مرحبا بـ عروساتنا
الله يوفقكم يارب ويسعدكم ويتمم لكم على خير
هذي نصائح منقوله من حبيبتي توليب عام 2004 أنا استفدت منها قبل كم سنه وللحين ان شاء الله تستفيدون منها
بس ابي منكم تدعون لها بالشفاء ولا تنسوني من دعواتكم
هذي بعض النصايح اللي نصحتني فيها ماما قبل زواجي
وحبيت أنقلها لكم لأنها فعلا فادتني
1- أول شي قالتلي ترا الحرمة مايعزها الا رجالها...^^يعني مهما كانو رجال عيلتك ( أبوك أخوانك أعمامك خوالك جدانك) فيهم عيوب وبينهم مشاكل حتى لو كبيرة أبدا لاتنقليها لزوجك وخليها من الأسرار اللي تموتي وهيّا تندفن معاكي...دايما أمدحي فيهم وأعطيهم قدرهم...لأنهم بالأخير هم منك وانتي منهم..واللي ينقص من قدرهم نقص من قدرك انتي قدام زوجك وهم سندك لأنك من لحمهم ودمهم...وذأه له عدة آثار:
- راح يعملك زوجك ألف حساب وعمره ماراح يهينك ولايزعلك لأنه يعرف ان وراكي رجاااااااال مايرضو عليكي
- لو قولتي ع رجال عيلتك أيا كلمة صدقيني زوجك راح ياخذ منك موقف ويفقد ثقته فيكي..وعمره مايأمنلك...وذأه شي طبيعي وتلقائي ولاتلوميه عليه...لأنه شي طبيعي اللي هان عليها لحمها ودمها واللي تعرفهم من ولادتها بكل سهولة راح يهون عليها زوجها ...وراح ياخذ فكرة انها وحدة ناكرة جميل
- حتى بيوم الخطوبة الرسمية جيبي أخوانك وجدك وخالك الكبير وعمك الكبير...غير انها معزة لكي...الرجال لهم نظرة بعيدة ونظرة صحيحة في الشخص...يعني راح تاخذي آراء كثيرة ...أحسن من انك تعتمدي ع واحد بس
- لو نقيلتيله مشاكل أهلك ...ماراح يخاف من زعلك عليه...ولاراح يعملك حساب...أقلها بيقول بنفسه مصيرها ترجعلي لأن أهلها منهم عاجبينها...ولاأحد راح يوقف معاها...وراح أعطيكم مثال صار بعيلتنا
وحدة من عيلتنا دااااايما تصير بين أخوانها مشاكل...والله يهديها كانت تحكي لزوجها...الا بعدين لاحظت انه صار بس ينفخ عليها ولا يعملها قيمة...ووصل الموضوع للضرب...ولما طفشت منه...قالتله وديني لبيت أهلي...تعرفوا اش رد عليها؟!!!!!
قالها: هم فينهم أهلك محد سائل فيكي الكل ملتهي بمشاكله...قالتله أشتكي لأخواني...
قالها: ليه هوّا أصلا انتو عندكم رجال علشان تشتكيني عليهم...طبعا مافكها منه الا بطلاق وترجيع مهر ودفع 200 ألف للتنازل عن طفل واحد...
2-لاتعودي زوجك ع لبس الشخلعة والعريان^^...
3_دآآيمآ آلزوججججآت يشتكون آنو في فجوه بين زوجهههآإ وآهلهآإ .. ^^...واللي تقول زوجي يوصلني عند أهلي ويروح ..أو يسلم من عند الباب ولايجلس....
فبل لاتشتكي تذكري انك انتي الحلقة الوحيدة بين أهلك وزوجك...وانتي بموقع في الوسط ..تعرفي أهلك وتعرفي زوجك...بينما زوجك وأهلك يعرفوا بعض معرفة سطحية...
كوني حلقة وصل فعالة بيناتهم...علشان تقربي الأفكار والقلوب...مثلا:
اذا روحتي لأهلك خوذيلهم معاكي أيّا شي للبيت...فاكهة مثلا..أو عشاء من مطعم...ولمّا توصلي عندهم قوليلهم ذأه من زوجي ..كان نفسه يجلس بس عنده شغل مهم...
بينما هو في الحقيقة يكون موصلك وماشي رايح يسهر مع أصحابه...أو راجع للبيت...
