حملة رياضتي سر رشاقتي - حياكم معاي يا تختوخات

[LUXURY]

السلام عليييييكم يا حلوين

اشلونكم يا مكرشات؟؟

انا اليوم حبيت افتح هالموضوع علشان المرحله اللي وصلتلها قامت تتعب نفسيتي ومأثره علي ماكو ثقه بنفسي استخفيت

قمت اقول حق ريلي اكيد شكلي مو عاجبك بس ساكت <<<ميونه رايحه معترفه ههههههه

المهم انا عقب الولاده اخترب جسمي , بطني شوي مترهل وعندي كرش
وابيه يروح واعدل حوضي والفخوذ لان ماشاء الله صايره عرموطه خخخخخخخ

وشفت اللي ولدوا معاي وعقبي سوو رياضه وكل وحده جسمها ماشاء الله سمبتيك حتى امي وخوتي يقولون جسمج صاير يلوع الجبد شوفي فلانه وفلنتانه اعتنوا بنفسهم وضعفوا وانتي حرام جسمج يخترب

بصراحه انا كسوله لان لياقتي راحت ودوامي للعصر وبنتي متعلقه فيني وريلي اذا جابلني ماقدر العب جدامه

بس الحين لا والله ماعلي من احد يمكن يشوفني وتشجع يلعب معاي <<<قلت قصة حياتي

المهم قررت العب رياضه انا طالبه من الامازون سيديات دي في دي رياضه وباسوي كل يوم واحد
بس واحد منهم موجود بمركز سلطان
وباشد حيلي بالرقص الشرقي لانه ينحت الجسم عدل
وبصراحه الحين الميزانيه معفوسه بس لو عندي مبلغ جان رحت المعهد الكويتي الصيني وايد مدحوه بالتنحيف والشد
انا باجرب العب بالبيت تالي باشوف شنو يصير وشنو محتاجه_03BA:

هذيل السيديات اللي عندي
http://www.amazon.com/Cindy-Crawfor..._bbs_sr_1?ie=UTF8&s=dvd&qid=1231760822&sr=8-1
هذا موجود بمركز سلطان


وهذا الثاني
http://www.amazon.com/Leslie-Sanson..._bbs_sr_1?ie=UTF8&s=dvd&qid=1231760944&sr=8-1

هذا بدال لا تروحون تمشون بره هذا بداله تمشون بالبيت بطريقه حلوه ومريح ويعادل كيلو و600 متر :ada:


يالله ابي بنات معاي نلعب ونشوف شنو يصير معاننا عقب شهر من هالتاريخ وندردش عن يومياتنا :gathering:
كل وحده تاخذ قياساتها اليوم وبعدين كل 10 ايام نحط القياسات (المهم الشكل والمقاس مو الوزن)
انا لما اخذ قياساتي باحطهم لكم

واللي عقب شهر صج تتغير وتلتزم راح اييبلها هديه ادزها لها للبيت صج مو جذب :ggdw: احنا قدها :tek:

يالله يا حبوبات فتكم بعافيه

 

[AFRoDiT]

حددددددددددددددج شوقتيني ..

بس احسها صعبه علي
حركتي ثقيله و مومتعوده ع الرياضه
أخاف ابدي بسرعه ..


وصلو ديفيدياتج ولا بعد؟؟
شلونهم سهلين ولا يبيلهم لياقه؟؟

 

[*باجر أحلى*]

انا احيانا اصير كسولة
بس اشي ربع ساعة بالدوام وامشي 5 دقايق على جهاز استيبر بس هذا يتعب واحس بنتيجة حللللوة

 

[عنيده وتعاند]

لكسار انا قبل امس منزله موضوع وانحذف
بس فديو رووووووعه عزيمه واصرار من قلب انا سويت مثلها امس
اهي متبعه نظام 300 حركه ورجيم والله ونحفت في 5 اسابيع بس بدورج الرابط وبدزه لج فديو
وانا من امس مسويته وحيل احس جسمي مشدود معدتي وسيقاني وزنودي
مسويتيلي دفتر حاطه فيه جميع قياساتي وكل تمرين منه 50 الين يكتملون 300تمرين في ا ليوم
هذا التمرين مسويه راعي فيلم 300 كنج تعرفينه المعضل بس شو معده شوفي اللي التبعوه عجيب حده
وكل واحده بتكرله تمرين بس حلو
وانا ماشيه عليه والله يتمم علي
انا محيط الخصر 102 << مافيني من النعومه حاجه اتمني يطلعلي خصر وارداف
الورك 126

 

[LUXURY]

هلا وغلا بالحلوين
حيالله الربع
شوفو يالغالين
الديفيديات عندي اياهم من زمان
بس الاول مال سيندي كروفورد موجود بمركز سلطان ب3 دنانير اعتقد انا طلبته قبل لا ادري انه موجود بالكويت
وكلنا تنابل ومانعبر عالرياضه واول مره الجسم يتكسسسسر ويشد وتعبان وكل شي وتكرهون اليوم اللي سويتو فيه رياضه
بس لما تلتزمون عقب اسبوعين يصير عندكم شئ عادي
بس الديفيدي ما تسوونه كامل
يعني اذا اهي تكرر الحركه 20مره انتوا كرروها بس 8 مرات لمدة 3 او 4 ايام بعدين زيدوا 4 مرات لمدة جم يوم وبعدين زيدوا لحد ما تقدرون تلعبون كثرها

