حملة قيام الليل (يالله نشيل الهم والحزن من قلوبنا ونعدل حياتنا)

[نيولوفر]

ايه و الله بنات يا ليت تشجعوني معاكم ع قيام الليل

 

[كويتيه موووت]

السلام عليكم انا ودي اكون معاكم
انا الحمدالله قبل لا انام يمكن الساعه 1 او 2 اصلي قيام الليل والحمدالله بس مرات اكون تعبانه حدي وباجر عندي دوام ومو قادره حتى اسوي اي شي مااصليها صراحه انام بس ان شاء الله اني اصليها كل يوم والله يوفقج ويجزاج الف خير ويحقق كل الي تتمنينه

 

[..حدي كلاسي..]

جــزاااج اللــه ألــف خـــير حـــبيبـتـي على هالحملــــــة الحـــلوووة

أنــا بقـــولـكم طـــريقــتـي .. أصــلـي ركـعـتـيـن قـبــل صــــلاة الفجـــر بنـص ســاعــة أو ســـاعـة وبعـدهـــا اقـرأ ســــورة الواقـعــة كـاملــة
وبعــدهـا أدعــي ربي واسـتـغـفــر لمـا صــلاة الفجـــر .. وأول الأيـام لمـا اقـرأ سورة الواقعـة أحسـها طويييييـلـة بس ألحــين مـاكو أسهـل منهـا

وإن شـــاءاللـــه ربي يتقبـــــــل منـــــــــا ويــرزقـنـــــا ولا يحــــرمنـــــــــا اللـــهم آمـــــيـن ..

بـس تـدريـن حــبيبـتي ذكــرتيــنـي بصـــلاة الشفــع والـوتــر !! كلـش كـلش مـو في بــالي (( اللــه يلعـن الشيطــان ))

 

[إنسانه بكل حالاتي]

الله يعينا على قيام الليل بصراحه قبل كنت أقوم الليل قبل الفجر بساعه وعقبها أصلي صلاة الفجر بس صايرلي فتره ما أقدر أقوم للفجر والله مو قادره بنات إدعولي وعسى ربي يساعدنا على عبادته وطاعته وقيام الليل

 

[قلــب ♥ღ دلـــع]

جزاج الله خير و مشكوره

 

[باريس الخبر]

جزاك الله خير وجعله الله بميزان حساناتك الله يوفقك يارب وينصرك علي من ظلمك

ويحقق لك كل امورك آمين يارب ...............

 

[Ga6waah83]

مشالله عليج ...
الله يونلج اللي في بالج يا رب ...
انا اصلي قيام بس مو بشكل مستمر بس واكم ان شاء الله بحاول استمر عليها لاني محتاجه ارتاح ....
واحلى شي الصلاه احس اني اكون بين ايدين الرحمن ....
ما راح انساج بالدعاء اختي ...

 

[فيونكة_وردية]

مشكووره يا قلبيي وربي يشرحلج قلبج مثل ما شحرحتيلي قلبي كنت متضايقه بس مع موضوعج احس ريحت شوي يا عسا ربي يرزقج من اوسع ابواب رزقه كل اللي بخاطرج وكل اللي تتمنينه سواء شي دنيوي او اخروي يارب اميين اميين اااميين

تقبلي مرووري اختج فيونكة ورديه

 

[Cherrrry]

مشكووووورين بعد عمري عالادعيه الحلوه والمرور الطيب


ماتقصروون والله ..

الله يفرج هم الجميع ان شاء الله



بالنسبه حق القيام اللي ماتقدر تصليها متأخر بسبب ان عندها دوام او تكون تعبانه ..

تقدرين تصلينها اي وقت من بعد صلاة العشا لين صلاة الفير ..


اذا حسيتي بهاليوم تعبانه صليها بعد العشا على طول


ترا حتى ركعه وحده و هي الوتر تنحسبلج قيام الليله كامله

انا هالمعلومه سمعتها و وايد استانست قلت شوفو رحمة الله بس ركعه وحده تذكرينا فيها تنحسبلج قيام ليله ابواب الرزق فيها مفتوح لي حد محد يتخيله ولا يقدر يتخيله لانه رحمة الله و رزقه مافي اوسع منهم شي يفوق تصور خيال الانسان


ومايحس في هالشي الا الانسان اللي يصليها ..

