سلام الله عليكم
احمد وفهد
أحمد / ها فهد شلونك شخبارك
فهد / هلا والله احمد والله تمام انت شلون
احمد / والله بخير , ها وينك انت الحين
فهد / والله بالبيت تبيني اجيك الحين
احمد / اي والله حياك تعال
فهد / اوكي 10 دقايق بكون عندك
احمد / حياك الله
فهد / حميد ابي ابشرك بخبر حلووووووو راح تستانس عليه
احمد / شنو الخبر الحلو يالله قولي
فهد / لا لا لما اجيك راح اقولك الخبر
احمد / اووووووه يالله بسرعه تعال
(( احمد راح حق امه قاعده بالصاله ))
احمد / يمه يمه فهد الحين يبي يجي
الام / حياه الله يا وليدي والله صديقك فهد حبيب وخلوق ورجل صالح
احمد / اي والله يا يمه الله يثبته على دينه
فهد / الو الو احمد انا بره عند الباب
احمد / يالله فهد تفضل انا جالس في الديوانيه ادخل مافي احد
فهد / ها احمد شلونك شلون الوالدة
احمد / والله تمام المهم يالله يالله قولي شنو الخبر
فهد / ابشرك يا احمد خطبت فلانه بنت ابو عبدالله امام مسجدنا
احمد / مبرووووووك مبرووووك , ها اهم شي شلووون اخلاقها والناس شنو يقولون عنها
فهد / لا ابشرك بنت متدينه واخلاقها حلوه حييييل بس عيبها ان جمالها مو ذاك الزود
احمد / يا معود مبروك اهم شي الدين والاخلاق
فهد / اي والله صدقت الحمدالله اخلاقها زيييينه
(((( بعد جم شهر بدء عرس فهد ودخل صديقه احمد صاله الافراح )))
احمد / مبروووووووك يالغالي الله يجمعكم على الخير والطاعه
فهد / الله يبارك فيييك يالغالي
احمد / يالله شد حيييلك يالغالي انت الحين دخلت في عالم الزوجيه
فهد / الله يوفقني ان شاء الله
((( بعد عرس فهد بجم اسبوع ))
احمد / ها فهد شلووونك بعد العرس
فهد / الحمدالله تمام وابشرك بشارة والله يا البنيه قمه قمه في الاخلاق تخدمني بكل حب وتخدم امي وتقوم بشؤوون ابوي
احمد / الله يهنيكم
فهد / احمد انا عندي لك بنيه خوووووش بنيه
احمد / يالله على ايدك بعد شنو انطر انت وتزوجت
فهد / شرايك تاخذ فلانه اخت زوجتي ترى بنت مدينه وابوها امام وشيخ
احمد / والله مهي شينه خلاص بكلم امي واشوووف رايها
(( احمد راح البيت ))
احمد / يمه بقولج بشااارة
الام / شنو يا وليدي الله يبشرك بالجنه
احمد / يمه بتزوج
الام / مبرووووووووووووووووووووووووووووووووووووووووك يا وليدي والله تستاهل ابيك تتزوج واشوووف عيالك قبل ما اموت
احمد / لا لا يا يمه لاتقولين جذي , يمه بس البنت اللي ابيها اهي بنت امام المسجد ابو عبدالله
الام / خلاص مبروووك بس لازم اشوووفها
احمد / يالله يا يمه خلينا نروح لهم الحين عشان تشوفينها
الام / يا ويلي منك يا وليدي شلووون نروحلها لازم تروح الحين تبشر ابوك
احمد / خلاص بقوله ,,, يبا يبا عندي بشارة
الاب / شنو خير يا وليدي
احمد / بتزوج يبا
الاب / مبررووووووووك يا ولدي ومنو السعيده اللي تبيها
احمد / بنت بو عبدالله امام المسجد
الاب / ايييييي والله ونعم فيها وفي ابوها خلاص يا ولدي توكل على الله
احمد / يالله يا يمه خلينا نروووح لهم
