حملة قراءة سورة البقره كل يوم

[مستقبلي احلى]

انا معاكم لكن ما اكتب اهني اكتب في حواء

 

[[ . . Jee Jee . . ]]

جي جي حبيبتي تشجعي وكملي لا تتكاسلين واستمري وكلنا معاج مع بعض نشجع بعض والله امس بالليل قريتها وعيوني تصك بنام بس دحرت الشيطان وكملت وهذا كله بفضل الله وتشجيعكم
جي جي حبيبتي لازمي الاستغفار
وانا ودي تعيشين سنج وتطلعين وتروحين ماودي كله قاعده في البيت ترى هذا يؤثر في ضيقة الخلق
يمكن اذا اشتغلتي يتغير شوي وضعج
جي جي املي وقت فراغج
والله اني احبج في الله وودي اشوفج باحسن حال بالاضافه الى العلاج بالقرآن والدعاء انتي بعد غيري اسلوب حياتج وخلج كله متفائلة ومستبشرة خير الرسول صلى الله عليه وسلم قال تفاءلو خير تجدوه
يعني انتي متفائله بيصير لج كل شي حلو اما اذا تشاءمتي بتلاقين اشياء مو حلوة
يارب اسمع عنج كل اخبار طيبه ربي يغير حالج الى احسن الاحوال بحوله وقوته
شوفي دامج تدعين ربج وانتي موقنه بالاجابه ربي بيعطيج كل ماتتمنين
دايما بعد صلاة الفجر ادعي الفتاح يفتح لج كل باب ويفتح لج ابواب رحمته الله يوفقج ويسعدج حبيبتي

بعد عمري وانا احبج في الله .. أحَبك الله الذي احببتني فيه ياحبيبتي انتي وان شاءالله بحيل الله مستمرة
امس قريت وخليت شوي.. بالميتين جذي
الحين بخلصهم عشان اقيم الليل بقراءة اليوم ان شاءالله..
والله يافلورز والله بقولج شي عجيب.. امس قبل لا انام قريت لايلاف قريش .. وكررت "آمنهم من خوف"
وقلت يااربي ماقوم مخترعه يارب احفظني وانا نايمة يارب .. ونمت وماحلمت بحلم يخوف ولا فزيت مختبص قلبي الحمدلله الف حمد وشكر لله
والله يقربني ويقربج منه اكثر واكثر ويستجيب دعواتنا يارب .. ومستمرين بإذن الله ...

الحمدلله قريتها بس بنات تعبانة كله اعصاب وببجي وأحس مثل غبظ أعوذ بالله من كل شي مادري شفيني والله تعبت

أميييييرة فيني وفيج الضيقه والله.. تعوذي من ابليس وصلي ركعتين وادعي الله يبعد عن قلبج القمته
وطمنينا عليج حبيبتي يالغالية



مستقبلي نورينا هني بعد لا تحرمينا طلتج

 

[أم منصور]

توني خالصة البقرة

بس ما ادري ليش قاعده اشوف تنبيه من ربي من خدامتي ثاني مرة اشوفها

وامس حلمت انها حاطة لي وصخ في الماي الي اشربه

والحمدلله اني قاعده اقرا البقرة يوميا ولو مو مدومه عليها كان ربي العالم شنو صار فيني هذي اندونيسيه

واكيد هذا تنبيه من رب العالمين واي قمت اخاف منها

 

[الكادي-83]

اليوم كملت 134 يوم وبأذن الله تتحسن الأوضاع لأن نفسيتي تعبت وأحس بملل

ودي تتغير حياتي للأحسن مع ان مو ناقصني شي بس أحس ان كل شي ناقصني

الحمدلله على كل حال

اللهم لك الحمد حتى ترضى

ولك الحمد إذا رضيت

ولك الحمد بعد الرضى

 

[أميرة الورد]

أميرة الورد الله يشفيك واستمري بالقراية وان شاء الله مايخيب الله عبد لجأ الية

آمين مو قادرة أقراها قعدت أحاول الفير قريت سورة الواقعه ويوم ييت بقراها مادري شصار فيني مادري

 

[أميرة الورد]

