حملة امدحي لتستمتعي (لحياة زوجيه مريحه )

[امـ خــزامـى]

ما شاء الله عليج والله صج الموضوع هدا يا بوقته جنج تدرين عني
أنا اولآ مو كويتية و عشت بمجتمع غير عن المجتمع الخليجي
بس ليمة ارتبطت و الشريك كويتي اكتشفت ان انا الي اعاني من الجفاف اهوا ما يعافي من هالشي
بالعكس طول الوقت يقول كلام حلو و يمدحني و يتغزل وانا ما ابادله هالشي
حتى انه ينزعج من هالشي بس ما يبينلي كلش
ويحاول يعلمني شلون اصير نفسه واتحرر من الجفاف الي انا معيشة نفسي
فيه بعض المرات احاول بس ارد حق طبيعتي بسرعة مادري ليش؟
ان شاء الله استفيد من موضوعج فالتعامل معاه لان ودي اتغير عشانه يستاهل
فديتج وعساج عالقوة

يقويك ياقلبي

وياهلا فيك معنا
والظاهر صار مو بس الخليج الا العالم كله :eh_s(2): عندهم جفاف


حياك الله معنا

 

[امـ خــزامـى]

كلامك عين العقل أم خزامى

الحمد لله أنا هذا أسلوبي مع كل الناس

أهلي و زوجي و صديقاتي

الكلمه الطيبه و الإبتسامه صدقه

يسلمك ربي


ويتتم عليك. ياقلبي

وهدف حملتي المدح والاطرررااء لاتنسينه

 

[امـ خــزامـى]

تابعي ياقلبي اينن موضوعج ماكو احلى من البشاشه للنفسج وللناس وانج تكونون القلب الحنون واللسان الحلو للكل

انت اللي تجننين يازينك وحلو موضوعي بوجودك

موضوع روعه نفس صاحبته

انت الاروع وقلبك الاجمل مذهله حبيبتي

مووووضووع روعه

معك ومتابعينك

موقفه ياأم خزوم
معاج في كل كلمه
تاااابعي

حبيباتي اشكركم على تشجيعكم لي ولاخلا ولاعدم :eh_s(17)::eh_s(22):

 

[امـ خــزامـى]

ام جزامى انا كنت فاتحة المنتدى وفيني هوشا

احس قاثني من صبح

ويوم شفت موضوعج طخيت وارتسمت الابتسامه على ويهي

معاج حبيبتي كملي

:eh_s(10): اممممممم الله لايجيب الزعل والهوشات بينكم


حبيبة قلبي طيبه دوم الابتسامه ماتفارقك

وعاتبيه لو غاثك بس بكلام كله لطف وحنيه وذرابه
وضميه

وببعدها قولي يخليلي هالصدر الحنون والوجهه الحسن


وروحي عنه وشوفي وش بيصير

 

[امـ خــزامـى]

والله أنا من زمان كلامي كله مدح واحترام لكل الناس
وزود هذا زوجي وايد محترم مع الكل
بس فيه ناس لما تمدحهم يحاسبون هذا نقص فيك
وايد ناس امدح صفات فيهم بعدين أنصدم بأنه ينسبون عكس هالصفة فيني
عشان جذيه ما امدح إلا نفسي وزوجي وبناتي وأهلي طبعا وبس
صج لها تأثير حلو وواضح بزوجي وبناتي واهلي

حبيبتي ريي يتمم عليكم

الناس اللي مثل هالنوعيه مساكين تصدقي عليهم اكثر

وبنيزان حسناتك



لاتحاسبين ابدا على كلامك وتنتظرين ردة فعل الناس

انت اصبري وطولي بالك وبتشوفين اللي يسرررك

 

[امـ خــزامـى]

معاج ام خزامى ..
وبقولج تجربتي ..
انا صج لما احد يقولي كلمة حلوة استانس والبي له طلبة بسهولة
عندج مثال لما نكون سهرانين وتقول اختي قومي سوي لنا شيء نشربة هني اقول مو فاضيتلج قومي انتي ونبدا سالفة التعند وتخرب السهره والجو
عكسها لما تقولي حبيبتي سوي لنا شيء نشربة اقوم وانا مستانسة
وادري اختي تساحلني علشان اقوم بس شوفي شلون اثرت فيني وانا مو طفله فمابالج لو استخدمناها مع الاطفال ..

