حملة بسنا مهايط ( شفيها الحكومه )

[..ليالي..]

السالفه مو مهايط ولا شي

بس الخاص راحه نفسيه ويهتمون فيج

انا جبت عيالي بالخاص

غرفة الولاده السستر ما تفارقني وتقعد عندي تمسح علي وتهديني

والشهر اللي فات بالثامن دخلوني الوضع بالفروانيه لاني كنت مسويه حادث

اكلم السستر ماترد علي الهنديه وتصرخ بعد مو عاجبها الوضع

ولما تاخذ مني عينة الدم متنرفزه ومالها خلق

اشدعوى لو اني هنديه جان طارت فيني

قعدت خمس ساعات وقلت الحمدلله على النعمه والعافيه

بس الخاص مافي احلى منه والبيبي يهتمون فيه ويخلونه عندهم

والغرف متوفره على طول

مو الحكومه غرفة عمومي وحمام واحد كل الجناح يستعملونه والزوار

اشدعوى والده توني بروح الحمام اوقف انطر دور مع الوافدين

حط فلوسك بالشمس واقعد بالضلال


وبالنسبه للاخطاء مافي احد ما يغلط

رفيجتي قطوها بالفروانيه وبيطلع راس البيبي تنادي محد رد عليها

لحد ما اختنقت البنت وماتت اول ما اطلعت نقص عليها الاكسجين

وتقولين اهتمام

ما يهتمون الا ببعض

واللي نفس جنسياتهم والا احنا قاطينا جننا ما كلين حلال ابوهم

<<ادري قرقت واجد بس من حرتي

 

[الملقوفة]

كل واحد ينام عالجنب اللي يريحه

 

[غلاي غير]

الي جرب معاناة الحكومه مايقول جذي

مستشفى الصباااااااااح الله ياخذ الي مخربينه من دكاتره مخلينهم على راحتهم لاحسيب ولارقيب اهماااااااااااال ومصدقين عمرهم مايحطول للحلات الخالصه والنزيف اي اهتمام تنطرين تنطرين تى لو وحده يايه عياره والا مغص خفيف

ما انسى موقفي معاهم لو شنو
نزفت نزيف بغيت امووووووووووت الله ستر لو وحده الله يجزاها خير ساعدتني كويتيه تنطر الدور
السستر الخايسه تصرخ علي وتقول جايه بدون بطاقه اقولها عند ريلي بره تقول مت قومي تجيبيها بس وقفت والا الكرسي والممر كله نزيف دخت وطحت حتى ماشالتني وتطنز تقول دلع وسندوني المريضات الي ينطرون ووحده راحت يابت البطاقه من ريلي
اهماااااااااااال اهمال من دخلت لين طلعت حسبي الله عليهم الله لايسامحهم ولا يوفقهم كنت صغيره ويطنزون علي الدكاتره

كل هذا وتقولين مهايط وانهم يهتمون الحكومه

الي مر بهالظرف مايدور الا راحته مايدور المهايط الله لا يخلي احد يشوف هالموقف

 

[%ورد طايفي%]

الله لايحدنا على مستشفيات الحكومه

 

[العفاسيه]

الحكومه يقطون ولدج عليج بالغرفه واذا جو ناس زايرينج مافي كراسي غير السرير مافي ريموت تحركينه على كيفج لازم تجي السستر ترفعه لج وغير الصجه والاصوات المزعجه هذا كله كوم والنظافه كوم
والله حتى لو ماعندي فلوس اجمع واولد بخاص لو يحطوني بجناح

وعلى طاري التسريحه صج في ناس يسوون تساريح واعرف بنات خوات الوالده نفانيف علاق وكريم جسم ومكياج عرس

لو نفلب الحمله نخليها ( بسنا مهايط بلاش استقبلات وقروض ومفرش بـ300 دينار << مو جذي احلى ههه

 

[miss-winter]

رد : حملة بسنا مهايط ( شفيها الحكومه )

الراحه ولا مصري يذلج ولا سستر هنديه تصرخ عليج والله حتى البورتر منفسه ومغروره
والخاص شاريه راحتج بفلوسج ناس تظحك بيهج ناس نفسيه نفسيه ترتاحين من بورتر الى دكتوره يبتسمون لج وتكونين مرتاحه والحمدالله وشاريه راحتج
واي يالحكومه والله حتى الحمامات ريحتها استغفرالله تصك الراااس ياربي وله مره طوارئ الصبااااااااااااح الباااب مفتوح وتسمعين قصه المريضه ومنو شنو تشتكييييييييييييييييييييي !!!!
وبصوت عالي الدكتور والي تصرخ والي والي واي يمه فلم رعب