أميرة الورد الله يشفيك واستمري بالقراية وان شاء الله مايخيب الله عبد لجأ الية

الحمد لله قريتها توني وكملت 31 يوم

اميرة الورد حبيبتي اشفيج عسى ماشر؟
قولي لا اله الا انت سبحانك اني كنت من الظالمين بدون عدد قوليها وايد راح ترتاحين ولزمي الاستغفار
حبيبتي تفاءلي ياقلبي تفاءلو بالخير تجدوه

مادري فلورز مادري شفيني مكتئبة قريت سورة الواقعه وييت بقرا سورة البقرة مادري شصار فيني أعتفست ولاقدرت أنام ولاقدرت أقراها قاعدة أستغفر بس راسي حيييل مصدع

 

[[ . . Jee Jee . . ]]

ام منصور ديري بالج منها لا تشربين من ايدها شي وتابعيها حبيبتي
وعودي نفسج تاكلين 7 فلذات/تمرات الصبح تحميج من السحر ..


كادي لا تيأسين ولا تفكرين انه تأخر الشي اللي تبينه الله يحبج ويبيج تدعينه اكثر وتتعبدين له اكثر وتطلبينه وتلحين بالدعاء.. شدي حيلج تعوذي من بليس وانا وياج ان شاءالله حياتنا بتتغير للاحسن وكل البنات بحيل الله الواحد القهار...


أميرة حبيبة قلبي.. سملله عليج الرحمن الرحيم بعد عمري انتي
سمعيني الغاليه ابيج تسوين شي عشان خاطرنا كلنا خواتج... ابيج تصلين ركعتين ولما تسلمين تقرين لايلاف قريش
وتدعين الله يشيل من قلبج الخوف والكدر والضيقه واهم شي الخوف...
وبعدين تدعين بايات الشفاء اللي كتبتهم.. وتدعين ان الله يقويج على اللي فيج مايخليج تكملين قرايه ..
وانتي بمحرابج/مصلاج.. قعدي واقريها .. بصوت مسموع وفهمي الكلمات واي ايه فيها سحر او شفاء او حسد كرريها..
ولما تتعبين.. ابيج توقفين شويه وتقرين المعوذات 3 مرات وتكررين وتنفثين بيدج وتمسحين على كل جسمج وتنفثين بالماي وماتشربين الا منه...
وكملي قرايه.. وكل ماتعبتي سوي جذي...


شوفي انا امس كنت اقرا البقرة ونعست حيل ابي بس انسدح وانام.. بس قلت بكمل
بعدين قمت اتهيأ اشياء تتحرك حوالي.. والله العظيم اموور متخيله؟ انا قلت لاني تعبانه.. لاني مانمت ليلحين
بكمل.. وارجع اشوف جنه طيف مر .. جنه نقطه تحركت .. وهلم جره

وكملت الحمدلله.. ابيج تسوين الي قتلج.. ردي علي اول ماتقرين.. اليوم تقرينها لازم لا توقفين......










بنات اللي يوقفون عشان الدورة.. بنات ترى مو زين توقفون ذكر ايام الدورة ترى ضروووري تحصنون نفسكم وقتها
واقروا اذكار الصبح والليل واقروا البقرة من التفسير او من هني
/www.quranflash.com


وهذا كلام شيخ من موقع الرقيه..

الحـــــائض وتـــــرك قـــراءة القــــرآن والأذكـــار فرصــــــة عظيمــــــة لغـــــدر الجـــــآن بهــــــا



لقد وضعت صيغة سؤال وجواب من الزاد لفضيلة الشيخ العثيمين أنقل فيه الكلام عن الحائض التي يجوز لها قراءة القرآن والأذكار

س : هـــل الحائــــض تدخــــل في المنـــع مـــن قـــراءة القـــرآن الكريــــــم ؟
وأما بالنِّسبة للحائض: فإنَّها مِمَّنْ يلزمه الغُسْل، وعلى هذا فجُمهور أهل العِلْمِ أنَّه لا يجوز لها أنْ تقرأَ القرآن؛ لكنْ لها أن تذكُرَ الله بما يوافق القرآن().
وقال شيخُ الإسلام ـ رحمه الله ـ: إنه ليـس في مَنْعِ الحائـض مــن قــراءة القـــرآن نُصــوص صريحــة صحيحـــة()، وإذا كـــان كــذلك فلهـــا أن تقـــرأ القــــرآن لما يلــــي:

1ـ أنَّ الأصْلَ الحِلُّ حتى يقوم دليلٌ على المنْعِ.
2ـ أنَّ الله أمر بتلاوة القرآن مُطْلَقاً، وقد أثنى الله على من يتلو كتابه، فَمَنْ أخرجَ شخصاً عن عِبَادة الله بقراءة القرآن فإنَّنا نُطالبه بالدَّليل، وإذا لم يكن هناك دليل صحيح صريح على المنْعِ، فإنَّها مأمورة بالقراءة
.

ولو قال قائل: ما دام العلماء مختلفين، وفي المسألة أحاديث ضعيفة()، فلماذا لا نجعل المسألة معلَّقة بالحاجة، فإذا احتاجتْ إلى القِراءة كالأَوْراد، أو تَعاهُد ما حَفِظَتْهُ حتى لا تنسى، أوتحتاج إلى تعليم أولادها؛ أو البنات في المدارس فيُباح لها ذلك، وأما مع عدم الحاجة فتأخذ بالأَحْوَطِ، وهي لن تُحْرَم بقيَّة الذِّكْرِ. فلو ذهب ذاهب إلى هذا لكان مذهباً قويًّا.(( وهذا ما مال إليه الشيخ العثيمين - رحمه الله وعوّل عليه في شرح بلوغ المرام ))




تعليق : الشياطين متى أتت للمرأة ورأتها مجردة من التحصين نالت منها : وبعض النساء يمنعهنّ الجهل بأن تذكر أذكار الصباح والمساء وقراءة آية الكرسي بحجة أنها حائض - وهذه في الحقيقة مصيدة جيدة للجن سهلة وعظيمة - فأحذروا يرعاكنّ الله
.

وبحطه بموضوع منفصل حتى يفيد البنات كلهم..


اميرة طمنيني عليج.. فلورز شلونج؟

يا بنات تشيري تأخرت.. ادعوا لها بالتوفيق والله يردها لنا بالسلامة ..

 

[[ . . Jee Jee . . ]]

هذا الرابط يالغاليات
http://www.q8yat.net/showthread.php?t=161995

 

[alfa2002]

اليوم كملت 134 يوم وبأذن الله تتحسن الأوضاع لأن نفسيتي تعبت وأحس بملل

ودي تتغير حياتي للأحسن مع ان مو ناقصني شي بس أحس ان كل شي ناقصني

الحمدلله على كل حال

اللهم لك الحمد حتى ترضى

ولك الحمد إذا رضيت

ولك الحمد بعد الرضى

لا لا يالكادي ليه كذا انت اللي تشجعيني وتحمسيني وتعطيني الامل اذا شفت ردودك

كلامك هذا مو المفروض يطلع منك انت اقوى من كذا

وقلتي لي بعد الاربعين بتجيك ان شاء الله خبر زين او بشارة مادري بالضبط بس انت حمسيتيني وفعلا جاني خبر حلو اسعدني

وانت قربتي على 140 ان شاء الله تبشرينا بالاخبار الزينة

 

[alfa2002]

أميرة الورد رددي دائما الفاتحة والمعوذات

 

[طبيخه]

بنات اكتبووا شنو يصير معاكم لما تقرونها عشان يكوون تشجيع لنا
لما تتغير احوالج وتتتغير حياتج
وعسى الله يكتب لنا الخير يالله يا كريم ويبعد عناا كل سووء يا رب

 

[[ . . Jee Jee . . ]]

طبيخة في بنات كتبوا بالصفحات .. اقريهم والله يكتبلج اجر انكتب لنا نسعى له والله يتقبل ان شاءالله يارب

 

[استغفرك يارب]

لا اله الا انت سبحانك اني كنت من الظالمين

 

[قلب امرأة]

ان شاءالرحمن بقراها اللحين عسى ربى يتقبل منى ومنكم ويسر لى كل ما اتمنى بالقريب العاجل يارب يا ارحم الراحمين وجزاكم الله خير ويجزى ربى راعيه الحمله كل خير واللى يشاركون فيها يااارب العالمين

