حملة بسنا مهايط ( شفيها الحكومه )

[ام خدود ورديه]

مالت على هالمستشفى الخايس انا رحت طوارئ وحالتي حاله دكاتره منفسين حتى مايردون السلام يكلموني وانا واقفه جني يااايه اطر وبالاخير شخصني انه فيني التهاب وعطاني مضاد حيوي وسوالي سونار داخلي وسألته انا حامل قالي لأ وعقب يومين طلعت حااااااامل العن ابو اشكالهم

 

[NODA 2]

حبيبتي السهاله من الله سبحانه والحمدالله علي كل شي
بس الوحده لما تولد تكون نفسيتها وااايد تعبانه مو ناقصه دكاتره نفسهم بخشومهم الوحده تبي الريج الحلو والمكان النظيف
وصدقيني التعب واحد هني ولا هناك
بس الوحده ادور علي الي يداريها واكيد الخاص ما يقصرون مو الحكومه تولدين ويقطونج بالممر في هالبرد ونطري لما تفضا غرفه يالله يودونج
الحمدالله مدام الله منعم علينا بالخير والعافيه نروح بفولسنا ولا واسطة فلان وفلنتان واحنا ناس ما نعرف احد
فا ما لنا إلا الخاص
والحمدالله علي كل شي

 

[*الجادل*]

والله الحكومه قمه المذله فيها

قط فلوسك بالشمس ونام بالظل

 

[دندونه@@@]

والله الحكومه مافيها شي تهبل وفوووووق الزين بس المشكله بطاقم الدكاتره والممرضين اللي فيها
هم اللي عفسونا وغيروا مستوى مستشفياتنا 180 درجه قبل لدخلنا المستشفى نلقى اهتمام واستقبال حلو من الدكاتره والممرضين اما اللحين يطالعونج من طرف عينهم كأنهم يقولون خير انشاء الله ليش جايتنا ..اما الولاده عندهم حدث ولا حرج يقطونج بالممر تولدلين بروحج وتجيج الممرضه لطلع البيبي والدكتوره تجي ترقع على الماشي اللي تقطع فيج بدل لا تسوي توسيع قبل لا يطلع البيبي....ومن المواقف اللي مريت فيها بالحكومه 3 مواقف ما انساهم بحياتي الاول وانا عند دكتور طوارئ النسا دخلت حالة ولاده وقبل لا تنام على سرير الفحص انكت عليها الماي جان تطقها الممرضه على ظهرها وتقولها ليش سوي جدي انتي ما يقدر يصبر اي مو الشغله بيدها ....والثانيه كنت انطر عند باب دكتور الطوارئ ومعاي وحده مطوفه شهرها وجايه علشان يدخلونها ويولدزنها والا وحده عجوز جايبه بنتها ودخلت على الدكتور واول ما نامت بنتها على السرير طلع البيبي وجابت بنت السستر تصيحخ تنادي الدكتور تقوله يجي بيبي دكتور يجي بيبي تتوقعون شسوى الدكتور طلع من الغرفه علشان يكلم حبيبة القلب داقه عليه والعجوز تلحقه تسحبه من ايده وهو يأشر لها يقول دقيقيه يا ستي طبعا اللي واقفه وياي لا اعرفها ولا تعرفني مسكت فيني تبجي خافة من االموقف خاصه انها بجريه وانا حالتي حاله من اللي شفته جدامي ولاده كامله ومباشره بدون كت قلت للبنت روحي خاااااااااااااص احسن لج اشتري راحتج وعلى طول ما كدبت خبر راحت المسكينه وانا طلعت من المستشفى وانا ارتجف من المنظر اللي شفته لان منظر الدم يعور قلبي ما اتحمل هالمناظر...... اما الموقف الثالث واللي قهرني لاني كويتيه هو اني رحت طوارئ النساء الساعه 12 بالليل ولغاية 3 الفجر انطر دوري ولما وصلني الدور جت فرااااااااااااااااااشه ومعاها وحده حامل نفس جنسيتها دخلت على الدكتور من غير دوووووووووور ولا حتى قصت ورقة دخول وسوت سونار وتحاليل وخدت ادويه ببلااااااااااش وانا الكويتيه منقوعه وناطره الدور لا ويسألونج وين الرقم ادا مو معاج تاخدين رقم مره ثاني وتنطرين دورج ...من القهر قاعده افضفض دابلين جبدي الحكومه لانهم يعينون العماله الرخيصه اللي لا اسلوب ولا امانه ولا ضمير وفوق هدا شهادات مزوره او عماله فاشلين

