حملة عرايس || 2013 || تفاءلوا بالخيـر تجدووهـ الجزء ~>4<~

[الكيكه دندن]

 

[سحابة ماطره]

الله يحقق امانينا يابناااات والله اني احبكم في الله

 

[الكيكه دندن]

احبك الله فيما احببتنا فيه واحنا بعد نحبج 3>

مع اني صاحيه من النوم الساعه 10 ونص ص احس نعست يووه ما اشبع نوم انا هههههههههه راح اتماسك مابي انام لان صارلي تقريبا اسبوع كله انام الظهر واقعد من النوم اليوم الثاني ولا سويت قهوه لابوي واخوي وامي وامي معصبه عليي عاد سويت لها كيكه نراضيها والمغرب اسوي لها قهوه هههههههه

 

[مزيونة الخبر]

هلااا بنات مساء الخير اخباركم حلوة فكره قروب انا قلت على ال بي بي او استغرام او كيك قلت يمكن بنات مايبون واتس اب لكن ادا يبون عادي انا بلشت عنايه بنفسي متفاءله نهايه السنه اني بملك او بتزوج نهايه السنه طبعا اخدت مجموعه نواعم حق مزيونه شقرا حلوة توني باديه فيه اليوم باقي احط زيوت على شعري وكل يوم اقول بقراء سوره البقره ولا اقراء

 

[مهندسسة]

الله يرزقنا الي نتمناه ويفرجها علينا عن قريييب ياااارب

يارب ثقتي فيك كبيرة وظني بك كبير يارب لاتردني خايبة يا الله ياكريم

 

[رِوَاءْ]

ي قلبي هذآ كلهآ آرزق والله كريم
وآنآ بنآت من جمآعتنآ كذآ ومآششآء الله آعرسو بس مآتدرين
بحيآتهم الزوجية مبسسوطين آو لا !؟ ومآتدرين عن المسستقبل

صحيح هذه أرزاق بس الشيء اللي كنت أقصده أو أفكر فيه أن الذنوب هل هي سبب لعدم إستجابة الدعاء

الله يهدينا أجمعين ويجعلنا من الصالحات يارب :eh_s(7):

اذا انتي مؤمنه بأن الله حكيم عليم ماتدخلك هالوساوس
الله حكيييييييييم خبيييير عليم
واذا ربي احب عبدا احب منه ان يسمع صوته بالدعااء
واذا ابغض عبدا اعطااه مسألته من حين دعوته بها

نحن فقط مأمورون بالعباده لاان نتدخل بالامور الغيبيه فلا نعلم مايخبئه اللطيف الخبير لنا من خير جزاء دعائنا وثقتنا به
فحسبنا هو عليه توكلنا واليه شكونا همومنا لتيقننا وثقتنا ان بكلمة منه تستقيم حياتنا

ولا اعلم لما تغبطين من لاتصلي ان رزقها الله زوج مناسب والله لو وهبها الله الدنيا كلها لاتنفعها شي يوم ان تسأل عن اول عمل في قبرها وهي الصلاااه عماااد الدين اسأل الله ان يهديها ويردها اليه ردا جميلا

لا يا حبيبتي أنا ما أغبطها ولا أتمنى أن اكون مكانها مو لهدرجة اتشفق على الزواج واحطه أولوية قبل عبادة وطاعة رب العالمين والحمد لله متوكلة على الله في أموري كلها

شكراً لك

رواء لاتفكرين كذا الواحد مايجري وين رزقه

اعرف وحده جاها النصيب وهي فوق الاربعين او يمكن تعدت نص الاربعين
بس الحين عاشت عيشه الكل يحلم فيها ماشاء الله الله يهنيها

ماشاء الله ربي يهنيها ويسعدها

 

[بنت الاماارات]

فكره الواتساب وايد احلي واسهل


ان شالله اروي تشوف لنا هالفكره


الله يوفقكن حبايبي

 

[قلبي محمد]

السلام عليكم عرايسنا
شلوونكم حبيباتي
انا معاكم بفكرة الواتساب

خلونا نسوي قروب و نحط اسماءنا مثل ألقابنا في التجمع
جذي راح نكون متواصلين بشكل دايم مع بعض و نسأل عن بعض دايما

 

[قلبي محمد]

