حمد و ساره .... و هل العشق حرام ؟؟_____ روايتي الثالثه

[hend6363]

اب
















اب

 

[كندة العجمى]

رد : حمد و ساره .... و هل العشق حرام ؟؟_____ روايتي الثالثه

فووووووووووووق

 

[BRoNZ GiRL]

رد : حمد و ساره .... و هل العشق حرام ؟؟_____ روايتي الثالثه

عسى ماشر
طولتي علينا وايد
ناطرينج قلب

 

[ام الفهد712]

رد : حمد و ساره .... و هل العشق حرام ؟؟_____ روايتي الثالثه

حباااااايبي عروس شوي لاهيه مع عيالهاااا مدرسه ولويه ومع البيبي

وان شاءالله خلال هاليومين خلاااص بتنهي القصه باذن الله

 

[Riooma]

weeeeeh alah e3enha yarab bs 3ad laish tanhi alqesa e7na mestamte3en

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه


الجزء الاخير




ابو حمد : حمد شمسوي
حمد : هلا يبا ... شمسوي يبا مو مسوي شي غلط
الابو : مو مسوي شي غلط و انت قالب عمك و بنته
حمد : اي مو حرام الي سويته
الابو : يعني ما تعرف تستانس بسكات ؟؟ لازم الفضايح
حمد : مو وناسه ... هذي زوجتي بالحلال
الابو : كلها يومين و بتمل ... جان خليت كل شي بالسر
حمد : يبا انا هذي احبها و من جم سنه و بس مو قادر
الابو : بهل دنيا كل شي يموت .. و اولهم الحب .. هد عنك هل سوالف و صلح غلطتك بسرعه
حمد : اشلون اصلحها انا قاعد اقولك احبها و مرتي و ابيها
الابو : طلقها و تزوجها بالسر و لا تشم خبر مرتك ... و لا عمك مو ناقصين مشاكل تالي العمر
حمد : يبا ما يصير و ما ترضا
الابو : مافي شي ما يصير ... اليوم تطلقها و تصرف مع شيخه و تصرف مع حبيبتك و سكر عل موضوع و يلا انا مشغول



و كانت هل كلمات اهي نقطة النهايه ... قرار طلع من ابو حمد ..و مستحيل حمد يكسر هل قرار
حمد من صكر من ابوه وصله مسج من شيخه

المسج ( ابي اشوف ورقة طلاقها عشان انسى كل شي و ابدا من يدي)

حمد عصب اكثر ... حس انه مخنوق و مو قادر يتحرك و شيخه لعبت لعبتها و مسكته من ايده الي تعوره ... حتى ما يقدر يجذب و يقول طلقت

انزين و ساره الي ردها له .. و خلاها توخر عن الي كانت فيه ... شلون بيقول لها بطلق و تعالي نتزوج بالسر

حمد كان في حاله صعبه ...راح المحكمه ... طلق .. و خذا صورتين من البلاغ .. وحده طرشها لشيخه
و الثانيه راح فيها لساره بالشقه




ساره : هلا حبيبي تعالي ... اليوم ما خليت وصفه ما جربتها لك .. الا اضبط الجيز كيك الي تحبه
حمد : ساره قعدي بكلمج
ساره : اشفيك اشصاير ؟؟؟ تكلم بسرعه خرعتني امي و ابوي فيهم شي ؟
حمد : محد فيه شي قعدي انا ابيج
ساره : حمد بسرعه تكلم عفيه خرعتنيي ؟؟
حمد : ساره ابوي درا عنا
ساره : انزين و اذا ؟؟
حمد : شيخه شايله الدنيا .. ومو مخليه احد مو مشتكيتله .. و ابوي دق و قالي لازم تطلقها
ساره : ابوك ماله شغل .. انت ريال و تعرف تصرف ... ابوك له الحشيمه بس انت مومحتاجه بشي ...انا مابي اعاونك عل قطيعه بس ما يصير ابوك اي

ويحكم بشي مصيري بالنسبه لنا
حمد سكت و ما عرف شلون يرد عليها


ساره : حمد ليش ساكت تحجى اشرديت على ابوك ؟؟؟ قلت له انا ابي ساره ؟؟ قلت له انا احب ساره ؟؟
قلت له انا وخرت عن ساره و ما قدرت ؟؟ قلت له كل هذا ؟؟؟ يمكن يحن قلبه عليك

