حملة (( رشاقتي مع لذوذه )) بالصور--انتهت الحمله وبانتظار النتائج

[ضحى الكويت]

رد: حملة (( رشاقتي مع لذوذه )) بالصور

سمااا ... يا حياتى مشكوره خلاص مو لازم انا بعدين اشوى اشوى ادوره اليوم كله وانا على اليو توب ابى القاه ما ادرى وين قاعدين يشوفونه الناس

 

[~سما~]

رد: حملة (( رشاقتي مع لذوذه )) بالصور

لقيت هذا

http://www.arabmsg.com/msalslatvideo/index.htm

 

[عنيّد]

رد: حملة (( رشاقتي مع لذوذه )) بالصور

من الساعه 2 للحين وانا اتقلب

يااااااربيييييييييي شهالنومه المذذذذذذذله
:krkrkr:

هم رجيم وهم سهر مايصير
:eh_s(14):


صارلي طعش شهر وانا ودي اشترك بنادي ، بس كسوله مالتزم
:0bee2e8d89:
ياربي كل العادات الشينه فينا لا من اكل سنع ولا من حركه
:eh_s(1):

 

[ضحى الكويت]

رد: حملة (( رشاقتي مع لذوذه )) بالصور

عيونى .... الف الف مبرووووووووووك يا بنيتى وعأبال الشهاده الكبيره تستاهلين كل خير

 

[ضحى الكويت]

رد: حملة (( رشاقتي مع لذوذه )) بالصور

عنيّد.... هلا عنييد عسى ما شر اشفيج منتى راضيه تنامين اخاف تفكرين بالاكل ها اعترفى وليش اشتركي اذا ظروفج اوكى وماعندج التزامات والرتباط احسن اشتركى


صدقون بنات انا وحده من الناس ما احب النوادى كلش احس تضييع وقت ودلع وبعض المرات ما احب اروح بس علشان انى دافعه قيمه الاشتراك اروح غصب ليش شالله حادنى

عندى مشايه بالبيت وعندى قارى مره هون ومره هونيك اشرايكم فينى ابدع مو

 

[KG-Teacher]

رد: حملة (( رشاقتي مع لذوذه )) بالصور

عنيد....... ليش هالاحباط خلج ايجابية وخلي هالكلام عنج اهو اللي بيضيعج



صافية .........النوادي فيها ميزة تروحين تشوفين الناس تلعب تتشجعين وتلعبين وخصوصا اذا احد من ربعج او اهلج وناسة لكن بيتكم بيضيق خلقج وودج تنزلين من الجهاز بسرعه اما بالنادي ماتحسبين الوقت

 

[عنيّد]

رد: حملة (( رشاقتي مع لذوذه )) بالصور

صافيه بصراحه ، تقريبا تقريبا قاعده افكر بالاكل ، يختي خلصت اصناف اكلات الرجيم الي عندي :0bee2e8d89:
حتى ناطره اخلص هالاسبوع ويوم الاثنين ابدي برجيم يديد فيه عيش خلترد روحي اسبوع ع الاقل :eh_s(6):

بالنسبه للنادي ، لا والله ياريته يصير روتين بحياتي ، تروحين وتشوفين ناس هناك يعني يشجعونج ، بس انا اكره الطلعة من البيت للنادي ، ياريته لاصق ببيتنا ماحب ركبة السيارة
مفكره بسالفة الاجهزه وناويه باذن الله اسويلي نادي مصغر بس خنشتغل بالاول :dddds:


الا صج صفيه هون وهونيك طلعتي لغااااااااات :ggdw:

 

[شهرزااد]

رد: حملة (( رشاقتي مع لذوذه )) بالصور

دشيت عرض بينكم سووري

اولا
مااااشااااء الله عليكم وعيني عليكم بااارده
وكثروووو من تشجيعكم لبعض


يااااحلوووكم يااابنااات اقرأ سووووالفكم وميته ضحك على تعليقاتكم على بعض عسى الله يحقق اللي تمنووونه ولايخيب تعبكم
وحلووووووو الحمااااس الي تشجعووون فيه بعضكم


ومووووووووووووقفين انشالله ياااارب

 

[عنيّد]

