حملة عرايس || 2013 || تفاءلوا بالخيـر تجدووهـ الجزء ~>4<~

[دودي ♥]

صباااااح التفائل
هلا بشيخة العرايس شذونه
وحشتيني حييييييل
من طول الغيبات جاب الغنايم شخبارك؟؟؟
حلاوة
دووووم ياااارب نفسيتك تكون زينة ومبسوطة الله يسعدك ياقلبي
تالا يابعد عمري تأكدي مابعد الضيق الا الفرج والله يفرحنا فيك قريب
روج وامون موفقات ياااااارب الله ييسر اموركن ياااارب

 

[دودي ♥]

رورو شلونج
مشكورة حبيبتي على المقاطع
اللهم صل على محمد
تصدقين رورو صارلي تقريبا شهرين مستمرة على الصلاة على النبي اكثر من 500مرة باليوم
ياااااارب لك الحمد امور كثييييرة في بيتنا ولأهلي كانت معقده ومتعسرة تيسرت بشكل ماتوقعته وبسرعه بعد
لك الحمد ربي على جميع نعمك التي لاتعد ولا تحصى

 

[^^ ǺГฬα]

هلا حياتي الحمدلله وماسويت شي تسلمون كلكم

ماشاء الله حتى انا مستمره بس بدون عدد معين والحمدلله احس براحه وطمانينه

وقاعده اهتم باكلي وبشرتي

مع انه همي كبير بس بديت باصرار وباذن الله ماكو شي كبير على الله وراح يفرج علي همي

وكل ماتضايقت تفائلت

وقاعده اتخيل حياتي بعد ماينفرج همي وشنو راح اسوي واحس بسعادة

مع انه همي كبير بس الله كريم

​

 

[دودي ♥]

الله يفرج همج ويفرحنا فيج

ابشري حبيبتي بالتفائل والاصرار وحسن الظن بالله بتتحقق كل امنياتنا

اللهم صل على سيد خلق الله محمد ابن عبدالله صلى الله عليه وسلم

خرووووج للصلاة
لاتنسون اذكار الصبااح

 

[^^ ǺГฬα]

امين يارب واجمعين حبيبتي

شدوا حيلكم ولاتضايقون

حاولوا تمشون بالبيت ربع ساعه بعدين نص ساعه بعدين ساعه

راح يتنشط وتروح الطاقه السلبيه منكم

وكثروا شرب الماي

وابذلوا الاسباب وحاولوا تهتمون باكلكم

وبشرتكم لو خفيف وباشياء طبيه احسن
​

 

[^^ ǺГฬα]

في نقطة احب الفت نظركم لها
ويمكن ماتكون تعرفونها بسالفه الزواج


اللي تتمنى تتزوج خل تدعي بالزوج الصالح

والله اني اعرف شباب من الجماعه ومن برا

ومن رفيجات امي وبنات خالاتي وعماتي
بسولفون لي

للاسف بعد مايخربطون يبون يتزوجون ويبون احسن بنت

تخيلوا يزنوون مع بنات ومع خدامات

اي خدامات لاتستغربون لاتستغربون والله انا كنت استغرب مثلكم شبابنا
مايسون هالاشياء يمكن قليل بس للاسف طلع في شريحة كبيرة

شباب بدو وحضر كويتين وخليجين واهلهم وخواتهم زينين ومحافظين ويصلون ويعرفون الله عدل

بس اهمه للاسف وصخييين

واللي يتزوجونها ماتدري عن فضايحه ووصاخته يتزوج وحده شريفه وسمعتها زينه

بس اهو وصخ

ف ديروبالكم تتمنون الزواج وبس

خلي علاقتج مع ربج قويه وادعي ربج انه يرزقج بالزوج الصالح العفيف

وترا الصالح مومعناته مطوع ومتشدد لااا

الصالح تكون اخلاقه حلوه وزينه وماقرب حق النجاسات

والله اني انقهر على البنات اللي يتزوجون هالاشكال

ف ادعوا من كل قلبكم انه يرزقكم الزوووووووج الصالح العفيف حتى لو طول زواجكم

بس تتزوجين واحد محترم وعفيف وصالح


ف حبيت انبهكم خواتي لايكون همكم بس زوج وخلاص

اتمنى تدعون بالزوج الصالح العفيف
​

 

[^^ ǺГฬα]

ما هو الــــعــفـــاف؟

العفه : هي كف النفس عن المحارم وعما لا يجمل الانسان فعله و ضدها الدناءة و الخسه.

انواعها : 1-العفه عن اكل الحرام(اكل مال حرام).
2-العفه عن سؤال الناس.
3-عفة الفرج.


