حماتي حماتي حماتي انصدمت منهاااااااا

[شوارفسكيه حمره]

اذا ما تبين تطلعين جذابه قولي حق ريلج وقوليله اذا مو مصدق انا بطلع معاها والحقنا وشوف

 

[الصعيريه]

قوليلهاا تريح راسهاا وتبتعد عنهاا
لانه هالاشكااال ينخااف منهم
ممكن تخلي البلا اللي فيهاا بمرت اخوهاا

إنصحيهاا تبتعد عنها قد مآتقدر

لانه حتى لو رفيجتج إنصحت حماتهاا ماراح يهمهاا لانه هالاشكااال مآتنفع معاهم النصيحه

 

[مجنونة بس عاقلة]

الحل انها ماتطلع وياها مكان مره ثانيه

 

[[[ عيون جابر ]]]

وييييي
الحل ماتطلع معاها او انها تصارحها تقولها اذا بتطلعين معاي لبسي عبايه ومكياج خفيف لأن مانبي احد يلحقنا وانا عندي زوج مابي يسمع كلام او يشوف شي ويزعل مني
وااااي الله يهديها بس

 

[فطفط نجد]

امممم عندى لج فكره جهنميه ...
انا من رايي انها تكلم زوجها بكل هدوء ... بس ماتقول له عن سالفة الولد والمغازل لا تفهمه الموضوع بس بالمختصر المفيد
اوكى ... وتفهمه انه مايكلم اخته ولا يعلمها انها قالت له ... وانه عندها دليل ... شنو الدليل .
تقول له انا بطلع مع اختك وانت راقبنا وشوفها شنو تسوي بالسياره ... وبس .

قويه هالفكرة ديري بالج تسويها
تكفين كوتيه الله يرحم اهلج قويه هالفكرة

خل تعتذر لها كل مرة وبس هي راح تفهم وتصد من نفسها

 

[أو عبوش]

اول شي تستر عليها.......... عشان ربي يستر عليها اهي عند ردجلها ومايقطها بمصيبه منها

تدعي لها بالهدايه.........

وتقول حق رجلها انها ماتحب تطلع الا معاه.........................

ولا تطلع نهائيا معاها..........

 

[chcoq8]

تبعد روحها عنها بقد ما تقدر وتعذر لها باي شي علشان ما تطلع

 

[فديت قلب امي]

تواجها وتقولها بصريح العبارة انا مو اهتمامي الطلعات وتمشي احب اطلع مع زوجي هالاماكن بس معاه
وتسكب فيها والله هالسوالف ما تحتاج مجاملة هذي سمعة وشرف وخو بعد مشالله مرت الاخو دايما يركبون عليها الغلط
خل تقطعها من بداية احسن لها واذا اهيه شاطره ما تخلي ريلها يحس

كلامج صح100%

 

[طيوف الشوق]

اسمعي لا تعلم زوجها ويقولون من جت وجابت الشر ديرباله تطلع معاه مره ثانيه لوشنو يصير تبتعد عن الشر

 

[حبيبي وبس]

تقولها يافلانه انا ماابي اخرب بيتي ماراح اروح معاج وبس
ونفس الشي اذا زوجها سالها ليش ماتروحين تعذري بشغل البيت او اهلج ورفيجاتج عازمينج

 

[عاشقة_الجمال]

لالالالا لا تقووول لريلها

والله الريال ابدا ما عليه اهله والسالفه بتنقلب عليها ومحد بيصدق بأخته تطلع منها سوالف

خلها تكون حبيبه وياها وتسولف وياها عادي بس بالطلعات لا تطلع وياها الا اذا كان اخوها معاهم

وخل ترتاح من السوالف

 

[% إماراتيه %]

انا رايي مثل راي كويتيه زوقه

 

[جوري وبنفسج]

السلام عليكم

أنا من رأي لا تقول لزوجها الستر زين وخل تعطيها فرصة يمكن تتوب البنت

وأفضل شيء تواجه حماتها بس بطريقة لبقة تقول لها أنتي مثل أختي وأنا أحب لج الخير

وتنصحها تقول لها أنتي الحين بذمة رجال ومو حلوة لو يشوفج تخونين ثقة بأنج تقطين العباية من وراه وتحطين مكياج لأن ممكن لو يطيح عليج يعكر عليج عيشتج وأن الكويت صغيرة .

وقولي لها أنا مستحيل أعلم أحد اللي صار لأن أحب الستر .

وبعدها لا تطلع معاها كلش وأذا سألها زوجها ليش تقول ما أحب أروح للسوق من غير ما يكون لي شغل فيه أحس زهقة ومو حلو المرأة تتفرفر بالسوق من غير حاجة .​

 

[الجوهرة777]

هي ما شافت شي بعينها ( بالنسبه للي صار بين حماتها والولد ) علشان جذي ما يصير تتكلم لا تقول لزوجها ولا غيره

تطلع مع البنت لما يكونون اهلها معاها جذي في السليم يعني اي شي تسويه البنيه اهلها موجودين


لكن ما يطلعون بروحهم ابدا يعني كل مرة تطلع بعذر والأعذار شكثر (مريضة - بروح لأهلي - احد بيزورني ........الخ )

واصلا من مره مرتين البنت راح تفهم

تستر عليها - وتسحب عمرها - وتخلي العلاقة رسمية

واذا سألها زوجها تقول ما فينا الا العافية واحبها نفس اختي بس انا صايرة ما احب اطلع مع احد ارتبط فيهم ومرات اكون تعبانه ابي ارجع

وهم ما خلصوا - ومرات ابي محل واحد وبرجع والناس بيقعدون على راحتهم وجذي

 

[ديانا سبنسر]

يبا مالها الاتهرب عنها باعذار كل يوم عذر ليما تمل وتفج عنها وما انصحها بالمرة تعلم اخوها عن سوالف اخته راح تفتح على روحها بيبان مسكرة

 

[أم المهــى]

تبتعد عنها شوي شوي عشان لو زوجها عرف راح تنتقلب عليها المشاكل

 

[كـّلي ذوٍؤٍوٍق~]

رد : حماتي حماتي حماتي انصدمت منهاااااااا

تعذر لها ولا تقول لزوجها شي أخته أكيد مايرضى عليها ويمكن مايصدقها


الله يصلح الجمييع

 

[LuLiTa]

خل تعتذر من حماتها و اطلع عذر غيير عن الثاني ,, ان صارت الطلعة بالويك اند اتسير على اهلها و لا تطلع مع رفيجاتها ,, يعني تتسحب شوي شوي ,,,خوو اهي مو مجبووورة تلزق 24 سااعة بحماااتها ,,و لا بدال ما تطلع مع حماتها بمكاان عام يقعدوون في البيت و يطالعوون افلام و يطلبوون من المطاااعم على بو انها مو مشتهية الطلعة و ما لها خلق الزحمة ,,,,

 

[كويتيه مذهله 87]

الله يستر عليها بس حرام جذي تتكلم عنها الاحسن انها تنصحهااا مو تفضحها

 

[بنت السليل]

اعوذ بالله هذا شي ما احد يسكت عليه تنصحها اذا ما طاعتها تبعد عنها