رد: حملة (( رشاقتي مع لذوذه )) بالصور

عنيد....... ليش هالاحباط خلج ايجابية وخلي هالكلام عنج اهو اللي بيضيعج

مو احبااااط ، بس ابيييي اناااااام السهر ينرفزززززنييييييي لاني ماحب اقوم متاخر احب النهاااار :ada:
الحين خلاص مابقى شي ع الصلاة بنطر اصلي وادعي الله يفرجها علي :tomato2:

 

[ضحى الكويت]

رد: حملة (( رشاقتي مع لذوذه )) بالصور

KG-Teacher..... تصدقين انا راي غير وانتوا غير سبحان الله انا استانس بالبيت وما احب النوادى ما احب اشوف

هالناس اللى تقولين عنهم طريقتهم ما تعجبنى وانا من النوع اذا شفت شخصيات مو زينه اتاثر ويضيق خلقى التشجيع انا

احسه لمن اوقف على الميزان واشوف نفسى نازله هذا التشجيع

عنيّد... جم وزنج وليش تفكرين تضيفيت العيش برجيمج مو زين وراح تنزلين بطىء حيل


شجعى نفسج وضبطى اكلج وانا معاج ان اكل الرجيم محدود بس شنسوى مره هيك ومره هيك

وعلى اللغات مرات تطلع منى شلون ما ادرى لا تسالينى

 

[عنيّد]

رد: حملة (( رشاقتي مع لذوذه )) بالصور

صافيه ، وزني تلقينه بصور الميزان <<< بخليج ادقين درب للموضوع الثاني _03BA:
اما العيش ، انا عندي مشكله مع الاكل ، اكليييي حييييييييييييل محدود ، حتى رفيجاتي يستغربون كل شي ما احبه ماحبه ترى ماحب التبوله وورق العنب (احس لما اقولهم هالشي ودهم يزنطوني :dddds بس اموت بالعيش اصلا احسه شي اساسي بحياتي :eh_s(6):
أكو رجيم البنات حاطينه بقسم التغذية بالمنتدى بجربه اسبوع ، وهم نوع من كسر روتين رجيمي هذا

بالنسبه للنادي ، عدل كلامج بالنسبه للأشكال الي هناك ، عشان جذي انا كنت مختاره نادي هادي والي فيه الصبح اغلبهم كبار :ada:
وصج حلو لما يكون عندج جم جهاز بالبيت مع التلفزيون والحوسه حولج ، هم شي حلو وهذا الي ناويه عليه بالمستقبل باذن الله ، لانه ممكن اي احد بالبيت يتمرن معاج ويشجعونج بس مو كلهم يقدرون يشتركون بالنادي

 

[ضحى الكويت]

رد: حملة (( رشاقتي مع لذوذه )) بالصور

شهرزااد..... مشكوره اختى على المتابعه وان شاء الله دوم هالضحكه :eh_s(6):

 

[ضحى الكويت]

رد: حملة (( رشاقتي مع لذوذه )) بالصور

عنيد .... تونى ادرى انج نحيسه ليش مشورتينى وحولتى اعيونى ههههههههه حرام عليج مو كافى قاعده اسوى رجيم وله تبينى اضعف نوع من انواع الرياضه <<<<< العذاب قصدهااا


ان شاء الله بالمستقبل تيبينلج اجهزه وتفتكين بفلوس الاشتراك اشترى الاجهزه لج واحسن وايد من النادى شيلى الجنطه وحطيها بالسياره وشغلى السياره سلف واشارات وموقف ونزلى شيلى الجنطه مره ثانيه وسكرى الباب ودشى وسلمى وبدلى و و و و و و و


ليش كل هالعباله وانتى بالبيت وعند اهل بيتج وبجامتج ركبى لعبى وخلااااص وكان الله غفور رحيم


انا ما ادرى ليش عندى البيت وايد احسن من النادى

والحين طلعت الموقع الصور وشفت وزنج وتفاجأت انج ليلحين ما صارلج اسبوع بس واحد ومليتى يالله بلا دلع


احنا بادين بصير لنا اسبوعين


متى اوصل وزنج تهقين ؟؟؟

 