ثاني شيء بعلق ع نقطة يمكن اهي بعيدة عن موضوعج الزوجي لكن تشملها الحملة :rerrerek:

وصلني برودكاست عن اية في القران الكريم وكيف الله عزوجل قرن الموت بالم فراق الوطن
انا على طول طروا ببالي الخدم صج صج اثرت فيني الاية خاصة اني افكر في الابتعاث وقلت يمكن اجرب شعور غربة الخدم عن وطنهم اهلهم كفاية هواء ديرتج
المهم ناديت الخدامة فيما انا اعطيها الامر قلت لها حبيبتي لو تشوفين فرحتها بس بالكلمة شلون استانست حيل عورت قلبي
صج احنا جفاف

ياهلا ياهلا درر كلامك ويسلم راس من رباك



بالعكس ابدا مو بعيد عن حملتي


انا اللي اسعى له تهذيب انفسنا وسلوكنا مع كل الناس

وهالشي تطرقت له بالبدايه وذكرت مثال الاخت اللي ارسلت مسج لاخوها


بس انا ركزت ان كلامنا هذا اول من راح يستفيد شريك حياتي

ولاني بقسم الحياة الزوجيه ركزت عليه


بس هالاسلوب لو طبقناه على والدينا وعيالنا والخدم والحموله والاصدقااااء



بنقل نسبة المشاكل بشكل كبير


وهالاسلوب انا اتبعته وركز فيه على زوجي واهله
والحمدالله كسبتهم بنيه صافيه وكلمه طيبه


:eh_s(22):شاكره لك مشاركتك المهمه:eh_s(17):

 

[امـ خــزامـى]

ماشالله الموضوع روعه ويزاج الله خير يا ام خزووووم وفي ميزان حسناتج

والمدح في الزوج اول من يقطف ثماره الزوجه لانها أهي اللي بتستفيد

وانا مجربته بما أني اكبر منج وأقول نتائجه مضمونه بس ساعات اتعب من المدح وارد لللعاااانه ههههه

لازم تجربون بنات أنصحكم وراح تتعودون

يسلمك ربي وياك ياحبي

صددقتي ولاخلا من خبراااتك شدوون

وحنا مو ملائكه
نقصر ونتعب
وتصااادفنا اوقات نكره حتى انفسنا


بس ننفض عنا هالكسل والكآبه
ونرجع احسن من اول ان شااءالله

 

[امـ خــزامـى]

حبيت الموضوع كملي وان شا الله كل المتزوجات يشاركون ♡

ان شاااءالله وانت اولهم :eh_s(9)::eh_s(9):

هالشي من فتره صرت استعمله وهالاسلوب والكلام والحلوو للكل زوحي رفيحات الدوام كل اليحوليني لاني تومتزوجه من فتره بس هم نبهتيني بارك الله. فيج واكيد الكلمه الطيبه لها اثر بالنفس وترحع لج لانج تزرعين خير وحب ويرجع لنفس راحه وحب واحبكم يااحلي خوات وعضوات شكررراااايالغالليه

الله يهنيك حبيبتي

 

[فروحته]

ما شاء الله عليج اشكرج على الحملة مع ان انا يبيلي سنة مو بس اسبوع هههههههههه

اي يالغالية مو بس الخليج انا مغربية - بس يمكن لاني كبرت بمجتمع محافظ - مدينتي -

و اهلي ما تعودت انهم يقولون كلآم حلو الا نادرا عشان جدي صار عندي جفاف وترسبات والله هههههه

حتى رفيجاتي على طول كلآمي معاهم جاف جني بتهاوش وياهم مو رفيجتهم

وادا قلت كلمة حلوة يفكرون إني متغيرة او عندي مشلكة ما يتقبلوها

بس اهوا لآ ينطر بس كلمة و يحاول يزرع فيني هالشي وانا عشانه دشيت الحملة

واعتبرها دورة لي و ابي اطور نفسي فيها ورح احاول اتغير معاه قد المستطاع لاني صج محتاجتها

شوفي انا بديت من فترة كلآمي يتغير مع رفيجاتي اهوا كان السبب فيها

يعني من كتر ما يقولي كلأم حلو يتغزل فيني يمدحني انتقل هالشي فيني بس مو معاه

يعني مع اهلي صديقاتي بالجامعة حتى مع الناس الي اتعرف عليها اول مرة اكلمهم بذوق

وابتسم و امدحهم و اقول عبارات حلوة الكل انصدم من تغييري هدا و مستانس منه

وانا شخصيات مرتاحة عشان هالتغيير حتى الكلمة الحلوة سهلة و اقولها تلقائيا للكل

بس لآزم معاه اخربها حتى لو قلتها لازم اعلق عليها او يحس انها مو من قلبي

و انا الصراحة ادا قلتها له هو بالتحديد تكون طالعة من اعماق قلبي بس اتقصد احسسه انها مجرد كلمة

يمكن لاني للحين استحي منه مادري شلون اغير هالطبع

اهوا بالاول كان يضايق ويقولي لا تعلقين بعدين اتعود و يطوف عشان ما ارد لحالة الجفاف الاولى

