رد : حملة نبيها "حنة" خلونا نرجع للشي الطبيعي يابنااات
السلام عليكم بنات ,,ومبارك عليكم الشهر
انا من متابعتي لكم >>من بعيد خخ
لاحظت انو تحنون في الصالون ,,
ومره تحسونها شيء صعب ..
وتغسلونه بالشامبو وتمشطونه وســــــــــــالفه ,,
لكـــــــن لا والله ابد ما هنتوا علي وانتو خواتي ولازم افيدكم ,,
شوفوا يــا بنااات احنا السعوديات مشهورات بالشعوور وعموما اهل الخليج ,,
واحنا السعوديه مشهوريييين بزراعة الحنه سواء في المدينه _القصيم _جنوب المملكه
ف الحمدالله نحس انها شيء سهل للحصول عليه >>عشان كذا عندنا خبره
المووووووهم الي تطبق خطواااااااااااااااااتي مالها الا تنعم بشعر زي الحرير ,,
الحنه اول شيء (تعجنينها لحالها بمويا حلوه دافيه مو حاره يعني مو تغليي
تنقيعيها عادي لو بغتي يوم كامل في الثلاجه >>بس اهم شيء تطلعيها بفتره من الثلاجه عشان ما تكون بارده
خذي سفره الاكل >>ما ادري اش تسموها اتوقع (سماط مو لووول ترا ما ادري عرفت من المسلسل
وتحطيها تحت رأسك تكون مغطيه من رقبتك الا ظهرك >>وتثبتيها بكلبس
تلبسين قفازات تكون ماسكه ضيقه على يدك ما تكون وااسعه >>عشان ما تتبهذلييين
وسمي بالرحمن ,,
وفرقي شعرك وحطي ,,وزعي على كل شعرك >>واذكري الله
واذا خلصتي >>خذي كلبس ولفي شعرك وثبتيه
واربطي السفره على شعرك بطريقه محكمه ,,,بعد لفها
وخذي شيله قديمه >>من الي يثبتون
او اي شيء >>يغطي الشعر عشان يكون شكلك مقبول ..وما يدخل الهواء برااسك وتمرضين
وتخلينها 3 ساعات >>ترا ما يحتاج اكثر بعدين يتعب الشعر صدقوني
وروحي الحمام ,,
وحطي الدش ع شعررك وخليه >>مع حركات بسيطه بحيث انو كل الحنه تنزل ,,
وبس
ما تحطييين لا شامبو ولا بلسم ,,عشان يثبت اللون ,,ولانها كلها مواد كيميائيه
ترا بيبقى الاثآآر >>الي مطفشتكم
عــــــــــــــــــــادي يا نااااس عاادي
خذي المنشفه نشفي شعررررك >>بـــــــــــــــــدون تمشيييييييييييط <<اهم نقطة لأن الشعر وهو غرقان يكون تعبان >>واذا مشطتيه يتقصف ويطيح لأن البصيله تكون ضعيييييييفه
لفي شعررك بالمنشفه وابتعدي عن اي مصدر بارد >>عشان ما تمرضين
واذا بتنامي >>حطي غطاء مخده ثاني (حق الزيوت والحناء >>عشان ما يتوصخ حقك
وبس اذا قمتي الصباح بتشوفين آآآثار فتات الحنه >>عاادي
سمي بالرحمن ومشطي شعرك >>شويا شويا علييييييييه >>ترا مو عدوووك مسكييييييييييين خخخخ
ودهنيه بأي زيت تحبينه ,,
وبس ســــــلامتكم ,,
انا كتبت هذا الكلام لأنكم مصعبين السالفه ,,
تروحون مشغل وسالفه وفلوس حرام وتشترون حنه ما ادري من وين >>ترا السالفه بسيطه
وابتعدوا عن الحنه المخلووطه بأشياء >>خذوها نصيحه مني
اهم شيء تكون الحنه ,,صافيه واصليه
انصحكم بحنه (المدينه المنوره )>>اجود انواع الحنه
اذا استفدوا من كلاامي ,,
ادعوولي يوقف تســـــــاقط شعري ,,وان ربي يرزقني بالزوج الصالح الي ااتمناه
