حملة نبيها "حنة" خلونا نرجع للشي الطبيعي يابنااات

[فـرفـر]

للرررررررفع

 

[مسك وانوار]

هلا ام فروحه شلونج


وشخبار الحنه والزيت معاج

 

[بنت الاجواد]

بنات صج مو زين الدهن قبل الحنه ؟؟

انا احط دهن و من باجر احط حنه

بس مره وحده بالصالون قالت مو زين و ما ينفع

صج ؟

 

[^برور^]

ايييييييييييي صح كلامج
الحنه لازم ماتضيفين عليها زيوووت
ولازم ماتهدنين شعرج

 

[ضامر السرجوف]

الله يعطيكم العافيه حبيباااتي وبنات بغيت اسئل اشلووون طييقه السدر هل احطه مع الحنه وهل له ريييحه؟ويصبغ الشععر وله ماله شغل
وشكرا

 

[فـرفـر]

شلوونكم بناات ان شاء الله بخير

هلا نواره يالغزال انا طيبه انتى اخباارج

انا علي العمه ماقدرت احط هالجمعه حنه بس حطيت سدر

هالاسبوع بحط حنه ان شااء الله




بناات السدر تقدرون تحطونه مع الحنه ويصير بروحه وماله ريحه ولايصبغ

 

[عبقرية]

طيب ياخبيرات الحنا أنا شعري من سنة مصبوغ بني وأريد أعمل حناء لأنها حلوة للشعر لكن ماأريد ينصبغ شعري أحمر ماأداني اللون الأحمر أحسه لون عجائز
ماذا أضيف على الحناء حتى لايظهر اللون
مشكورات ع الموضوع

 

[One_Q8]

ياحلات الحنا انا لي شهرين راده احط حنا بعد انقطاع دام اربع سنين بسبة الدراسه وانشغالي فيها





وابي شعري يرد مثل اول والحمد لله انه في تحسن والسر اكيد بالحنا


انا ما احط مع الحنا شئ ساعات احط روب وساعات احط ( محلب مطحون ,, او حبة البركه هم مطحونه

بس هذا اللي اضيفه مع الحنا

 

[One_Q8]

الله يعطيكم العافيه حبيباااتي وبنات بغيت اسئل اشلووون طييقه السدر هل احطه مع الحنه وهل له ريييحه؟ويصبغ الشععر وله ماله شغل
وشكرا

حبيبتي السدر حلو حق الشعر له كذا طريقه

ممكن تعجنينه مثل الحنا ( يعني تثقلينه ) وتحطين معاه روب وتخلينه علي شعرج ,

او تحطين قفشه ونص سدر مع لتر ونص ماي وتخلينها شوي وتغسلين فيها شعرج من غير ماتستخدمين الشامبو

لانه ينظف الشعر , ماله ريحه قويه بالعكس يهبل , واهو مايصبغ الشعر يعني حق اللي صابغين شعورهم
ومايقدرون يستخدمون الحنا , يقدرون يستخدمون السدر لانه مايصبغ الشعر

او اذا حابه تحطينه مع الحنا حطي قفشه ويا الحنا واعجنيهم مع بعض


وبس

 

[فـرفـر]

مساااكم سكر


شلونكم بناات




بناات بقولكم شي بس ماتزفوني :×


نويييييييييييييييييييت



























اقص شعري ^_^



مدري مليت من وجهي لووووووووووووووول


امي تقولي حنه وذابحه روحج عنايه والحين جايه تقصينه


شووروا علي ياحبوباات قصه ماتاكل الشعر واجد

انا اكره القصاات للي لازم استشور الشعر عشان تبين

قبل كنت اقصه قصه حلوه علي وجهي اصير كأنى وريعه لووووووول


قمة راسي كله سباايكي وشعري الباقي تدريج وتصير اخر خصله لين كتفي

بس وفااء للي دايم اقص عندهاا بالشركه الكويتيه للي اسمه جاك قديما تقولي لاااااااااااااا قصيتها لج مرتين الحين غيري


ومحتاره

شوروا علي يااجعلي افدييكم

 