 

[♥ąϻᴑŁ♥]

ويــع ويــع ويـــع ~.

لاعناية ولا اهتمــآآآم ~.

كاهو وليدي حبيبي بسبة اهمــآآلهم 4 سنين وانا ااعالج فيه حسبي الله ونعم الوكيل فيهم ..

مستحيــــــــــــــــــــــــــل ادش حكومة !!

اقط فلووسي بالشمس واقعد بالظل ابركلي ..~.

 

[الصعيريه]

رد : حملة بسنا مهايط ( شفيها الحكومه )

السالفه موسالفة هياااط

الوحده تدوور العنايه الزينه والخياط الزين
والاهم الكمام

انا جربت ولادة المستشفى الحكوميه وجربت الخااص
وطبعا فرق السما عن الارض الخااص أحسن بكل شي..

 

[وردي وفوشي]

اي والله صجه ام مريمومه
مره وحده من جماعتنا منومه في الحكومه مع ولاتها كان تعبانه ولا الغرفه الي يمها كانت هنديه منومه مع ولادها وكانت صحته زينه ومافيه الا العافيه ولا يجي دكتور ييبي يجرب ابرت الظهر وغز الولد وطاح الولد وانشل الله يكافينا الشر ولا الطبيب ينحاش ولا احد كلامه ولا حتي اشتكي عليه والهندي حرام يبجي علي اولد الي كان مافيه شي والعبو فيه الحكومه واهمالهم

وحتي رفيجتي اولد بصباح وخلوها بممر والسيستر المصريه تزفها لين اولدت بممر

 

[ايامنا الحلوة]

يااااااااااااااااااااااااااربي


انا والده بالصباح


ماشفت اللي قلته


ويكثر اللي اولدو فيه وماااااااااااااشافوا هالمصااااااااااااااااااااااااايب اللي قلتوه

اوكي حبيتي انتي ماتحبين الحكومي ومومتقبلته روحي الخاص وعليج بالف عافيه

بس حرررررررررررررررررررام اتخرون البنات اللي يبون يولدون فيه

واكثر اللي يذمونه يقولون انهم اسمعوا

واذا قلتيهم حتي الخاص في بلاوي

قلن لا مافيه هذا كله اشاعات او قالن السهلات من رب العالمين

اوكي يعني تصير بلاوي بالحكومه والخاص

ان من كثر ماشفت وسمعت من بلاوي الخاص وكافي القضاااااااااايا المتروسه في العدل منهم

حرمت اولد فيه

تعوذ من ابليس خلن عنكن تخريع الناس

 

[سلوى هانم]

رد: رد : حملة بسنا مهايط ( شفيها الحكومه )

انا عندي اهل بالامارات
يقولون مستشفى الحكومه للمواطنات غير عن مستشفى الحكومه للوافدين
و بالذات للولاده
ياليت يسون جذي على الاقل بالاجنحه يخلون صوب حق الكويتيات و صوب حق الاجانب
على الاقل الواحد يتقبل المكان
على قولت البنات تكرمون بالحمامات ناخذ دور مع الوافدين

ان شاءالله يطبقون هل الشيء بالكويت الصراحه ويسون حق الكويتيات مستشفى خاص فيهم امرتب لان الصراحه طايحه

