حمد و ساره .... و هل العشق حرام ؟؟_____ روايتي الثالثه

[عروس الدنيا]

رد : رد: حمد و ساره .... و هل العشق حرام ؟؟_____ روايتي الثالثه

عجييب البارت والله يستر من حمد:23_asmilies-com:
يعطيج العافيه حبيبتي وناطرين البارت:aha::aha:

لوول لا تخافين من حمد و البارت الياي شوي و يجهز قاعد اضبطه

 

[سارووونه22]

متى البارت؟؟؟

 

[عروس الدنيا]

رد : رد: حمد و ساره .... و هل العشق حرام ؟؟_____ روايتي الثالثه

خووووش قصه

عرووس يعطيج العافيه وماشالله حلوو سردج للاحداث


موفقه حبيبتي


وناطرهـ البارت الجديد على احر من الجمر

تسلمين يا قلبي و ربي يعافيج ... و البارت اليديد شوي و يكون جاهز :eh_s(15):

 

[عاشقة المسك]

wating

 

[عروس الدنيا]

رد : رد: حمد و ساره .... و هل العشق حرام ؟؟_____ روايتي الثالثه

مشكوووووووووووورة على بارت بس صالح غثني اهوه شكو

لوول اهو يغث بس ننطر نشوف التطورات:050103nbh_prv:

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

الجزء السابع




حمد دخل ومو عارف صوت منو الي واصل اخر الممر يوم شاف صالح عصب زياده ... عرف ان صالح مبيت النيه
لان صالح و حمد مو ربع بس عيال منطقه وحده و يعرفون بعض
و ما بينهم اي شي مشترك عشان يزوره بالدوام

حمد : السلام
ساره و صالح : عليكم السلام
ساره : زين وصل الاستاذ حمد ... الاخ صالح كان ينتظرك من زمان
حمد : من زمان !!
صالح : ايي انزرعت بس ميخلف احلى زرعه
حمد : صالح قوم حياك داخل

صالح : يلا مشينا

و بالمكتب

حمد : ها خير زايرني الدوام
صالح : خير بويهك .. كنت مار عندي شغله بالوزاره قلت امر اسلم عليك
حمد : و عشان تسلم علي تنطرني فتره طويله ؟؟
صالح : تستاهل
حمد : من متى ؟؟ قول اشعندك مارني ؟
صالح : تبي الصراحه ما قدرت انسى ساره
حمد : بعد عرفت الاسم
صالح : ايييييي الاسم و كل شي
حمد : شنو يعني كل شي
صالح : كل الي ابيه .. البنت لا متزوجه و لا مخطوبه و لا عمات عين
حمد : مااااااشالله
حمد : صالح لو سمحت ما احب اخذ سمعه بادارتي
صالح : و انت ليش تاخذ سمعه
حمد : ناسي اني اعرفك و انك ياي عشاني
صالح : و الحين ليش اني سولفت شوي مع البنت وصخت سمعتك يعني
حمد : انا قصدي لا تمادى لي اهني و بس
صالح : لي اهني و خلصت حاجتي فيك و بادارتك .. تالي عاد هذا شي راجع لي
حمد : شنو يعني راجع لك اشناوي عليه ؟
صالح : مادري والله لي الحين ما قررت شلي ابيه بالضبط ... بس شمشكلتك اذا سويت اي شي بره دوامك ؟
حمد : تدري شلون كيفك المهم ابعد عن دوامي
صالح : لا تخاف .. ما راح تشوفني اهني بعد
حمد : يكون افضل
صالح : عموما ... شفتك و تطمن عليك يلا باي
حمد : باي


حمد طلع صالح من اهني ... و نادى ساره من اهني
حمد : شوفي مااقدر اتكلم معاج بصوت عالي اهني ..
و لا راح اخذ راحتي ...
تطلعين من الدوام تلحقيني لي سوق شرق ابي اكلمج و انتي بالسياره
ساره : ليش تصارخ اشصاير ؟
حمد : بعدين بتعرفين .. روحي كملي شغلج الحين دام النفس عليج طيبه
ساره راحت و اهي مستغربه ؟؟ اكيد حمد معصب ليش اني سولفت ويه رفيجه
فشله الحين اشبيقول عني ... يلا ميخلف اطيب خاطره بكلمتيين بس خل اكلمه تالي


