حماي و زوجته تقليد بكل شي !!

[دلوعة صلوح]

الله يهديج يا اختى ماشوف شئ غلط بالسالفة انا حماتى اتقلدنى بكل شئ بالعكس استانس هذا دليل

انى مميزة وقاعدة اتقلدنى.

 

[فاطمة البحرينية]

انا كلش مو قاعدة اشوف ان في مشكلة او شي خطير يخليج تحترين هالكثر.. انا قاعدة اشوف انهم غابطينكم مو حاسدينكم.. يعني لما يشوفونكم سافرتو و ستانستو اهما بعد يشتهون يسافرون و يستانسون مثلكم.. او اذا رحتو مكتن معين او مطعم يشتهون يروحون يعني كلش مامنهم ضرر.. لو كانو يناشبونكم بسافرون معاكم او يطلعون معاكم جان صج لج حق تضايقين.. بس اهما قاعدين يسافرون بطيارة غير عن طيارتكم و وقت غير عن وقتكم و يطلعون بسيارتهم مو بسيارتكم فليش مضايقة.. بالعكس العادة بين الاهل لما احد يروح مكان معين ولا يسافر ديرة معينة لي رد يقعد يمدح حق اهله وينصحم ان يروحون نفس المكان عشان يستانسون.. يعني حبي لهم الي تحبينه حق نفسج ولا تستخسرين فيهم الوناسة.. حتى سالفة ان كملت دراستهاشي عادي مافيها شي بالعكس فرحيلها انها بتدرس وتتعلم وتمنيلها الخير.. ساعات لما اقرى مواضيع البنات احسهم مايحمدون ربهم عالنعمه الي اهما فيها.. يعني الحمدالله الله رازقج بريال زين واهل ريل زينين و ماعندج مشاكل بدال لا تحمدين ربج قاعدة ادورين اتفه واسخف المواضيع و تكبرينها و غصب بتسوينها مشكلة.. نصيحة عيشي حياتج و استانسي ولا اتضيعين احلى ايام عمرج بسوالف سخيفة وتفكرين في ناس مو ضارينج بشي

:rerrerek::rerrerek::rerrerek::rerrerek::rerrerek:

 

[cutee__q8]

ماشوف مشكله بالموضوع
خل تقلدج عشان سافرتي او طلعتي عالاقل احسن من انها تقول بسافر او اطلع معاكم

 

[*عطر الندى*]

​

صصصدق مـن قآل ؛

((أهـل العقووول في رآآآآآآآحه))

ريحي مامآإ ريحي ..ماآدرت عن هوآ دارج المرآ هههه

 

[منجامور]

وينها صاحبة الموضوع هجت كااااك

هل كنتي متوقعة انه بيوقفوا في صفج


الله يهدي الجميييع

ويستر علينا ياااااااااارب

 

[ترجمة احساس]

خليهم يقلدوون دام ماضرووج بشي لين يملووون

 

[ام خدود ورديه]

حرام عليج وعليه
يمكن استانست عليج وعلى افكارج حبت تقلدج ليش النحاسه وليش تتظايقين بالعكس اذا سالتج جاوبيها وساعديها وعطيها افكار اهيا مارزت روحها معاكم عشان تتظايقين الله يهديج بس

 

[طرطيعه]

الحمدلله والشكر يعني ذي مصيبه !!
مسكينه وربي تنرحمين دام ذا تفكيرك بتدرس الجامعه عشان تقلدك اجل :krkrkr:واذا ع السفر يمكن مدحتو الديره اللي رحتو لها وبيروحون يجربون مو كل دوله الناس يعرفون مناطقها فقال اخوي مجرب ويعرف وبنروح لهالديره نتمشى ,,
تعوذي من نفسك والشيطان وخلي الغيره الزايده

 

[طرطيعه]

الله يعينج ع مابلاج
ياكبر المصيبة
معقول كل هالابتلاءات
وانت صابرة


احس الغيرة مشعلله من كلامج عن مرت حماج
واحلى شي لما قلت
انج تتعبين وتحنين ع زوجج
وبسهولة يجون يقلدونكم
وانت خريجة الجامعة ودامها بتكمل
واضح بتقلدج
انت لأن
الجامعيات بالكويت
ينعدون ع الاصابع

