حملة قراءة سورة البقره كل يوم

[flowers_q8]

سحائب انا التنميل مرة بربوة الساق مادري شسمها.. من تحت الركبه من ورا.. ومرة بيدي ومرة بجتفي ... ماله مكان محدد..


فلورز .. ضيق تنفس ولا ضيق بالبلعوم ؟ يعني تنفسج عادي بس تحسين جنه ضييق بهالمكان..


تشيري لج وحشة

اي صح جنه ضيق بهالمكان

 

[مناير خزنة التاير]

Jee Jee لا انا ما اخففه مثل ما هو صبيته بالبطل و قريت عليه
انشالله جربيها ، و يارب يرزقنا كل اللي ودنا فيه

 

[kuwaitya_zoGaa]

بنات ترا مايصير تخففين ماى زمزم بالماى العادى

 

[[ . . Jee Jee . . ]]

سبحان الله بنات الظاهر ان للضيقه معنى.. ولازم نكمل القراءة بنفس الايمان بالله..

فلورز اي هالاحساس غريب ماتعرفين شتسوين عشان يروح.. يحوشني لما اصلي القيام او اقرا.. مرات.

امس حسيت بهمه من زمان ماحسيت فيها.. قلت خل اقوم احف واشيل شعر وجهي واسشور شعري..
ويوم شغلت المكينة مامداني والله العظيم.. حسيت بهالضيقة وحسيت اني تعبانة.. وصدعت !!
قمت انسدحت وحطيت سماعه تلفوني باذني واسمع يمكن ارتاح..
بس قمت وماكملت شغلي....


اوكي مناير جزاج الله خير حبيبتي ان شاءالله بجربها الليله مشكورة حيل حبيبتي الله يتقبل منا ومنج يارب ويشفينا ويطهر قلوبنا من كل ذنب وهم وغم ويبدلهم طاعه ورحمة وحسنات وسعادة يارب العالمين

 

[[ . . Jee Jee . . ]]

بنات بعد ما نقرى على الماى الرقية والبقرة شنو اسوي؟؟؟؟؟؟

مارديت على سؤالج هذا... نسيت..
ماتسوين شي تشربين منه.. ماتشربين الا منه وكل ماقرب يخلص سويلج بعد ويفضل يكون ماي زمزم بس عادي الماي العادي مو مشكلة المهم الرقيه

بنات ترا مايصير تخففين ماى زمزم بالماى العادى

لا محد يخففه بماي حبيبتي بس انا فهمت كلام مناير غلط..

 

[الكادي-83]

وانا بعد نفس الحالة جايني ضيقة صدر شيئ مو طبيعي وعصبية وكتمة واحلام تخوف

حتى أنا جايتني نفس الحاله ومرات أتكاسل وأقرا سورة البقرة من غير صلاة

ياااااااااااااااااااااااااااااااربي وش صاااااااااااااااااااير لنا

اللهم أني أسألك الثبات لي ولكم

 

[akwa]

حبيبتي jee jee


ما قصرتى بس شلون طريقه السدر والشب والملح؟

 

[مطنوخه الكويت]

السلام عليكم
أنا بعد معاكم بس أشلون انتى تشوفين الجدول انا كتبت فيه عشان يساعدنى بس أنتى بعد لا تنسينى ديزى لى رساله عشان أقولج قريتها ولا عشان اتحمس انا احب اللى يكون معاى الكادى لا تنسينى جين يا عمرى

 

[رذاذ المطر]

السلام علييكم

جي جي هي اعراض اذا قريتي القران اللي فيها شي لازم تظهر لها اعراض

مثل النوم المفاجأ اذا جاتج نومه غسلي وجهج بقرايه يطير منج النوم علي طول

واللي تجيها ضيييييييقة انصحهاا تشرب زيت مقرى

راح تحس بعوار فضيع بمنطقة البلعوم

انا من كثلا مايعورني اقعد ابجي عوار ماينوصف صراحة

والله يشفي كل مريض

اللهم اشفني لاشفاء اللي شفاؤك شفاء لايغادر سقما

 

[رذاذ المطر]