لمّا يجي زوجك وياخذك من عند أهلك...وترجعو البيت..قوليله يسلمو عليك ماما وبابا وأخواني..وبابا يقول مررررة مشتاقلك نفسه يشوفك...أو قوليله أخويه انصدم لمّا شافني لوحدي يقول كان يبغى يسألك عن شي...
وقوليله شي من اهتمامات زوجك مثلا (كمبيوتر-بر-سيارات-......الخ)...علشان يحس زوجك انه في أحد ببيتكم له نفس اهتماماته..وانه لو جلس معاكي عند هم ماراح يمل...
اذا اتصلتي ع مامتك...قوليلها يسلم عليكي زوجي...ويقولك لازم تزورينا ذأه الاسبوع...
أو قوليلها اليوم زوجي يسألني عن صحتك..............الخ.
أوقولي لزوجك اليوم ماما كلمتني وتسلم عليك...وتقول انك وحشتها............الخ.
ومن ذأه الكلام اللي يقرب القلوب...راح تلاقي شوي شوي كل الطرفين ارتاح للثاني..وحتلاقي زوجك صار كأنه ولد أهلك...وكذا راح تعيشي بجو اسري راااااائع..حتى زوجك راح يحترمك ويحبك تقديرا واحتراما لأهلك...ومهما تحدث مشادات بيناتكم ويزعل منك الا انه يصبر لأنه شاري أهلك.....
4-لاتزعلي من المشاكل البسيطة ^^ لأنه طالما في مشاكل معنى كذا انكم تسيروا بنفس الخط...
راح أوصلكم الفكرة بمثال بسيط...
لو كان في طريق وتمشي فيه سيارتين ..راح يكون احتمال التصادم بيناتهم موجود...وكل ماضاق الخط وقربت السيارتين...راح يكون احتمال الاحتكاك والتصادم أكثر....
بينما لو كانت كل سيارة تمشي بخط مستقل عن الخط الثاني...ماراح يحتكوا ببعض ولايتصادمو أبدا...بسبب البعد بيناتهم...
نفس الشي بين الزوجين...كل مازادت الاحتكاكات والنزاعات البسيطة ...دل ذأه الشي ع انهم متقاربين
وانهم يمشوا بنفس الخط ولهم طريق وهدف واحد...بينما لو كان كل واحد منهم يسير بخط لوحده ...وفيه تباعد من ناحية العاطفة والميول والأفكاروالأهداف...
وتلاحظوا ذأه الشي بكثرة في (بـــــعـــــــــــــض)...المت زوجين اللي بيناتهم فوارق من الناحية التعليمية...تلاقي كل واحد بهمه...وكل واحد بطريق...واحد قوي يحب الاجتماعات والثاني هادي منطوي...ويصيروا في البيت آمر ومأمور.....وكل واحد منهم يشتكي من الثاني انه مو فاهمه ...
5_حآآآآآآفظي ع أسرار زوجك ^^ ...,من هذي الأسرار مشاكلكم
...لاتوصلي لأهلك أبدا...حتى لو اتصل عليكي أيّا أحد من صديقاتك أو قرايبك...لاتردي عليهم الا بعد ماتهدي...علشان ماتفضفضي بلحظة غضب ..وتعرفو الشخص
وهوا معصب يكبر الموضوع حتى لو كان تافه...وممكن يطلع عيوب الدنيا كلها بالشخص اللي مزعله...
استني فترة يوم يبومين...راح تروقي وتكتشفي ان الموضوع مايستاهل...فلو تكلمتي بذيك اللحظة والله راح تندمي عمرك كلللللللله...
غير كذا لاتفكري انك الوحيدة اللي عندها مشاكل بالدنيا...لاااااااااااااا...في غيرك كثير وأكثر منك...لو تشوفي همهم يهون عليكي همك...وتأكدي ان الحريم اللي تشوفيهم مبسوطات سر سعادتهم انهم مخفين اللي يصير ببيوتهم...
فلو حكيتي لأحد...ماراح تكسبي شي ...بالعكس...راح تخسري كثيييييير...
أول شي عمر اللي راح تحكيلهم ماراح يدوكي حلول جذرية...ولا راح يغيرولك حياتك...كل اللي يصير...انهم راح ينظرولك نظرة شفقة..وبيقولو عليكي ثرثارة ماتتحمل...حتى لو هدأت العاصفة بينكم انتي وزوجك وعدت الموجة...وجاتك أيام ربيعية حلوة...مالك وجه تمدحي زوجك قدام أهلك ولاحتى قدام غيرهم...فأحسنلك خلي الطابق مستور ..