ببطونهم صار المستشفى حقهم وحنى بنات البلد افلوسنه راحته مره اسولف مع وحده اردنيه اتمدح بمستشفى الصباح

سوته فندق خمس نجوم ان ماحست بولاده و عطوه ابره ظهر وكل هذا بلاش احسن الف مره من مستشفياتهم الحكوميه ا

للي تاخذ عليهم افلوس تدرون اهم كل سنه يحملون ومايولدون بديرهم يولدون اهنيه طبعابمال بوبلاش هذا غير واسطاتهم

تدرون حتى الهنديه واسطته الفراشه اسوي لها شغل مو احنا خلفله علينا انا اصراحه اعيالي كلهم يبتهم بخاص وكنت

اراجع بخاص بس اخر حمله قلت ليش ماراجع بمستوصف كل قاطه افلوسي على الخاص بس كنت اسوي سونار عند دكتورتي بخاص وولت عندهم .

 

[& الذاهبه &]

الله يعين والتساهيل من الله

 

[أم أحمد ص]

رد : حملة بسنا مهايط ( شفيها الحكومه )

والله انا عندي اولد بالبيت ولا اروح الولاده عقب الظيم اللي شفته و الوصاخه و المعامله القشره اهما اللي اذبحو ولدي و املوني لي اخر لحظه وكان اتحرك ولا فيه ولا شي سليم وضغطي كان وايد زين وكل شي فيني زين ودخلوني الملاحظه وقطوني ولا احد يمي ولا حتى قالولي راح نولدج و فوق هذا كله اكتشفت انهم معطيني طلق صناعي وانا ما ادري ولا اكو عنايه وانا كان بجري يعني ماعندي خبره بالولاده ولا ادري شسالفه قطوني لا سستر ولا دكتور ولا احد وانا بس تميت بروحي اصرخ حسبي الله عليهم على اللي سووه فيني ولاني محللتهم لي يوم الدين

 

[أم أحمد ص]

رد : حملة بسنا مهايط ( شفيها الحكومه )

وانا سالفتي توها يعني ما صارلها 4 شهور وترا حتى السسترات مايعرفون شلون يغزون الابره اللي ايدي لي الحين فيها مطان الدرب ماراح

 

[ام فهدان الكويتيه]

يعطيكم الف عافيه على التفاعل الاكثر من رائع

بصراحه استغربت من التفاعل وذهلت بالتعليقات

العموم تحت مبدأ ( قط قلوسك بالشمس وأقعد بالذلال )

منو قال لا ومنو قال ماعندنا فلوس وعلى قولت وحده لو أطر وأروح الخاص
مو مسألت فلوس مسألت انتو تحت مبدأ مانبي ننطر ومانبي نتبهدل بالدور والسستر منفسه والدكتور ماله خلق كلامكم صح بس جربتو تقفون دار الشفى العصر تدشون على اي دكتور سوق اليمعه كله اجانب ولا تنكرون اروح الساعه 4 ادش 8 ولا لا
وبعدين الراحه حلوه في كل مكان تشترينها بفلوس عطي البورتر ربع ولا دينار تدخلج بحلج الدكتور ههههه
وبعدين بالنسبه حق الخوات اللي علقوا على الاخطاء الطبيه في مستشفى الصباح لان الاخطاء الطبيه في الخاص ماتطلع وتنخش يندفعلها فلوس وتتستر بالعكس الحكومه يحطون الاخطاء اللي فيها بالجرايد عشان جذي مفضوحه

عموما مسالت رأي ورأي اخر مانتقد احد وتظل مسالت خيار في النهايه

بس اظل اقول والله الحكومه زينه ضغطو على نفسكم شوي بس تلقون انهم زينين والله

وما اعتقد قريت راي مخالف بالنسبه للمبالغه بالاستقبالات العموم متفق انه بدى يوصل مراحل مبالغ فيها

ويعطيكم العافيه :eh_s(15):

 

[FaRaWLaaa]