[عنيّد]

رد: حملة (( رشاقتي مع لذوذه )) بالصور

صافية خخخخخخخخخ بضعفج تكنلوجياً :dddds:

بالنسبه للاجهزه صح صح كلامج ، اهم شي اني اكون ببجامتي :eh_s(6): بس تدرين انا اشتركت بالنادي لاني مليت من قعدة البيت ماطلع كلش فقلت اغير جو بالنادي

ترى انا باديه معاكم بهالمسابقة باول اسبوع ، بس اصلا انا اسوي رجيم من شهر 7/2008 ، صحيح اني مو مواصله يعني رمضان كله خربطت وبالاعياد وبالسفر اسبوع خربطت ، بس ارجع ع الرجيم ، عشان جذي صايره بين فترة والثانية اغير انواع الرجيم عشان لا امل :ada:

اما وزنج فانا مادري انتي جم وزنج ، ومابي اسئلج عشان لاتقوليلي روحي لموضوع صور الميزان :dddds:

 

[ضحى الكويت]

رد: حملة (( رشاقتي مع لذوذه )) بالصور

عنيد .... وانا ما راح اصير نحيسه مثلج وراح اقولج وزنى انا وزنى يوم بديت بهالحمله 102 وطولى 165 مو بعيده عندج

والحين قوليلى متى اوصل الحين ؟؟؟

 

[عنيّد]

رد: حملة (( رشاقتي مع لذوذه )) بالصور

هههههه اخجلتي تواضعنا :dddds:

اذا بنقول اقلللللل شي تنزلين بالشهر 4 كيلوات ، يعني بالاسبوع كيلو ع الاقللللللل
يعني بشهرين ونص عالااااااااااااااقل بتوصلين 92
واكيد اكيد باذن الله مع الالتزام بالرجيم بتنزلين اكثر من 4 كيلوات بالشهر :eh_s(6):

 

[ضحى الكويت]

رد: حملة (( رشاقتي مع لذوذه )) بالصور

برب اصلي الفجر وارجع

 

[لذوذه]

رد: حملة (( رشاقتي مع لذوذه )) بالصور

صباح الورد والكادي عليكم جميعا
عذروني ما حطيت يومياتي كنت وايد تعبانه
بس الحين الحمدلله احسن بوايد
غاب الكبيره الله يجزاج خير ويوفقج دنيا واخره يارب
ما قصرتي على الحبوب اللي قلتي عنها
جربتها رووعه بمعنى الكلمه وريحتني ما شاء الله
وهاذي صورتها مادري عاد اذا اهي نفس اللي تقصدينها او لا
بس هاذي وايد ناسبتني


.............

يومياتي الخميس
...............
قمت الصبح شربت لي كاسين ماي وبعدين تعبت وايد من المسعده ما فطرت ورجعت نمت
الظهر ما تغديت بس كليت حبه علاج تهدي الالم ورجعت نمت
قمت العصر الحمدلله والشكر مافيني الا العافيه
شربت لي حليب مع فلفل اسود وحبة البركه عشان يدفي معدتي
وكليت لي 8 حبات فراوله
وبلليل رحت بيت ام زوجي احم احم تهورت وكليت حلى :tomato2:
ويوم حطو العشاء
وااايد تهورت :0bee2e8d89:
كليت لي حبة كوسا محشي
6 حبات محشي ملفوف
وحبة ورق عنب
ونص حبة محشي فلفل بارد
و8 حبات بيتزا صغار
ادري اني بدعت بس لاني طول اليوم ما كليت شي
للاسف ما مشيت ولا سويت رياضه
بس اليوم الجمعه ان شاء الله برجع امشي
وبرجع لعزيمتي :ggdw:

وبالتوفيق للجميع

 

[عنيّد]

رد: حملة (( رشاقتي مع لذوذه )) بالصور

صافيه ،، تقبل الله

لذوذه ،، سلااااااااااااامااااات مااااعليج شررر أجر وعاااافيه

 

[لذوذه]

رد: حملة (( رشاقتي مع لذوذه )) بالصور

تقبل الله منج صافيه
عنيد تسلمين يالغاليه والشر ما اييج ان شاء الله

.............