 

[flowers_q8]

الحمد لله كملت 32 يوم قريتها قبل شوي

يالكادي انتي اللي تشجعينا لاتملين
تفاءلو بالخير تجدوه

جي جي انا الحمد لله بخير ونعمة ومتفائله خير قريب الفرج ان شاء الله

خواتي بشرونا عنكم؟

شيري شخبارج؟

اميرة الورد يالله الهمة حبيبتي ربي يشرح صدرج ويبشرج ربي بالخبر اللي تتمنين يارب

تأكدو دام تقربتو من الله ربي بيرضيكم​

 

[reme]

ما شاء الله تبارك الرحمن

الله يباركلكم يارب

انا بديت معاكم استمريت يومين وعقب قطعت

وعقب رديت مرة ثانية بديت مرتين ورديت قطعت

والحين يوم رجعت هنا شجعتوني جزاكم الله خير

تدرون خواتي كل ما حاولت اقيم الليل ما اقدر اصلي ركعتين وبعديناجلس مثلا ابغي اذكر ربي استغفر ايني النوم احاول اقاوم ما اقدر حاولت كذا ليلة ما قدرت

مب عارفة شو السالفة ؟؟؟

 

[reme]

اشحالكم خواتي شو اخباركم

قريت تجربة وايد حلوة حبيت انقلها لكم علشان تستفيدون منها :

بنات أنا جربت الاستغفار في أشياء وااااااااااايدة

بخبركم عن أهم شي و هو عن زواجي

خلصت الكلية واتوظفت و بعدين خلاص حسيت اني أبي أعرس عشان أستقر وأييب عيال


واضبت ع قيام الليل لمدة أسبوع كاااامل( من السبت لين الخميس )

صليت ركعتين قيام الليل و بعدين كنت أدعي دعاء ( سيد الاستغفار ) أكثر عن 500 مرة و عقب الاستغفار صليت ركعتين و دعيت بكل خشوع و تذليل لله عزوجل لمدة أسبوع كامل وكنت ع يقين بأن الله سيستجيب لي دعائي نهاية الأسبوع ...

والله والله يا بنات نهاية الأسبوع يوم الخميس (3) اتقدمولي ، و طبعا صليت الاستخارة و عرست على ريلي

نصيحة نصيحة يا بنات جربو طريقتي قيام الليل مع دعاء سيد الاستغفار ... والله والله شي عجييييب .. ع فكرة أختي الي أصغر مني سوت الي قلتلها و ألحين الله يحفظها و ماشاءالله عليها عرست و حامل في الشهر الأول أدعولها

يا سبحان الله يا سبحان الله يا سبحان الله الأستغفار كنز من كنوز الدنيا العجيبة ..

أحبكم في الله يا خواتي



ولا تنسوني وادعولي ولصاحبت التجربة

 

[flowers_q8]

ما شاء الله تبارك الرحمن

الله يباركلكم يارب

انا بديت معاكم استمريت يومين وعقب قطعت

وعقب رديت مرة ثانية بديت مرتين ورديت قطعت

والحين يوم رجعت هنا شجعتوني جزاكم الله خير

تدرون خواتي كل ما حاولت اقيم الليل ما اقدر اصلي ركعتين وبعديناجلس مثلا ابغي اذكر ربي استغفر ايني النوم احاول اقاوم ما اقدر حاولت كذا ليلة ما قدرت

مب عارفة شو السالفة ؟؟؟

حبيبتي تشجعي ترى كلنا معاج
كل يوم اقري البقرة بالوقت اللي تحسين انج فاضيه ومحد يقاطعج فيه
وترى والله قيام الليل سهالة ماشاء الله بس انتي انوي وربي يعينج واذا يت لج النومه دحري الشيطان وعانديه وصلي قيام لو ركعتين واستغفري وادعي ربج يوم عن يوم بيصير القيام احب شي لنفسج

 

[زلابيا]

لا اله الا انت سبحانك اني من الظالمين ...

استغفر الله واتوب اليه

شلونكم بنات؟؟؟

سجلت حضوري والحمدالله صارلي 5 ايام من رديت قريتها

 

[أم منصور]

الحمدلله قريتها بعد صلاة المغرب