حملة رياضة بالبيت

[كولومبيا]

بنات بلا نوادي بلا خرابيط
اللي تبي تضعف والله لو بالبيت تسوي تمارين وتصير عود وجسمها مشدود بس احنا فينا لقلفة كل شي بنجربه >>>>>تتكلم عن نفسها:eh_s(20):
اه شي الارادة القوية ابيكم معاي عشان نشجع بعض وراح نبدي من اليوم لمدة شهر عشان نشد الاماكن المترهلة
ياااويلي ويلاااه الجسم كله منلعن خيره كله صفطات بس ميخالف شجعوني واشجعكم ونبي كل وحدة تفيدنا بالتمارين والاجهزة اللي تستخدمها بالبيت


انا عن نفسي بالزوارة لما اروووح بيت اهلي اسلم عليهم وعلى طول ركض على الحوش وهات مشي ساعة
وتمارين البطن انا م بالصالة واثبت رجولي تحت القنفة ومرة انشيت وتوهقت بس اللي يبي الزين مايقول اح

وانتو اشرايكم ؟؟؟؟؟

 

[daloo3ah]

رياضه البيت
فاشله
فاشله
فاشله
وما تتم اكثر من سبوع هههههههه
>> عن تجربتي وتجربة غيري اتكلم <<

روحي اشتركيلج بنادي .. يامكثر النوادي الرخيصه والغاليه والمتوسطه .. وداومي على الاقل لما تشوفين الي معاج يتمرنون تتمرنين وتتشجعين معاهم .. اما بالبيت
إنـــــــــــــــــــــــــــــــــــسي

 

[بحرينية أصيلة]

أنا معاج كولومبيا ........
بالعكس رياضة البيت زينه بس يبي لها اراده وتفرغ شوي انا انشغل صح بس أحاول أن أمارسها يوميا بالبيت .....
تدرين انا اعرف ناس يشتركون في نوادي يتمللون بعد فترة يقولون بعيد وما نقدر نروح وأعذار بس خساير فلوس......

 

[كولومبيا]

حبيبتي بالبيت والا بالنادي اللي تبي تضعف وحاطه ببالها هالشي تضعف
ليش خساير الفلوس والزحمة والنطرة ولوعت الجبد
اقعد ببيتي والعب رياضة واطالع تلفزيوني

 

[بحرينية أصيلة]

صح كلامش أختي أنا وياش في هالموضوع

 

[كتكوته20]

شكرا كولومبيا عالموضوع المميز صراحه انا صارلي اسبوع مشتركه بنادي وربي عاقبني لأني داخلته عبط ابي اقزر العطله قعدت يوم واحد ما رحت حسيت ان عضلاتي بتقطع من العوار و خصوصا بطني اذا قعدت و لا نمت الله لا يوريكم العوار لأن المدربه بالنادي شدت علي برياضة البطن وبصراحه جسمي حليو مو توب بس وزني60 بس لأني امتن و اضعف امتن واضعف صارت عندي ترهلات شوي

اما بالنسبه لرياضة البيت خيتو انا اشوف ان احلى شي الرقص قفلي الباب وارقصي رقص خبال طامري ناقزي مو شرط شرقي بس اهم شي الخصر حاولي تحركينه قد ما تقدرين حتى لو ما تعرفين ترقصين شرقي

ممممم وبس ...

لحد ينسى هتفون او اي بود لحد يفجر راس البيت

 

[bint_looda]

اذا بالبيت الشي الوحيد الي ينفع وياي الرقص والمناااقز صج ضعفني

 

[عنيده وتعاند]

انا وياكم معكم معكم
وبعدين موكلن يقدر يروح لنادي واكثر اللي يرحون لنادي تملولون
كتكوته استفسار
شنو كانت تمرينها اللي تعطيجيها لدرجت انها عورتج وكم مدتها ؟؟؟؟؟

 

[كولومبيا]

انا العب رياضة بالبيت والبس بدلة السونا واحط كريم تخسيس شكله نفع معاي وراح اكمل بعد
كل يوم تمارين البطن
بعدين مشي ساعة وانا امشي احرك اديني عشان تشد ما تترهل
واسوي تمارين الصدر واهي ترفعين ايدينج بمستوى الكتف وتثنينها وبعدين تقربين الايدين من بعض امام الصدر وعن تجربة شدة صدري كنت اسوي كل يوم 30 مرة
واسوي تمارين رفع المؤخرة واحسها الاخت شادة مو نفس قبل مترهلة