اما الديفيدي الثاني نفس المشي بالضبط بس داخل البيت حده يونس وتعليقاتها حلوه وما يكسر الجسم بالعكس حو
لكن الاول ينحت الجسم ويشكله ويلزق البطن بالظهر وينحت الخصر


يالله عاد شدوا حيلكم ولعبوا رياضه والله انتوا قدها
اختي تعرف وحده تلعب عددددل وتشد حيلها كانت حيل متينه صارت ضعيفه وجسمها انتيكه
انتوا ما شفتوا the biggest loser؟؟؟ شفتوا اشلون يتغيرون من الرياضه؟؟ احنا بعد نقدر نغير اجسامنا بالرياضه

يالله فتكم بعافيه

 

[sadfat]

هلا .........ما في احسن من الرياضه تلم الجسم لمممممممم وتحسن النفسيه
ونرفع اللياقه .... ومن تجربه على فكره انا متحوره صار سنتين ....ساااااااااااعدتني واجد الرياضه :ada:

 

[LUXURY]

هلا وغلا حبيبتي
الف شكر على التشجيع وصج لما لعبت اليوم رياضه حسيت بفرق كبير ونفسيتي تغيرت
ان شاء الله بلعب كل يوم مشي وايروبك منزلي وبنشوف يا انا يا هالجسم
لما ملجت ما انسى ملجتي كنت ضعيفه وجسمي مغري بس الحين على حلاته لكن احس متازمه منه
في مناطق حلوه متروسه وفي مناطق يبيلها قصاب يحشها خخخخخ


يا بنات انتباااااه
انا لعبت اليوم سي دي سندي كروفرد القسم الاول من السيدي فضيع صج احس شامل كل مناطق الجسم
ضنتي اذا تميت عليه بيخلي فيني لياقه تسمحلي اسوي الشقه خخخخخخ
بس صج عجيب
الحين باخذ قياساتي وباحطها بالرد الاول وعقب شهر باشوف شنو يصير معاي يشد بطني والا لا
يالله بنات حيلكم بالرياضه والله صحه وحيويه ونشاط <<<جنها دعاية حليب
بسكم من الرباده
احسن طريقه علشان ما تتكيسلين من الرياضه سوو الآتي
قولوا ماراح نلعب وايد بس بالعب 5 دقايق , لا خلص الوقت بتقولون بسرعه مرت بعد 5 دقايق , وهكذا راح تلاقون نفسكم لعبتوا اقل شئ نص ساعه علبن تبون تلعبون 5 دقايق
جربو الطريقه وقولولي

 

[bo6aa6ee]

ماني قادره استوعب يعني شلون تمارين ؟

 

[mn.mn]

أحسن رياضة المشي أنا الحين أمشي 4 مرات بالأسبوع لاني لازم اقط 20 كيلو

بس المقاسات عمري ما خذتها ودي أجرب كل شهر اقيس محيط الخصر والبلوة الكبيرة بطني

 

[ii DareeN ii]

الله يوفقكم انا عندي سيديات الرقص يعني بشغلهم عشان يصير عندي لياقة والله بقراطيسهم وجهاز المشي يخزني واخزة شكلي ببلش وياكم بالتوفيق

 

[كوكيز]

السلام عليكم
luxury موضوعج حلو ..
انا جربت تمارين سيندي واااايد حلوين و مفيدين .. و في سايت اجنبي في انواع تمارين
cardio pilates وو اشياء ثانيه .. في واحد اسمه weight lose work out مدته تقريبا 20 دقيقه ..سويله download ابلااااااش
لو كل يوم تغيرين .. ما تملين و ما عندنا عذر ( ما يحتاج وقت و لا فلوس و لا اجهزه )

بنات ادعوا لي بالهداية و الزوج الصالح و حق بنات المؤمنين و المؤمنات

 

[د-سوسه]

وااااااااااااي فديتج luxury انا داشه عشان احط للبنات موضوع اطلب فيهم سيديات رياضه بس بغيت اعرف السيدي مال المشي ماالقاه بالكويت لازم اطلبه من امازون؟؟

 

[د-سوسه]

بنات مع ان محد رد بس بقولكم
انا لما سويت سيرج بجوجل يقولون ان في سيديات رياضه بمكتبه جرير وفي بعد بكارفور بس كلهم بافرع بره الكويت في احد لمحهم بالكويت او شراهم من هناك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[<<لمار>>]

والله بنات اما بعد لايعة جبدى من جسمى معن مافينى متن غير انى عريضة شوى من تحت ودى اشترك فى نادى كيرف الجابرية

 

[..بسمة..أمل..]

ونااااسه

انا بعد ابيي
انا مو متينه

الحمدالله جسمي زيين

بس ظهري بدت تطلع فيه جفسات وابي الحق على عممري

لوووووول

بروح اليوم مركز سلطان بدوور السي دي

 

[yam_yam]

up



up

 

[د-سوسه]

up>>>>>>>>>>>>>>>>>>>>>>>>>>>>>>>>>