حماتـي ولـدت

[مذهــلــه]

السلام عليكم
اشلونكم بنات وشخباركم

كنت بسالكم حماتي ولدت بجر.. وانا صارلي 4 شهور متزوجة ... برايكم لما ازورها اخذ كاكاو فخم

واهديها فلوس والا الكاكاو كافي ،، اخوها يهديها!؟؟

ياليت تفيدوني ماعرف*

 

[ايمانو حلوة]

فلوس احسن وافضل
دام حماتج عطيها 40 دك مو اقل فشلة

 

[مذهــلــه]

لا اشدعوى ٤٠

اساسا ماهدتني شي بعرسي

واللي اعطاني منهم ٢٠ دينار

مشكوره حبيبتي عالرد

 

[نورالدنيا***]

روحي بوابة الهدايا واخذي بوكس صغير

حلو فيه جاهز اخذي بيج او وردي او ازرق

وحطي داخله 40 او 50 وحطي معاه كاكاو 5 حبات او 4 وعطيها حركه حلوه وراح تعرف انج ذوق والكل راح يدري شعطيتيها

وريلج خل ياخذ باقه ورد او كاكاو

 

[نورالدنيا***]

شوفي حبيبتي تري اذا كسبتي حمولتج بتكسبين ريلج والريال اهم شي عنده اهله

بالعكس انتي يديده عليهم خليشوفون طيبج وكرمج واذا ولدتي ماعطتج شي لا تبينين اي شي بس عامليها بالمثل

 

[جمالي خيالي]

السوق يهبل اخذي هديه حلوه للبيبي

ماحب هدايا الفلوس

 

[أأأميرة الورد]

لازم هدية وحماتي بعد مو أقل من 50 دينار هذا بالنسبة لي وللأغلبية طبعا
الفلوس تروووح وترد بس تبقى الكلمة الحوة والذوق وانج تقومين بالواجب

 

[ELFAD3Ah]

عطيها يافلوس او طقم ملابس شكثرهم مغلفين وزاهبين او كرسي حق الياهل
ولاتودين كاكاو لا ن اهي اساسا اذا مسويه استقبال اكيد مسويه كاكاو

 

[مذهــلــه]

يعني مو لازم كاكاو؟؟

 

[بــــدره]

اذا اهي ما اهدتني بعرسي
كافي اعطيها طقم عطر او دراعة ستان او حرير مرتبه تصلح لزيارات النفاس
سعر الهديه بحدود ٢٠ مو اكثر ولا اقل

 

[سموره 87]

اخذيلها هديه احسن

 

[وين حبيبي]

انا عن نفسي كاكاو اودي المستشفى واعطي فلوس لين رحت البيت 50 واحيانا اكثر

 

[عنـــآق ..!]

،


نظامنا احنا ..!

اخذ لها كاكاو ذرب وبس بدون فلوس

توج ماجبتي عيال اذا الله ارزقج انشالله شوفي شنو تهديج

و رديها بحملها اللي بعده

 

[ملكة الفرس]

تدرين خلني أقولج عن حماتي لمن ولدت رحت لها أخذت بوكس صغير و حطيت فيه مبلغ ( 100 دينار )
و لمن رحت لها كانت اهيه ماخذه غرفه و صاله عاد لمن دشيت سلمت و عطيتها البوكس على طول قامت و دشت بالغرفه و صكت الباب و ما طلعت ولا حتى ضيفوني ... بس ما زعلت قعدت كلها 7 دقايق بالضبط حسبتها عدل و لا أحد ضيفني و لا قال انتي آدميه و لا قالو مشكوره على الزياره...

شفتي الناس شلون... بعدها تحسفت و قلت لو موديه صينية كاكاو ب 20 دينار و لا كنت عطيتها هل المبلغ... حسافه عليهم
بس بالاخير قلت أصير آنه الأحسن... و لكن عمرهم ما حشموني ...

 

[قمري]

مممممممممممممممممم

دام اخوها بيهديها ودي كاكاو او ملابس طقم او ورد اسمج مادشيتي وايدج فاضيه

 

[مذهــلــه]

يعطيكم العافيه بنات على الافاده

ملكه الفرس اي والله مايستاهلون بس انتي سويتي باصلج خلهم يولون

انا حماتي حرام مو سيئه بس اذا ريلي بيعطي وانا اعطي واشتري كاكاو مااتوقع الفلوس لازم تتعدا ال ٣٠ ادري ماراح تردهم بالاجمال اللي مني ومن ريلي


والا اشرايكم

وهم ماشالله لاوحده ولا ٢ وايد متزوجات ويحملون ويولدون اشدعوه الحق عليهم

 

[مشتطـه]

احنا طبعنا بالمستشفى نييب كاكاو


وبالبيت استقبالها نعطي فلوس

 

[Zaina-al-zaina]

حبوبه وديلها شوكلت وعطيها ٢٠ دينار

جذي كافي والعشرين ماراح تنقص من قدرج او قدرها !!!

وجم كلمه حلوه وبس !

 

[" ام حمود "]

روحي بوابة الهدايا اشتري علبة كشخه وحلووة ..
وبعدين روحي مذركير اختاري جم طقم وحطيهم بالعلبه هذا احلى هدية
كشخه وراقيه بعد

 

[عيالي ذيابه]

حبوبه ٢٠ دينار مع كاكاو او ورد وانتهي الموضوع