيتي
​

وحاليا بتمنى اني اتعلم الكروشيه وابدع فيه
4 امنياتي
اتمنى اني استقل بحياتي واشتري بيتي الخاص بأذن الله
5 هواياتي
الاشغال اليدويه
القراءه واعادة ترتيب البيت وتغير ترتيبه

 

[manoooram]

مساء الورد
ما شالله عليكم بنات مبدعين وحلو النشاط اللي فيكم
الله يديمه يا رب

 

[لذه السكر]

1- بكل صراحة،،، اذكري لنا الايجابيات في شخصيتك ؟[/color][/size][/u]
[/size

هادية ما احب المشاكل ولا القيل والقال بنفس الوقت اجتماعيه (او كنت) احب اتعرف على ثقافات وناس يدد
الحمدلله ما افرق بين كويتي او احنبي او غني او فقير ولا استحقر احد واعامل الكل سواسيه
متفائله وطموحة ما احب النكد حته مع الظروف اللي امر فيا ما اشرك احد معاي



2- كتابة فقرة صغيرة من 5 اسطر عن : كيف يكون الرضا عن النفس؟


اممممم اول سبب من اسباب الرضا عن النفس القناعة بكل شي عندك نشوف اللي اقل منا صحه ومال وحظ ونقول الحمدلله عالنعم ونشوف اللي اكثر منا ونحاول ونسعى نكون مثلهم واو ما صار الحمدلله وعقبها ندور شي يسعدنا ويحسسنا ان لنا دورنا بالمجتمع ومنجزين نحاول نسعد اللي حولنا

 

[حلمي الأمومة]

مرحباً .. وينها نهى اليوم ؟ عسى خير يارب

بنات روووعه طرحكم
الله يوفقنا جميعا

 

[((نبض الغلا))]

1- بكل صراحة،،، اذكري لنا الايجابيات في شخصيتك ؟

<<<>>> امم ما احب امدح روحي ، بس في اشياء حلوة فيني : ساعات تصير عندي سرعة بديهة وارد ردوود حللوة على اللي يتكلم معاي ، احب اكيف نفسي بالمكان اللي انحطيت فيه ،*
*ما ادري بعد اذا فيني شغلات حلوة ما ادري عنها


2- كتابة فقرة صغيرة من 5 اسطر عن : كيف يكون الرضا عن النفس؟
*
اهم رضا بالدنيا بعد رضا الله والوالدين رضا الشخص عن نفسه ، بان يكون راضي عن شكله مهما كان قبحه او جماله ، ويكون راضي عن انتمائه لوطن ما او عائلة ما فنحن من نصنع لانفسنا تاريخا وليست اسماءنا هي من تصنعنا ، الانسان الراضي عن نفسه تكون ثقته بها عالية، كما ان الرضا عن النفس يولد الطمأنينة والراحة .*