حل يا بنات

[umm-7asson]

ييووووووه ذكرتيني باللي مضى انا نفسك بس انتي احسن مني حبتين ،، انا موضوعي وصل للطلاق وغيره ولولا الوالد الله يطول بعمره جا وحل الموضوع بينا وطلب مني اجي وابوس راس زوجي وطلب من زوجي يعطيني مصروف شهري 1500 ريال لي بس العيال عليه وقال تم ،، بس من ثاني شهر قلت له خلاص مابي مصروف ادري بتقولين هبله ، بس انا حسبت الموضوع من زاويه ثانيه اولا بصير يطالع فيني بعين الماديه وثانيه العلاقه بيننا بتتغير ويصير فيه حاجز بينا وثالثاً اي شكوى مني مراح تصير مقبوله يعني ببالها مصروف واعطيها شتبي بعد ،، رابعاً واخيرا راح اكون محدوده بهالمبلغ ولو صارت مناسبه واحتجت اكثر رايح يتمنن علي .

عشان كذا قررت الاتي ههههههه اي شي ابيه اخذه من عيووووونه وهي يضحك

شنو تنصحيني

 

[umm-7asson]

مثل ما قالو البنات
بس انتي غلطتي من الاول عودتية ان فية بديل اذا ما صرف انتي بتتصرفين يا انتي بتدفعين يا اهلج وهذا غلط
خلي احد من اهلج يكلمة وخاليج صارمة او اذا ماتبين يتدخلون لاتعودية انج تصرفين ع البيت باجر بخليج تصرفين عليه
ولا تتلزقين اكثر انتي قلتي اللي عليج ولو انتي مو صح جان ما تهرب وخليج مهتمة بنفسج وحسسية ان ما ثر عليج وانج مصرة
هو الظاهر عارف انج تحبينة حيل علشان جذي يسوي يمكن الله يهدية لا تترجينة اكثر وتراضينة انتي حاولتي وسويتي اللي عليج جربي طنشينة ولما يكلمج مو تذوبين بسرعة خليج مصرة ع كلامج وتكلمي معاه بنعومة وانج حبيبتة مفروض مايرضى عليج اي زعل وخليج مهتمة بنفسج لو زعلانة ترا ياثر هالشي ع نفسيتج وعليه وخليج حابة نفسج ع طول مو اي شي ياثر عليج
الله يهدية ويصلحكم يارب ويوفقكم

أبوي قال انه بيكلمه بس بطريقة غير مباشرة

بس انا ما أبي يكرهني ولا يصير بينا أي حواجز

 

[tmtmt]

بس انتي توج نفاس وين مداج تصرفين على ولدج !

الغلط انج طلبتي زيادة مصروف 150 كافيه لج
كان لازم تفتحين الموضوع مو تطلبين زياده

لا ..

تقوليله يوم قالج انا مقصر
تقوليله اي ...
الشقه مايفها كيت وكيت وكيت ....الخ

انتي قاعده تقوليله زيد مصروفي عشان استمر اصرف على البيت هذا الغلط

وبالنسبه حق تجهيزج اهوا ماقصر كان ميمعلج
بس اهلج حبوا ان تكون الهديه منهم
فخلاص اهوا حر بالفلوس شسوي فيهم كيفه

والحمدالله على سلامتج

 

[umm-7asson]

تم تم

انا ما قتله انت مقصر قتله ال 150 ماتكفيني وانا مرة احتاج اهتم بنفسي ومظهري مو ريال

وقتله انت مرة حاسبتني على اني صرفتهم ماتدري ان اغلبهم يروح على العيادة والبيت والأدوية والحين على احتياجات ولدنا

واذا على فلوسة اصلا اهي مو فلوسة بروحه فلوسنا لان كان أولى بيتنا مو يشتري شييي حق وناسته

صارلي 7 أشهر ما عندي طاولة ولا بردة ولا زولية

واذا بناكل ناكل على الأرض

مو هذا أولى إذا كانت فلوسة بروحه

وعلى فكرة انا خلص نفاسي وكنت بطلع بس يتني اخت ال 40 وخربت علي كنت انا أبي اجهز نفسي حقه حق طلعتي من ال 40

انا طلبت منه فبل فترة فلوس عشان حق طلعتي عطاني 200 ومنهم دفعت حق ولدنا 70 دينار

يعني اهو معطيني الفلوس حقي ولا حق ولدنا

وانا مرة أبي ارد حق زوجي عروس مجهزة حالي مووو رايحة له مو مسوية شييي جني واحد من الربع

 

[شيخه السمر]

مالج الا وظيفتج تصرفين على عمرج و تستانسين فيهم لاتصيرين مثل رفيجتي ريلها طلعها من الدوام و قالها بنزلج راتب كل شهر بس حجي الحين متحسفه قد شعر راسها كل شي تبيه بالحسرة و مقصرة على نفسها نصيحه اختي مالج الا وظيفتج

 

[عزوة رجال]

حبيبتي،، اذا تبين رايي دقي عليه او دزي له مسج وقولي له باسلوبك انك كل قصدك ماتبين كل فتره تطلبينه فلوس وتبين توفرين على نفسك الاحراج من مده الايد وقولي له اذا الموضوع مضااايقك حيييل بلاش لاتضايق عمرك ولاشي والله يخليك لي ويديمك دامك معاي مراح احتاج شي ومن هالكلام اما عن الشقه راح تجي حبه حبه وماتدرين شنو ظروفه ترا الرجاجيل مايقولون كل شي حتى لاقرب الناس يعتبرها نقطة ضعف والله يوفقك بحياتك

