- إنضم
- 12 يناير 2011
- المشاركات
- 2,474
- مستوى التفاعل
- 3
- النقاط
- 0
بسم الله الرحمن الرحيم
حابه افتح موضوع جديد للنقاش وانشالله الكل يستفيد
هالموضوع حابه اخصصه للاسر السعيده المتفاهمه
طبعا مافي حياه زوجيه بدون مشاكل بس مشكله عن مشكله تفرق
ابي هالموضوع يكون خاص للزوجات اللي ما يشتكون من الخيانه او تاخر الزوج او البخل وغيرها من المشاكل الكبيره
ابي هالموضوع يكون خاص للزوجات اللي حياتهم الاسريه سعيده ومثاليه
وياريت اللي يشاركون فيه يكون مر على زواجهم 5 سنين و اكثر
طبعا بتقولون ليش !!!! او شنو الهدف !!!!!!
الهدف من هالموضوع توعيه الزوجات اللي عندهم مشاكل
ونقدر نعطيهم افكار وطرق في التعامل المثالي بطريق غير مباشر لان اللي بتقرا تجاربنا ممكن تكتشف غلط اهي قاعده تسويه وبالتالي تتوقف عنه
صحيح ان اغلب اللي بشاركون ماراح يكونون دكاتره علم نفس
بس من خلال تجربتنا بالزواج نكون اكتسبنا الخبره اكيد غلطنا ببداية زواجنا وتعلمنا من اخطائنا فعشان جذي لازم ننقل خبرتنا لحديثي الزواج من اجل حياه زوجيه سعيده
المطلوب كم كل وحده حابه تشارك تكتب
1- جم سنه صارلها متزوجه ؟
2- هل زوجها من العايله او لاء ؟
3- شنو عيوب زوجها ومحاسنه ؟
4- انتي شنو عيوبج ؟
5- شلون تعاملتي مع اهل زوجج وكسبتيهم وشلون خليتيه يحترم اهلج ويوجبهم
6- عقب ما صار عندج عيال شنو النظام وشلون تنظيم وقتج ببيتج ؟
7- طلعات الاسره الاسبوعيه هل ملتزم فيها واذا ماكان ملتزم فيها شلون عودتيه عليها ؟
ادري انها نقاط كثيره بس مهمه وياريت يا بنات تشاركون عشان الكل يستفيد
ببدي نفسي
1- صارلي 16 سنه متزوجه والحمدلله تزوجت بس صغير كان عمري وقتها 17 سنه و زوجي 18 سنه
طبعا كانت اخر سنه لي بالثانويه وقت اللي ملجة وعلى طول تزوجت عقب ما تخرجت من الثانويه
بوقتها زوجي كان يشتغل ويدرس وطبعا هالنظام كان بالسابق
2- زوجي مو من العايله يكون ولد جيرانا وطبعا لما شافني ما قدر يقاوم :krkrkr::krkrkr: وكل يوم والثاني طاق شلالته عند
ابوي لين صار النصيب
3- زوجي بالبدايه كان عنده عيوب وطبعا اول سنه زواج اهي سنه الترويض يعني انتي تبين تفرضين شخصيتج واهو بعد
عيوبه عصبيته وبالذات جدام اهله يبي يقطع راس القط من اول يوم جدام اهله يصير جنقر ويتكلم بنفسيه ليه صرنا بروحنا يصير يهبل وطبعا لان صغير فكان ابوه وامه وخوانه الكبار يعطونه النصايح واهو ماشي عليها :rerrerek::rgewrg:
مميزاته طيب يحبني بجنون حنون وما يجذب لو شنووو
4- عيوبي العصبيه الزايده عن اللازم اللي ابيه اسويه ولازم يصير مثل ما ابي ما اعرف استأذن وما احب التحكم وفرض الراي بدون اقناع طبعا هالعيوب مو مشويه الا مصيبه
5- طبعا خالتي ما عندها بنات ويمكن هذي ميزه خالتي عاملتها مثل امي اول شي كنت احترمها واقدرها واذا زفتني ابجي وبعدين ايي احب راسها واقولها آسفه صدقوني مادري ليش كنت احس ان الكبير له احترامه طبعا عصبيتها كانت لاني ما اعرف اطبخ وساعات اهي تطلع ولازم يكون في غدا شوي شوي تعلمت
جدولي مال المعهد لازم يكون عندها نسخه منه لان وقتها ما كانت الموبايلات منتشره نفس الحين بس كنت اقول من خوفها علي يعني كل شي كانت تدخل فيه كنت احط ظن حسن واتقبله لان اهلي جذي