ساره : الو يما ... انا بتاخر شوي تغدوا لا تنطروني
ام ساره : يعني بتغدين بره يمه ؟؟
ساره : لا ما اعتقد ... بس يعني لا تنطروني .. عندي شغل اخلصه و ارد
ام ساره : بحفظ الرحمن يمه
ساره : يلا يما مع السلامه
ام ساره : مع السلامه


مرت الدقايق على حمد ساعات .... كان مفور حده ... خصوصا من طريقة صالح المستفزه بالكلام و خططه و نواياه
و ساره الي خايفه من المجهور تزهب مبررات براسها عشان تراضي حبيبها ..
خلص الدوام و طلعوا حمد و ساره و كلم حمد ساره و قالها روحي سوق شرق و سفطي سيارتج و انا بنزل اركب وياج

وصلت ساره سوق شرق و سفطت و نزل حمد من سيارته و راح يركب سيارته بطل الباب و التفت عليها
حمد : حضرتج شمهببه
ساره :انا شنو والله اهو الي يه و سالني جم سؤال
حمد : الساعه جم بالضبط يه ؟
ساره : بعد ما مشيت بربع ساعه
حمد : يعني قاعده وياه ساعتيين سوالف و مو مستوعبه اشيبي
ساره : واللهاهو كان يسالني و انا اجاوبه بس
حمد : يعني ما تدرين اشيبي
ساره : لا اشدراني اهو كان يبيك و انا ما يصير اطنشه
حمد : لاوالله يبيني ... يعني ما تدرين انه ياي لسواد لعينج
ساره : انا ؟؟ ليش ياي عشاني
حمد : لانه من شافج ذاك اليوم دخلتي مزاجه
ساره : اي ذاك اليوم انا اول مره اشوفه
حمد : يا حبيبتي هذا صالح الي كان واقف عل اشاره قبل جم يوم
ساره : صج !!!! انا والله ما اعرفه و لا انتبهت عليه ذاك اليوم
حمد : و انا شسوي فيج مشكلتي معاج ما اعرف و ما ادري و ما دري شنو بس تعبت تعبببببببببت
ساره : حمد هد شوي ما صار شي
حمد : شنو ما صار شي ساره ما يصير اعلمج انا خطوه خطوه
لازم تعرفين تصرفين تعبت انا
ساره : انزين الحين ليش العصبيه .. اهو يه و سالني جم سؤال و بس راح مو معناته اني بعطيه ويه
حمد : هذا الشي صار جدام عيني جذي انا اشدراني اشبيصير معاج بره
ساره : حمد بره وين !! انت تعرفني من البيت لي الدوام و من الدوام لي البيت
حمد : ميخلف بس مردج بتطلعين و بتروحين و بتين
ساره : دام نيتي صافيه صدقني ما راح اواجه هل مشاكل
حمد : اي نيه صافيه اي بطيخ عايشه بدنيا ورديه و حسبالج الناس كلبوهم مثلج
ساره : حمد انت ليش منفعل جذي ... هذا انت تعرفه يعني اشبيسوي
حمد : سمعي مابيج تردينان على اي رقم غريب
و ان دق عل دوام لا تاخذين و تعطين معاه .. مفهوم !!
ساره : مفهوم
حمد : ما ابي اسمع انج مسولفه وياه و لا معطيته ويه .لا تقولين لي نسيته و لا ما اعرف شكله خلاص شفتيه دل اليوم
ساره : اي اي لا تخاف ...
حمد : و بس هذا اهو .. تين نتغدى بشرق
ساره : مادري على هواك انا ما قلت لامي بس اذا بخاطرك الحين ادق اقولها
حمد : لا خلاص خليها مره ثانيه .. مفور الحين مالي خلق الاوادم
ساره : اشدعوه حمد ما صار شي
حمد : لا تقولين ما صار شي لانه صار و نص
ساره : اسفه مو قاصده
حمد : لا تاسفين حبيبتي .. ميخلف تحمليني شوي دمي حامي
ساره : عسل على قلبي لا تحاتي
حمد : سنعه و مافي منج
ساره : يلا الحين شلون تروح و لا نتغدى
حمد : لا لا نتغدى .. دقي على امج و استاذدني و تعالي نتغدى و نمشي مصدع من الاجتماع برد انام
ساره : خوش اخبرها الحين
حمد : يلا انا فوق ادور لنا طاوله
كلمت ساره و استأذنت منها و امها كالعاده اي و انشالله و على راحتج
و صعدت ساره فوق و كان حمد ماخذ طاوله بأبل بيز داخل
تغدوا ساره و حمد و بالغدا دار هل حديث
حمد : ساره صالح شنو الاسئله الي سألج اياها
ساره : اخاف اتكلم و تعصب مره ثانيه ... يالله هدينا
حمد : لا ما راح اعصب خلاص بس بشوف مايته
ساره : مادري وايد اسئله
حمد : مثل شنو ؟؟ سألج متزوجه و لا لأ
ساره : لا لا بس اهو قالي ام منو حضرتج قلت له مو متزوجه ..
و سألني عن دراستي وين و اذا ابي هل شغل و لا لا و اذا مرتاحه و لا لأ
حمد : الللللللللللله كل هل اسئله
ساره : انا ما كنت اسولف والله و اجاوب على قد السؤال
حمد : ما خذا رقمج ؟
ساره : لأ ما خذاه
حمد : ولا اسمج الكامل ؟؟
ساره : مادري جنه سألني انتي من بنته
حمد : حلو ... يعني جنه خذا رقمج شالفرق
ساره : حمد حبيبي تطمن صالح ما راح يقدر يقرب مني
حمد : محد يقدر يقرب منج و انا موجود .. و صالح لو فيه خير يحاول بس
ساره : انت تعرفه
حمد : يخسى انا اعرف هل اشكال .. ولد منطقتنا و بس
ساره : ايي عدل
حمد : كان يدرس بره و الضاهر توه راجع .. لو تام و مكمل ابرك
ساره : خلاص حمد الله يخليك انسى هل موضوع ..
كملوا ساره و حمد غداهم بسوالف حلوه
و كل واحد قام رجع بيته و كملوا يومهم بشكل طبيعي كالعاده