بنات والله انتو مثل خواتي فانصحكم

لازم تحطون لكم برنامج حق العلاج ... موبس قرائة البقرة

لازم تشربين ماي مقرى وزيت مقري

ودهنين جسمج بزيت مقرى بعد .. وتسبحين بسدر وماي مقرى

لازم يكون عندج علاج

و علي فكرة ترا الاعراض اللي تجيكم هذي اعراض اوليه اذا تعمقتم اكثر

بس اهم شي لالاتخافوون وصراحة ماراح يصير شي الا المكتوب

قوم الليل وصلى واقرى ولاتفكيرين بشي

والله ياربنات راح ترتاحووون اذا شفيتووا وتحسون انكم طاايرين مافي شي علي صدركم ولا ضيقه

وبتغير حياتك كأنك توك صحيتي

وخلي ثقتك بالله كبير لان اهو الشافي وهذا ابتلاء من ربك اصبري واصبري ان الصبر مفتاح الفرج

وخلي هدفك انك لازم تشفين عشان نفسك لاتهملين فيها .. موعشان ماتزوجتي والا وظيفة ووو ... الخ

وثاني شي اطلعووو زورو اهلكم وراح تحسون بضيقة لاتروحين وتقعدين بروحج لالالا هذا اكبر غلط

لاحسيتي بضيقة وانتو بوسط اهلج كثري من الاستغفار والتسبيح والمعوذات

بس لاتكثرون تروحون السوق لانه من اماكن الشياطين واذا روحتك ضروريه اقري دعاء دخول السوق

وحصني نفسج بالمعوذات واذكار الصباح والمساء

وانوى انك اطبقين السنة ... بنات لاتقرون كلامي وخلص طبقوا هالشي وان شاء الله تتشافون بسرع وقت

اللهم اشفني لاشفاء اللي شفاؤك شفاء لايغادر سقما

 

[بناتي حبيباتي]

ان شاء الله من اليوم انا راح ابتدي معاكم في هالحمله

عسى الله يعينا ويثبتنا وياجرنا

 

[alfa2002]

سحائب الخير الله يجزاك خير

 

[[ . . Jee Jee . . ]]

حبيبتي jee jee
ما قصرتى بس شلون طريقه السدر والشب والملح؟

بعطيج الطريقه بالضبط مثل ماهي مكتوبه حبيبتي واقريها عدل عدل..

العلاج بالشبة والسدر والملح
الحمد لله والصلاة والسلام على رسول الله وبعد :

أقوى علاج وجدته مضاداً للعين ويهلكها بإذن الله تعالى هذه الوصفة وهي تُسمى ( بوصفة الرومي الذهبية ) تباع محل العطارة ومعروفة ومشهورة وهي عبارة عن سدر وملح وشبة مقسمة على عدد ( 7 ) أكياس كل يوم يستخدم فيها المريض كيس واحد

وطريقة استخدامها كالتالي "

1- أحضر سطل ماء صغير مثل براميل البوية
2- أحضر كيس واحد من هذه الوصفة وأفرغه فيه
3- أحضر ماء مقروء عليه الرقية الشرعية وضعه في السطل بمقدار كاسة
4- أملأ السطل ماء عادي
5- قلب السطل تقليب جيد حتى تمتزج الخطلة بالماء تماماً
6- استحم عادي جداً
7- احذر الا يدخل فمك ولا في انفك ولا أذنك منه فإن الشبة قوية وتسبب التهابات وتجفف المكان فقد تصل لدرجة الموت
8- بعد الانتهاء من السطل تماماً استحماماً استحم عادي بالشامبو والصابون


سيبقى لك سؤال وهو : كيف استعمل كوب ماء مقروء عليه وانا استحم بدورات المياة
فالإجابة : سئل سماحة الشيخ عبدالعزيز بن عبدالله بن باز السؤال التالي : هل يجوز الاغتسال بالماء المقروء في أماكن الخلاء ؟؟؟
فأجاب – رحمه الله – : ( نعم ، الاغتسال بالماء المقروء في الحمام ليس فيه بأس ) ( فتح الحث المبين في أحكام رقى الصرع والسحر والعين ) 0 ( فتوى منقولة )

اذا تشكين بالخلطة مع انه مافيها شي ان شاءالله انتي اشتري المكونات وخلطيهم..وقوليلي شيصير معاج عل وعسى اجربها انا بعد.. وتفيدني لان الرقيه قامت تلعب بحسبتي الله وكيلج..


وهذا بعد اقريه..

