حمسه المشروم؟؟

["meeem"]

قوه بنات ،،،،،



بغيت طريقه حمسه المشروم مع البصل اللي تنحط فوق الهمبورجر شلوون يسوونها ؟؟؟؟؟؟

عفيه بنات ناطرره ردودكم ،،،،،،،:eh_s(7):

​

 

[زعفرانة_73]

حبيبتي أنا أفرم بصله ناعم وأحمسه مع 2 م ك زيت لين يذبل البصل ،بعدها أضيف فص ثوم مهروس، بس خليه دقيقه على طول حطي المشروم الشرايح وحركي شويه ، بعدين حطى عليهم م ص فلفل أسود مطحون وحركى لين تتجانس المكونات بعدها 5م ك طحين وقلبى شوي يتغير لونه، طبعا تكونين مجهزه كوب ونص ماي حار مذوبه فيه مكعب ماجى وصبيه عليهم وحركى راح يثخن معاج الصلصه,
وسلامة عمرج​

 

[زعفرانة_73]

وييييه عبالى تبين صلصة المشروم:eh_s(22):​

 

[-فلانة-]

حبيبتي تبين اللي يكون البصل مكرمل شوي؟؟
انا بعطيج طريقتي بس فيها حلاة شوي،،
انا أقصص بصل أبيض شرايح و أحمسه بزيت و شوية زبدة بس لا تكثرين الدهن خليه شوي على أساس ما يتحمش وياج البصل،،
و وحطي عليه شوي فلفل أسود و رشة سكر على أساس يتكرمل معاج البصل بسرعة و ضيفي شوية ملح عشان لا يطلع حالي وايد و لما تحسين البصل ذبل معاج ضيفي عليه المشروم الشرايح عقب ما تصفينه من الماي طبعا..
إذا ما تبينها حالية لا تحطين سكر بس ضيفي فلفل أسود..
وعليج بالعافية مقدما..​

 

["meeem"]

زعفرانه مشكووووره حبيبتي على وصفه الصوص بعد حلوه حق الستيكات راح اجربها على يوم انشالله


فلانه تسلمين ماقصرتي عالوصفه ،،،،، لكم مني خالص الحب والتقدير

 

[جارة القمر]

مشكووووورين
http://www.q8yat.com/t695106.html


http://www.q8yat.com/t454697.html


http://www.q8yat.com/t638492.html

 

[جارة القمر]

طريقته وايد سهلة حمسي بصل جوانح على النار وضيفيله ثوم وفلفل بارد جوانح وفلف حار مفروم وطماط جوانح ورشيه صويا صوص فلفل اسود وبابريكا وكزبرة مطحونة وقلبيييي عدل مدللل وضيفي 1 م ط ك معجون طمتط و فنجال ماي وقلبي وشوي الهامبرغر بالفرن وبعد ماينشوا قصصيه مكعبات وحطيه على الخلطة وخليها على كتر


ابمقلاة صغيرة حطي زيت وحمري بصل جوانح مع شوي ثوم مفروم ومشروم شرايح وقلبي الين يذبل مع رشى ملح وفلفل اسود ورشيه طحين رشة خفيفة وبعدين ضيفي 2 م ط ك كريمة وقلبي مع رشة ماي بسيطة وخليه يطبخ الين تتكثف الصلصة ويقل مايها


طريقة التقديم حطي خليط الهمبرغر وفوقه صلصة المشروم





طريقة ثانية



الهمبرجر مع الفطر

المقادير|
6قطع همبرجر جاهز لحم او دجاج حسب الرغبه
خس وجرجير
علبة فطر كبيره
كاتشب وصاص(صوص)
شرائح بصل رقيقه
فلفل مقطع شرائح
طماطم مقطع شرائح
وزبده
خبز توست او خبز الرول المستدير
الطريقه|
انحط الهمبرجر في الشوايه او داخل الفرن لين تستوي
على مابال تستوي انجيب الفطر ونخله عن المويه ونرش عليه مويه من الحنفيه ونجففه عن المويه
انجيب الخبز ونحط الخس والجرجير وبعده الفطر والطماطم
انجيب الهبرجر ونحطه فوقهم ونجيب الزبده وتكون بدرجة حرارة الغرفه ونحطها فوقه
وبعده البصل والفلفل وبعده الكاشب والصاص (الصوص)ونسكرها ونطغط عليها شوي وبعدها تقدم وباالف صحه وهناء

منقووووووووووول

 

[أحلى همبه كويتية]

انا اسوي هالحمسة بطريقة ثانية


احمس بصل شرايح سواء احمر او ابيض بس افضل الأبيض عشان الريحة
على النار بدون زيت اول شي ولما تتغير لون المقلاة ارش ماي عشان ياخذ من لون المقلاه بني
واقلبه لما ينشف

عقب احط عليها المشروم واقلبه شوي لما ينشف
اصب عليه شوية زيت وفوقهم نتفة ثوم( اختياري ) لأن البصل كافي
واحمسهم + رشة كركم
وارش فوقهم صلصة صويا شوية وملح وفلفل اسود


لذيذة نااااااااااااااااطعة

يمكن هذا اللي تقصدينه


وبالعافية حبيبتي
ان شاء الله ليه سويتها بصورها لكم ​