طبعا شوي شوي قمت اطلعها ونروح كافيهات واقعد معاها واسولف وياها واقولها اسرار طبعا كانت سوالف عاديه بس انا كنت اييها بطريقه ابين لها انها مهمه كنت اقولها خالتي بقولج سر ومابي احد يدري حتى امي ما قتلها واقولها موضوع عادي واطلب شورها واهي هني تستانس وكانت الابتسامه دايما على ويهي واي شي يصير اقلبه غشره وضحك وبدون مبالغه االحين انا عندها الكل بالكل لدرجه انها كل ما تشوفني تلمني وتقعدني بحضنها وتلمني وتقولي اموت عليج احبج وتحبب فيني جني بنتها وعمي جذي طبعا هذا بالنسبه لاهله
بالنسبه لاهلي ما ارضى يتكلم عنهم او حتى ينتقدهم وانا ما ادخله بمشاكلنا او اقوله عن اسرار بيتنا وفهمته بالكلام مثل ما تبيني اوجب اهلك انت بعد توجبهم
6- زاد غلاي مع قدوم اول حفيده والحمدلله عايلتي كبرت وصار عندي عيال واول ما تخرج زوجي من الجامعه طلعنا بروحنا وطبعا قعدت ببيت حمولتي 5 سنين
بيتي صار مملكتي كل شي صار نظامي النوم بوقت القعده بوقت نظافه البيت مهمه وتعطيره غرفتي شي خاص غير مسموح للخدم تنظيفهاا امور زوجي انا اهتم فيها بنفسي
8- طبعا زوجي وقتها كان كل وقته بره البيت وطلعات اليهال علي هني كلمته قتله يا فلان عيالنا بدوا يكبرون ولما نطلع يشوفون عيال الناس مع ابهاتهم وامهاتهم يسألون ماما بابا ليش ما ايي معانا احنا كل اللي نبيه يوم بالاسبوع ساعتين شدعوه ما نستاهل قالي اوكي بس كان اللي ينفره ازعاج اليهال واماكن الالعاب لان وقتها كانوا صغار فما الومه وهذي كانت البدايه وليه يومنا هذا واهو ملتزم بالطلعه
ترويض زوجي ما كان صعب بس كان يبيله طولة بال وذكاء تحملته على راتبه لضعيف ايام الدراسه وجم مره كنت بوقف دراسه واشتغل عالثانويه بس مارضى وكان يقولي لو تقعدين 10 سنين الشهاده بتاخذينها غصب عليج والحمدلله كملت دراستي واشتغلت
نحتفل بالمناسبات الخاصه عيد زواجنا واعياد ميلادنا مع الاسره انا وياه مع عيالنا بعدين اطلع معاه نتعشى او نروح مكان بروحنا بس لازم نشرك عيالنا معانا
كل واحد يحترم خصوصيات الثاني ومن اهمها التنبش بالتلفون لا انا اجيس تلفونه ولا اهو يجيس تلفوني واذا دقيت ولقيت معاه خط ثاني على اطول اسكره ومتى ما خلص مكالمه يرد يدق علي ما اشكل وبعدين استجوبه
لازم تكون ثقتج بنفسج كبيره
عاملي زوجج على انه صديق سولفي معاه على هالاساس مو على اساس زوج تغشمري معاه ضغطيه واذا اهو ضغطج لا تبجين وتتحبطين ضحكي وردي عليه
وانشالله مع النقاش والحوار بصير الموضوع احلى واللي عندها اي استفسار او سؤال تقوله وانشالله ماراح اقصر معاها
حابه افتح موضوع جديد للنقاش وانشالله الكل يستفيد
هالموضوع حابه اخصصه للاسر السعيده المتفاهمه
طبعا مافي حياه زوجيه بدون مشاكل بس مشكله عن مشكله تفرق
ابي هالموضوع يكون خاص للزوجات اللي ما يشتكون من الخيانه او تاخر الزوج او البخل وغيرها من المشاكل الكبيره
ابي هالموضوع يكون خاص للزوجات اللي حياتهم الاسريه سعيده ومثاليه
وياريت اللي يشاركون فيه يكون مر على زواجهم 5 سنين و اكثر
طبعا بتقولون ليش !!!! او شنو الهدف !!!!!!