[فـرفـر]

مولتن

زبده

موزه ام فارس

ريحانه

مسك وانوار


والكل



تري الخيزرانه موجوده مابي اشوف كساله اهني فاهمين@_@

 

[white-mocha]

انا بعد ابي بس ناطرة اخلص دورة

 

[_ظل الياسمين _]

على شنو الخيزرااانه ..امس غاااسله شعرى من الحنه:tomato2:
انا من زماان متابعتكم ..بس ماااشارك ..نحيسه:dddds:
لا والله مو قصدى شى ..بس ماشاء الله عليكم كل شى تعرفونه..
بس تدرين لو احد ثااانى هالكثر يحط حنه وزيوت جان الحين شعره طاايح فى الارض:0bee2e8d89:
بس انا وين ياااحسره اعابل بهالشعرتين اللى بقووو لى..
بعد ماكان شعرى مضرب للامثال من يوم انى صغييييره:krkrkr:
الناس لى شاافت احد من خوااتى يسالونه شخبار اختج وشخبااار شعرهااا..
ماقصرووا وهذا تالى شعرى ..
يالله الحمدلله والشكر..والله انى حتى بالبرد كنت احط الفتره اللى طافت ..
ماابى اقطع الحنه.
يله بطل عليكم داايم وشوف اخباااركم..
شوفى ام فرووحه..ترااا والله هالقصاات اهى اللى لعبت بشعورنا بعد..
حااولى تقصين شعرج نفس الطول ..يعنى خلى عنك هالقصاات الحين..
ولما يجى ولد الحلال عاااد غيرى_03BA:..لانه لاحظت انه هالقصات
تخرب الشعر..وماتخليه يطول ..قبل لااتزوج ماكنت اقص شعرى هالقصاات..
مخليته طوول وااحد مجرد انى اقص الاطرااف وكان ياحلاته ويطول بسرعه..
ياربى شكثر قرقت:tomato2:

 

[زبــــــــدة]

ام فروحه

لا تقصيييييييينه ياويلج انتي اللي يبيلج خيزرانه
اول شي لي وين شعرج الحين؟؟ اذا مو طويييل لا تقصينه..وحتى اذا قصير خليه يطووول احلىى من التقصص

الاسبوع الياي بحط حنه

 

[عشيقة زوجي]

انا ابي احط حنه
بس اخاف تصبغ برتقالي
انا توني صابغه شعري اسود وعاجبني
؟؟؟؟؟؟؟؟
شنو احط مع الحنه عشان يصير اسود فااااااااااااااحم

 

[فـرفـر]

فديتكم ريحاانه وزبده اكلتونى لوووووووووووول



انا شعري نص ظهري وماغير المه عنقووص انغثيت من شكلي كل وجهي جبهه تقولون صمعه لوووووووول


شكلي بقص قدله بس وارتب شعري من الاطرااف

ريحاانه لا جا ولد الحلال الله وكيلج بقصه بوووووووووي بحياتى ماقصيته حيل

< بتبيعها هههههههههههههههههههه



يوم السبت بحط حنه

 

[زبــــــــدة]

ام فروحه

ههههههههههههههههههه انا بعد ودي اقص قذله...بس اخاف شكلي يصير غلط ومو ناقصه تعليقات من اخواني <<شمااته

 

[بدوية بملامح كشميرية 86]

بنات انا شعرى صاير مو اسووود ابيه اسود فحم بس مابى صبغاااات شلووووووون

 

[عبقرية]

لالالالالالالالالالالالا كيذا بأزعل منكم وين الجواب
بأعيد السؤال ياليت واحدة تجاوبني
طيب ياخبيرات الحنا أنا شعري من سنة مصبوغ بني وأريد أعمل حناء لأنها حلوة للشعر لكن ماأريد ينصبغ شعري أحمر ماأداني اللون الأحمر أحسه لون عجائز
ماذا أضيف على الحناء حتى لايظهر اللون
مشكورات ع الموضوع

 

[موزة ام فارس]

حطيت سدر امس الظهر

قعدت فيه ساعة تقريبا وغسلته