ظل حمد ساكت ...و بدت دموع ساره تنزل

حمد تكلم .. اشصار مع ابوك ؟؟؟ طمني ؟؟ قلت له له كل شي؟؟

حمد اهني ما قدر يسمع اكثر و مد ايده و طلع الورقه لساره

ساره مسكت الورقه و زادت دموعها .. و مو قادره تكمل القرايه قام حمد و مسكها حيييل
ساره : وخر عنييي بصراااااااااااااااخ
حمد : ساره هدي حبيبتي
ساره : وخر عني اقولك وخر ... ليش ليش تلعب فيني حرام عليك ... انت الي يتني و كل شي كان منك و بتخطيط منك و بسهوله تستغني عني
حمد : ساره هديي ابوي راضي اتزوجج بالسر
ساره : لا والله ؟؟ ما قصر ابوك .. مشكور ... وايد تكرم علي
حمد : انتي سمعيني
ساره : ما بسمع .. تعبت من وعودك .. تعبت من كلامك .. تعبت من وجودك بحياتي ... فرحتي معاك عمرها ما طالت .. كل شي عمره قصير وياك .. كل

شي يخلص بسرعه ... ليش ليش مافي شي يطول وياك .. وخر عني بس مابي اشوفك و لا بسمعك و لا ابي اعذارك و لا ابي اقتراحاتك و لا ابيك بدنيتي

بعد


و طلعت ساره و اهي تبجي ....و استحت تدق على امها تشكي لها الي صار .. خصوصا ان هل مره القرار 100% كان بيد ساره

و ساره ما لقت الا صالح تدق عليه تشكيله النار الي بقلبها

صالح : هلا
ساره و بصوت البجي : صالح كلامك كله صح عن حمد ... حمد قطني و استغنى عني
صالح : ليش تبجيين جذي حمد ما يستاهلك
ساره : قص علي و عشمني و بالجنه و ما شفت معاه غير الدموع .. ضيعني و الله ضيعني
صالح : ما عاش من يضيعج .. انتي وين الحين امرج انا


و فعلا مر صالح ساره ووداها شقته


ساره : انت وين يايبني ؟؟
صالح : شقتي
ساره : شنو شقتك ..من صجك صالح
صالح : لا تخافيين ما راح اسوي شي و انتي بعيوني .. بس هدي و فكري شلون بتقولين لاهلج


و راحت ساره معاه ... و كانت مستصعبه موضوع اهلها حيل .. خايفه على امها و ابوها هل مره ما يكونون قد الصدمه للمره الثانيه
و مو عارفه شلون تبلش وياهم
و ثاني يوم المغربيه :


صالح : ساره اليوم بيوني ضيوف
ساره : ها ؟؟؟ شنو ضيوف
صالح : لا تخافيين هذيل منتجيين و يمكن ياخذونج لمسلاسلات
ساره : و من قالك اني ابي امثل
صالح : انتي اصلا الوسط خسرج يوم رديتي لحمد .. و الحين انا بيب لج فرص عشان تردين
ساره : اي بس انا ما قررت اني برجع
صالح : انتي نطري يبه مافي شي بيون يشوفونج و يسولفون و بس



و صار الليل و فعلا يو زوار صالح ... و كانوا تقريبا 5 ريايل اول مره تشوفهم ساره
ساره طبعا ما كان لها خلق عمرها ... كان الويه وارم من البجي .. و حتى مافيه مكياج او شي

يت و قعدت و اهم يدوا يغمزون و يلمزون .. لين صالح دش المطبخ و ياب بطول المشروب

اهني ساره انصدمت و قامت من مكانها و لحقها صالح


صالح : ليش دخلتي
ساره : انت مينون ؟؟؟ يايب خمر و ريايل و تبيني اقعد
صالح : حدج عتيجه .. الناس كلها تشرب الحين
ساره : اي ناس ؟؟ الناس الخمه الي تعرفهم ؟؟؟ انا عمري ما شفت هل اشياء بالواقع
صالح : تبين تفهميني ما شربتي مع حمد
ساره : طبعا لا ... و لا عمري شفت هل اشياء انا
صالح : انزين تعالي قعدي لا تشربين ..
ساره : اسفه و انا من باجر طالعه من البيت .. الوقت متاخر الحين جان طلعت
صالح : اوف حدج نكديه كيفج


