حملة لاتكوني أنانية (( للقضاء على العنوسة )) يالله كل وحدة تزوج ريلها

[ام جي جي الحلوه]

أمبيه:eh_s(4)::eh_s(4)::eh_s(4)::eh_s(4)::eh_s(4):

وشصار بمرته !!!!!!!!!!

اكيد ازعلت :eh_s(2): وانبطت جبدها :eh_s(11): ولازالت على ذمته وتقول ماتبي تضيع مستقبل اليهال
والحين الهديه صار عندها 3 يهال

 

[نونه المنكوشه]

انا عزابيه << حسيت انى صعيدى ساكن بخيطان هههههههه بس ماارضى ولااقبل انى اخذ واحد متزوج اول شى لانى زى الفريك مابحبش الشريك وثانى شى الزواج الهدف منه الاستقرار لكن بهالحاله بيكون استنفار وانا بصراحه اتلوع جبدى احب واحد اينى بقراطيسه

 

[دلع العتبان]

فيه اشيا غير عن اول معا انه انه الشرع حلل اربع ولااعتراض على شرع الله

بس الرجاجيل مونفس اول يظلمون صاروا وانانيين لاحب وحده مايعطي حق الثانيه الا من رحم

الحين الرجاجيل صاروا بس يفكرون بننقطه وحده الي هي الشسمه مايفكر بمشاعر او احساس او عدل مادي وجسدي

الي يفكر فيه الا من رحم اشيا سطحيه تزرع الكره والبغض بنفوس الزوجات والعيال

الي يبي يتزوج لازم يكون قادر ماديا وجسديا ومايظلم احد اذا كان يبي يتزوج جي ماكو عذر لانه فيه رجاجيل تحب التعدد

والي فيه اعذار هذا حل من الله بعد والحمد الله

ربي يهدي الجميع ويصلح الاحوال ويرزق بنات المسلمين اللهم امين

 

[جيكره(و)تتغلى25]

امبيه لالالالالا امووووووووووت والله من هسوالف حده قلة ادب

 

[" ام حمود "]

الحمدالله والشكر

 

[الـزين و الجـود]

عمرهم ماقضو على العنووسه

 

[Nanoosa]

هل رفيجتي تصرفها صح ..............؟؟
صحين و ثلاث و اربع و الله انها كفو

شنو راح تسوين لو كنتي مكانها ......................؟؟
جان سويت نفسها اشق الاوراق و اقطه بويهها هاللي ما تستحي

وشنو رايكم بالحملة هاذي .............................................؟؟
المفروض يغيرون اسم الحملة و يخلونها "حملة خراب البيوت"

 

[ورده الكرستال]

ازوج زوجي سلال


شرايكم بالي يعرضون خواتهم او بناتهم لزوجي


لدرجة انه واحد وقح يعرض على زوجي انه يزوجه بنته قدام ابوي عمى بعينه

 

[سنيوؤره]

هذي حملة خراب بيوت حسبي الله عليهم
ليش وين الشباب العزابيه الي وصل عمرهم 40 ولا مفكرين يتزوجون ليش مايخلون هالحمله لهم
شمعنى المتزوج !! هذول بس بيخربون بيوت

ورتة فعل رفيجتج صح ولو اني مكانها افجر بالمجمع كله لابوهم لابو حملتهم فوقهم

ههههههههههههههههههههههههههههه :eh_s(9)::eh_s(15):

 

[ماحب اتدلع]

صراحة انا لو مكانها بضحك لأني واثقة اني بكون الاجمل على الاطلاق هههه ومادري منو هالعانس طايحة الحظ الي لها وي تاخذ ريلي وانا احلى منها
<<--- يمكن ملكة جمال العالم

بضحك بحرقة قلب لني اغاااااااااااااااار على ريلي ولو يفكر مجرد تفكير بالزواج امرض واتعب واحس اني باموووت مستحيل القى نفس ريلي اينن كافي متحملني هههههههههههههه

 

[AL-DMERA]

لو آنا بمكاآآنهاآ لا أعصب ولا شي أضحك هههههههههه
لأن الموقف يضحك والحمد الله واثقه بزوجي وبنفسي وفيه خير يتزوج اقلب الديره على راسه خخخخخخخخ
وصراآحه ماعندهم ساآلفه على هالحمله ,,

 

[Lwealo0o.13]

ما ابي احد يفلعني زين ,, لوووول

بس انا من رايي لو ماكنت متزوجه علا حب و علاقتي بزوجي زوج و زوجه فقط
جان يبتلي شريجه بس اهي بصوب و انا بصوب و عيالنا يتلاقون ,, بس اذا حبيبي و تزوجته لا (( لو شنو )) ما ارضا لاني احبه و اغار عليه من كل شي ​

