حملة نبيها "حنة" خلونا نرجع للشي الطبيعي يابنااات

[فـرفـر]

موزه اناا قمة راسي دهنيه وبااقي شعري ناشف

امى تقولي يمكن من الحنه لانها تنشف الشعر


بس ودى استعمل التونيك للي قبل مدحتيه

محتاره اخذ المقوي او المسرع

انتى للحين تستعملينه؟

 

[موزة ام فارس]

اختي ام فروحة لي باجر استعمله

تخيلي عند ثلاثة منهم وصاروا من ضمن برنامجي للعناية
الكامينوموتو المقوي والمسرع والسورسير
اخلص من واحد اروح للثاني وهكذا

 

[فـرفـر]

موزه زين والله

بس اليوم شريت انبولاات امدحتهم لي الصيدلاانيه بجربهم وبشووف واذا شفت نتيجه بقولج عنهم

 

[عيون^عليا]

بنات انا مسويه جدول ان شاء الله بستمر عليه



السبت >>>>>>>> بالليل احط سدر خلطه اللي قالوها البنات اللي ضمنها ثوم وبصل والصبح اغسلها لان اللي جربت قالت اخليه يتشربها شعري





الثلاثاء >>>>>>> احط حنا ** من ساعتين - اربع ساعات واغسله






الاربعا نفس الطريقه سدر بالليل والخميس الصبح اغسله



وان شاء الله تكون نتيجته حلوه صار لي اسبوع ادعوووو لي استمرررررررررررررر

وبالنسه للزيت لا تروحون ولا تردون بس زيت زيتون وخروع شويه


وبس سلامتكم

 

[فـرفـر]

عيون علياا انا اسوي السدر مع ماي البصل والثوم بس 3 ساعات واغسله بس تصدقين ودي اخليه يوم كامل يعني احطه اول مارجع من الدوام لين الساعه 9 واغسله تقريبااا 6 او 7 ساعات اظن كافي

 

[بنت الاحلام]

كثري ما خليتني السدر والثوم له فوائد انا احطه من الصبح واغسله العصاري

 

[بنت الاحلام]

مشكوره زبده بحط الي قلتي عنه وبشوف النتائج

بنات تري السدر مو زين كل يوم
خلو مره بالاسبيوع نفسي لانه ينشف الشعر حيل
بس مره وخلونا ع جدول كل شي مره بالاسبوع الحنه مره بالاسبوع والسدر له يوم

وباقي الايات زيتوت عشان ما ينشف الشعررر

 

[زبــــــــدة]

العفو حبيبتي ^^.

بناااات انا يوم الاربعا خامس يوم الدورة

عادي احط حنه؟؟؟؟
مالي خلق انطر لان الاسبوع الياي مو فاضيه <<ريبورتات

 

[موزة ام فارس]

العفو حبيبتي ^^.

بناااات انا يوم الاربعا خامس يوم الدورة

عادي احط حنه؟؟؟؟
مالي خلق انطر لان الاسبوع الياي مو فاضيه <<ريبورتات

عادي حبيبتي حطي وتوكلي على الله
اهو خامس يوم مو اول يوم علشان تخافين مثلا او تقولين موزين

لا توسوسين زيييين وتوكلي على الله وبس

 

[فـرفـر]

شلووووووووونكم بنااات



ماشاء الله علييكم
تصدقون نحشناا االبرد لناا فتره نقول جانا البرد الحين جانا الحر لوووووووووول


انا ودى احط الحنه نهايه هالاسبوع

 

[قطريه كيوت]

بنااات

بسالكم الحين ماي البصل والثوم ماله ريحه؟؟

ناويه اخلطه مع الحنا واخاف ريحته مب حلووووه

شرايكم؟؟

انزين الحين انا كل اسبوع مره احنيه معاكم يعني

هل مع الأستمرار الشعره نفسها بتغلظ؟؟​

 

[فـرفـر]

بالعكس ماي البصل والثوم ماله ريحه انا اجربه عي الحنه والسدر

جربيه حلووو بس استمري عليه

 

[فـرفـر]

اليوم بعجن حنتي وباجر الصبح بحط حنه

 

[قطريه كيوت]

ام فروحه ياعيوني عندي كم سؤال

الحين الحنا لي عجنتها اخليها في الثلاجه ولا بره؟؟

انا دوم اعجنها وعلى طول الثلاجه لاني استخدمها ثاني او ثالث يوم​

 

[موزة ام فارس]

حاطة سدر وقاعدة على النت

 

[فـرفـر]

قطريه كيوت من عررفت العلم وانا اعجن الحنه واخليهاا برا ومرات احطهاا الصبح عشاان الشمس احسن

يعني ماله داعي بالثلاجه




موزه ام فاارس اهلييييييين يااقلبوو


شلون السدر ويااج مع خلطه البصل والثوم

 

[موزة ام فارس]

موزه ام فاارس اهلييييييين يااقلبوو


شلون السدر ويااج مع خلطه البصل والثوم

هلا فيج حبيبتي

والله شغل عدل مدل

 

[فـرفـر]

اشواا اجل جازت لج هالطريقه

انا اليوم حاطه حنه




فاقده مولتن

 

[@جورية@]

ما عليكم أمر ابي رقم الخلطة القصيمية اللي تعرفه تدزة لى على الخاص.

 

[زبــــــــدة]

باجر بروح الخايط وبرد احط حنه ^^.