حملتي وولدتي وزوجج ما .......

[غنوة ستايل]

حنا ما عندنا السوالف هذه لا عند اهلي ولا اهله
بس قطيت نغزه . عن الهديه و انك من زمان مو معطيني هديه . وطلبتها بالاسم ابي خاتم ذهب
والحمد الله ناطره . واهوا وعدني انه يجيب لي هديه هديه .
قلت خلينا ورا .. لباب الدار

 

[حنوووونهـ]

رد: رد : حملتي وولدتي وزوجج ما .......

عادي حبيبتي مو ضروري هديه

اهم شي انه فرحان ومستانس يكفي جبتله انا احلى هديه

اي والله صاجه :eh_s(21):

 

[sunshine22]

رد : حملتي وولدتي وزوجج ما .......

ع الاقل سافري بعد النفاس

========

وع طاري المصاريف 90% من بنات الكويت موظفات وشايلات نفسهن بالتجهيزااااااااات

اللهم قليل من البنات قاعدات بالبيوت وشخباااااري اللي قاعدات يمكن اعمارهم الحين 40 او 48

 

[نورهـ]

الغلا في القلب مو شرط هديه وولدتج في المستفى وتحمله تكاليف المستفى هديه بكبرها

خليه من كيفه يجيب لاتقولين له واذا ماحصل ولدج يعتبر هديه من رب العالمين ومنه لاتكبرين الموضوع عاادي فيه بعضهم مايعرفون

وحمدلله ع السلامه ومبروك النونو

 

[Daleela]

مشكورين عالتفاعل الحلو
واللي قالت الحمدلله عالسلامه الله يسلمها
واللي تبي تحمل الله يرزقج الذرية الصالحة

 

[زووزو الكويتية]

رد : حملتي وولدتي وزوجج ما .......

عادي ذكريه امكن موعارف هالشغله او ناسي بس انتي حاولي تقوليله بس بطريقه غير مباشر لان انا صارت معاي نفس الشغله

 

[غلا ماجد]

انتي قوليله

 

[آهات الليل]

مومهم الهديه كافي وقفته يمي وانا اطلق وكافي فرحته بالياهل وبوسه منه على الراس

 

[Daleela]

حياكم الله بنات

 

[just-me]

لاتخربين عليه وناسته اهم شي مايكون مقصر معاكم بشي

ولاحقة على الهدايا

 

[brettey]

رد : حملتي وولدتي وزوجج ما .......

شوفي قبل كنت استحي يوم ولدت اول مره ما ياب لي شي ولاعزمني على مكان
بتاثاني قطيت نغزه ووداني عشاني بمطعم
انا الاول والثاني يبتهم ورا بعض
والحين انا حامل عقب 7 سنين من اخر حماله لا يبا ابطها بويهه اشكره انا من الحين قايله احسب حسابم عقب الاربعين ابي تحجز لي ليله بفندق حالي حال باجي الحريم الي رياييلهم مدللينهم
وان ولدت ماسواها بقول له ها شصار على الفندق وان حجز بقول له وليش ماتسوي من نفسك ولا انا ما استاهل وبعايره خله يتحبط
وعاد ان ماسواها ليلته سوده
الحين مايهمني قمت امشي على مبدا كلمه تستحي منها بدها والله جذيه اريح
انا هذا مبدئي مع زوجي ماخلي شي بخاطري اقول له على طول زعل ولا بالطقاق ولا اني اكبت واتضايق

 

[ام خلوودي حبيبي]

مولاااازم ياقلبي الي بييب جزاه الله خير والي مايبي اييب عادي ماتفرق كافي وقفته معاج بالحمل وبالولادة وحوسة المستشفيات وتجهييز وعفسة والمراجعات قبل الولادة وغييره امور ماتنذكر

 

[اليوم السابع]

اختي دليلا ترى ما فيه شي اسمه هديه الولاده من الزوج هذا الشي دخيل على عاداتنا اذا سواها الزوج فهذا من لطفه وذوقه واذا ما سواها ترى هذا ما ينتقص من قدرك لان هالشي مو عرف عندنا يالكويتيين .الشي اللي حنا عارفينه ولازم يصير حسب الاصول واذا ما صار لك حق تزعلين وتضايقين هو صباحة المره في صباحية العرس واذا ما صارت هذي فضيحه للمره واحتقار لذاتها كذلك هناك شي اسمه طلوعه او طلاعه لازم يعطيها لزوجته او عمته ام زوجته وهي عباره عن مصاريف زوجته مع عياله اثناء فترة النفاس عند اهلها لانهم راح يتكفلون فيها وفي اعيالها بهالفتره وهذي يسمونها الكويتيين طلاعه مو هديه يعني الزوج الواعي والفاهم يسويها من باب المفهوميه بالاصول مو هديه ما هديه لا .واذا كان الزوج ملحلح وفيه خير وعنده شوية رومانسيه يودي زوجته عقب الاربعين فندق يقعد ليله او ليلتين جزاه الله خير او يسافرون اي دوله بخاطرهم ثلاث اربع ايام هذا بعد شي حلو اما سالفة عطني هديه بعد كل ولاده لا مو شي متعارف عليه يعني مو عرف :blueSmCLR:

 

[غزلان]

ياحبكم ياكويتيات للهداياا ومجاكر الحريم

 

[أم يزيد &سديم&]

أنا بصراحة ما طلبت منه هدية ولا حتى تلميح
بس هو اللي أهداني
ببكري أهداني جوال كنت من زمان أتمناه
وبالثاني أهداني خاتم ذهب والبيبي حلق
زوجي بالحييييييل يحب البنات
وحتى لو ما عطاني
ما راح ألمح له

 

[سفيرة العشق]

رد : حملتي وولدتي وزوجج ما .......

انا الحمد لله دايما بعد الولادة زوجي اييبلي هديه مع بوكيه ورد
الله يخليه لي دوووووووم يارب

 

[يتيمة العقـد]

انا بالنسبة لي :-

بنفاسي الاول ما كان يدري انه في هدية نفاس بس الطفل مات ،وبعد طلعتي سافرنا عمرة وجدة علبو اغير ضيقة
الخلق قزرناها Jungle land Jedda صج نسيت الهم .

بنفاسي الثاني عرف شسالفة .... جهز 60 دينار ونقال .

بنفاسي الثالث .... سفرة كويت دبي كويت .

الله يطول بعمرة ويخليه لنا

 

[يتيمة العقـد]

ايه حرام تذكرت بنفاسي لاول لما مات الطفل ، جابلي بروش من السوق الحرة بالمطار يقول اسمه " نوط الحب " بلورات كرستال على شكل عنب وورقة العنب مطلي بالذهب ، عاد اذا طنقرت حذفته عالارض وقلت ما بيه ولما ارضى ارجع اخشه حريييييييييييم ( يكفرن العشير )

 

[غير كل الناس]

اذا ماطلعت من الخاطر مالها حلا

 

[Daleela]

شكرا بنات

ويتيمة العقد

لووول اهم شي انج تقطينه

brettey

صاجه كل الحريم يدللون واحنا نبي ندلل