حملة نبيها "حنة" خلونا نرجع للشي الطبيعي يابنااات

[فراشة الرغد]

هاي بنات ..
باقي لي ساعة الا عشر
واغسل الحنة من شعري ..
شنواحب ريحة الحنة روووووعة
هههه .. مدري صج حلوة ولا
من التعود .. وه فديتها بس

 

[BuNNy]

انا عن نفسي اخلط مع الحنه روب وقلاس كامل قهوه (بن) مو كاباتشينو ومرات احط 2 صفار بيض(يرطب فروة الراس وما يتركها جافه)
واعجنها بليل وثاني يوم احطها على راسي بس قبل لا احطها اخلط معاها نص سكانه خل تفاح
لان ينظف فروة الراس من الزيوت والقشره والوصخ وبنفس الوقت يخلي الشعر يلمع حيييييييييييييل
تقولين الماس واخليها على شعري وانام وثالث يوم الصبح اغسل راسي
وشوفي النتيجه = لون عجييييييب (بني روووعه) + لمعان + فروة راس نظيفه + ريحه حلوه
احسن من ريحه الفير والسشوار تقولين شي محترق براسج

وانا اول كنت اصبغ شعري لان في براسي خصله ضعيفه شيب (ترى انا صغيره عمري 17 مو كبيره) يعني من اول ما انولدت
واهيا ورا ما تبين وكان شعري يتساقط ومتقصف ويلوووع الجبد مافيه لمعه ولما اتسبح شوفي البانيو متروس شعر
بس اختي الله يجازيها الف خير ساعدتني اهتم وقالتلي ابدي استخدمي الحنه والزيوت وحمام الزيت وصرت كل اسبوع
احط زيت مرتين واحط حنه كل اسبوعين مره (لان شعري جاف والحنه اتجفف الشعر) وانا اساسا لون شعري نحاسي مايل للبني
يعني ماابي يتغير لون شعري واايد ووالله من يومها وشعري ردت كثافتها الاوليه (والله عجفتي كانت متيييينه مشالله)وصار يلمع
وشكله كله حيويه
بس مارد مثل ماكان الا لما قصيت الجزء اللي كان مصبوغ من شعري يعني انا قطعت عن الصبغ فتره وطول شعري
بعدين قصيت من تحت يعني كل الجزء المصبوغ قصيته وافتكيت منه ومن يومها بديت اعتني والحمدلله شعري الحين
الكل يسألني وين صابغه شعرج وشنو تستخدمين الحمدلله

 

[شاليمار]

بنات هذا رابع تساؤل منى عن الحنااا
بكل موضوع اسال ومحد يجاوبنى

متى اقدر اصبغ عقب الحناااا
جم شهر ؟؟؟

ومنو مجربه بنفسها والصبغه طلعت مثل ما تبى

وشكراا

 

[موزة ام فارس]

اليوم حطيت سدر

 

[حبوبة الجميع]

وأإأإوي يازين حملتكــــم ماشاءالله عليكم

واايد تحمسووون ..,~>انا رااح ابتدي استخدم هالخلطه
للحصول على شعر بني بلون الشوكولاته :.

المكونات
10ملاعق كبيرة حناء.
عصير ليمونة.
3ملاعق من خل التفاح او الخل العادي
5ملاعق من بودرة الكاكاو.
مقدار مناسب من الماء الساخن.
فنجان زيت (اي نوع من انواع الزيوت السابق ذكرها)
التحضير والاستعمال
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة

لاني حابه يكون لون شعري بني شكليطه هع
بس خاايفه مايستفااد شعري ولا يكثر بس مجرد لوون

فمنوو اللي جرب الصبغات بالحنه ونفعت ؟؟

 

[فراشة الرغد]

هااااي... اشلونكم ؟؟
حبوبة الجميع .. لا يا قلبي عادي
تستفيدين فديتج .. انا جربت بس شعري
مااخذ ولا لون .. معاند

 

[Nonita-q8]

ماشالله عليج بالعافيه والله يهنيج حبيبتي

صبغت شعرج اي لون ؟علشان بسوي نفس خلطج

انا في خاطري شوية بني

هلا حبيبتي يصبغ كاكاوي مو لون الحنه العادي

 

[Nonita-q8]

بنات هذا رابع تساؤل منى عن الحنااا
بكل موضوع اسال ومحد يجاوبنى

متى اقدر اصبغ عقب الحناااا
جم شهر ؟؟؟

ومنو مجربه بنفسها والصبغه طلعت مثل ما تبى

وشكراا

حبيبتي على الاقل بعد 6 اشهر
علشان لا ينقلب لون الصبغه

 

[Nonita-q8]

وأإأإوي يازين حملتكــــم ماشاءالله عليكم

واايد تحمسووون ..,~>انا رااح ابتدي استخدم هالخلطه
للحصول على شعر بني بلون الشوكولاته :.