و ظلت ساره بالبلكونه تبي تشم هوا نظيف

و صالح و ربعه سكروا للاخر .. و بعد شوي سمعت ساره صوت الباب ينطق
فتحت تحسبه صالح

و لا كان واحد من الموجودين بالصاله

ساره و اهي تدز الباب : وخر انت اشتبي ياي اهني
الريال : بطلي زين و فج الباب و دخل
ساره : اطلع بره لا اناديلك صالح
الريال : ها ها ها نادي صالح اذا سمعج زين .. صالح وصل وصل
ساره : اطلع اشتبي انت
الريال : ابييج
ساره : يالحيوان انا متزوجه
الريال : احسن بعد عشان لا تبلشينا بشي
ساره : اطلع يالخايس اطلع
و ضلت ساره تتهاوش وياه و تصارخ و محد يسمعها ..و تحاول و مافي لين وصلوا البلكونه المفتوحه .. و ضلوا يصارخوون
و في نص الهواش بالايد ... صار ضهر ساره على يدة البلكونه ... و الريال يشد .. و اهي ترده ... طاحت ساره من فوق ... الدور السابع ... لي الارض

و كان في ناس بره واقفين يشوفون لانه سامعيين صراخ .... وصلت ساره الارض ... وكان شريط حياتها كله قاعد يمر ببالها بالثواني هذي


فجأه كانت ساره وسط بركة دم ... و دور مدارها ناس و ازعاج ...

الخبر انتشر ... الجرايد كتبوا ...و الكل اعتبرها اهي سكرانه و متهاوشه مع سكرانين و انحذفت ... واعتبروها وصخه كانت بشقه
صالح طبعا طلع منها ... والشقه اصلا مخليها باسم واحد هندي ..
وصل الخبر لاهل ساره ....امها يت عندها بالمستشفى ... و ابوها و اخوانها .. بس يبجون و ما يدرون اشصاير
و ابوها اهو الي دق على حمد .. و بلغه بلي صار .. و استغرب حمد ان ابو ساره مو عارف انه طلقها
و بسرعه وصل المستشفى

حمد : وينها وينها ؟؟
و راح ركض لها .. لم شافها انصدم .. الويه الحلو متهشم و ملفوف بلفاف
و اجهزه بالهبل عليها موصله من كل صوب ...
امها و ابوها بالارض من البجي .. اخوانها في حالة ضياع .. الكل لسانه منربط

صالح : دكتور انا مستعد اوديها بره .. الحين اوديها
الدكتور : البنت ما تستحملش سفر ... ادعوا ربنا يعدي 48 ساعه على خير بعدين نشوف نأدر نعمل اييه احنا

استغرب حمد من الوضع شلون طاحت ووين ... و سأل ابوها و ابوهامو عارف شي .. و راح سأل المحقق بالمستشفى الي قال له عن كل شي

عرف حمد ان صالح ورا الموضوع
حمد : يالحيوان يالحقير ضيعت البنت يالكلب يالنذل
صالح : انا الي ضيعتها ؟؟؟ زين مني الحين ضفيتها يوم طلقتها و طردتها
حمد : شكو انت تضفها شكو ؟؟ ليش ما خليتها تروح عند اهلها ليش
صالح : البنت كانت خايفه من ردة فعل اهلها و خايفه على زعلهم .. بعدين انا مالي شغل .. مو انا الي حاذفها
حمد : خليتها تشرب يالنذل
صالح : ما كانت شاربه .. اشفيكم مستعيلين نطروا تحاليلها .. مو شاربه .. بس الحيوان بو فهد اهو الي مثقل و تهاوش وياها و انحذفت
حمد : تتكلم و لا هامك ان في وحده بين الحيا و الموت بسبتك
صالح : و انا اشعلي ؟؟؟ ليش مو سبتك ؟ ليش مو عمايلك ؟ لا تقط علي بلاويك و يالله انا مالي شغل


