حملة قراءة سورة البقره كل يوم

[أميرة الورد]

السلام عليكم بنات شخباركم ؟ أنا قطعت بنات عفيه زفوني عفيه شجعوني قووني على الشيطان الله يلعنه حدي ضايق خلقي

 

[flowers_q8]

والله انا مثلج يااميرة الورد صاكه فيني الدنيا وراح التفاؤل وماقمت اقرا البقرة

انا بارجع اقراها بس بسوي بنصيحة جي جي ماراح احسب ولا راح اكتب جم وصلت
ودي ربي يستجيب لدعائي ويقضي لي حاجتي يارب

 

[فجر العيـــــــــد]

الله يعطيج العافيه.. الحين قريتها وتركت لج تعليق هناك.. وابي اشوف ردودج كل يوم.. انتي من البنات اللي يشجعون بشكل كبير ومابي نخسرج ..

QUOTE='[ . . Jee Jee . . ];3839418']الله يعطيج العافيه.. الحين قريتها وتركت لج تعليق هناك.. وابي اشوف ردودج كل يوم.. انتي من البنات اللي يشجعون بشكل كبير ومابي نخسرج ..[/QUOTE]

فرحتيني كثير ياجي جي بردك اللي زاد من قوتي وحمااااسي وكثير انبسط بتشجيعك لي وترحيبك فيني
وان شاء الله بستمر وياكم وبسمعكم الاخبار الطيبه اول باول وان شاء الله اسمع اخبارك واخبار البنات اللي تشرح الخاطر
بس لاننسى يابنات ندعي حق بعض في صلاة القيام لان في ملك يقول ولك مثلها .. وكمان الشعور الحلو لمن تحسيني انك تذكرين انسانة ماتعرفين عنها شي غير اسمها في وقت عظيم

وانا اوعدكم بأني راح ادعيلكم كلكم يابنات في صلاتي والله يتقبل مننا كلنا ويفتح لنا ابواب رزقه ورحمته من حيث لانحتسب وان يمن علينا بفضل عظيم واسع يسمع به القاصي والداني

قولو اميــــــــــن

 

[شآعرة الخليج]

^

امين يارب


مساء الخير بنوتات ..

اليوم قريت سورة البقرهـ .. صج حسيت بتعب وارهاق ونوم ..

واحس اطرافي ثقلت .. بس كملت وقريتها كلها والحمدلله

 

[[ . . Jee Jee . . ]]

أميرة... فلورز... تعوذوا من بليس...

انا قلت لكم خليكم على طول متابعين الحملة .. ردود البنات تعطي تشجيع كبير...

انتوا قطعتوا لانكم قطعتوا يومين مادشيتوا هالموضوع... لا تقطعونه ابد وماراح تقطعون القراءة

اهم شي انكم متحسفين وحاسين جنه شي طايفكم مثل احساس عدم الراحة لما تتأخرين عن الصلاة
تحسين في شي ضروري اسويه وماسويته ليلحين ...

الي فيكم تقرا ردي الحين.. بهاللحظة

روحي هاتي مصحفج.. ولا تدرون؟
اقروها من هني.. اختنا مناير جزاها الله خير حطت هاللينك مرة وخزنته عندي وصاجة يوم قالت ماتحسونها طويله لما تقرونها من هني..
http://www.holyquran.net/quran/chapters/2.html


يلا.. الحين الحين اقريها.. لا تأجلين دقيقه بعد...

فلورز .. اي كافي انج تقرينها ماتعدين .. وخلي عندج تاريخ بدايته بس جذي لا تلتفتين له ولا تعدين..
والله ينولج انتي واميرة اللي ببالكم وزيادة عليه لو كان فيه خير لكم ويبدلكم باللي احسن منه .. وتشوفون راحة البال بعد ماتقرونها الحين ...

فجر العيد.. انا فخورة فيج والله.. وتستاهلين كل خير وان شاءالله بنتم معه بعض ليما تتوالى علينا البشرى واحدة تلو واحدة
ورا خير ورا خير ورا خير ونبارك لبعض قولي آمين ...

حيالله اختنا الجديدة .. حياج الله بين خواتج



شاعرة.. انا مستانسه انج بلشتي الحين .. ورديتي لنا .. والله مستانسه .. لا تحرميني هالفرحة
وابيج ماتفكرين بشي .. لما تحسين بتعب غيري مكانج او اقري بصوت مسموع واقريها الصبح ولا تنامين بسريرج ..
وانتي تقرين فهمي المعاني..
انا اول مابديت كنت اقرا من التفسير ..
ولازم لما تقرين القرآن تكونين فاهمته.. وتقرينه تلاوة صح.. المعاني مهمة..