العلاج المادي عباره عن خلطه موجوده عند العطارين مسماه باسم خلطة الشيخ الرومي
وهي عبارة عن 1- كيلو ونصف ورق سدر مطحون 2- وكيلو ونصف ملح مطحون 3- وكيلو ونصف شــــــبـــــه مطحونه
تخلط مع بعض وتوزع على سبعة اكياس وطريقة الاستخدام كالتالي
1- هو عباره عن غسل يعني ترويش يستخدم كل يوم كيس ولمدة سبعة ايام متواصله دون انقطاع ويكون بعد صلاة العصر او بعد صلاة العشاء
والنساء يراعو اوقات الدوره الشهريه يكون قبلها بوقت كافي او بعدها
2- يوضع الكيس في اناء ويصب عليه ماء يكفي الترويش ويقلب ثم يغطي جسمه كاملا بما فيه راسه بهذه الاعشاب وبعدها مباشره ينضف نفسه بالماء والصابون وغيره يكون في اي مكان حتى في دورة المياه
3- يواصل بهذه الطريقة لمدة سبعة ايام ولا يكررها الا بعد فتره طويله
ملاحظه مهمه لايسمح باستخدام هذا الغسل لمن به جروح او حروق او حساسيه مفرطه في الجلد
اخواني واخواتي هذه الخلطه مجربه وستحس بالفرق في جسمك وخفته والتغيير من اول مره تستخدمها ولا اريد منكم الا الدعاء

السلام علييكم
جي جي هي اعراض اذا قريتي القران اللي فيها شي لازم تظهر لها اعراض
مثل النوم المفاجأ اذا جاتج نومه غسلي وجهج بقرايه يطير منج النوم علي طول
واللي تجيها ضيييييييقة انصحهاا تشرب زيت مقرى
راح تحس بعوار فضيع بمنطقة البلعوم
انا من كثلا مايعورني اقعد ابجي عوار ماينوصف صراحة
والله يشفي كل مريض
اللهم اشفني لاشفاء اللي شفاؤك شفاء لايغادر سقما

اول شي جزاج الله خير ياااعل عمرج طويل وكله طاعات ومقبوله بإذن الله .. وبعده جنة فردوس يارب ..
ثاني شي هذا احس فيه وقت القيام.. او وانا ارقي نفسي.. مرات بدون شي تحوشني ضيقه ..

وفي احساس غريب.. احس ببلغم وقت القرايه.. ويمكن 3 رات حاشني مع البلغم مثل ماتكون خشبه قازتني من داخل ببلعومي..
في شي صاير بس ماني عارفه انا اتخيله ولا اهو صج... احس اني اشوف اشياء حوالي.. مثل نقط او شي يمر بسرعه او شي جذي.. عرفتي قصدي؟ مادري شلون بتأكد انه هذا صج ولا لأ...
الشي الوحيد اللي احسه وماقدر اقول تهيؤ التنميل والتقزز ..

ومشكورة على ردج الاخير والله ان عندي مراجعه باجر وماودي اروح ومن الحين من هذي اللحطة متكدرة وضايق خلقي لاني باجر لازم اروح

 

[سابقه جيلها]

مرحبا بنات انا دايم احس بضيقه وابي ابكي ومالي خلق للدنيا تجي هالفكره مرات ومرات اعصب حيييييل ابي منك علاج مثل الماي المقري والسدر اشلون استعمله لاني ماعرف واللي تعلمني بدعي لها والله من قلبي ولكم مني تحياتي واحترامي ..........

 

[[ . . Jee Jee . . ]]

سابقه جيلها حبيبتي فوق مشاركتج تلقين طريقه.. واقري معانا البقرة وان شاءالله بتتحسن نفسيتج بقربج لله..


حاولوا ماتغيرون مسار الموضوع.. وخلونا نشجع بعض بالاستمرار بقراءة القرآن والبقرة بالذات يومياً..


ام منصور وينج من زمان ماشفت لج كومنت.. فلورز شسويتي امس مداج تقرينها قبل الفجر ولا لأ ...

بنات انا متابعه معاكم الحمدلله ومستمرة .. شدوا حيلكم ترى انا مثلكم احتاج تشجيع وابي اشوف ردودكم ياللي مستمرين وكلكم خير وبركة.

