حملة نبيها "حنة" خلونا نرجع للشي الطبيعي يابنااات

[so_sweet]

انا صارلي تقريبا 3 او4 اسابيع احط حنه بس الويك اند هذا وقفت لان عندنا عرس و خفت لا تفوح الريحه بس مشاء الله حسيت ان القشره خفت وايد و خصوصا اني بعد استخدمت شامبو عجيييب حق القشره من ثالث استخدام خف علي

وان شاء الله الويد اند الياي بطحن الحنه بماء مغلي بالبصل والثوم وبخلط جرجير وزين زيتون و زيت جنين القمح و الزيوت الموجوده عندي واصبع فوقه مع مجموعة اعشاب مثل حبة البركه و بحط كثيره و حلبه و بخليها تنقع يوم كامل اول مره اجرب هالخلطه وان شاء الله تظبط معاي

 

[كيوت_25]

بعد انقطاع عن الحنه دام 8 سنوات تقريبا

اليوم احترمت نفسي و قررت احطها

فحطيت قفشه حلبه و قفشه حبه البركه بماي مغلي تقريبا نص ساعه عقب

صبيته فوق الحنه و عصرت عليه ليمونه مع قفشه روب

و صارت الحنه خياااااااااااااال

ودج تاكلينها من حلاااااتــهـــا

عاد انا عندي حساسيه بفروه راسي و الحين احس الحنه قاعد تاكل راسي

بس ميخالف الحنه علاج حق كل الحبوب و الفطريات و الحساسيه الي تطلع بفروه الراس

و انا متأكده مع كذا مره راح تختفي هالحساسيه خير شر



واااااااااي شخباااااااااااري حـنـه


وناااااااااااااااســــه

 

[Brounzi_girlly]

اهلين بنات شعري بسرعة امس صبغ آنات مو هامني اللون كثر الفايدة تهقون راح يوقف التساقط ويبدي شعري يطلع
؟؟؟

 

[ma mo me]

شنو يعني أنات
لا أبشرج إن شاء لله بيوقف بإذن الله

 

[Brounzi_girlly]

حبيبتي تسلمين حرف الت يا عرض كنت اقصد أنات=انا

 

[& دلوعه زوجها &]

اكييد محد ينكر فوائد الحنا لشعر بس نصيه مرة بشهر

 

[حامله القنديل]

ابي احني شعري

من زماان ماا حنيته

متعوده احط مع الحنه روب بسس

تنصحوني شحط معااهم؟؟

 

[ma mo me]

عادي كلنا بالهوى سوى أنا 24 ساعة بدليات

 

[زبــــــــدة]

انا من زمان ماحطيت

الاسبوع الياي بحط

 

[Brounzi_girlly]

إن شاء الله راح احط هالأسبوع بعد حنة
بس ابي زيت يكثر الشعر شنووو ؟

 

[زبــــــــدة]

انا صايرة مالي خلق وماكو وقت كله نايمه ولا ادرس مليت

 

[فـرفـر]

اهلين زبده


وينج قاطعه


ماتنلامين الحين وقت امتحانات



خلصي امتحانات وارجعي مثل نشاطج قبل


بخاطري احط حنه اليوم

 

[Brounzi_girlly]

???

 

[● ● MisS P!nK ● ●]

تكفون شجعوني

انا قبل امس حطيت حنه
وشكلي بحط اليوم

وهالكورس بيكون 3 شهور
بنات شعري قاصته فراوله من عيد الفطر
ويلوع الجبد الحين على قولت امي جنه شعر صبي لا لون ولا لمعه
مدري ليش مالي نفس لشعري والله
ودراسه وجامعه احس مافي وقت
بس والله جد لا عنايه ولاشي ولاقام يطول ويطيح بشكل
تخيلو انا اللي قبل ما اغسل شعري من غير ما اكون مدهنته قمت عادي ببيزه والله اغسله وهو جاف
بس توبه خلاص

وهذا انا وياكم عنايه ب عنايه

والله جني جاهل اقول لامي شجعوني لازم يطول شعري :eh_s(16):

​

 

[فـرفـر]

إن شاء الله راح احط هالأسبوع بعد حنة
بس ابي زيت يكثر الشعر شنووو ؟

اانا عن نفسي



زيت خروع مع سمسم وكيشور دهني والزيت النخاع المطور اخلطههم مع بعض


في زيوت واجد شوفي للي يناسبج





وحياج الله

 

[فـرفـر]

تكفون شجعوني

انا قبل امس حطيت حنه
وشكلي بحط اليوم

وهالكورس بيكون 3 شهور
بنات شعري قاصته فراوله من عيد الفطر
ولوع الجبد على قولت امي جنه شعر صبي لا لون ولا لمعه
مدري ليش مالي نفس لشعري والله
ودراسه وجامعه احس مافي وقت
بس والله جد لا عنايه ولاشي ولاقام يطول ويطيح بشكل
تخيلو انا اللي قبل ما اغسل شعر يمن غير ما اكون مدهنته قمت عادي ببيزه والله اغسله وهو جاف
بس توبه خلاص

وهذا انا وياكم عنايه ب عنايه

والله جني جاهل اقول لامي شجعوني لازم يطول شعري
ونصيحه لاحد يقص
عليكم بالعنايه وبس

اهلين ياقمر

عاد هالقصه احبها

كل مره اقول مانى ناقصه مايمر 6 شهور والا انا حاشته


:×



احس الشعر الطويل حلاته يكون كثيف


وانا تعودت علي القص ولازم استحي علي وجهي واحاول اطوله


منورتناا ياحلوه

 

[● ● MisS P!nK ● ●]

هي حلوه وتجنن بس يختي اذا ماتعتنين بشعرج ماتلوق عليه ولا قصه والله لو تفاحه مو فراوله هههههههههههه


يلاا معاكم

شرايج شحط مع الحنه اليوم ؟؟

 

[فـرفـر]

اهلين ياقمر


شوفي حطي مثلي


حاطه حنه وسدر

ورشوش ماخذته من الحواج مدري شنو حاط فيه :×

وشويه خل

ومسمار احب ريحته

وعسل



وعجنته بماي الحلبه


شرايج



؟

 

[miss_math]

يعطييج العافية على الحملة الحلوة

اانا احب الحنا ريحتها بالشعر تينن

بس سؤال اشلون اتأكد انه الحنة اصلية

لاني لقيت حنة عند امي وحطيتها ورحت بو مية ولا القاه يبيعها بمية فلس ؟

استغربت امي قالت لي انا شاريتها من السعودية بريالين عاد خفت استخدمها مرة ثانية مع انه الشركة

اللي منتجتها لها موقع بالنت وهاذي صورة الحنة

وعندي استفسار ثاني بخصوص الكثيرة عادي احطها بروحها من غير سدر ؟ وشنو المدة اللي اخليها على الشعر

 

[زبــــــــدة]

اي الكثيرة عادي تحطينها بروحها بس مادري شكثر...

والحنه ابوي يعرف واحد اييبلنا حنه اصليه لووول صوغه يعني خخخخ

وامي كانت تشتري من وحده وتكودت الحنه عندنا لووول بخلصها على شعري