حمد كان ضايع و مو عارف شلون يتصرف ... يبي ينقذ حبيبته باي طريقه


راح وقف عند باب الغرفه .. يشوفها و يبجي
ساره قومي ... ساره حبيبتي قومي .. انا ما اقدر اضل بادنيا مافيها انفاسج ..رنتي بس ردي و الله كل الي تبينه يصير .. و هل مره صج مو كلام و لا وعود
ردي انا ابيه الدنيا و اشترييج بس انتي ردي ...حمد كان مو قادر يوقف دموعه .. حبيبة قلبه قاعد تضييييييييييع ...
الدكتور يه و قالهم ان ساره صحت
امها و ابوها حمدوا ربهم ...و استانسوا .. و حمد شالته الدنيا من الفرح
الدكتور قالهم ممنوع الكل يدخل عليها .. كل واحد يدخل 5 دقايق و ما يخليها تتكلم
طبعا حمد قال لهم انا أولكم ... و ام ساره و ابوها مو عارفيين ان حمد مطلقها ..


دخل حمد

حمد : ساره .. حبيبتي ..انا اسف حبيبتي .. راح اصلح كل شي
ساره : شنصلح حمد ... انا انتهيت
حمد : لا تكلميين حبيبتي .. الدكتور يقول كل شي يتصلح والله
ساره : حمد لا تحلف ... خلاص انا مو نصيبك
حمد : احبج .. صدقيني احبج
ساره : ما تمنيت اعشقك ... و يا ريت الي صار ما كان
حمد : لا تقولين جذي .. انتي قمستي و نصيبي .. انا اعشقج و اموت فيج
ساره : العشق بحالتنا حرام ... ربي يغفر لي هل احساس الي جمعنا


و كانت هذي اخر كلمه لساره .. بعدها ساره ... طفت ... الاجهزه سكتت ... حمد صارت الثانيه عنده ساعه .. يشوف ساره
ليش سكتت .. اهي توها صحت .. لي الحين اهلها بيدخلون يكلمونها ... ساره ليش سكتت .. ساره بعدها ما حملت ... ساره بعدها ما صارت ام ... ساره لي الحين حتى ما قدر يحتفل معاها بعيد ميلادها .. ليش سكتت ..
حمد بصوت واطي : ساره .. ساره تسمعيني
و يو الدكاتره بسرعه و طلعوا حمد الي كان منصفق ويهه


و صارت الغرفه زحمه .. و ام ساره تبجي و تصارخ و ابوها
و حمد ساكت ... /اشفيكم اشصار ؟؟ ليش تبجون

طلع الدكتور : انا لله و انا اليه راجعون
ام ساره طاحت و ابوها ما قدر يوقف دموعه .. و اخوانها الصغار يبجون
و حمد ساكت ... من مات ؟؟؟ من راح ؟؟
ساره ؟؟ ... ساره بترد .. ساره حبيبتي .. ساره تروح فتره بس ترد لي .. دايم جذي انا وياها .. اصلا اهي قدري و نصيبي ..ساره عشقي .. ما يصير تروح .. لا تبجون صدقوني بترد ..
ساره .. قومي حبيبتي قومي .. ساره قومي قوليلهم اناحنا بنرد . قومي قوليلهم اشكثر نحب بعض .. ليش تنامين ليش مو وقت نوم الحين قومي .. قومي يالله انا ابيج تيبين عيال .. مو تبين تصيرين ام ؟؟ خلاص انا موافق يالله قومي يبي عيال

راحت ساره .. راحت برائتها .. كانت بنت ورديه .. و لونها حمد بالرمادي ...و غابت و اهي شابه .. ما حققت شي .. و لا سوت شي .. و لا عاشت غير احلام ورديه قصيره

حمد من بعد ساره ضاع .. عاش بالدنيا بين الالوف بس وحيد .. ما في شي يسعده .. مافي شي يضحكه .. مافي شي قادر ينشله من بركان الحزن الي يثور بداخله يوميا ... انا اشسويت بهل بنت .. شنو عطيتها بعمرها القصير ؟؟ اشكثر ونستها ؟؟؟ ليش راحت بشرعه ليش ..
بس لو ترد .. بس لو ترد .. و اعوضها عن كل شي ... ليش راحت ساره .