الهدف من هالموضوع توعيه الزوجات اللي عندهم مشاكل
ونقدر نعطيهم افكار وطرق في التعامل المثالي بطريق غير مباشر لان اللي بتقرا تجاربنا ممكن تكتشف غلط اهي قاعده تسويه وبالتالي تتوقف عنه
صحيح ان اغلب اللي بشاركون ماراح يكونون دكاتره علم نفس
بس من خلال تجربتنا بالزواج نكون اكتسبنا الخبره اكيد غلطنا ببداية زواجنا وتعلمنا من اخطائنا فعشان جذي لازم ننقل خبرتنا لحديثي الزواج من اجل حياه زوجيه سعيده
المطلوب كم كل وحده حابه تشارك تكتب
1- جم سنه صارلها متزوجه ؟
2- هل زوجها من العايله او لاء ؟
3- شنو عيوب زوجها ومحاسنه ؟
4- انتي شنو عيوبج ؟
5- شلون تعاملتي مع اهل زوجج وكسبتيهم وشلون خليتيه يحترم اهلج ويوجبهم
6- عقب ما صار عندج عيال شنو النظام وشلون تنظيم وقتج ببيتج ؟
7- طلعات الاسره الاسبوعيه هل ملتزم فيها واذا ماكان ملتزم فيها شلون عودتيه عليها ؟
ادري انها نقاط كثيره بس مهمه وياريت يا بنات تشاركون عشان الكل يستفيد
ببدي نفسي
1- صارلي 16 سنه متزوجه والحمدلله تزوجت بس صغير كان عمري وقتها 17 سنه و زوجي 18 سنه
طبعا كانت اخر سنه لي بالثانويه وقت اللي ملجة وعلى طول تزوجت عقب ما تخرجت من الثانويه
بوقتها زوجي كان يشتغل ويدرس وطبعا هالنظام كان بالسابق
2- زوجي مو من العايله يكون ولد جيرانا وطبعا لما شافني ما قدر يقاوم :krkrkr::krkrkr: وكل يوم والثاني طاق شلالته عند
ابوي لين صار النصيب
3- زوجي بالبدايه كان عنده عيوب وطبعا اول سنه زواج اهي سنه الترويض يعني انتي تبين تفرضين شخصيتج واهو بعد
عيوبه عصبيته وبالذات جدام اهله يبي يقطع راس القط من اول يوم جدام اهله يصير جنقر ويتكلم بنفسيه ليه صرنا بروحنا يصير يهبل وطبعا لان صغير فكان ابوه وامه وخوانه الكبار يعطونه النصايح واهو ماشي عليها :rerrerek::rgewrg:
مميزاته طيب يحبني بجنون حنون وما يجذب لو شنووو
4- عيوبي العصبيه الزايده عن اللازم اللي ابيه اسويه ولازم يصير مثل ما ابي ما اعرف استأذن وما احب التحكم وفرض الراي بدون اقناع طبعا هالعيوب مو مشويه الا مصيبه
5- طبعا خالتي ما عندها بنات ويمكن هذي ميزه خالتي عاملتها مثل امي اول شي كنت احترمها واقدرها واذا زفتني ابجي وبعدين ايي احب راسها واقولها آسفه صدقوني مادري ليش كنت احس ان الكبير له احترامه طبعا عصبيتها كانت لاني ما اعرف اطبخ وساعات اهي تطلع ولازم يكون في غدا شوي شوي تعلمت
جدولي مال المعهد لازم يكون عندها نسخه منه لان وقتها ما كانت الموبايلات منتشره نفس الحين بس كنت اقول من خوفها علي يعني كل شي كانت تدخل فيه كنت احط ظن حسن واتقبله لان اهلي جذي
