حملة عرآيسٍ 1433هـ بإذٍنْ الله )(للتفآئل)(

[ليااااان]

ياحلوكم يهالتجمع توني اتعرف عليكم

وتغيرت نفسيتي كنت محبطة وتعبانه وكله ابجي
والحين متفائلة ومهتمه بنفسي وكل ببالي اني عروس واجهز نفسي
طبعا ما شريت ملابس بس اهتم ببشرتي وشعري

ورديت اقرب لربي
ورجعت اقوم الليل اصلي واستغفر
واليوم تصيرلي شغلات حلوة وتبشر بالخير


صج اني توني اتعرف عليكم بس والله احبكم وادعيلكم كل مادعيت لنفسي


والله يفرحكم مثل مادخلتوا الفرحه لقلبي

كفووو الله :eh_s(9):

بأقلدج لأني حيييل مهملة نفسي :eh_s(14):

اعجبتيني والله

و من ناحية ان القروب يونس و يرفع المعنويات بعد فهو فعلا رائع

 

[ما يهزك ريح]

ما يهزك ريح اخبارك حبيبتي

اخباري يوم اتفائل وشهر احس بضيجه ودي ابجي

ربج كريـــم:yaaaaaarb:

 

[بنوتة لابشة فشتان منفوش]

حبيتي الله يكتب ما فيه الصالح لج :yaaaaaarb:

اجمعيـن يآآرب

امين يارب ويرزق كل بنات التجمع
حبيبتي انتي

 

[بنوتة لابشة فشتان منفوش]

بنات عندي موضوع للنقاش جاهزين ولا فيكم نوم:ch12:

 

[ليااااان]

الله كرريم نفووشه الله يسمع منج حياتي ، صبحكم الله بالخير وطاعه الرحمن حياكم الله عرايس

يارب و صباح الخير للجميع

 

[رُۈحَ ۈ رْيحَآن]

عرآآيس قولوآ لــنــا شنوو تسوون كل يوم نظامكم؟

 

[ما يهزك ريح]

بنات عندي موضوع للنقاش جاهزين ولا فيكم نوم:ch12:

قولي يالغلا موضوعج اسمعج

 

[رُۈحَ ۈ رْيحَآن]

نفووشه قولي حبيبتي

 

[بنوتة لابشة فشتان منفوش]

اذا انخطبتي وانتي مو صغيرة
شنو شروط تتمسكين فيها
وشنو شروط تتنازلين عنها

وهل لازم اوافق على الي خطبني لاني كبيرة والفرص عندي مو وايد


احس من الصبح ومخي موقف وقلبي يعورني ودي اقول لهلي مو موافقه عشان ارتاح

انتوا شرايكم احس طرارة وتشرط طول عمري انطر احد يخطبني ولما خطبني اتشرط


ادري كلامي مخربط بس لاني مدوده حتى مو قادره انام

 

[ما يهزك ريح]

تدرون ماكان ودي ادش الحمله ونويت اتركها صار فيني احباط

وضيجه ذبحني التفكير لان الي بعمري متزوجات وعندهم عيال:eh_s(16):

 

[امل و آمال]

نفووووشه قولي يا قلبي...

 

[رُۈحَ ۈ رْيحَآن]

نفووشه يعني انتي يايج معرس

 

[امل و آمال]

نفووووووووووشه << بسألك سؤال ما يخاااااالف ..

شنو اللي ما عجبك في الخطيب ؟؟

 

[رُۈحَ ۈ رْيحَآن]

هزوووا انا نفسج الكل كبير وصغيرر وكبري تزووجوا اصبري موكلهم مرتاحات يمكن نصيبج تاخر بس احسن منهم كلهم


حياتي حمدي ربج بكل وقت في غيرج اكبر منج وللحين ماتزوجوا واحنا هني كبار وصغار ماتزوجنا اصبري ي قلبي كلنا هني بنفس الهم والضيقه ع الاقل نخفف ع بعض

 

[بنوتة لابشة فشتان منفوش]

تدرون ماكان ودي ادش الحمله ونويت اتركها صار فيني احباط

وضيجه ذبحني التفكير لان الي بعمري متزوجات وعندهم عيال:eh_s(16):

لا احنا ما نسوى بدونج
وسمله عليج من الضيجة مافي احد تعب كثري كل ليله ابجي وكرهت الناس

والله اليوم وياكم اسعد انسانه بالدنيا

ترى حتى انا الي بعمري عندهم عيال لا وانا الوحيده الي باهلي كلهم مو متزوجه
كل الي اصغر مني تزوجوا بس ربي لك الحمد الله ما ينسى عبيده

استغفري بنيه الزواج وشوفي شيصيرلج

 

[بنوتة لابشة فشتان منفوش]

نفووشه يعني انتي يايج معرس

يمقن اي ويمقن لا

 

[رُۈحَ ۈ رْيحَآن]

ههههههههههههههههه زين انتي قولي لي شنو شروطج بشوف رايج

 

[ما يهزك ريح]

الله كريم رورو ونفوشه والله ما ينسى عباده

ودعواتكم لي :yaaaaaarb:

 

[مطلقه وأفتخر]

تدرون ماكان ودي ادش الحمله ونويت اتركها صار فيني احباط

وضيجه ذبحني التفكير لان الي بعمري متزوجات وعندهم عيال:eh_s(16):

نصيبج توه ماجا بعدين وين ثقتج بالله!!

تدرين أني فكرت أشارك معاكم قلت يمكن يتغير تفكيري وأعيد سالفة الزواج <<متعقده من هالموضوع:eh_s(16):

شكرًا لكل اللي يدعولي ولكم بالمثل يارب

وياحي ياقيوم ماتخلص هالسنه الا وانتم املجين قولوا آمين

 

[بنوتة لابشة فشتان منفوش]

نفووووووووووشه << بسألك سؤال ما يخاااااالف ..

شنو اللي ما عجبك في الخطيب ؟؟

والله ما ادري حاسه بضيجه
ويمكن لان اصغر واحد بعايلتهم وخوانه كلهم كبار ومتزوجين
وحتمال اذا تم النصيب نسكن معاهم بنفس البيت
واهو قصير وانا طويله


ادري اسباب سخيفة بس تعرفين الي مو قادر يفكر
وحدي خايفه