باختصار
عيشي ودعي غيرك يعيش
انت من الناس اللي تسافر مو لأنها تحب السفر
بس علشان يقولون فلانة سافرت
ودرست بالجامعة علشان يقولون جامعية
تعتبرينه تميز
وحماج و مرته بيحرمونج التميز اللي تعيشينه
وقد ماتقدرين اكتمي هالمشاعر
لا تشيشين زوجج ع اخوه
وغصب تحسسينه في مشكله

:rerrerek::krkrkr:

 

[sosowaty]

شدعووة عليج و شهالاخ الي يقول عن اخووة بحريقه اعووذ بالله و الله حتا عدووي ما اقوله هالكلام

اسمحيلي بس حدج غيورة و شايفه نفسج

 

[حبيبي مالكني]

مادري انا كسروا خاطري
مساكين مايعرفون يخططون
واهم حبيبتي ما ضروج بشي
يعني بالعكس اهم يعتبرونكم قدوه

 

[مغليك قلبي]

لا لاء انا كله كووووووووووووم وسالفت انك بس تزنين على راس زوجك على اخوه
ياختي والله العظيم زوجي لما يتضايق من اخوانه بسالفه ولا شي
وربي على طول اخليه يطخ واقول اخوانك ويمونون وعادي
وانتي سالفتك شف اخوك ومرت اخوك
والله ماتستاهل السالفه
كبري عقلك

 

[~Unreachable]

سوري حبيبتي بس ترى المشكله فيج مو فيهم

ذكرتيني بسوالفنا بالروضه ليش قلدتيني يالقلاده :/

معقوله هذي مشكلتج اللي مأزمتج ؟؟؟

شوفي مشاكل غيرج و راح تستحين من نفسج و تفكيرج

ماشوف انها ضرتج ولا أذتج

خ تقلد يمكن مو عارفين يغيرون روتين حياتهم من ناحية السفرات و الطلعات من جذي قاموا يسألون

شدعوه ماتحبيلهم الخير ؟؟؟

غريبه الصراحه

 

[وسطية ديمقراطية]

التقليد أمر لابد منه بين الحريم بدافع الغيره او اسباب ثانية الله واعلم
بس اللي مستغربته ان زوجها مثلها
مع العلم ان الرياييل عادةً عقلهم براسهم مو مثل الحريم

كل اللي عليج تسوينه : الكتمان

سولفي وضحكي واخذي وعطي بس بدون اي افشاء لأسراركم الخاصه او مخططاتكم المستقبلية

 

[نجود بنت محمد]

،

مشكورين بنات

و اللي تقول وين المشكله !


انا ما قلت عندي مشكله انا قلت ابي افضفض عن شعوري
وفعلا ارتحت لما فضفضت و ارتحت زياده من ردودكم
حسيت نفسي مكبره الموضوع على غير معنى

بس مابي زياده ردود اكتفيت باللي موجود
وعرفت وجهات نظركم قواكم الله​

 

[miss swan]

ههههه
سؤال: جم عمرج ؟؟
تذكريني يوم كنا يهال مانحب القلادين اللي نفس مرة حماج
الله يعينها عليج صج صج ماعندج سالفه​

 

[عهد الغرام]

حتي أنا جذي بس استغليت الوضع صرت لاطلعو اقوله تو جو من السينما وهم عندهم عيال ماشالله للحين يطلعون بس يقولي سوي لهم كيفهم. وهم لاقالو لرجالهم بسرعه طالعو ماشالله بس لاتتضايقين ع قولته المنتدي من قالدني اكد أين الافضل

 

[ناتشوو]

،​

مشكورين بنات ​

و اللي تقول وين المشكله !​

انا ما قلت عندي مشكله انا قلت ابي افضفض عن شعوري
وفعلا ارتحت لما فضفضت و ارتحت زياده من ردودكم
حسيت نفسي مكبره الموضوع على غير معنى ​

بس مابي زياده ردود اكتفيت باللي موجود

وعرفت وجهات نظركم قواكم الله ​

ردج راقي جدا
الله ييسر امورج

 

[حجيه هيونه]

الله يعينج اهو صح شي يبط الجبد

بس اكو ناس ماتعرف ولما تشوف احد يسوي شي تفكر دام فلان سوا كذا معناه سهل او حلو خل اسويه

 

[ثريا الكون]

قولي لها انا وريلي نفكر ننتحر شوفي شنو تسوي ؟؟؟؟ ​