حماتي سمعوها شنو تقول حق ريلي .؟؟

[ام محمد الشمري]

انا اتوقع انها تضحك معاج وتبي تسوي شويه اكشن
ووالله يهديها ويسخر لج زوجج

 

[حبيبه بدر]

والله مدري شقول اخاف تكلمين ريلج تصيرين مثل اللي فتحتي عينه واخاف تسكتين تمادى ماكو الاتجعمينها بضحك

 

[رجـــاوي .. }]

قولي لريلج بطرقه حلوه

الكلمه هذي تزعلنا يالحريم وكبر دليل امك تضايقت وانا ساكته حشمه لك ولخالتي لا تقولها شي بس اذا قالتها قول مالي الا فلانه هي اوله والاخيره

ولاتردين عليها عطيها طاااااااااااااااف الحقران يقطع المصران

هي تبيج تردين وطعيني ان سكتي ماراح تحسفين كثر ماتكلمتي لان الكلام يجر كلام وومكن تحطين نفسج موقف جدام زووجج وامه

 

[اكسبلانكا]

حبيبتي كلمي ريلج وقوليله وقف اختك عند حدها واذا ماتقدر قولي عشان اعرف اتصرف بطريقتي .. ولاتقوليله شبتسوين و اذا ماكلمها
قولي حق خالتج بينج وبينها ان هالشي يضايقج ختكلم بنتها

 

[_j'aime mon mari_]

رد : حماتي سمعوها شنو تقول حق ريلي .؟؟

خلي ريلج يزفها عشان تتفشل وماتعيدها مره ثانيه
انا مره حماتي بس قاعده تسولف عن رفيجتها وتمدحها وتوصفها وقالت لو انت مو متزوج جان تزوجتها
عاد انا انقهرت وريلي حس فيني قالها يالله عاد من زينها عاد من شافها رفيتج اكيد صخله نفسج
ولاتفتحين نفس هالمواضيع الماسخه مره ثانيه
ويها انقلب الوان وزعلت وراحت غرفتها
من يومها مايقدرون يقطون علي ولا كلمه لانه ريلي كله مجعمهم

 

[هنـــد]

المفروض زوجج يرد عليها مو انتي

واذا ردت وقالت نفس السالفه وزوجج ساكت قولي لها الله يعطيج على قد نياتج بضحك

 

[بيضاء الثلج]

حبيبتي خلي ريلج يوقفها عند حدها صج قليلت أدب والله الحره كل شي تسوي مالت عليها بس لاتسكتين عنها

 

[Alia]

وعلامه ريلج مايسكتها !!! حتى لوغشمره هالحجي ماينقال شوفي انا اقولج هذي مايبيلها السكوت ىنهالا وقحة ... شوفي لا تقولين حق ريلج ولا شي .. اذا قالتها مره ثانية قووووولي بدلع وي اشتغلتي خطابه زوجي عمرج اول هههههههههههههههههههههههههه ادري قوية ويمكن اهي تقلبها ضدج بس ايييبها على طريقة غشمممرة وضحك وبعدين قولي عاد ريلي كلللش مو من هالشباب يموت علي الله يخلينا حق بعض انشالله انتي ما ايييج واحد مزواج اسمالله عليج قهريها ههههههههههههههههههههه هذي عقلها سخيف ومبين غيرانه منكم !!!! وهم ارد واقول ريلج يمكن ماخذها على قد عقلها

 

[Miss McDonald]

رد : حماتي سمعوها شنو تقول حق ريلي .؟؟




@@


وآآي حرررتني !