 

[الكادي-83]

مرحبا بنات انا دايم احس بضيقه وابي ابكي ومالي خلق للدنيا تجي هالفكره مرات ومرات اعصب حيييييل ابي منك علاج مثل الماي المقري والسدر اشلون استعمله لاني ماعرف واللي تعلمني بدعي لها والله من قلبي ولكم مني تحياتي واحترامي ..........

ماتشوفين شر ياعمري ضيقتنا والله من الشيطان حسبي الله عليه

حطيلج ماء صحه الكبير اللي يصير تقريبا" لتر أقري عليه سورة البقره أو رقيه شرعيه وحطي فيه 7 ورقات سدر مدقوق وقسمي بطل الماء على 3 أيام

يعني اليوم الأول:::

جزء من الماء المخلوط بالسدر حطيه في وعاء كبير وزيديه ماء عادي يكفي أنج تتسبحين فيه وبعد صلاة العصر توشي من هذا الماء في غرفتج

ونفس الطريقه لمدة 7 أيام كل بطل يكفيج 3 أيام

وأقري في زيت زيتون سورة البقره او رقيه شرعيه وكل يوم زيتي منه قبل النوم لمدة 7 أيام يعني يكون مع أستخدامج للماء


وفي عند العطار خلطة الرومي مقسمه على 7 أكياس تستخدم لمدة 7 أيام العطارين يقولون لج طريقتها وحيل تريح كل الرقاه ينصحون فيها وأنا أستخدمتها


دعواتج لي بالزوج الصالح في القريب العاجل

 

[[ . . Jee Jee . . ]]

أكوا هذي الايات اللي تقرينها على الماي اللي بتخلطين فيه السدر والشب والملح.. لو ماكان عندج رقيه تقرينها..
وهي منقوله من رجل دين مختص الله يجزاه خير اسمه ابو شاهين ادعيله وادعيلي والله يشفينا ويشفيج يارب ونسمع عنج اخبار حلوة قريب ...

على فكرة حتى كلامي بالرد اللي قبل هذا منقول من نفس الشيخ.. بس الفرقه الثانيه موجهه لي من شيخ ثاني فيها الطريقه قلت تفيدج..

وهذي الايات..

ـ الأنواع والكميات والطريقة :

تُخلط ملعقة سدر مطحون ملعقة شَبّ مطحون ملعقة ملح مطحون، وتُوضع في وعاء الماء المجهَّز للاغتسال فقط، وتقرأ في الماء المخلوط معه السدر والملح والشب، تقرأ فيه بنفسك السُّور والآيات التالية :

سورة الفاتحة وسورة الإخلاص والمعوّذتين سورة الفلق وسورة الناس وسورة قريش وآية الكرسي وآخر ثلاث آيات من سورة يونس وآخر آية من سورة الإسراء وآخر آية من سورة الكهف، وأيّ آية كريمة أخرى مثل آيات السحرة في سورة طه وسورة يونس وسورة الشعراء وسورة الأعراف التي يُذكر فيها مصير المشركين في الدّنيا والآخرة، ونصرة المؤمنين، ثم الأدعية النبوية مثل اللهمّ رب الناس أذهب البأس اشف أنت الشافي، لا شفاءَ إلا شفاؤك، شفاءً لا يُغادر سقمًا .

وينكم بنات.. ام منصور فلورز كويتيه ريم الفا..

تشيري شندوخه ماقرت عيوني بردودكم اليوم...

 

[alfa2002]

انا متابعة معاكم باقي خمس ايام واوصل للمية بس هذي الايام نفسيتي تعبانة وكتمة واموري تعقدت وطلعت لي اعراض غريبة واحلام تخوف

ومع كل هذا ان شاء الله مستمرة ومن الاسبوع الجاي بستخدم خلطة الرومي الله ينفع بها وعندي احساس ان الفرج ان شاء الله قريب

 

[[ . . Jee Jee . . ]]

ماشاءالله الفا الله يقويج حبيبتي .. وقوليلي لما تسوينها وعلى الاحلام ..

قبل لا تنامين اقري لايلاف قريش وكرري آمنهم من خوف.. واقري المعوذات والكرسي وقولي يااااارب آمني من الخوف يارب احفظني من كل شر .. ان شاءالله ماتحلمين بشي عن تجربه...


باجي البنات فقدتكم.. والله لكم تأثير علي .. لدرجة اني ماقريت كامله لي الحين احوس احوس واردلكم.. وينكم

 

[حـــــلا]

ربي اني لما انزلت الي من خير فقير