 

[مروووم]

عيل بناااات خلوها لااااااا لمستشفى الصباح
دام الكل ذام فيه :ggdw:

 

[مدمنة ككاو]

المشكله من قلة اهتمام الحكومه بالمرضى خلت الكل يتجه حق الخاص وصار الحكومه للوافدين اهم المتهنين بخير الكويت ابلاش

لو من قبل فيه اهتما فيه تجديد بالمستشفى نفسه فيه اهتمام باختيار الدكاتره باتقان فيه اهتما وضبط حق السسترات جان ما صار اللي صار

يعني الاغلب يشتكي من وقت الولاده يسوون لج شي غصب طيب واذا اشتكيتي من الم الطلق تييج السستر تصرخ بويهج تقول لج سكتي!!!! نعم قاعده اولد انا مو زلق بريلي....

ووقت الولاده انتي وحظج يا دكتور ويا دكتوره واذا مابي دكتور ريال شلون يعني !!!

والحمامات عزكم الله طق عصي عليهم ليش ش الله حادني!!!

وانا عشان اشتغل بالقطاع النفطي لي الحق بمستشفى الاحمدي اهو يعتبر حكومي بس تابع للنفط وبصراحه ادويتهم واجهزتهم جنهم ملوت خاص وحتن الدكاتره ماعليهم كلام بس مشكلتهم بالمستشفى نفسه قديييييييييييييم وصغيييييييييييير والحريم مالهم غرف خاصه الا 3 غرف ومن سبق لبق شدععععوه جذي عاد والله لا يراويكم الحمامات يبووووووووووي متروسين زهيويه تقعدين توسوسين وتحكحكين بجسمج ويييييع

لو ما ان المستشفى جذي جان ولدت هناك بس بصراحه ابي نظافه ابي مكان ارتاح فيه وانام ايام نساتي دخلوني المستشفى بسبب نزول ضغطي وارتفاع الاستيون بالبول وانتو بكرامه والله اني تغفي عيني 10 دقايق وقوم من الازعاج من الصبح لين الليل اوادم داشه طالعه ويكفي السسترات بالممر يسولفون يا شقول في مرضى نامين لا مالهم شغل...

والله اقول الغلط كل من اهمال الحكومه حق المستشفيات الحكوميه لو في اهتمام جان ماصار اتجاه المواطنين كلهم للخاص وعلى قولتج المهايط

هذرت وايد بس بصراحه هذا الصج

 

[_Pure_]

استغفر الله الصراحة اسلوب ماكو الله يهديج

و ماني راده على كلامج

 

[MissChoco]

الواحد يشتري راحته صراحه,,, لي متى نقط فلوسنا على الخلاجين والساعات والجناط ومانقطها على راحتنا !!

صراحه انا وحده اشتري راحتي لو بشنووو .. والحكومه لو انه زين رحنا ولدنا فيه بس حده أرف وغرفهم لوعه وخصوصا حماماتهم تلوع الجبد
الواحد الصراحه يبي راحة البال

 

[tho tho]

رد : حملة بسنا مهايط ( شفيها الحكومه )

الصراحه انا مو معاج اختي
انا جربت الحكومه و جربت الخاص الحكومه حقل تجارب
العبوا فيني لعب لدرجه خسرت ولدي
يعني شنو تبين اكثر من جذي
و ولدوني قيصيريه و كل ما اروح مكان بتقاريري يقولولي حرام ولدوج قيصريه
ترى رحت بره الكويت كلهم اكدولي ان اللي صارلي غلط
انا كلش ضد الحكومه

 

[noo7a]

اممممممممممم انا ماعندي خبره لا بالمستشفى الخاص ولا الحكومه
انشالله الله يرزقني و اجربهم
بس حابه ارد على الي يقولون ان بالحكومه مايدرون وين الله قاطهم و مو شي و خرابيط و ما يعرفون شي
انزين انتو نسيتو نقطه مهمه
انا بقولكم الحين مو لمن المستشفى الخاص يتوهقون بالام و البيبي على طول قطوهم و حولوهم على المستشفى الحكومه
ما يوهقون عمرهم
حتى الاسعاف الي تشيل الام و البيبي تكون تابعه للمستشفى الحكومه
الخاص تشيل ايدها على طول
الحين الاهتمام صاير وين بالحكومه ولا الخاص

