تفضلي طلبك
حمسة الباذنجان والفاصولياء
اول شي ترا البيديان اللي لونه أبيض
والفاصوليا ظروري طازجه
نبدي بالمقادير
مثل ماشفنا بيديان وفاصوليا
بصل شرايح كثروا منه ههههههههههه
ثوم مهروس
طماطه وحده فقط ويكون حجمها وسط
فلفل علوب
البهارات ركزوا اهم شي ترا(كركم كزبره كاري) فققققققققط
وطبعا ملح
الطريقه
طبعا نحط دهن وتالي ثوم ونقلبهم لحد مايذبلون بعدين نكون مغسلين الفاصوليا ومقصصينها الطول تقريبا ربع اصبع نحمسهم ويا البصل والثوم ونقلبهم ونصكر الجدر لمده عشر دقايق على نار متوسطه لانه الفاصوليا يبيلها وقت واهم شي نغطي عليه
بعدين نبطل الجدر ونحط البيديان ونقلب لحد مايتيغر لون البيديان ونحط البهارات والملح ونقلبهم عدل ونغطي عليهم لمده دقيقتين بس عشان نعزز النكهه عقب نبطل نقط فوقهم الطماط ونقلبهم عدل ونرد نصكر الجدر ونخليه ربع ساعه على نار وسط
طريقة منقووووله
تقطع عدد 3 باذنجان على شكل دوائر وتقلى بزيت ساخن حتى تحمر ثم توضع على كلين**
حتى يجف الزيت وبعدين احط فصين ثوم عليه ورشه ملح الليمون
او ملح عادى واعصر ليمونتين واحطها عليه وبقدونس
وفلفل احمرمبشور ورشه كمون وفلفل اسود
واخلطه مع بعض الى ان يصبح عجينه بس مو مهروس وايد ومع القشر احلا..
تقدرين تاكلينه بخبز ايرانى او مع العيش عجيييييييييب ويفتح الشهيه
باذنجان (حجم وسط) مقطعة حلقات بالقشر...ومقلية..ومنشفته من الدهن
ملعقة فلفل احمر حااار (خشن)
ملعقة معجون طماط
2 فص ثوم مقطع صغار
بصلة حجم وسط..مقطعة صغار
2 قرن صغير فلفل اخضر حاااااااار ..مال الهنود
((تقصينه بالطول وتطلعين الحبوب اللي داخله..وانتبهي استعملي السكين بتطليعهم...لانه من حرورته..حتى عقب ماتخلصين وتغسلين ايدينج وتحوشين عينج بتحرقج))
وعقب ماتطلعين الحبوب البيضاء يقطع صغار صغار
عصير ليمونه
2 ملعقة خل
2 ملعقة زيت زيتون
رشة ملح و فلفل اسود..وملح الليمون (ممكن تستغنين عنه لو ماتحبين
بقدونس مفروم..انا احب يكون تقطيعه كبار
الطريقة
بالخلاط
البصل + الثوم + والفلفل الاحمر + الفلفل الاخضر+ معجون الطماط + الليمون + الخل + الزيت + الملح
(( كل المقادير ماعدا الباذنجان والبقدونس))
وعقب خلط المعبوج بالخلاط
تحطين فوقه الباذنجان والبقدونس ...وتخلطين الجميع ..تحاولين تحركينه بحذر ..عشان ما تمرسين الباذنجان
لانه بيكون طري جدا...وبالف عافيه على قلوبكم
بنات المقادير...حسب الرغبة...يعني اذا انتي تحبين تغيرين او تزيدين براحتج
حمسة باذنجان
المقادير
5باذنجان
3طماطم مفرومة
1بصل كبير مفروم2 اذا حجم صغير
4حبات ثوم مفرومة
شوية بقدونس مفروم او مقطع صغير وايد
2 ملاعق معجون طماطم
ملح /فلفل اسود/فلفل احمر /زنجبيل/كمون/هيل مسحوق/زيت زيتون
الطريقة
شلي بس الطرفين من الباذنجان قصصي الباذنجان قطع مربعات غير متساوية
داخل الجدر حطي ماء وملح وشوية فلفل اسود ونقطة دهن خليه يغلي بعدين صبي كل البادنجان اللي قصصتي في الماء المغلي عشان ينصلق
اخدي جدر ثاني أو مقلاة بس لازم تكون كبيرة و عميقة
صبي فيها الطماطم /ثوم/البصل/البقدونس/المعجون00 حطي عليهم شوية زيت زيتون والبهارات كلها المذكوره اعلاه كل واحدة تحط على حسب ذوقها وخلي الصلصة تستوي عدل مع نصف كاس ماء بعدين طفي عليها وانتظري لين يستوي الباذنجان
اخدي الباذنجان المسلوق صفيه من الماء عدل اضيفيه على صلصة الطماطم وحاولي تعجننينه بشوكه أو ملعقة كبيرة خشب بس مو وايد وذمجي الصلصةو الباذنجان مع بعض بعدين شبي النار هادية على الخليط وحمسيه عدل لين يصير ناشف بس فيه شوية دهن
ياكل حار يعني مو بارد مع بطاطس مقلية وسلطة خفيفه
حمسة البطاطا الحارة )
المقادير :
4 بطاطات مقشرة أصابع رفيعة ومغسولة ومملحة ومقلية بالزيت ومتروكة على جنب .