لا مو مهاييط بس انا وحده اشتري راحتي وانا جربت الحكومه وجربت الخاص الحكومه زباله بكل ماتحمل هالكلمه من معنى وقط فلوسك بالشمس وعيش بالظلال ولو حبيبتي كلنا لقينا العنايه بالحكومه جان مارحنا الخاص بالله اشحادنا نقط هالمبلغ لو في العنايه هذي ابلاش وانشالله الله يرزقج وتحملين وتولدين بالحكومه انشالله

 

[MaNaNa]

رد : حملة بسنا مهايط ( شفيها الحكومه )

ام فهدان

حبيبتي شكلي مضطره اروح اولد بالصباح عشان السكر

ياوخيتي اذا عندج واسطه ضبطيني .. اشدعوه زميله منتدى

 

[أنفاسي دخون]

ليش تعتبرين الولادة بالخاص هيااااااط !!!!

للعلم انا وحده ما اسوي استقبال بالمستشفى اللي بيزور حياه الله بس استقبل ضيوفي بالبيت عشان ما تحسبين ردي دفاع عن شي اسويه

وتكفين وش فيها الحكومه من زود اسره وسخه وستاير اوسخ ولا عنايه ولا اهتمام اذا مراجعه او تحليل دم يطلعون عيونش ويكرهونش بعيشتش !!!!

الخاص اهتمام ورعايه ونظافه ويهتمون بالبيبي مو نفس الحكومه ولدتي من هنا حذفوا عليش البيبي انتي نوميه ورضعيه !!!! انا اعابل بنفسي وبخياطي والالم اللي مقطعني والا بالبيبي !!!!!!!!!!! والله العظيم رفيقتي طلعت من غرفه الولاده لغرفتها بويل جير حتى السرير ما حطوها فيها ليش عاد

حتى الحمام وانتي بكرامة يدخلونش وتقعد معاش سسترتين مو وحده واذا على الفلوس هذا حنا نقطها على خلاقين وجواتي نستخسرها على الصحه والراحه واذا قصدش الخبره كل مكان فيه الزين والشين اهم شي السلامة

 

[bint_looda]

كلشي تساهيل سبحان الله

 

[@سيدة نفسي@]

انا والدة بحكومة ووالدة بخاص نفس الشي .. تدرون ليش؟؟

لأني أولد مني وأطلع بنفس اليوم بالليل لووووووووووووووول

ماأتحمل نومة المستشفى وماأحب أخلي عيالي بروحهم بالبيت

لكن الحق ينقال الخاص نظيف ويحترمون المريضة ويدارونها مدارى

والحكومة صارت حق الوافدين واذا ماتعرفين احد يشتغل بالمستشفى

لاتولدين فيه أحسن ..

 

[كويتيه مذهله 87]

انا عكسكم من ناحيه علاجي للحمل
الخاص لعبوا فيني لعب ونشفوا دمي وقعدوني انا وريلي علي الحديده
ورحت حق اكبر دكاتره الكويت ما استفدت منهم ولااااااااااااااااااااا شي 4 سنيييييييييييييييييييييييييييييييييييين وانا من خاص لي خاص


الله يخلي الحكومه الي عرفت سبب تأخر حملي والحمدالله اراجع عندهم ومرتاحه معاهم وماشفت لا نفس خايسه ولا معامله زفت
بالعكس دكتوري بروفوسوور من كثر ما هو متواضع يقووووم يبطل الباب لي والله ما ابالغ
وماخلى تحليل ماسوالياه واي شي ابيه يقولي ان شالله والادويه متوفره الحمدالله ومراجعاتي ماشيه الحمدالله ماشالله تبارك الرحمن لا تصكووني عين لوووووول
هو علي التسخيره وبالاخير التساهيل من الله

,,,

 

[روعه الأحساس]

رد : حملة بسنا مهايط ( شفيها الحكومه )

بيض الله وجيهكم على الردود الحلوه ماقصرتوا صراحه كفيتوا ووفيتوا