 

[mn.mn]

وأنا بعد معاج

أنا لوتذبحيني ما ادش نادي مااااااااااا احب

وبعدين صراحة استحرم اهد عيالي بالبيت مع الخدامة

كافي الصبح دوام والظهر نايمة والعصر اروح نادي ؟

والعيال متى أشوفهم وأقعد معاهم ؟؟؟؟؟؟؟؟؟؟؟؟؟؟؟؟؟

أنا عندي بالبيت جهاز مشي وأب كينج واوربتراك

أنا بادية بالمشي والاوربتراك توني شاريته بلعب عليه 3 مرات بالاسبوع

والاب كينج المفروض كل يوم 20 مرة على الاقل

وأول 3 ايام من الدورة راحة

 

[فيونكا فوشيهـ]

اناااا بصير معااج من الحين لماا اشترك بنادي لأن بشترك مع وحده بس اشكالنا بنطوول على مانشترك
فقلت اسوي بالبيت لأن عندي عرس نهاية هالشهر و مشتهيا اضعفف حييل << توني افكر لوول

المهم
انا قلت بستخدم الملفوف حق الكرش و الزنوود
و برقص شرقي من اللي باليوتيوب
و بمشي عالغزال الطائر

و ان شاااء الله ينفع معاي
انا اتذكر مره مشيت على الجهاز الطائر مده بس مو كل يوم مرتين 3 بالاسبوع روووعه ماشاء الله الكللل لاااحظ فبعيد التجربه و ان شاء الله يبين


ان شاء الله من اليوم ببدي اليوم فاضيه قاعده بالبيت

 

[كولومبيا]

يلا يا بنات وينكم

 

[كولومبيا]

انا الحمدلله شفت نتايج روعة بس يبيلها طولت بال لان مايذهب بسرعة يرجع بسرعة واللي يطول على مايروح مايرجع

 

[றёறё..}]

انا معاكم


<<ابي اتشجع

انا امشي نص ساعه وبحاول اسوي تمارين البطن

بالتوفيق بنات

 

[b6ooo6a*_*]

بناااااااات انا معااكم اكيييد انا هوايتي الرقص بس جسم ويع

راح ارقص ساعه و بركب دري 10 دقايق اذا من اقل لانه ابسرعى اتعب و شنو اهوالغزال الطائر ..؟

و ثانكس على الموضوع

 

[ღ°° دلوعـ دنيتي ـة °°ღ]

يالله صبايا

خلونا نتشجع

ونسوي قروب متكامل

ولنا شعارنا

رقص

رياضه متنوعه

يشملها المشي

 

[معكرونه أسبكتى يم يم]

معاكم وصج اللى تبي تضعف تضعف سواء في البيت والا بالنادى

انا لى فتره امشي نص ساعه وان شاءالله بسوى رياضه البطن

 

[تونتي 24]

صج الرياضة بالبيت وايد زينة شكتر اشتركت بنوادي وما اداوم واتكيسل رفيجتي عطيتني رقم مدربة تيي البيت قولت خليني اجرب وفعلا كانت تييني وتدربني بالبيت فعلا ضعفت واليوم اللي مالي خلج اتدرب اهي تلزمني بصراحة خووش فكرة المدربة الخاصة نفس المشهورين والممثلات ورياضة البيت وايد ابرك

 

[نونه العتيبي]

السلام عليكم
تسلم إيدك كولومبيا على الموضوع
بصراحه انا قبل تقريبا 4 سنين شريت فلم دي في دي من دبي إسمه pump it up hi energy كأنج جايبه مدربه بالبيت المهم ضعفت حييييل عليه لأن المدربه تتدرج من تسخين لرفع معدل الحرق لشد الفخوذ والبطن لآخر شي نفس اليوغا لشد الجلد الستريتشنغ
ألحين جبت أوربت تراك المطور وبديت عليه ربع ساعه بس وإشاء الله أوصل لهدفي قولو آمين

 

[qa6wa_]

موفقيييين
انا ارقص ربع ساعه مع تمرين المعده 100 مره
وتمارين شد البطن من المنتدى
مع تخفيف اكل ابي كرشي يروووووح وخصري بعد