اليوم كملت ٣٠ سنه
عسى يارب الايام اليايه تكون خير علي و تتحقق كل احلامي و احلام كل الناس اللي احبهم
يااارب عمري الياي يكون كله خير و بركة علي

 

[ايمان7]

لا خلووونا هني احسن
انا ماعندي تلفون ومااحب يكون عندي عشان جذي مستانسة بهالتجمع
وبنات ابي اهتم بجسمي بوحد لوني عشان عرس اختي شنو تنصحوني اسوي ومتفاءلة ان عرسي بيكون قريب جدا
عشان جذي ابي اضرب عصفورين بحجر

 

[مزيونة الخبر]

بنات ماتعرفون شي يطول الشعر بسرعه ويخفي الحبوب واثارها من الوجة بسرعه ماعاد ترد مرة ثانية يصفى الوجة

 

[ايمان7]

اليوم كملت ٣٠ سنه
عسى يارب الايام اليايه تكون خير علي و تتحقق كل احلامي و احلام كل الناس اللي احبهم
يااارب عمري الياي يكون كله خير و بركة علي

يابعد روحي العمر كله ياارب
عاد والله كنت مسجلة التاريخ على اساس اول وحده تهنيج بس الشيطان نسااني اعوذ بالله منه
ياعسى ربي يحققلج كل امانيج ويجمعج مع اللي يحبه قلبج ويعطيج طووله العمر ونشوفج عروس بأقرب وقت

 

[مزيونة الخبر]

ليش ايمان والله وحلوة فكرة واتساب طيب عندج بي بي استغرام كيك شي برنامج نتواصل علية احس وناسة

 

[ايمان7]

بنات ماتعرفون شي يطول الشعر بسرعه ويخفي الحبوب واثارها من الوجة بسرعه ماعاد ترد مرة ثانية يصفى الوجة

تطويل الشعر يعتمد على حسب نوعية شعرج
انا كنت استعمل دابر وكيشور وطال شعري بس مو واايد
اما الحبوب اللي بالوجه فأنا كلما تطلعلي حبة اجيب قطنة واغمسها بماي المره وتروح
وبعد عليج بالسدر حطيه مع حليب وليمون وخليه ربع ساعه تالي اغسليه
يصفيه ويعطيه نظااره

 

[مزيونة الخبر]

كل عام وانتي بخير قلبي محمد ان شاء اللة ايامج سعيدة وماتنتهى السنه هاذي او قبل الا وانتي مع محمد يارب ياكريم

 

[ايمان7]

ليش ايمان والله وحلوة فكرة واتساب طيب عندج بي بي استغرام كيك شي برنامج نتواصل علية احس وناسة

لاوالله يالغالية ماعندي غير هاللاب
مو بيدي مااحب كل هالاجهزة

 

[مزيونة الخبر]

ملل وطفش وزهق شنو قاعدين تسون بنات انا قاعدة بدوام نص ساعه واطلع

 

[في الجو غيم]

السلام عليكم
شلونكم بنات
اعجبتني فكرة سويت ممكن نتواصل ع المنتدى او بالبي بي او غيره
وانا افضل البي بي لان الاغلب عندهم الحين
والواتس اب فيه خصوصية اكثر من البي بي
حبيبتي رواء بقولج شنو السبب
بس اول شي لازم تعرفين ان الانسان مجرد ما يقول ابي هالشي او اتمنى اتزوج او اي شي ويقوله لرب العالمين ترى هالشي بيتحقق وربي يستجيب حتى لو ما كانت ملتزمة بالدين بس اهم شي عندها استعدادللشي اللي بغته
وترى الشي بيوصلج ويتحقق لج بس هل الواحد بيكون سعيد او لا عقب مايتحقق الشي او يحصل اللي يبيه الموضوع صعب شرحه بس هالشي يصير فعلا بالدنيا واحنا نشوفه ونلاحظه


وبالاخير اذا الوحدة ما ارضت ربها وماسعت لدينها او انها تزيد من ايمانها او اعمالها الصالحه اي سعاده بترتجيها لو كانت مالكه الكون كله

 

[Thala]

قلبي محمد الله يرزقج الفرح والسرو ر وتبشرينا بزواجك

 

[^^ ǺГฬα]

السلام عليكم


شلونكم شخباركم


اعذروني انشغلت شوي
​