 

[رحيل المرافيء]

ويه ليش كل هذااااااا
تعدد الزواج حلال بلال شئتم ام ابيتم
سواء الزوجة معيوبة ولاا لاااا يحق له يتزوج
واللي يقولون عدل ماعدل هل انتم عادلين مع ازواجكم وعيالكم وبوظايفكم ووووووو؟؟؟
العدل المطلق ماهو موجود في الدنيا
حتى الانبياء ماعدلوا مع حريمهم يعقوب عليع السلام كان يحب زوجته راحيل اكثر من باقي زوجاته
مع متزوج 11 وهي الاخيرة بعد ويحب عيالها يوسف وبنيامين اكثر من البقية

ابراهيم عليه السلام يحب هاجر وولدها اسماعيل اكثر من سارة وولدها اسحاق




وانتو ماعرفتوا من الدين الاا انه الزوج لايجوز يتزوج على زوجته الا بسبب وهالشي ماهو من الدين بعد
وين لو كنتوا امرا لاحد ان يسجد لاحد لامرت الزوجة ان تسجد لزوجااا
وانتو تسبونهم وتطولون لسانكم عليهم هل من الدين هذااا
هل من الدين المرأة سيارتها بايدها وطردي من مكان لمكان ومن مجمع لمجمع وين وقرن في بيوتكم
والمرأة اذا ذهبت الي السوق استشرفها الشيطان وهي طول اليوم سوق وجمعية
ليش ماعرفتوا الدين ؟؟؟؟

 

[حظ من عنده انا]

هههههههههه

شر البلية مايضحك


ششنو هالحمله المصخرره

لو يبوونهم بدوون هالحملات وهالخز والحركات الماصخه اللي يسوونهم للمتزوجيين خاصه

بالمجمعات والاماكن العامه بياخذوونهم


بس مايبوونهم غصب يعني

واخيرا


لو فيه خير ماعافه الطير <<

اللهم لا شماته

 

[ماما سبيشل]

صدق البنات معاد في وجيههم حياء ماتستحي تعطي الرجال الورقه وزوجته معاه والله عييييييييييييييييييييييب --------اذا لم تستحي ففعل ماتشاء

 

[عشقك وطن]

اوك طيب نقول الرجال تزوج ع مرته وحملت وجابت بنات اوك الحين يزيد عدد هالبنات

يعني في كل الحالات واحد


بتحمل ذي وبتحمل ذي وبتجيب بنت ومابتنحل المشكله ابدا



بعدين صراحه المرآ الثانيه خراب بيوت ممكن الاولى ماتتحمل وتطلب الطلاق ليه تبني حياتها ع حياه وحده ثانيه



لو انا اقطعهم اثنينهم ولا ادعسه بتريلا واخليه عقب لاتكسر تشبع فيه مالت حتى مالت



> طموشه :d

 

[شرقاويه كيوت]

شكو تاخذ ريلي وشكو بالعنوسه :eh_s(14)::eh_s(14)::eh_s(14):

زين سوت فيها رفيجتج لو انا بطيت عيونها :eh_s(14)::eh_s(14)::eh_s(14):


ترا انا مو متزوجه ههههههههههه

بس تحمست

 

[*المــــلكة*]

انا مو متزوجة > وماارضى ومستحيل اخذ واحد متزوج يعني اهو له مرته وعياله انا شكووو ادخل حياتهم واخربها
حتى لو الشرع محلل له اربع احنا عارفين نفسنا وكل وحدة تبي ريلها لها ولعيالها
مااتزوج واعيش حياتي مرتاحة ولا اني اهدم بيت ناس عشان اكون متزوجة !!​

 

[freakiya]

يمه يمه
يحليلي بس و انا رايحه حق ريلي اقوله اتزوج غيري مابي اكون انانيه
نجوم السما اقربله بروحي متحلفه فيه لو يلتفت بس على بنت اصب عليه تيزاب و اولع فيه و لو بيدي قلاص ماي اشربه ولا اطفيه (حدي عنييييييييييييييفه بهالسوالف)
يبا انانيه انانيه انانيه
محد يتحمله غيري اصلا

 

[قلبي محمد]

خوش موضوع
لا يبه ماكو شغل .... انا عن نفسي ما ارضى آخذ واحد متزوج
لان اللي ما ارضاه على نفسي هم ما ارضاه على غيري
بس بصراحه حركة البنت مو حلوه كللش