 

[dlo3t^baba]

وااااااااااااااااااااااااااااااااي ساره تنرفز ما الوم حمد @@
ثااانكيوووو يعطيج العافيه يارب .. يسلموووو

 

[eng.7oor]

يعطييييج العافيه حبي عالباارت

كملي نااطريينج

 

[6amni bs]

رد : حمد و ساره .... و هل العشق حرام ؟؟_____ روايتي الثالثه

عمى بعينه هالصالح انت شكو بط جبدي... يعطيج العافيه كملي

 

[غــلآهاا غير]

كملييي نااااااااااااااااااااااااااااطرينج

 

[a7la samra87]

مشكورة حبيبتي
متى البارت الياي؟

 

[MISS ZOZO]

يسلمووووووووووو ناطرينج

 

[سارووونه22]

مشكوووووووووووورة على بارت ويعطيج العافية امبية صج صالح غثيث ويلوع الجبد

 

[غيدآء]

ساره عبيطه والا تستعبط

فيها خباااال مو طبيعي لووووووووووووول


مشكوووره عالبارت

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

لوول فديتكم حبايبي ... ناموا اليوم و من اصبح افلح ان شاء الله و لا تنسوني بصالح دعواتكم خواتي بهل ليالي الفضيله

 

[بيـــشو17]

مشكوره على البارت الحلو لاتعليق لان:s142:
وربي يوفقج ويسعدج:yaaaaaarb:

:aha:

 

[s.m.f]

رد : حمد و ساره .... و هل العشق حرام ؟؟_____ روايتي الثالثه

تسلمين على البارت الحلو وننتظرك

 

[الزين كله فيها]

خوووش بارت تسلم ايدج يلا ناطرين اللي وراااه

 

[pinkia]

رووووووووووووووووووووووووووووووووووووووووعه

تسلم الانامل الذهبيه والله

 

[kity]

ثاااااااااااااانكيووووووووووووووو عروووووستناااا على هالباااارت الحلوووو ;****

ناااطرينج حبيبتيي في بااارت يديد


صراحه سااارة لاتعليييق واذا تزوجت صاالح انا اول وحده بفرح لها << لئيمه صح

تبط الجبد .. اول مره ماحب بطله

ناطرينج حووووبييي ببارت يديد احلى واحلى