يلاقي متى ما ضاقت عليه الدنيا الله ما ينساه

لانه اهو ما نسا الله في وقت راحته ..

فربنا الكريم ما نسا هالانسان بوقت شدته و ضيقه


مافي احد ماعنده مشاكل

ومافي احد ما يعاني من شي ولا اكثر وتعبان

بس شوفو الفرق بين الانسان اللي يذكر الله ويحمده على كل شي الزين والموزين

والفرق بين الانسان اللي اذا صارتله مشكله حتى ركعه مايسجدها


الله يتمم عليكم يا رب و يقدركم ويعينكم على قيام اللي و عبادته

 

[[]نهاوند[]]

الله يجزاج خير ويبارك فيج ان شاءالله

وانا معاكم ان شاءالله

الحمدلله انا مواظبه على قيام الليل لكن مرات انسى لكن فعلا اذا صليتها حسيت براحه مابعدها راحه

الله يوفقج ويجزاج خير ياعمري ويعطيج على قد نيتج

ويريحني ويحقق اللي في بالي :eh_s(2):​

 

[to07aH]

بنات انا اليوم اول مره اصلي قيام الليل والحمدلله قبل شوي خلصت

النفسية قبل شوي ما تتخيلووون شلون صاايره زفففففففففففت

قلت دام اني قاعده خل اصلي قيام الليل والحين النفسية من احلى ما يكون الحمدلله يااااارب ..

وان شاءالله بداوم عليها كل يوووم ..

 

[to07aH]

الحمدلله صليتها اليوم بعد

بنات عفيه ادعولي

 

[أم حمد =)]

الله يثبتكم حبيباتي ..

 

[to07aH]

الحمدلله صليييتهاا ..

 

[to07aH]

بنات اليوم احس اني مو مرتاحه ؟؟ في سبب معين يعني

معني صلييييتها بس استغفر الله اليوم وايد خربطت مره عدتهااااا ومرات اسرح :\

مادري شصاير فيني

بنات اذا عندكم لي نصايح بليز انصحوني

 

[غنج اهلها]

بشاااركم وياكم بإذن وااااحد احد

وراح اسجل حضوري كل يوم

وجزاج الله الف الف خييييييييييييييير على هالحملة المباركة وجعلها الله في ميزان حسناتج

ويارب يجازي اللي ظلموج ويبرد قلبج فيهم >> مع ان الدعوة قوية بس انتي طلبتي

و يريح قلبج و يشيل الرحمان الرحيم الهم اللي فيج

و يحقق كل اللي في بالج ياااااااااااارب

 

[غنج اهلها]

بنات اليوم احس اني مو مرتاحه ؟؟ في سبب معين يعني

معني صلييييتها بس استغفر الله اليوم وايد خربطت مره عدتهااااا ومرات اسرح :\

مادري شصاير فيني

بنات اذا عندكم لي نصايح بليز انصحوني

اتعوذي من الشيطان اكيد اهوا اللي مسبب لج هالشئ شاف انج

ارتحتي وانبسطتي بهالالتزام راح يحاول يليهيج وتصلين ويهوهمج انج مومرتاحة

بالعكس ادحرية وواصلى واستغفري وخلج على ماانت علية

نعوذ بالله منة

يارب بقدرتك ورحمتك اللي وسعت كل شئ

ان ترحمنا وتعيننا على طاعتك وعبادتك وتبعد عنا الشيطان ووساوسة

وان ترزقنا مرادنا وتثبتنا يااااارب

 

[أسماء]

أنا بعد معاكم ..
إن شاء الله ببدي من اليوم ..

الله يعينا على طاعته و عبادته ..

 

[مسك]

جزاج الله خير اختي جيري على هالحمله وهالشي مو غريب عليج

انا مداومه على صلاة الليل الحمدالله واليوم الي ما صليها احس انه ناقصني شي سبحان الله

وان شاء الله بنظم معاكم بالحمله

 

[أم حمد =)]

همتكم بنات اليوم ويكند ماعندكم عذر




الله يثبتنا على طاعته ..