حمــله {نبيـــها ستـر}

[^^ ǺГฬα]

جزاكم الله خير الحملة وايد حلوة


موغريبة على نهووي

 

[خـDO_Oy]

أتمنى لكم التوفيق

 

[مسك حياتي]

خوش موضوع راقي بهدفه
اتمنى يلاقي صدد بكل مكان

 

[ام سالم وايه]

نهى الأحمد​

السلاام عليكم

بسم الله الرحمن الرحيم:eh_s(17):



بصراحه لا احب المقدمات ولا اعرف كيف تُكتب ,..

فكرتي هذه منذ مده طويله , وحان وقت تنفيذها !

حملتنا وااضحه ولكن ؟

هل حقاً نفهم ماهو الحجاب !؟

ماالغرض منه !؟

ماحكمته !؟

مجرد قماش يغطي رأسي وجسدي !

يحكر حريتي !!

يقيدني !!

يمنعني من سعادتي !!

يمنعني من ارتداء مااريد !!

اهذا حقاً هو الحجاب !؟

لقد اتى الاسلام رحمه لنا ! وبفضله سبحانه كرم المرأه التي كانت تُهان في الجاهليه !

اخذت حقوقها كامله , معززه مكرمه

وفرض عليها الحجاب ! رحمه لها ! ويقيها من فتنة هذا الزمان

فوا اسفااه !! اتخذوه مظهرا فقط , فهو بأمرٍ من والدتها وليس برضاها ارتدته !!!

وجهها مليئ بمستحضرات التجميل , ورائحتها من ازكى العطورات !! ولباسها من اضيق اللباس !!

قال رسول الله صلى الله عليه وسلم : (( كل عين زانية , والمرأة إذا استعطرت فمرت بالمجلس فهي زانية )) وفي رواية (( أيما امرأة استعطرت فمرت على قوم ليجدوا منها ريحاً فهي زانية ))صحيح أبو داود وأحمد والترمذي والنسائي .



وقال تعالى : {يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ } (59) سورة الأحزاب .

وقال سبحانه : {وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى } (33) سورة الأحزاب ,





انتِ جوهـــره ! جوهره ثمينه !! هل يمكن لاي شخص ان يرى الجوهره الثمينه !؟ هل من حقه ان يستمتع بها !؟

هل من حقه تمتع عينيه بجمالها !؟

ام هي فقط لمن يملكها !؟

هل البضاعه الرخيصه تساوي البضاعه الغاليه والماركات العالميه !؟

في النهايه القرار قرارك اخيتي ,...

اتودين ان تكوني جوهره وتحمي نفسكِ وجمالكِ من الذئاب ,!؟ ام تودين ان تسمحي للجميع برؤيتك!؟



بلاد الحريه ! التي تدعي انها بلاد الحريه , ماذا استفادوا نساءهم وبناتهم من هذه الحريه!؟
فالناس هناك تعلم ماذا يعانون منه ! فهم في مأساه لا يعلمها غير الله ! هذا الكلام في احصائياتهم , ليس من عندي

http://www.youtube.com/watch?v=PihEIOzB70E



الحمدلله على هذه النعمه ! فقد فضلنا على الناس كلها !

لقد توجنا بحجابنا !

بسترنا ! بعفتنا !!

بالطبع لا نريد ان نكون مثلهم !!


هل جربتِ ارتداء العباءه عن قناعه !؟

تقول احدى الفتيات , "لقد كنت امشي مع عائلتي وقد كنت ارتدي عباءتي بقناعه تامه في السوق
, !فكنت متيقنه انني احمي نفسي هكذا ! واذا بإمرأه تكبرني بقليل ترتدي مالا يذكر تحدق بي بنضرات غريبه موحشه كأنها تستحقرني
لكن اجتاحني شعور السعاده بشكل لن تتخيله الا من جربته , احسست بالرغم من صغر سني وكأنني بعفتي وستري كأنني في القمه ! وهي ......."