طبعا شوي شوي قمت اطلعها ونروح كافيهات واقعد معاها واسولف وياها واقولها اسرار طبعا كانت سوالف عاديه بس انا كنت اييها بطريقه ابين لها انها مهمه كنت اقولها خالتي بقولج سر ومابي احد يدري حتى امي ما قتلها واقولها موضوع عادي واطلب شورها واهي هني تستانس وكانت الابتسامه دايما على ويهي واي شي يصير اقلبه غشره وضحك وبدون مبالغه االحين انا عندها الكل بالكل لدرجه انها كل ما تشوفني تلمني وتقعدني بحضنها وتلمني وتقولي اموت عليج احبج وتحبب فيني جني بنتها وعمي جذي طبعا هذا بالنسبه لاهله
بالنسبه لاهلي ما ارضى يتكلم عنهم او حتى ينتقدهم وانا ما ادخله بمشاكلنا او اقوله عن اسرار بيتنا وفهمته بالكلام مثل ما تبيني اوجب اهلك انت بعد توجبهم
6- زاد غلاي مع قدوم اول حفيده والحمدلله عايلتي كبرت وصار عندي عيال واول ما تخرج زوجي من الجامعه طلعنا بروحنا وطبعا قعدت ببيت حمولتي 5 سنين
بيتي صار مملكتي كل شي صار نظامي النوم بوقت القعده بوقت نظافه البيت مهمه وتعطيره غرفتي شي خاص غير مسموح للخدم تنظيفهاا امور زوجي انا اهتم فيها بنفسي
8- طبعا زوجي وقتها كان كل وقته بره البيت وطلعات اليهال علي هني كلمته قتله يا فلان عيالنا بدوا يكبرون ولما نطلع يشوفون عيال الناس مع ابهاتهم وامهاتهم يسألون ماما بابا ليش ما ايي معانا احنا كل اللي نبيه يوم بالاسبوع ساعتين شدعوه ما نستاهل قالي اوكي بس كان اللي ينفره ازعاج اليهال واماكن الالعاب لان وقتها كانوا صغار فما الومه وهذي كانت البدايه وليه يومنا هذا واهو ملتزم بالطلعه
ترويض زوجي ما كان صعب بس كان يبيله طولة بال وذكاء تحملته على راتبه لضعيف ايام الدراسه وجم مره كنت بوقف دراسه واشتغل عالثانويه بس مارضى وكان يقولي لو تقعدين 10 سنين الشهاده بتاخذينها غصب عليج والحمدلله كملت دراستي واشتغلت
نحتفل بالمناسبات الخاصه عيد زواجنا واعياد ميلادنا مع الاسره انا وياه مع عيالنا بعدين اطلع معاه نتعشى او نروح مكان بروحنا بس لازم نشرك عيالنا معانا
كل واحد يحترم خصوصيات الثاني ومن اهمها التنبش بالتلفون لا انا اجيس تلفونه ولا اهو يجيس تلفوني واذا دقيت ولقيت معاه خط ثاني على اطول اسكره ومتى ما خلص مكالمه يرد يدق علي ما اشكل وبعدين استجوبه
لازم تكون ثقتج بنفسج كبيره
عاملي زوجج على انه صديق سولفي معاه على هالاساس مو على اساس زوج تغشمري معاه ضغطيه واذا اهو ضغطج لا تبجين وتتحبطين ضحكي وردي عليه
وانشالله مع النقاش والحوار بصير الموضوع احلى واللي عندها اي استفسار او سؤال تقوله وانشالله ماراح اقصر معاها
