حملة العلاج بالخارج والانتظار والرفض

[كندوش]

الله يفرجها علينا ولا نحتاج لاحد انشالله

 

[ام يوسف القمر]

مشكورة كندوشش ماقصرتي
تناهيد الزمن ان شالله
ورود الله يارب يسهل عليج ان شالله ويوفقج

 

[فـيـونـكـا]

قال تعالى:

(وَزَكَرِيَّا إِذْ نَادَى رَبَّهُ رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ(89) فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ (90)

اللهم ارزق اختنا الولد الصالح ويسر امورها​

 

[هتووف]

الله بسهل عليج امورج انشاء الله ((ويرزقج الضنا الصالح ويرزقنا

 

[الصابره]

حبييتي ادري انج محتره وامعصبه وما ألومج آنا مثلج صالي 7 اسنين واللجنه رفضت علاجي بالخارج وقالولي علاجك متوفر بالكويت مع العلم اني حاطه موعد لعملية طفل الانابيب من قبل 4 اسنين و لي اليوم ما ياني الدور لأن حتى الدور على عملية طفل الانابيب بالواسطات يا عمري.

و على فكره لا دكتور حازم له شغل ولا غيره لأن الحكومه امحدده ميزانيه معينه حق العلاج و الدكاتره اللي اهناك يرفضونج لأن في حالات اصعب منج وفي حالات واسطتهم اقوى من واسطتج حلوه هاذي بس هذا اللي اعرفه وعرفته بس والله العظيم يا بنات اللي يشوف مصيبة غيره اتهون عليه مصيبته والحالات اللي انقبلت حالات مستعصيه شوف عيني مساكين الله يرزقهم ان شاء الله يا ربي ويرزقني ويرزق الجميع.

الحالات اللي انقبلت اهم اللي كل الدكاتره اهني قالولهم مافي أمل و مالكم اعلاج عندنا الله يعينهم ويلقون اعلاج اهناك ياربي.

الله يفرجها يارب عالجميع وبعدين اذا ودو ناس وخلو ناس علشان واسطتهم هذا ظلم ابصراحه والمفروض يعني علاج العقم شي مهم و الكل يدري ان علاج العقم مو متطور عندنا بمركز طفل الانابيب واساليبهم بالعلاج قديمه وفوق هذا الدور اللي كل واحد ينطر اسنين على ما ايي دوره فالمفروض يوفرونلنا العلاج بالخارج ويحسون اشوي فينا لكن شقول غير ( اللي ايده بالماي البارد مو مثل اللي ايده بالنار )

الله يحنن قلوبهم ويخليهم يقبلون حالتج و الله يرزقج ويفرج همج.

 

[الصابره]

تذكرت شغله اذا انتي محتره من الدكتور حازم انا عيل دخلت لجنه مافيها دكتور حازم بس فيها دكتور اسمر اجنبي ودكتورتين بس وحده منهم الله لا يراويج لا تطيحين بلسانها جنه يايين انطر منها وما تعطينا مجال نتكلم السااااان لو مهما كان احنه مرضى واهي طبيبه المفروض ما اتكلمنا ابهالطريقه وكلمتها والثانيه علاجكم متوفر وعلاجكم متوفر يالله خل انشوف اشلون متوفر واحنا من اربع اسنين لي الحين ما يانا الدور؟؟؟؟؟؟؟؟؟؟؟؟؟

 

[ام يوسف القمر]

فيوكا وتوفي ماقصرتوا وربي يحقق كل اللي تبيونة ويفرج همكم
الصابة ربي يرزقج ان انشالله عاجلا غير اجلا يارب ويفتح عليج ابواب الخير
بس لاتياسين اما الدور على بداية السنة الياية وان شالله خير ادري اختي حاسة فيج لاموعد ولا سفر ربج يفرجها

 

[عسووله]

الله يفرجها على الجميع ويلهمنا الصبر على مواعييد الصباح وسوالفهم يطلعون الواحد عن طوره والعمر يمشى ومواعيدهم كل بالسنين بس ما باليد حيله والله كريم وعالم بكل حال ويفرجها علينا جميييييعا امييييييين

 

[عسووله]

بس على فكره انا سامعه هالايام افتحوا قبول للعلاج بالخارج حق الي صارله فوق السنتين والله ما ارزقه بالعيال والله العالم وانشاء الله خير وادعولي بنات بليز انا الحين مقدمه على لجنه وربى انشاءالله يوفقنا فيها انا زوجي حالته انعدام حيوانات منويه بالمعنى زييييرو بس الواحد يسوي الي عليه ويتوكل على الله بس لاتنسوني بالدعاء(( ربي لاتذرني فردا وانت خير الوارثين))

 

[ام يوسف القمر]