المكونات
10ملاعق كبيرة حناء.
عصير ليمونة.
3ملاعق من خل التفاح او الخل العادي
5ملاعق من بودرة الكاكاو.
مقدار مناسب من الماء الساخن.
فنجان زيت (اي نوع من انواع الزيوت السابق ذكرها)
التحضير والاستعمال
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة

لاني حابه يكون لون شعري بني شكليطه هع
بس خاايفه مايستفااد شعري ولا يكثر بس مجرد لوون

فمنوو اللي جرب الصبغات بالحنه ونفعت ؟؟

انا جربتها بالصالون وكان يصبغ شحلاته
وسويتها بالبيت وهمن صبغ بس بالبيت ماحطيت خل

 

[فراشة الرغد]

جكليتة انتي شنو لون شعرج الاصلي ؟؟
وهل اهي اصبغت لج من اول مرة و
كم ساعة حطيتينها بشعرج .. و استخدمتي
اي حنة فديتج خاطري خاطري باللون البني
شي وواااايد يناسبني بس موب راضي يصبغ شعري

 

[عنقاء الشام]

كيفك ام فروحه

بدي اقول لك رائيي انوا الحنه العاديه مابتنفع كتير وانا انصحك بحنة زهرة الجبل وهي نادره كتير وماتوجد الا بصعوبه

في غابات الفرلق بالقرب من تركيا وهي كانت تستخدمها نساء تلك المنطقة وتشوفي ماشاء الله شعرهن كتير قوي وطويل

جربيه خلال اسبوعين بتشوفي النتيجه رائعه

اختك عنقاء الشام

 

[قطوه وجذابه]

هـاي ان شاءالله باجر احط حنـه ..

 

[هـيبــة أنـثــى]

خوووش حمله شجعتني اشترك بالمنتدى بكبره

هاذي اول مشاركه لي

بالنسبه للحنا انا احطه بالمناسبات الكبرى بس

يعني كل شهرين 3 شهور مره و احطه خاااااااالي

اي نعم البيض ما احبه يزفر الراس و السدر ما يناسبني

جربته كذا مره لكن احط دهن باستمرار و زيت الحل المعروف ما غيره

و شعري الحمدلله يجنن قولوا ماشالله ​

 

[القلب عينآوي]

بودر الكاكاو اللي يبيعون بالجمعية ( سوبر ماركت ) في ماركة نيستلا وماركة كادبوري

مشكوره ختيه ع التوضيح ^^

 

[فـرفـر]

كيفك ام فروحه

بدي اقول لك رائيي انوا الحنه العاديه مابتنفع كتير وانا انصحك بحنة زهرة الجبل وهي نادره كتير وماتوجد الا بصعوبه

في غابات الفرلق بالقرب من تركيا وهي كانت تستخدمها نساء تلك المنطقة وتشوفي ماشاء الله شعرهن كتير قوي وطويل

جربيه خلال اسبوعين بتشوفي النتيجه رائعه

اختك عنقاء الشام

اهليين انا منيحه انتى كيفك :ggdw:

هذا وين نلقااه خساره ماتوقع انه عندناا مثله :0bee2e8d89:

 

[فـرفـر]

بناات حيااكم جمييع نك نك

انا لي فتره ماحطيت حنه خاطري اعجنهاا واحطها اذا ماطلعت بعد الفطور

 

[Nonita-q8]

جكليتة انتي شنو لون شعرج الاصلي ؟؟
وهل اهي اصبغت لج من اول مرة و
كم ساعة حطيتينها بشعرج .. و استخدمتي
اي حنة فديتج خاطري خاطري باللون البني
شي وواااايد يناسبني بس موب راضي يصبغ شعري

انا كستنائي غامق تقريبا
اي حبيبتي انا صبغ من اول مره
مااذكر جم ساعه ولا ادري شنو الحنه لاني بالصالون حطيته
بس الحين قبل فتره شريت حنه من ارض المعارض حنه يمنيه حتى غاليه كيلوها على 7 دنانير
اهيا انظف ومافيها الخشب مادري شسمونه اللي بالحنه العاديه

 

[بنت الاحلام]

من بدايه رمضان ما حطيت حنه احس ما اقدر ادوخ

 

[نوني الحلوه]

بنات اليوم طبقت طريقة حور الجنان بالحنا

واهي

وصفتي الحنا الفتاكة
ملعقتين كبارحنا كويسة
ملعقتين كبار سدر
ملعقة خل تفاح
ملعقة كبيرة محلب
3ملاعق كبار كريم ماكسام الاصلي الصيني
كاس مغلي ماء البصل والثوم والقرنفل
ملعقة وسط خميرة فورية
ملعقتين كبار مايونيز
ملعقة كبيرة زبادي
ملعقتين عسل اصلي
قسم بالله روعه يابنات تطول بسرعه خيالية وتكثف وتغذي وتعطي لمعه رهيبة لاتفوتكم الحنا ضروري للشعر استخدمها مرا كل اسبوع مع وصفة الزيوت الي تحبوها ووصفتي ماتنشف الشعر لاني مسوية جدول خاص بي مرا حنا ومرتين وصفتي بزيت النارجيل ررروعه لاتفوتكم وصفاتي يابنات
الطريقة
تعجني المكونات مع بعض بنات تصير شبة سائلة موثقيلة حيل ضعي على شعر نظيف ومغسول جيدا بنات بعدين غسل الشعر بالشامبو ووضع حمام زيت التي تستخدمية ضعي لمدة 4 ساعات فقط


واللحين حاطتها براسي
وقررت اسويها كل يمعه وان شالله تيب نتيجه فتاكه

 

[فراشة الرغد]

انا كستنائي غامق تقريبا
اي حبيبتي انا صبغ من اول مره
مااذكر جم ساعه ولا ادري شنو الحنه لاني بالصالون حطيته
بس الحين قبل فتره شريت حنه من ارض المعارض حنه يمنيه حتى غاليه كيلوها على 7 دنانير
اهيا انظف ومافيها الخشب مادري شسمونه اللي بالحنه العاديه[/

جذي يعني .. ممممم انا شعري اسود
ومادري تصبغ لي ولا لااا .. بجرب
بكرة حنة يمنية مع بودرة كاكو وكركم
و ليمون وخل .. وان شاء الله ان شاء الله
تصبغ لي .. <<<<قولو ان شاء الله