كل شئ عن قناعه له طعم آخر ! :eh_s(15):

http://www.youtube.com/watch?v=HOvl8...eature=related

http://www.youtube.com/watch?v=oThhl1ugaDU

باب النقاش مفتوح عزيزتي:eh_s(17)::eh_s(22):

اذا اعجبتج , حيااج معانا بالحمله:eh_s(22):

goooooooooooooood

 

[RicardO]

الله شالزين والشحلاة موضوع تقشعر له الابدان وتذكر الواحد بالهدف الاسمى
يارب ياحبيبي تهدي بناتنا وتصلحهم صايرين مفصخين قمة التفصخ
والله صراحه وصلت لمرحلة اني احس شكلي غلط بعبايه

قواكم الله وبميزان حسانتج سوسو

 

[غرام الغرام]

مُ'ٌٓـــَڼْ اجمل مـِْ♡̨ـِْا قرأت

 

[soso o]

موضووووووعگ راااااائع و هاااااادف
والله يجزااك خيرررررر

 

[ليّونة]

الحمدلله تحجبت برضاي


لو سمحتوا بنات الي تقدر تدزلي رابط الصفحة عشان حابة انشرة بتويتر


بالتوفيق انشالله والله يجزاج خير

 

[اورادالكويت]

بالعكس مافي احلى من الحجااااب الحمدالله

 

[حلا المطران]

جزاااااااااااج الله الف خير
ياليت الكل يستفيد
كلامج مقنع صراحه

 

[كويتية وكلها جاذبية]

يزاج الله خير على الموضوع. فعلااا بوقته. انا تحجبت من نفسي. وانا عمري ١١. تقريباا.
بس مع الاسف. مع اني البس. عبي ذربه وكشخه والكل يسالني عنها بديت اكره عباتي. حيل. وخاطري البس بدل. وصرت احس. شكلي مبهدل ما ادري ليش. ودي افتخر بعباتي وبالتزامي. بس. كل ما اشوف البنات يلبسون الوان. وكشخه وذاربه. يزوووغ. قلبي استغفر الله. واحس ان خاطري البس جذي اذا طلعت.
احب الموضه. واتابعهااا. واشتري بس ما اقدر البس اذا طلعت. وما عندنا زوارات. خاطري اخفف هالاحساس. ادري ان لبسي ملتزم. وانه اهواا الي ربي امر في. بس مرات احس اني منافقه. لاني خاطري البس بدل

اول مره اقول الي بقلبي. انصحوني. موضعج. حسسني اني سبشل. مشكوره.

 

[نجمة 2013]

موفقه حبيبتي للامام

 

[ووطن النهار]

جزاك الله خير

 

[Aloe Vera]

يزاج الله خير على الموضوع. فعلااا بوقته. انا تحجبت من نفسي. وانا عمري 11. تقريباا.
بس مع الاسف. مع اني البس. عبي ذربه وكشخه والكل يسالني عنها بديت اكره عباتي. حيل. وخاطري البس بدل. وصرت احس. شكلي مبهدل ما ادري ليش. ودي افتخر بعباتي وبالتزامي. بس. كل ما اشوف البنات يلبسون الوان. وكشخه وذاربه. يزوووغ. قلبي استغفر الله. واحس ان خاطري البس جذي اذا طلعت.
احب الموضه. واتابعهااا. واشتري بس ما اقدر البس اذا طلعت. وما عندنا زوارات. خاطري اخفف هالاحساس. ادري ان لبسي ملتزم. وانه اهواا الي ربي امر في. بس مرات احس اني منافقه. لاني خاطري البس بدل

اول مره اقول الي بقلبي. انصحوني. موضعج. حسسني اني سبشل. مشكوره.

حبيبتي هذا الشيطان قاعد يوسوس لج
لا تهتمين حق هالافكار و فكري في الموت ....تبين تموتين و انتي لابسة بدلة و كاشخة عالموضة جدام الرياييل؟ الانسان مايدري متى يومه ولازم كلنا نكون مستعدين حق هاليوم

ان شاءالله اذا تزوجتي راح تلبسين و تستانسين و دايما كشخي في المناسبات مهما كانت صغيرة استغليها و لبسي بدل وفصخي حجابج


انا وحدة دايماً اكشخ اذا مكان حريم و ما احب اقعد بحجاب اذا مافي رياييل ....ليش لا؟
ساعات يحسبون مو محجبة و ينصدمون لمن ابس عباة الراس و النقاب

اللهم ثبتنا و استرنا فوق الارض و تحت الارض و يوم العرض

 

[Aloe Vera]

يزاج الله خير على الموضوع. فعلااا بوقته. انا تحجبت من نفسي. وانا عمري 11. تقريباا.
بس مع الاسف. مع اني البس. عبي ذربه وكشخه والكل يسالني عنها بديت اكره عباتي. حيل. وخاطري البس بدل. وصرت احس. شكلي مبهدل ما ادري ليش. ودي افتخر بعباتي وبالتزامي. بس. كل ما اشوف البنات يلبسون الوان. وكشخه وذاربه. يزوووغ. قلبي استغفر الله. واحس ان خاطري البس جذي اذا طلعت.
احب الموضه. واتابعهااا. واشتري بس ما اقدر البس اذا طلعت. وما عندنا زوارات. خاطري اخفف هالاحساس. ادري ان لبسي ملتزم. وانه اهواا الي ربي امر في. بس مرات احس اني منافقه. لاني خاطري البس بدل

اول مره اقول الي بقلبي. انصحوني. موضعج. حسسني اني سبشل. مشكوره.