 

[انا حبه للابد]

رد : حملة بسنا مهايط ( شفيها الحكومه )

احلى شي راحة البال بس اذا حالتي او حالة البيبي لاسمح الله خطره اكيد بروح الحكومه بس اب شرط واسطتي قبلي

 

[Miss-_-Fl0wer]

والله ان الحكومة خرطي انتو تحاولون تقنعون نفسكم ان ماكو احسن من الحكومة ليييش؟
1. لانها ببلاش
2. لان الوافدين قاعدين يولدون ومو مخلين الاكو والماكو
*وودنا احنا انحصل على العناية والامتيازات هذي صح ان قهر بس شنسوي ديرتنا جذي :denya:

بس مردنا بنروح الخاص ونشتري راحتنا ولا منتهم

 

[مدمنة ككاو]

اممممممممممم انا ماعندي خبره لا بالمستشفى الخاص ولا الحكومه
انشالله الله يرزقني و اجربهم
بس حابه ارد على الي يقولون ان بالحكومه مايدرون وين الله قاطهم و مو شي و خرابيط و ما يعرفون شي
انزين انتو نسيتو نقطه مهمه
انا بقولكم الحين مو لمن المستشفى الخاص يتوهقون بالام و البيبي على طول قطوهم و حولوهم على المستشفى الحكومه
ما يوهقون عمرهم
حتى الاسعاف الي تشيل الام و البيبي تكون تابعه للمستشفى الحكومه
الخاص تشيل ايدها على طول
الحين الاهتمام صاير وين بالحكومه ولا الخاص

حبيبتي حبيت اعقب على كلامج

اهو صح المستشفيات يخلون نفسهم من المسئوليه اذا الامر فيه خطوره
لكن هم ماكو فايده بودون الوحده حق مكان اخس ياريت في عنياه واهتمام
ما طاح الا انبطح بس عشان الوحده تكسب وقت ولا تتغربل مع البيبي دام اهي حاسه ان اهي محتاجه الحكومه خل تختصر الطريج وتروح لهم عشان لا يشيلونها من مكانها ويودونها مكان ثاني والله يعينها شنو بتواجه بالحكومه

 

[حورية بنت حواء]

ههههههههههههه

صج خوش ردود


هههههههههههههههههههه



صاحبة الموضوع انت اللي بديت وانت تحمل

 

[داريني]

انا جربت الاثنين فرق بين الحكومة والخاص صراحه
الحكومة عنايه احسن بعد الولادة و حق حالات الطارئة اخبر
لانه في بجري تعبت والخاص قالو فتح بطن و الحكومة نطرو علي لما ولدت طبيعي
وقالولي ولدي جذي جذي تعبانه قيصري ولا طبيعي لانه شارب ماي وانا فيني التهاب بالبول
و حطوه بالشيشه لمده اسبوع و الحمدالله الله طلعه بسلامة

و الخاص ولدت في بناتي التوام وما كنت حاطه في بالي اولد بالخاص بس صارت
وكل شي اوكي بس العنايه بعد الولادة الصباح والله احسن يهبلون سستراتهم

 

[داريني]

ولي تقول علشان ابلاش لا والله انا وحده مو عيزانه ولا فقيره بس كل وحده لها ظروفها والخاص ما يستقبل كل حاله فحرام انتوا تحبطون الي ظروفها تمنع تولد بالخاص وكل شي سهاله من الله سواء خاص ولا حكومة

 

[حبيبي عبووودي]

رد : حملة بسنا مهايط ( شفيها الحكومه )

والله الصراحه انا ما جربت الصباح بس على كلام البنات واللي صاير فيهم شالله حادني مدام عندي فلوس وقادرة اولد بمستشفى خاص خل اولد شالمانع الحمدالله سهالات ما تدرين هذه حظوظ وما تدرين حظج وين الواحد يتوكل على الله ويستخير ويشوف وين الانسب له

 

[كـ غلا ــلي]

بالعكس انا ايدد الولاده بالخاص لانه مستشفيات الحكومه تلوع الجبد وتضيق الخلق وبعدين اللي بالحمل يطلع

عندها مشاكل كبيره المفروض من نفسها تروح الحكومه اذا تعرف انه حالتها مردها بتتحول للحكومه غير جذي

لا والله تولد بالخاص اما سوالف مراجعات لا والله حسب الحاله مرات تعرفين دكتور بالخاص شاطر ليش ما اتعنا له

بلا نطره ادوار