طفى حمد .. و صار انسان ساكت بدنيا كلها صراخ .. عاش مع داخله .. عاش مع ذكريات قليله .. ذكريات تعور قلبه اكثرما تونسه
ضاعت وناسته .. و راحت افراحه .. و عاش بدنيا بس عشان يعيش فيها ..



هذا حمد .. و هذي ساره .. و فعلا كان العشق حرام

 

[MISS.D&G]

واااااااااي تسلم ايدج عالقصة

كلش ما توقعت النهاية بتكون جذي

تسلمين ....

 

[Om_Ksha]

اوووووووف ماتوقعت جذي النهاااااايه بس قلعتها ساره شمودديها عن رفيج ريلها شنو ووين قاعدين رايحه شقته @@
وأخيييييييييييران اكتملت القصصصصصصصصصصه ههههههههه يعطيييييج العااافيه عرووووس

 

[Tom ♥ Jerry]

.


النهااااااااااااااااااااايه صج تعوووووور القلب ..
بس عجيييييييييييببببببببببببه و ربي محد توقعهآ اصلا )= !

واااي سارة تكسر الخآآآآآآآآآطر .. و حمد بعآد يكسر الخآطر بس مشكلته يسمع كلآم أبوه !!! مآ يسوي الي أهوه يبيه من جذي ضآع وضيع سارة معآه .. :eh_s(2): !

صااااالح وااي حقييييييييييييييييييييييييييييييييير :lkmnkl: !

نهاايه روعه القصه من بدت ليه خلصت رووووووووووعه :eh_s(21):

مآ آبآلغ ليه قلت أروع روآيه :eh_s(21): !

النهايه عجبتني وآيد :eh_s(2): > لأني احب النهايات المو متوقعه :eh_s(2):

مششششكورة حوووووووبي :eh_s(21):

 

[MeeMeeYoo_2]

امبييييييييه ما توقعت الروايه جذيي

وحمد مليق ماله راي شنو مو ريال ؟ ابوي على عيني وراسي بس ما يتحكم بحياتي

وساره وايد وايد غلطت
بدخولها المجال الفني
وروحتها حق صالح !

يعطيج الف الف الف عافيه حبيبتيي

 

[6amni bs]

رد : حمد و ساره .... و هل العشق حرام ؟؟_____ روايتي الثالثه

ماتتتتتتتتتتتتتتتتتتتت
اخيه حرام
يعطيج الف الف عاافيه ماقصرتي

 

[عــاشــقــه]

نهآيــه غير متوقعه حزييينه حيييل

آلطيبه مششكله بهآلزمن


مششكورهـ حبيبتي وتسسلم إيدج

 

[لحظهــ سكونــ]

بصراااحه ابدااااااااااااااااااااااااااع

القصه مو صج

 

[روعه الأحساس]

رد : حمد و ساره .... و هل العشق حرام ؟؟_____ روايتي الثالثه

عورتي قلبي بالنهايه تسلم الأيادي والله

 

[بنوت كيوت 77]

لالالالالالا القصة مره موثرة
تسلمين على القصة رووووعة
ننتظر جديدك

وبسالك سارة وحمد حقيقيين ؟؟؟؟؟؟؟؟

 

[آلريـم]

رد : حمد و ساره .... و هل العشق حرام ؟؟_____ روايتي الثالثه

انا جني قريت ان الروايه واقعيه او هاذي روابه ثانيه ؟؟

اذا كانت حقيقه مااتذكر ان في وحده مششهوره ماتت بنفس قصة سارا ؟؟ <

اما اذا كانت من وحي الخيال :

فاقولج الغلط غلط الاثنيين ..

حمد نسبة علطه 30% وسارا 70% بتقولين ليش ؟؟

لانه عارفه حمد وعارفه طينته شحقه ترديله ؟؟

الريااااال يحبج اوكيه بس مستحيييل يعصي اهله عشان بنت او مرته ...

والي مافي خير للاهله مافي خير للناس ...

اهوا فضل اهله عليج وفضل مرته بالاول عليج ليش تغامرين وتروحليه ؟؟

انا احس الغلط على سارا اكثر حتى من 70%

مشكوره عروووسه ...

ننظرج جديدج

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه..

واااااااااي تسلم ايدج عالقصة

كلش ما توقعت النهاية بتكون جذي

تسلمين ....

