السلام عليكم ورحمه الله وبركاته ..
بنات شخباركم .. الصراحه انا اتابعكم من خلف الكواليس هههه بس ليش محد يدخل الحمله
المهم ابي اقول لكم شي في بنات نفسي
اي واحد تقدم لها حتى لو كان دين واخلاق يروح ولا يرجع انا مرات يجون يحوفوني ومستانسين علي ويتمنون اوافق عقب يطلعون من بيتنا ولا يرجعون ولا حتى يتصلون الصراحه تحطمت لما احد يجي بجوفني ويختفي عقب
المهم كنت قررت اقرا سوره البقره بنيه الله يفتح لي كل شي
كلما اقرا سوره البقره احس بنعاس وووايد اتثاوب عيوني تغرق بالدموع احس بنام احس ماقدر اكمل ثقيل علي السوره وكنت كله مضايقه واي حد يجيب لي طاري الزواج استانس بس لما يتقدم لي يختفي عقب بدون اي سبب وكنت كل فتره احلم بحيوانات مثل : قطوه ، حشرات ، زهيوي ، كلب ..
المهم قلت انتبه حق نفسي شوي قلت اكلم مطوع اقوله عن احلامي وعن حالتي المهم انا انصدمت جان يقولي انتي محسوده ولازم ترقين نفسج ..
انصدمتتت قلت من بيحسدني لا وظيفه ولا شي قاعده فالبيت صار الحسد حتى على قعدت البيت :eh_s(4):
عاد دورت رقيات وكنت قبلها بيومين قبل ماكلم المطوع كنت انفث 3 مرات واقرأ سوره الفاتحه وامسح على جسمي تقريبا 11 مره اول انفث بعدين اقرأ مره وحده وامسح على جسمي واكررها 11 مره ..
صرت احلم باشياء وكانت دليل على انه فيني عين ..
وبعدها قررت اسمع رقيه بصوت عبدالله السدحان وحسيت بررراحه واحلم باشياء حلوه تبشر بالزواج
وطول يومي استغفر تقريبا 1000 او 2000 واحاول اكثر لانه كلما زدت احس يتفتح لي ابواب واحس بقمه السعاااده واحس نفسي خفيفه ..
واردد ( رب اني لما انزلت الي من خيرا فقير ، ربي لاتذرني فردا وانت خير الوارثين ) ارددها باي وقت واررددها بالسجود وفي صلاه الوتر فالسجده والله يابنات سويت كل هاي ترى بسيط بس راااحه مب طبيعيه تحسين انج متفائله فكل شي واهم شي تصلين الصلاه بوقتها وتبتعدين عن الاغاني وجوفي الراحه والتفائل والتباشير يممن تقولون اني ابالغ لاكن والله العظيم احس اني براااحه وخاصه وانا استغفر واذا سمعت الرقيه ..
وكنت استغفر اقول ( استغفر الله الذي لا اله الا هو الحي القيوم واتوب اليه ) تحسين بانشرااااح كلما رددتيها ..
بس لاتحددون عبادات وتخصصونها للزواج لانها بدعه واي شي تسونه انوي انه عشان الله يغفر لج ذنوبج ويفتح لج ابواب الخير ..
واتمنى ان الله يحقق لكم الي تتمنووون ..