من ثمرات عفة الفرج :

1. ضمان الرسوال صلى الله عليه وسلم بدخول الجنه
2. اظلال الله من عف عن الفاحشة في ظل عرشه يوم القيامه
3. عفة المرء سبب في عفة اهله و محارمه
4. العفة سبب للبعد عن سخط الله تعالى و عقابه العام و الخاص ومن انتشار الامراض الفتاكه.

كان النبي محمد صلى الله عليه وسلم يقول
( اللهم إني أسألك الهدى ،و التقى ، و العفاف ، و الغنى ) رواه مسلم

​

 

[روج وردي]

صباحكم سكر وامنيات محققه باذن الله

ااروش والله انج صادقه
اللهم ارزقنا الأزواج الصالحين العفيغين

 

[^^ ǺГฬα]

صباحكم سكر وامنيات محققه باذن الله

ااروش والله انج صادقه
اللهم ارزقنا الأزواج الصالحين العفيغين

صباحج سعاده وهنا حبيبتي

اللهم امين يارب :yaaaaaarb:

:eh_s(7):

​

 

[المعطف الوردي]

صباح الخير والطيبه والاحساس ههههههههه
شلونكم اليوم وكيف النفسيه

بنات ابغى خلطه طبيعيه للجسم ادهن فيها قبل النوم اهملت نفسي وايد بسبب الدراسه وكمان ابغى اعرف احسن خلطه صابونيه
فيدوني ولها دعوه مني :eh_s(16):

 

[^^ ǺГฬα]

هههههههه صباح النور ياقلبي

جربتي الخلطه الصابونيه قبل لاتسبحين؟
​

 

[^^ ǺГฬα]

انا عجبتني هذي

قــوه ياحلوين شلوونكم

Miss u All

من زمان ما نزلت موضوووع بس أكيد رااادة لكم وبقوة مع هالخلطة العجييييبة صج يا بنااات تينن والي ما تجربها خسرااانه

طبعا اول شي خل اقولكم قصة هالكريم الي سويته .. بنت خالتي توها طالعه من الاربعين وفترة الاربعين كلش ما اهتمت بجسمها ولا سوت لا خلطات ولا شي اللهم تدش الحمام (عزكم الله ) وتتسبح بشور جل ديتول وتطلع على حسب ما قالتلي لوووول

المهم طلبتني وقالتلي عن المشاكل الي بجسمها والي اعتقد اي بنيه تعاني منها وخصوصا الي توها واالده

( سواد ببعض الاماكن + الخطوووط البيضة والحمرا + بقع بالجسم + ترهل + جفاااف )

المهم طلع مني هاللوشن الي كلمه يهبل شويه عليه واهي صارلها تقريبا اسبووعين ووشوي تستخدمه كل يووم تحطه عقب الشاور واليوووم دقت علي طااايره من الفرحه ومن الفررق الي شافته لانه شااامل حق كل مشاااكل البشره

(تقوول بطنها صااار لونه فااتح والخطووط حيييل خفوا وطبعا هذا من عدا البقع الي بجسمها شبه اختفوا )

( طبعا انا قبل لا تبلش بالخلطة قلتلها طلبتج صوري قبل وبعد وقالتلي اشووف ويا فرحه ما تمت ريلها ما رضى :rgewrg: )

واايد قرقت صح

يلا نبلش


مكونات الخلطة :

زبدة الشيا + زبدة الكاكاو + زبدة المانجو (من جراس يعطيها ألف عافية

)




فازلين تجديد البشره + جرجنز العناية الليليه (من الجمعية )



سودو كريم + جليسوليد (من الجمعية)



زيت اللوز المر + زيت السمسم + زيت الجلسرين + زيت الليمون (من الحواي)



زيت الشاي الاخضر + زيت جنين القمح (من الحواي)




كبسولات فيتامين E (من الصيدلية)




خلصنا من المكونات

الطريقة :

1- أول شي ذوبت زبدة الكاكاو حطيتها بحمام مائي ( ماذوبت الشيا والمانجو لانهم لينين وما يحتاجون بس الكاكاو كانت يابسه شوي فا علشان جذي ذوبتها )



حبيباتي راح احطلكم المقادير بالضبط يعني مو تيي وحده تسألني جم قفشه وجم علبه اوكي فديتكم والله

1- زبدة الشيا ( حطيت نص العلبه لانه ماشاءالله كميتها كبيره )
2- زبدة المانجو ( العلبه كاملة )
3- زبدة الكاكاو ( العلبة كاملة )
4- فازلين البنفسجي وكريم جرجنز ( العلب كاملين )
4- السودو كريم ( الحجم الصغير كامل )
5- الجليسوليد ( العلبة كاملة بس طبعا في منه احجام حطيت العلبه الي بـ495 فلس)
6- الزيوت الي اول شي الكبار ( نص الغرشة )
7- الزيوت الصغار جنين القمح والشاي الاخضر ( الغرشة كامله )
8- فيتامين E ( حطيت 15 حبه )