مشكورة ام خزوم وايد مستانسة من الحملة و ان شاء الله انا وياكم اتعلم واستفيد

وربي يسعدج ويوفقج و ينور دربج ويحقق كل امانيج يا رب و يرزقج الجنة

لانج ونستيني بالموضوع و ساعدتيني عشان اطور من اسلوبي واسعد انسان على طول يسعدني

لج باقة ورد ♥

 

[قلبي ماركه]

بنات نبي نماذج للكلام الحلو والمدح

 

[latkt7as]

اتفق مع قلبي ماركه

 

[فروحته]

بقولكم أنا...
مثلآ رجع من دوامه..
استقبليه بابتسامة وقوليله هلآ بالحب قولين له انا جهزتلك ملابسك عشان تاخد شور << طبعا كوني مجهزة من قبل
بس تخلصه يا عمري بكون جهزتلك الاكل << هدا مثال بسيط من عندي

واتمنى يكون صحيح يا استادة

 

[Paradice]

اي والله كلآمج صح

انا توني متزوجه و كنت فاهمه الموضوع غلط هههه بس هو اللي كان يمدحني ويتغزل فيني
لدرجه نسيت انه يحتاج كلام حلو وغفلت عن هاذا الشيء
هو سكت فتره بس بعدها انفجر انفجار عظيم لوول وقعد يجرح من حقه الصراحه

بس الحين حسيت على دمي واستحيت على ويهي وقمت اتغزل فيه واقوله كلآم حلو
وحسيت بالراحه النفسيه حتى هو اشوف نفسيته مرتاحه والحمدالله

وأشججعج ع الموضوع وسجليني من متابعينج يالخفوق ^^

 

[أمورته]

كل الشكر وتقدير لصاحبه الموضوع
لكن عندي شؤال ابي مثال ع طريقه المدح
مرات احس من كثر ماامدح قاعد احامل ومااحب هالشعور يوصل لريلي وانا مااكون اجامل بس نوع من مبالغه نقدر نقول مثلا سوه هو العشت او حليب امدحه وتقوله مشكور كان حلو ولذيذ بس هو عادي مادري وصلت سؤالي صح ولا غلط

و

 

[لوولوو_88]

كلامج سليييييم و اكتسبت هالشي من امي الله يحفظها ،، رغم انه ابوي جاف الا انها دوم ادلعه و تمدحه جدامنا و من ورانا و ما يهمها شنو ردت الفعل ابد ،، و انا عروس و بديت اطبق الي امي تسويه و بمشي عليه باذن الله ،، و هالشي ياثر بالرجال واااااااايد حتى لو ما بين بس تعزيز دوره كا زوج و الدعاء له بطلعته و دخلته و الكلام الحلو وقت ما تسالونه او تطلبون شي لها تاثيييير ،،

جزاج الله خير و عانيت من موضوع المستحى بس دست على نفسي و الحمدلله

 

[لوولوو_88]

من المفردات او الجمل ،، لمن يطلع يقول تبين شي اردعليه ابي سلامتك و شلون احتاج شي و انت موفر لي كل شي عساك سالم ،، او لا طلع دوم اقوله حافظ الله يا حبيبي ،، او ودعتك الله يا نظر عيني هههه جمله امي حبيبتي ،،

اذا ياب لي شي او اغراض للبيت اقوله مشكور و يعطيك العافيه يا رب او عساك على القوه حبيبي خصوصا لا قعد اشييل بالاغراض مثلا ،، مثلا بعز السوالف و الضحك اقوله عساني افداك يا حبيبي او عساها ما تفارقك ،،

الي تستحي خل اتيبها على انها دعاء ،، و دايما اقوله كافي انت زوجي شلون ما استانس او شلون مو مرتاحه او شلون ما احبك او شلون يقصرني شي ،، او وقت ما اكون متضايقه و اشكي من شي له اخر شي اقوله والله لو ما انت بحياتي يا حبيبي من اشكي له او من يفهمني ،،

احب اعزز عنده رجولته و دوره كزوووج ،، مو بس الغزل الروتيني و كلمه احبك ،، او شكثر تحبني ،،

و سلامتكم هههههه اسفه قرقت

 

[لوولوو_88]

و اخر شي عودت ريلي من يدش المه ،، من اول ما تزوجنا ،، ساعات اهوا يدش اكون بالمطبخ قام اهوا يبادر و فعلا استانست ،، لانه ما توقعت ولا كنت انطر ،،بس الي احبه لنفسي اسوي له و الحمدلله بادر من نفسه هههههه و بس ،، حيل عرجبني الموضوع متحمسه ههههه

 

[امـ خــزامـى]

ما شاء الله عليج اشكرج على الحملة مع ان انا يبيلي سنة مو بس اسبوع هههههههههه

اي يالغالية مو بس الخليج انا مغربية - بس يمكن لاني كبرت بمجتمع محافظ - مدينتي -

و اهلي ما تعودت انهم يقولون كلآم حلو الا نادرا عشان جدي صار عندي جفاف وترسبات والله هههههه