حبيبتي قوليلها على ضحك انا بدور لج ريل لوول

 

[نبض انثى]

مينونه حمااتج

الله يهدييها يارب

 

[*ماي الورد*]

رد : حماتي سمعوها شنو تقول حق ريلي .؟؟

يمكن تحاول تتحرش فيج
مرت علي حالات وايد جذيه بالعايلة تنقلب على ضحك
تعلمت منهم اني اصير قوية مثلهم
انتي احسن من اللي ريلها خطب وحدة جدامها و جدام اهلها و اهي قاعدة على غشمرة و الله ولا اهتزت لانها واثقة من روحها انا قمت اصبصب عرق من اللي شفته و اهيا عاديييييييي
انتي لا تقولين حق ريلج تبينين انج مهزوزة
لازم تفكرين بشي احسن جذيه
كيدي لها مثل ما تكيد لج بس بذكاء علشان لا تخربين علاقاتج لا معاها و لا مع غيرها

 

[*ريما*]

رد : حماتي سمعوها شنو تقول حق ريلي .؟؟

طنشي

 

[ام علي84]

قطيعة شنو هذي يبا قوليلها ,,,,(( وييه مشتهية تشوفين عرس حتى انا حبيبتي ان شاء الله تعرسين وتبرد دودتج بدال لا تدعين له ادعي لج وان شاء الله الله يرزقج الريل الي يتزوج عليج اربع وتشوفين كل عروسة وانتي ترقصين ,, بتزعل قوليلها اتغشمر حبيبتي عادي غشمرة ثقيلة مثلج حبوبة ههههه مو بس انتي ثقيلة طينة خخخخخخ

 

[(أم نونو)]

رد : حماتي سمعوها شنو تقول حق ريلي .؟؟

روحي لحماتج وقوليلها ان الكلام هذا يظاقج عشان توقفينها عند حدها لان هي تقصد تظايقج وكل الحمات اللي قاعدين في البيت ماتزوجو يغارون اعرف وحدة تقول جتني انا وجي تطق الباب علينا الساعه 12 بالليل وكنا شابين شموع طفينا الشموع وبطلنا علبالنا عندها سالفه لكن كانت تبي تقعد عندهم تسولف جان تقول اشم ريحة حرق في شقتكم جان يقولون تونا مطفين شمعه جان تقولهم شنو محتفلين فيه ابي احتفل معاكم مع انها كبيرة ومطلقه

 

[جذابه بنت ذيابه]

رد : حماتي سمعوها شنو تقول حق ريلي .؟؟

تغاااااااااااااااااار منج


خلي زوجج يجعمهااا

 

[باربية الكوووويت]

احسن حل تشيلين نفسج شوي يعني صيري جامده معاها ولا تصيرين ميانه معاها حسسيها ان هشي مايضحك ولفي ويهج وحقريها لي قالت هسالفه عشان تحس انها سخيفه

 

[om_dodo]

الله يهديها

 

[Sweetq8]

بيد رجلج الحل

أنا مره قالتها حماتي جدامه اشرايك انزوجك عشان تستانس

قال أوكي بس قبلي خطبي لفلان << زوجها هههه وجها صاار طماطه

فديته والله قال عاد رجلج بسرعه نلقا له مرا بس أنا صعب لان مافي وحده تسواا فلأنه ههههه ربي يحفظه برد جبدي هههههه

يبا لا تتضايقين ولا تتهاوشين وعقب انتي الغلطانه يطلعونج

طنشيي وابتسمي ووصلي لرجلج ان هالشي مضاايقج بدلع وسياسه مو تحررش وعصبيه <<<< والله يوفقج

 

[UNICORNA]

عطيها على راسها لو قالتها ثانى

وقولى لزوجك لو عادت هالكلمه وزوجك مالمها قوليله انك ماراح تروحيلهم ثانى

وقوليله ليش ماترد ولا انت عاجب كلامها خله يستحى على عمره ويعطيها كلام

وانتى بعد لميها

 

[kindar]

رد : حماتي سمعوها شنو تقول حق ريلي .؟؟

وااااي الله يعينج صج ام ويهين

بس انتي لا تكلمينها راح تدري انج انقهرتي خل ريلج يزفها ويقولها انه انتي الغاليه وماكو بعدج