(طبعا هالكمية طلعتلي 3 علب كبار لاني سويت حقي بعد ) فا الي تبي اقل من جذي تنقص من المكونات

اهني لما حطيت المكونات كلهم فوق بعض وبلشت بالخلط






وطلع احلى كريم للجسم :rerrerek::rerrerek:






طبعا افضل وقت تحطينها بليل تتسبحين وتتفركين عدل بأي خلطة صابون عندج وتتسنفرين وتركزين على الأماكن الي فيها سواد

وعقب تنشفييين عدل تدهنين جسمج كاااامل وحتى المنطقة الحساسة من برا هااا ديروا بالكم مو تحطون داخل وعقب لبسي بجامه قطن افضل شي ,,

ولما تقعدين الصبح غسلي جسمج بصابونة فير اند وايت واااايد حلوه او اي صابونة انتي مرتاحه عليها

ومو الحين تقولولي سويلنا الخلطة وبيعيها ترى المكونات سهله ومتوفره عندنا بكل مكان يعني لا تتكيسلون وصيروا خووش بنات

والي تجربها وتنفعها ماأبي الا تدعيلي دعوه من قلبها وتحط تجربتها للبنات عشان يتشجعون يسوونها

★خلطتي الشامله لمشاكل الجسم(تنعم-توحد اللون-تخفي السترتش مارك وتبيض هديه مني لكــم★
​

 

[^^ ǺГฬα]

هذي خلطات صابونيه تتسبحين فيها اختاري اللي يعجبج

جمعت جميع الخلطات الصابونيه بالمنتدى هنآآ وفرت البحث عنك
​

 

[المعطف الوردي]

فديتك اروى مانطلع من جزاك بس شكلها الخلطه تهبل بس ماكنها مكوناتها كثيره :eh_s(2):

 

[مزيونة الخبر]

مساء الخير بنات ادعولي بنات هالشهور هاذي انخطب امانه واللة مليت . انا عندي صابونية مزيونه عادي انام فيه شلون كانه صابون انام والصبح اتسبح عادي صح

 

[oshi_q88]

بنننننننننننننننننننننآت حسسيتو بآالزلزال !!!

 

[مزيونة الخبر]

شسالفه صدق صاير زلازل بالامارات حق ايران حسيت فيه كنت الظهر منسدحه بغرفتي حسيت شي بسيط دقيقه عبالي سيارة برا تردم شوراع وكذا اثارية طلع زلازل ايران والحين الامارات يعني خلاص كل الخليج بجية زلازل قبل سنتين بالمدينه ياربي رحمتك الناس في غفلة هذا غضب من اللة ياربي ارحمنا بس

 

[سحابة ماطره]

رد: ~:: برودكاست أنامُسلمه (1) ::~
فِي لحظةٍ مُلئت بالوانِ الكآبة ..
أحسستُ في جَوفي زئيراً .. مُزعجاً .. وكأن في جُنبي غَابة .. !
وكأن كُل الكَونِ ليلٌ مظلمْ ..
وعلى ضِياءِ الفجر قَد نسجت سَحابة ..
وبِلا شُعور قُلت : يالله ..
فَ انتفض الفؤاد وصـرتُ أبكي في غَرابة .. !

الله ماهذا الشعورُ البكر في قَلبي الكئيبْ ..
أحسستُ لحظةَ أن نطقت بها بِ إحساسٍ غَريبْ ..

أحسستُ مـاءً بارداً
أحسستُ حُباً صَافياً
أحسستُ عِطراً خَالداً
أحسستُ أني نازحٌ قد عَاد للوطنِ الحبيب ..
أحسستُ أني قَد دخلتُ لـ عالمِ الحُب الرحيب ..

الله وأنتفضَ الفؤاد ... !
وكُل همٍ في الفؤاد أحسستُ أن الله أعظمَ من تفاهاتِ العباد ..
الله أعظمُ من تفاهاتي التي أهذي بها في كُل واد ..
الله ربُ العالمين
الله نُور العالمين
وهذة الدُنيــا سوادٌ في سواد .. *

 

[سحابة ماطره]

بنننننننننننننننننننننآت حسسيتو بآالزلزال !!!

ويييييين انتي

 

[قلبي محمد]

السلام عليكم حبيباتي
شلوونكم و شخباركم ؟؟؟
عسى الله يوفق روج وردي لان خطبتها اليوم
والله يوفق ايمان بعد
و عسى ربي يوفقنا كللنا و نتزوج الازواج الصالحين اللي نتمناهم
آميييين يارب العالمين