حبيبتي هذا الشيطان قاعد يوسوس لج
لا تهتمين حق هالافكار و فكري في الموت ....تبين تموتين و انتي لابسة بدلة و كاشخة عالموضة جدام الرياييل؟ الانسان مايدري متى يومه ولازم كلنا نكون مستعدين حق هاليوم

ان شاءالله اذا تزوجتي راح تلبسين و تستانسين و دايما كشخي في المناسبات مهما كانت صغيرة استغليها و لبسي بدل وفصخي حجابج


انا وحدة دايماً اكشخ اذا مكان حريم و ما احب اقعد بحجاب اذا مافي رياييل ....ليش لا؟
ساعات يحسبون مو محجبة و ينصدمون لمن ابس عباة الراس و النقاب

اللهم ثبتنا و استرنا فوق الارض و تحت الارض و يوم العرض

 

[هدوء مشآعر]

السلام عليكم و رحمة الله و بركاته
مجهود جبار ماشاءالله و الحملة في قمة الروعه
راقت لي ~ بارك الله فيج و الله بنات هالأيام الشعر
نصه طالع و ريحتها عطر كوكتيل و صوتها واصل لآخر الشارع
و تحط صور جسمها و لا شفايفها بالبيبي وتقول [ ربي إرزقني الجنه ] !
الله يهديهم بس .. مشكورة غاليتي

 

[المزيونه انوار]

يسلموووو علي الموضوع ثانكس

 

[A.S.O 93]

السلام عليكم ورحمة الله ...

بنات انا عمري 19 انا بديت اتوب من شهر 3 الحمد لله .. كنت سفور والحين تحجبت وتنقبت والبس عبايه وسييعه وماحط مكياج اذا طلعت حتى قمت البس قفاز مع انه سمعت شيوخ يقولون القفاز تلبسه الوحده اذا كانت حاطه صبغ اظافر و حنه وهالسوالف بس والله من كثر ما انا احب الستر والله بنات قبل كنت احلف على امي اقول ماراح البس عبايه بس سبحان الله الحين تنقبت والله بنات اني احب الستر لدرجه ما تتوقعونها ودي اسوي كل شي عشان ربي يرضى علي حتى ودي البس عباية راس بس أمي ماراح ترضى تخيلو امي تلبس عباية راس بس ماتبيني البس عباية راس حتى خواتي ماراح يخلوني بس والله انا مايهمني غير امي اذا رضت راح البس بس هم عباتي الحين وسييعه مايبين فيني شي بس والله احب الستر حييل و تبت من كل شي الحمد لله يا ربي حتى تركت الاغاني وكل يووم اسمع محاضرات دينيه والله بنات يا حلات التقرب من الله سبحان وتعالى كل ما اتقرب ودي اتقرب اكثر واكثر حتى نظرتي بالحياة تغيرت حيييل فرق عن اول .. بس أسأل الله ان يثبتنا على طاعته و يهدينا ويهدي جميع المسلمين وعفيه بنات ادعولي بالهدايه اكثر

 

[مفرفشة ومنعنشة]

يزاج الله خير
خوش موضوع ... وخوش حملة

الله يستر علينا وعلى بناتنا

للاسف الحين اللبس صاير ( فاضح ) سواء للمتحجبة او غير المتحجبة ... وحتى الي تلبس عباية او منقبة لبسها مخصر ومكياجها صارخ وعطرها فواح
الا من رحم ربي
الحين اذا طلعنا السوق بس نستغفر من الاشكال والاجسام واللبس الي نشوفه
لاحول ولا قوة الا بالله
صار القصير والحفر والصدر كله عادي يطلع
ماكو شي عيب
استغفر الله
الله يرحمنا برحمته

اللهم استرنا فوق الارض وتحت الارض ويوم العرض عليك

 

[pink eve]

الموضوع وايد عجبني جزاج الله خير على طرح هالموضوع ، صج أنا مشاركتي وايد متأخره بس حبيت و لو بجمل بسيطة أشارك.
أنا بنتي تحجبت و اهيه عمرها 10 سنوات و بإرادتها و عن قناعه بس الحين صار عمرها 12 و تبي تقلد البنات باللبس و البنطلونات الضيجه
أنا البسها و أكشخها وأصمم لها ملابسها بنفسي بعد و الكل يقول عنها توب بس تظل عينها على ستايل البنات.