حتى رفيجاتي على طول كلآمي معاهم جاف جني بتهاوش وياهم مو رفيجتهم

وادا قلت كلمة حلوة يفكرون إني متغيرة او عندي مشلكة ما يتقبلوها

بس اهوا لآ ينطر بس كلمة و يحاول يزرع فيني هالشي وانا عشانه دشيت الحملة

واعتبرها دورة لي و ابي اطور نفسي فيها ورح احاول اتغير معاه قد المستطاع لاني صج محتاجتها

شوفي انا بديت من فترة كلآمي يتغير مع رفيجاتي اهوا كان السبب فيها

يعني من كتر ما يقولي كلأم حلو يتغزل فيني يمدحني انتقل هالشي فيني بس مو معاه

يعني مع اهلي صديقاتي بالجامعة حتى مع الناس الي اتعرف عليها اول مرة اكلمهم بذوق

وابتسم و امدحهم و اقول عبارات حلوة الكل انصدم من تغييري هدا و مستانس منه

وانا شخصيات مرتاحة عشان هالتغيير حتى الكلمة الحلوة سهلة و اقولها تلقائيا للكل

بس لآزم معاه اخربها حتى لو قلتها لازم اعلق عليها او يحس انها مو من قلبي

و انا الصراحة ادا قلتها له هو بالتحديد تكون طالعة من اعماق قلبي بس اتقصد احسسه انها مجرد كلمة

يمكن لاني للحين استحي منه مادري شلون اغير هالطبع

اهوا بالاول كان يضايق ويقولي لا تعلقين بعدين اتعود و يطوف عشان ما ارد لحالة الجفاف الاولى

مشكورة ام خزوم وايد مستانسة من الحملة و ان شاء الله انا وياكم اتعلم واستفيد

وربي يسعدج ويوفقج و ينور دربج ويحقق كل امانيج يا رب و يرزقج الجنة

لانج ونستيني بالموضوع و ساعدتيني عشان اطور من اسلوبي واسعد انسان على طول يسعدني

لج باقة ورد ♥

يازينك بعد :eh_s(9):وحلو ذكرتي تجربه تدعم حملتي وبشهادتك
لانك تسمعين منه كلام حلو وتعليقات احلا لسانك تعود على هالكلامات


وجميل المسار اللي انت ماشيه عليه
انت صح لانك تستحين وعندك. رهبه تمدحين الجنس الاخر
بديتي بالمديح والكلام الطيب بالناس اللي حولك وتقابلينهم يوميا

لاتستعجلين وتضغطين على نفسك

ومصيرك بتتجرأين وبتصيرين احسن منه بعد وبتغلبينه بالكلام :ggdw:


ومشكوره على ذكر تجربتك ومشاركتك بالامثله :eh_s(17):

 

[امـ خــزامـى]

اي والله كلآمج صح

انا توني متزوجه و كنت فاهمه الموضوع غلط هههه بس هو اللي كان يمدحني ويتغزل فيني
لدرجه نسيت انه يحتاج كلام حلو وغفلت عن هاذا الشيء
هو سكت فتره بس بعدها انفجر انفجار عظيم لوول وقعد يجرح من حقه الصراحه

بس الحين حسيت على دمي واستحيت على ويهي وقمت اتغزل فيه واقوله كلآم حلو
وحسيت بالراحه النفسيه حتى هو اشوف نفسيته مرتاحه والحمدالله

وأشججعج ع الموضوع وسجليني من متابعينج يالخفوق ^^

الحمدالله حسيتي وعرفتي واستوعبتي مو مثلي

خخخخخ سنتين على مااستوعبت :d


الله الله بالغزل وبالمدح ارفعيه لسابع سماااا
لاتستحقرين اي شي وتقولين لا وش دعوااا بعد هنا بمدح



موفقه يارب

 

[امـ خــزامـى]

كل الشكر وتقدير لصاحبه الموضوع
لكن عندي شؤال ابي مثال ع طريقه المدح
مرات احس من كثر ماامدح قاعد احامل ومااحب هالشعور يوصل لريلي وانا مااكون اجامل بس نوع من مبالغه نقدر نقول مثلا سوه هو العشت او حليب امدحه وتقوله مشكور كان حلو ولذيذ بس هو عادي مادري وصلت سؤالي صح ولا غلط

و

العفو ياقلبي

حاليا بترك ألمساحه لكم وبشوووف تعليقاتكم وافكاركم
وهل وصل كلامي بالضبط

ولا اكتب لكم طريقتي اللي اتبعتها وبذكر لكم امثله


انت وكل من طلب ذكر مثال اقوله انتظروااا حبيباتي


حابه اتناقش معاكم بالاول بعدين بكمل موضووعي