اهليين حبيبتي اسعدني مرورجو انا دايم احب تحط اشياء مو متوقعه

اوووووووف ماتوقعت جذي النهاااااايه بس قلعتها ساره شمودديها عن رفيج ريلها شنو ووين قاعدين رايحه شقته @@
وأخيييييييييييران اكتملت القصصصصصصصصصصه ههههههههه يعطيييييج العااافيه عرووووس

لووول ساره راحت لان كانت تبحي و مافي غير صالح جدامها و ما تعرف غيره

.


النهااااااااااااااااااااايه صج تعوووووور القلب ..
بس عجيييييييييييببببببببببببه و ربي محد توقعهآ اصلا )= !

واااي سارة تكسر الخآآآآآآآآآطر .. و حمد بعآد يكسر الخآطر بس مشكلته يسمع كلآم أبوه !!! مآ يسوي الي أهوه يبيه من جذي ضآع وضيع سارة معآه .. :eh_s(2): !

صااااالح وااي حقييييييييييييييييييييييييييييييييير :lkmnkl: !

نهاايه روعه القصه من بدت ليه خلصت رووووووووووعه :eh_s(21):

مآ آبآلغ ليه قلت أروع روآيه :eh_s(21): !

النهايه عجبتني وآيد :eh_s(2): > لأني احب النهايات المو متوقعه :eh_s(2):

مششششكورة حوووووووبي :eh_s(21):

هلا حبيبتي و كلامج عسل مثلج ... و النهايه مو متوقعه بس بالجياة مو دايما النهايات سعيده ...و حمد يسمع كلام ابوه لان عايله كبيره و ما يقدر يهدم شي كبييييييييييييير بين ابوه و عمه ...

ساره بغت تحر حمد و تبينله انها ممكن توصل من غيره ... و حمد ما يقدر يكسر كلام ابوه ابد

ماتتتتتتتتتتتتتتتتتتتت
اخيه حرام
يعطيج الف الف عاافيه ماقصرتي

هلا حبيبتي

نهآيــه غير متوقعه حزييينه حيييل

آلطيبه مششكله بهآلزمن


مششكورهـ حبيبتي وتسسلم إيدج

فعلا هل طيبه مشكله و اسعدني مرورج

بصراااحه ابدااااااااااااااااااااااااااع

القصه مو صج

تسلمين يا قلبي

عورتي قلبي بالنهايه تسلم الأيادي والله

ميخلف مو دايما النهايات تكون حلوه

لالالالالالا القصة مره موثرة
تسلمين على القصة رووووعة
ننتظر جديدك

وبسالك سارة وحمد حقيقيين ؟؟؟؟؟؟؟؟

لا حبي مافي شي حقيقي كله من وحي الخيال

انا جني قريت ان الروايه واقعيه او هاذي روابه ثانيه ؟؟

اذا كانت حقيقه مااتذكر ان في وحده مششهوره ماتت بنفس قصة سارا ؟؟ <

اما اذا كانت من وحي الخيال :

فاقولج الغلط غلط الاثنيين ..

حمد نسبة علطه 30% وسارا 70% بتقولين ليش ؟؟

لانه عارفه حمد وعارفه طينته شحقه ترديله ؟؟

الريااااال يحبج اوكيه بس مستحيييل يعصي اهله عشان بنت او مرته ...

والي مافي خير للاهله مافي خير للناس ...

اهوا فضل اهله عليج وفضل مرته بالاول عليج ليش تغامرين وتروحليه ؟؟

انا احس الغلط على سارا اكثر حتى من 70%

مشكوره عروووسه ...

ننظرج جديدج

لا الروايه وم حقيقيه و فعلا الغلط الاكبر على ساره خصوصا يوم عرفت انه متزوج .. عادي ضلت متمسكه فيه

 

[so_what]

يسلموو على الروايه عجيييييبه ، و نهايه حزيينه بس الوضع من الاول كان غلط من حمد و بعدين الغلط من ساره مو كل شي بالحب يقدر يصير وناطرين يديدج

 

[حنطاويه عسل]

مشكوره حبيبتي ع الروايه الحلوه
وناطرينج بروايه يديده

 

[حنطاويه عسل]

ناطرينج **