عسوله يارب تروحين وتيين بالتؤام يارب وكل بنات المنتدى


انا ذاك اليوم راجعتهم وتخيلوا تقولي البطانة لازم تنبيني تخليوا خلوني اشتري مانع حمل من برة ماعندهم المفروض كل الادوية متوفرة وهم ماعندهم الله يعين ويقبلون كل بنات المنتدى يارب انا ناطرة الفرج من الله يارب

عسولهة اشكرج على اضافتج اتصدقين توني ادري عن هالمعلومة يلا بقدم وبشوف بس يقلون المواعيد وايد الله يعين

 

[هيونه الكويت]

الله يرزقج

 

[أم حمـــــودي]

الله يارب
الله يرزقج يالذريه الصالحه يااااااااااااااااااااااااااااارب

 

[ام يوسف القمر]

اشكركم هيونة وام حمودي يارب يرزق بنات تاخر الحمل يارب يارحيم

 

[klara-76]

السلام عليكم جميعا
لا والله بالنسبه للدكتور حازم نفس ماقالت الاخت نفس ماعنده بعد اسلوب كنت عنده اليوم بروحني رايحه من حبطه وبجي ونواح بس ماعرف انتو وينكم ماتدخلون نت ماتقرون معلومات عباله متخلفين احبطني يقولي نزلي وزنج ياربي في امتن مني ويحملون بس يابنات من ردني وقالي نزلي وزنج طخيييت قلت خيره من ويهه وهذا يايبتله يكون بعلمكم وساطتيييين من اهله شرايكم بس احبااااط ويقولي اليوم يله باقيلي مرضا اخرتوني يتحجي عن الاسلوب العلمي مايبيني اداحره واهوه ماعنده اسلوب المفروض يراعي الشعور بروح هالشغله محبطه ولا شرايكم الواحد مايدري شيسوي مره يمدحونه مره يذمونه مادري شسوي ؟
صج بناااااااات لازم انزل الوزن ياللله يسولي تلقييييح؟؟؟؟؟؟؟؟ اللله يعافيكم ردووو علي

 

[حلم الأمومة]

والله ماااعندي فكره عن الوزن ؟؟ بس سوي اللي قالج عليه والله كريييم


بنات انا راجعت الصباح وعطونى موعد آخر شهر يناير للجنه بس مادري هذي اللجنه اللي اتقولون فيها حازم الرميح والااا في غيرها بعد لجنة ؟؟؟؟؟؟؟

 

[أغصان]

ايه يقولون ان الدكتور حازم اهم شيء عنده ان المريضه تخفف وزنها
علشان تنجح العمليه مع اني اتوقع انها مالها شغل بالوزن الله يعين

حلم الامومه
ايه هذي اللجنه اللي فيها الدكتور حازم عسى الله يفرجها عليكم يارب

 

[ام يوسف القمر]

كارا
اي دكتور حازم كلش ماعندة اسلوب بالمرة

وترا اهو كلة كلامة نزلي الوزن مو بس حقج وايد بنات وانا منهم معني مو وياد متينة

ومرة وحدة مشالله ضعيفة تقول يقولي متني تخيلي ماعرفنالة مرة متني ومة ضعفي اصلا يقولون الوسطة عضو ولازم يمون علية خليها على الله انا دايما اقول واسطتي ربي ولله ان شالله يرزقنا ولا منتهم

ولا في شي ثاني بنت عم زوجي تعالج عندة بالعيادة ومعودها بعيد تدرين قرب موعدها اتقول اللي تراجع عندة يقرب موعندها الله واعلم ليش جذي الله يسامحة


حلم الامومة اي اللجنة اهي اللي تكون فيها حازم او دكتورة رائدة


بس اللحين منزلين قرارات يديدة

متزوجة كثر من سنتين
مسوية اطفال انابيب اوو حقن مجهري اكثر من مرة

ماعندكم اطفال يقولون اول مايقعد باللجنة يسال هالاسئلة والله اعلم

انا دخلت مرتين وكلة مرفوضة وانا سبع سنين يالله الحمدلله على كل حال لا مجدمين مواعيدنة ولا يبون يسفرونة

يارب ارحم حالنا

اغصان اشكرج على المرور

 

[klara-76]

السلام عليكم جميعا
شخباركم بنات امس اول مره اشارك معاكم شدني الموضوع ورديت بدون لا استاذن واقولكم اني اول مره اكلمكم عسى الله يرزقكم الذريه الصالحه كلكم انشاللله

 

[klara-76]

بسالكم بنات شلون طريقة طرح سؤال ؟؟ عشان تجاوبوني عليه ويعطيكم العافيه والله يرزقكم الذريه الصالحه لاني اطبع لكم الرد ماشووووف مشاركتي ؟؟؟؟

 

[ام يوسف القمر]

هلا كلارا حياج الله ونورتي موضوعي
وحياج كل مرة مو بس مرة

مافهمت شنو يعني طريقة السؤال ماافهمت سؤالج الاخير وضحيلي وان شالله راح ارد من عيوني