<< انا جد فرحت بمشاركتج هذي.. اثبتي لي انج صج نويتي تبدين من جديد معانا بالحملة ومالبيتي الدعوة مجاملة..
وانتي بعد اختنا بالله .. حياج الله من صج هالمرة D:

 

[أميرة الورد]

حبيبتي جي جي توني قريتها بعد عمري ما تقصرين على التشجيع الله يرزقج الجنة ان شاء الله

 

[flowers_q8]

الله كريم الله يفرجها علينا كلنا

 

[flowers_q8]

بس صج ثبت لي ان استعينو على قضاء حوائجكم بالكتمان
حتى في قراءة الرقية والبقرة

 

[[ . . Jee Jee . . ]]

اميرة أجمعين يااارب على سرر متقابلين حبيبتي ..
عفيه عليج.. ايييي جذييي وانا خيتج
انتي بس تعاليلنا هني واحنا مانهدج تنامين الا مرتاحة ان شاءالله

فلورز بقولج شي...
انا ماخطرلي انه في احد يقرا كلامنا ومايذكر الله الا توه الحين.. كان خوفي انه لما اقول قريت يروح اجري
معه انه نيتي مو اني اوري اني قريت لا والله ولا البنات.. بس سبحان الله مادري شلون الاحساس
فـ ماقمت اعد ولا اقول .. الا مستمرة...

بس توه بطلتي عيني على شي ماخطرلي.. مو الكل ينقال لهم.. في ناس قلت لهم وماله داعي يعرفون.. والله خليتيني افكر...

 

[flowers_q8]

جي جي ترى حتى بالطاعة يطالعون الناس
انا منعفسه مااقرا صار لي 10 ايام ونفسيتي غير عن قبل
فعشان جذي خلاص بمر مرور الكرام بالحمله وباقرا من غير مااقول بس المهم اني اتواصل معاج ومع البنات ونتشجع

 

[استغفرك يارب]

ان الله وملائكته يصلون علي النبي ياأيها الذين آمنوا صلوا عليه
وسلموا تسليما

 

[akwa]

الف الف مبروك على التثبيت .........



وان شاء الله بعد احنا نتم ثابتين على طاعتنا وعباداتنا

 

[alfa2002]

بنات وش صار فيكم لية بديتوا تضعفون لاتخلون القراية وخليكم اقوى من الشيطان واللي قاعد يصير فيكم من الشيطان


لازم تكونون اقوى

انا متابعة معاكم ولا خليت القراية مع كل الضيقة والضروف اللي امر فيها

 

[*شمعة الجلاس*]

انا ودي ادخل معااااااكم


رحبواااااااا فيني-احم احم


لله الحمد خلصت الجزء الاول من صورة البقرة وان شاء الله اخلص الجزء الثاااني


والثااالث



ياااااااااااارب اشرح لي صدري ويسرلي اموري كلهاااااا


بنات تكفووون ادعو لي........

 

[الكادي-83]

الله يوفقكم

:0bee2e8d89:

:0bee2e8d89:

:0bee2e8d89:

حسبي الله ونعم الوكيل

 

[أم منصور]

حياج الله ياشمعة الجلاس

واذا بديتي بالقراءة اقريها في الوقت الي يناسبج وتقدرين تقرينها كل ثلاث ليال مرة حتى تعتادين عليها واذا حابة تكونين من قراءها كل يوم البداية هذي تساعدج انج تنتظمين

وعلى فكرة ما كو في الحاديث من يقولج انك تقرينها كل يوم لكن هذا اجتهاد حلو والي يجربه يحس فيه انشالله حياتك

للأفضل ، حياج الله معانا

أم منصووووور

 

[[ . . Jee Jee . . ]]

فلورز والله شي يحر جان تبين الصج......

خلاص اي خليج جذي بس اهم شي مانقطع بعض مثل ماقلتي.. ناطرتج انتي واميرة تقولين قريت اليوم..

بقولكم سر.. :/
اناصارلي مدة اسمعها واقرا معه القارئ او اسمعها بس << خاينة

بقارها اليوم من زمان ماقريت المصحف



صباح الاوفلتين يابنات.. يااربي مانحرم منكم..

 

[أم منصور]

هوب هوب


بنات شفيكم قمتو تخافون تقولون قريناها لا تخوفون بعض

انا انقطعت عن قيام الليل بعذر الامتحانات والله جني انا الي قاعده امتحن

وانشالله برجع للقيام الاسبوع القادم والدين يسر وليس عذر وهم اذا ما قريتوها كل يوم ما عليكم شي

وانا قمت افضل قرائتها كل 3 ايام لاني استمريت فوق الشهرين متواصلة

عاجدي لاتخافون ولا تخشون الشيطان يظهر لكم بافكار غريبة ويخليكم تقطعون وتقولون نتطالع

شلون بالنت يالله كل وحده تحط عيونها عشان اقولكم من منه هههههههه

 

[flowers_q8]

ان شاء الله اليوم بابلش
المهم مانقطع قراءتها ولانقطع بعض
اتمنى اقراها بالقيام بس والدوام اشلون جذي مافي نوم

 

[رذاذ المطر]

لا إله إلا الله العظيم الحليم، لا إله إلا الله رب العرش العظيم، لا إله إلا الله ربُّ السماوات ورب الأرض ورب العرش الكريم"

"لا إله إلا أنت سبحانك إني كنت من الظالمين"

"اللهم إني عبدك وابن عبدك، وابن أمتك ناصيتي بيدك، ماض فيّ حكمك، عدل فيّ قضاؤك، أسألك بكل اسم هو لك سميت به نفسك أو أنزلته في كتابك، أو علمته أحداً من خلقك، أو استأثرت به في علم الغيب عندك، أن تجعل القرآن ربيع قلبي ونور صدري وجلاء حزني وذهاب همي "