3 بصلات مقطعة جوانح
2 طماطم مقطعة جوانح
1 قرن فلفل أخضر كبير مقطع شرايح رفيعة
البهارات ( الكركم ــ كارى أبوغزالة ــ فلفل أحمر بودر )
ملح + القليل من السكر
الطريقة :
ــ يحمر البصل بالزيت لغاية الأحمرار ثم نضيف الكركم والكارى والفلفل الأحمر ونقلب ، ثم نضيف الطماطم والبطاطا المقلية والملح والسكر ونقلب جيدا ونتركه على النار قليلا ، أصبح جاهزا عند التقديم نضيف شرايح الفلفل الأخضر الطازج ونقلبه مع الخليط جيدا ويأكل مع الخبز الحار .
( حمسة الباذنجان الحار )
المقادير :
4 حبات باذنجان كبير مقشر مكعبات ومغسول ومملح ومقلى بالزيت الغزير ومتروك جانبا .
2 طماطم مفرومة
2 ملعقة وسط صلصة طماطم
4 قرون فلفل أخضر مقلية
3 بصلات مفرومة ناعم
2 فص ثوم مفروم
البهارات ( كركم ــ كارى أبوغزالة ــ فلفل أحمر بودر )
ملح + القليل من السكر
الطريقة :
يحمر البصل ثم نضيف الكركم والكارى والفلفل الأحمر والثوم ونقلب ثم نضيف صلصة الطماطم ونقلب جيدا ثم نضيف الطماطم المفرومة الطازجة والملح والسكر ثم الباذنجان والفلفل المقلى ويقلب جيدا ومن ثم يقدم ويؤكل بالخبز الحار والخضرة الورقية والبصل الأخضر .
وبالعااااااااااافية .
حمسة الباذنجان والجزر
المقادير:
جزره مقطعه هلال-بصله شرايح-طماط مكعبات بدون جلد-ماجي-بيديان مكعبات ومقلي-بطاط مكعبات ومقلي-فص ثوم مهروس-ملح - فلفل اسود
الطريقه:
نحمس البصل والثوموالطماط ونضيف الجزر وننطره يذبل
نضيف الماجي والملح والفلفل الاسود
نضيف البطاطوالبيديان
ننطرهم يتجانسون وتقدمينها
حمسة الباذنجان الحار )
المقادير :
4 حبات باذنجان كبير مقشر مكعبات ومغسول ومملح ومقلى بالزيت الغزير ومتروك جانبا .
2 طماطم مفرومة
2 ملعقة وسط صلصة طماطم
4 قرون فلفل أخضر مقلية
3 بصلات مفرومة ناعم
2 فص ثوم مفروم
البهارات ( كركم ــ كارى أبوغزالة ــ فلفل أحمر بودر )
ملح + القليل من السكر
الطريقة :
يحمر البصل ثم نضيف الكركم والكارى والفلفل الأحمر والثوم ونقلب ثم نضيف صلصة الطماطم ونقلب جيدا ثم نضيف الطماطم المفرومة الطازجة والملح والسكر ثم الباذنجان والفلفل المقلى ويقلب جيدا ومن ثم يقدم ويؤكل بالخبز الحار والخضرة الورقية والبصل الأخضر .
وبالعااااااااااافية .
حمسة نقانق
المقادير:-
بصل
فلفل علوب الاخضر(ترا سر النكهه) واذا ماتحبون حار اختاروا العلوب اللي يكون كبير مو حار وحطوا ربعه اونصه
نقانق
قفشتين جبن المراعي اللي لونه ازرق فاتح كلوسترول اقل (احلى نوع)
جبن سلايز شريحه وحده
ملعقه كتشب هاينيز
ملعقة سويت تشيلي سوس(ينباع بالجمعيه عند الكاتشبااااات)
فلفل اسود وملح
وزيت زيتون وشويه زبده حق المقلى(الزبده تعطي نكهه)
خيار مخلل (مو لازم بس وايد حلو اذا موجود)
الطريقه
تيبين تاوه تحطين زيت الزيتون وبعدين الزبده وبعدين البصل وتالي الفلفل العلوب وتالي النقانق ونقلبهم يميع ونملحهم ونحط فلفل اسود ونخليهم دقيقتين مانبيهم يذوبون
وبعدين نحط عليهم القفشتين جبن المراعي و الكاتشب والتشيلي سوس ونقلبهم بو دقيقه ونصكر الجوله ونحط فوقهم الخيار المخلل مقصص صغااااااااار ونقلبهم
ترا الحميسه كلها ماتاخذ 5 دقاااااااااااااايق
الما ش بوتيتو
طريقتي بالماش بوتيتوس
بطاطس مسلوق على الاخر
ملح - زبده - حليب سايل شوي او كريمه
فلفل اسود
يهرس الملح بشوكه ويضاف له الزبده والملح والفلفل والكريم ( كريمة الخفق )
المقادير والطريقه بالتفاصيل
المقادير :
بطاط الكميه اللي ترغبين فيها + حليب سائل او كريمه سائله + ذره معلبات + جبن شيدر + ملح وفلفل اسود
الطريقه :
يسلق البطاط بماي وملح حتى يستوي وبعدها نحطه بخلاط الكيك ونضيف عليه قليل من الحليب
او الكريمه السائله عشان يطرى البطاط وياخذ نكهه نضيف الفلفل الاسود واذا احتاج ملح
بالنهايه نضيف قليل من الذره ونخلطه بالملعقه
وطريقة التقديم انتي تختارينها انا سويتها كور واستخدمت ملعقة الايس كريم
بعدها رشي عليها جبن شيدر مبشور ودخليها المايكرويف ثانيه بس عشان يذوب الجبن
وراح تتمتعين بطعم لذيذ