الام / يالله توكلنا
((((( وزارت ام احمد بيت بو عبدالله وشافت البنت ثم خرجت الى بيتها وفي الطريق دار الحوار ))
احمد / ها يمه بشريني شلووون البنت
الام / والله يا احمد مدري شنو اقولك
احمد / شنو يعني يمه
الام / يا احمد البنت كانها شوي سمرة ومو ذاك الجمال
احمد / لا يا يمه ما ابي الا هي بنت اخلاق وطيبه ومتدينه
الام / لا لا انا عندي لك بنت تطيح الطير من السما بجمالها
احمد / لا يا يمه انا ابي بنت بو عبدالله خووووش بنت الجمال مو شي اساسي
الام / احمد انا امك واسمع كلامي
(((( احمد راح حق ابوه )))
احمد / يبا امي ما وافقت ان اخذ بنت بو عبدالله
الاب / والله يولدي نت وامك كيفكم انا ما اعرف عن البنات شي
احمد / يا يمه ابي بنت بو عبدالله بنت عاجله وخلوووقه ومتدينه الجمال مو شي اساسي
الام / خلاص يا ولدي انا قلتلك لا يعني لا
احمد / خلاص يا يمه ما ابي اتزوج خلاااااص
(((( الام ذهبت الى غرفتها تبكي ))
الاب / يالله يا احمد روووح تاسف من امك وحب راسها
احمد / خلاص يا يمه اللي تشوووفينه
(( فخطبت ام احمد البنت الجميله لاحمد وبعد العرس حصل اللي ماكان متوقع )))
الام / مبروووك يا بنتي عليج احمد
الزوجه / الله يبارك فيج يا خاله
الام / يالله يا بنتي روووحي نامي تعبتي انتي واحمد يالله تصبحون على خير
الزوجه / وانتي من اهله يا خاله
((( وفي الصباح بعد اسبوع من العرس قال ابو احمد لام احمد وين عروستنا ماتبين ))
الام / خلاص يا ابو فلان الحين بشوفها
الام / شلووونج يا بنتي
الزوجه / زينه
الام / ها احمد راح الدوام
الزوجه / اي راح ليش في شي
الام / لا يا بنيتي بس حبيت اسال
الزوجه / مرة ثانية لا تسالين عنه مالج شغل
الام / خير يا يما
((( انصدمت ام احمد من اخلاق الزوجه وخافت ان تحدث احمد عن هذا الموقف لانها تخاف على احمد ان تتعب نفسيته ))
وفي اليوم الثاني في الصباح
ابو احمد / يا ام احمد وين فلانه
ام احمد / بروح اشوفها
ام احمد / شلووونج بنيتي
الزوجه / تمام امري شنو اللي بغيتيه
ام احمد / عمج يبي شاي روحي المطبخ وسويله
الزوجه / شنو انا بنت فلان الفلاني تدخل المطبخ , اقووول اطلعي من داري احسن لج
ام احمد / خير خير يابنتي لاتزعلين انا ابي اروح اسوي شاي لابو احمد
(( نزلت الام من دار زوجه الابن تبكي ))
جاء احمد من الدوام مسترخص منهم وشاف امه تبكي
احمد / يما يما شفيج ليش تبجين
الام / لا يا وليدي بس احس اني تعبانه
احمد / يالله يالله امشي يمه بوديج المستشفى
الام / لا يا وليدي ما يحتاج
احمد / زين وين فلانه
الام / خلها يا وليدي تنام تعبانه من اليوم تشتغل
احمد / الله يجزاها خير
((( القصه وقفتها الى هنا تعبت وانا اكتب )))
موضوووووووووووووووووووووووووعي
مثل هذه القصة الوهمية اللي انا كتبتها شنو رايكم في هذه الام اللي تركت البنت العاجله والمتدينه وصاحبت الاخلاق الرفيعه بسبب حرصها على الجمال وعدم الاهتمام في الجانب الاخلاقي
اترك لكم التعليق على هذه القصة