 

[umm-7asson]

مشكورة عزة على النصيحة

شيخة السمر انا كان طالع اسمي بوظيفة حكومية بس صارت سالفة الانتخابات ووقفوا كلشي

 

[flawar]

حبيبتي دام رجع وعطاج 200 ترا مو كل رجال يعطي وفوق هذا فلوس ادوية ومستسفى لا تصيرين متتطلبة ويكره كشختج لان راح يربط ورا كل كشخة متطلبات انتي احسني الصرف واهم شي الاساسيات الي بشقة وافتحي موضوع الوظيفة بهدوء بس مو دايم
الكماليات لاتصير سبب مشاكل بينكم وباجر تندمين اهم شي ان علية الاساسيات واتفقو بينكم وتفاهمو اذا ما تبين يحسب مصرفج ع مصروف ولدج خلي يقول هذا لج وهذل لولدج او خلية اهو يجب اغراض الولد

والله يوفقكم يارب بس كل شي بالتفاهم وهذي مشاكل تصير خاصة اول سنتين او ثلاث بس انتي سايسة ولاتستعجلين

 

[om_3azoz]

حبيبتي انتي ليش لمن يعطيج مصروف 150 تصرفينهم على بيتج والشقه انتي موملزومه اسمهم مصروفج مو مصروف البيت

و150 يكفون صالون وتشترين جم شغله يعني عادي لاني انا نفسج ,,


بس لو ابي اشتري شي حق البيت اقوله فلان عطني مثلا حليب حق اليهال بامبرز شي حق الثلاجه اخذ منه فلوس لان اهو المسؤول عن هذا الشي


وانتي الحين خلصي نفاس وتطلعين من الشر يارب وان شاءالله تهدى النفوس يارب

وبعدين لانج نفاس متضايقه وجذي الله يعدي ايام النفاس على خير يارب ومبروك مايبتي

 

[om_3azoz]

ودام عطاج 200 شكو رايحه دافعه حق ولدج جان كلمتيه وقلتيله ابي 70 حق ولدنا لان 200 حقج انتي حق جهازج وطلعتج من الاربعين

 

[رقـة الاحسـآس]

عنده معاش و قوي و جذيه بخيل
هالصفه شيينه وما تنطاق
وما عليج من كلامه يوم يقول لا تخليني اكرهج
يا سلام يعني ليتج طلبتي شي ما يقدر عليه وفوق ها هو اللي مطلعنج من الدوام

خلي المصروف اللي يعطيج اياه لج
وولده والبيت هو يشتري بنفسه ويتحمل مسؤوليتهم

بس صدق ليتج ناقشتي هالموضوع و انتي عنده
ما تنفع نقاشات و انتو بعاد عن بعض

 

[برنسيسه عسل]

سبحان الله كأنك تتكلمين عن زوجي !!!!....
الحمد الله اني دخلت موضوعك

شوفي ياعيوني
انا زوجي من نفس نمونة زوجك
بعد انتي احسن مني انتي يعطيك مصروف
انا مايمشي لي واذا طلبت يعطيني شوي مرره مايكفي
تخيلي اطلع للسوبر ماركت بـ 100 او 50 ريال عاد مدري بكم بالكويتي بس الزبده انها تجيب 7 علب شامبو << يعني عشان تتخيلين كم ههه
والله واسكت مابي اجرحه ولا افشله خصوصا ان زوجي عصبي ويثور بسرعه واخاف يفشلني قدام الناس فتشوفيني بس اسايره
واكتفي بالاشياء الاساسيه وحتى مو كلها اخذها
الحمد الله اني ببيت حموله وابوه مايقصر من مقاضي البيت بس ولو تبقى لك طلباتك الخاصه او اشياء مفضله .
تخيلي انها وصلت درجة البجاحه في زوجي انه ياخذني معه للسوق ويشتري لنفسه ومايشتري لي
ويقوللي مجامله ,,, تبين شئ ؟ ..... اقول له لا .. ترا مو غباء مني
بس انا انسانه ابي الشئ يجيني بنفس زينه ومن طيب خاطر
طبع الحريم اللي غصب ورا خشمك تصرف علي انا ماكنت اتعامل معه ,, لانه اوريدي عارف ان النفقه واجبه عليه !!

وطبع المصارحه جربته من بعيد لبعيد ومانفع معه ابداااااااااا
وسوا سواه زوجك عاند وزعل

فــ وش سويت

قلت ياحرمه شغلي مخك ,,
و رحت زياره عند اهلي حوالي اسبوع
وخلال هالاسبوع طلعت للسوق اكثر من مره
كنت اتصل عليه استأذن عن الطلعه وبعدين اسأله هاه وش تبي اجيب لك معي
طبعا هو ينحرج ,, لان الفلوس اللي عطاني اياها ياله تكفيني
فيقول مابي شئ
ومع ذالك اجيب له شغلات بسيطه ,, شراب , كبك , عطر كان خاطره فيه
يعني حسسته اني قصر على عمري عشانه
واثبت له بطريقه ,, لما جاء يجي ياخذني خلاص بنرجع للبيت قلت له ,, الله يعافيك جب معك 200 << لاحظي انه طفسه عمدا عشان ينتبه اني وصلت لمرحلة اطلب طفسه !
قال ليش ؟
قلت تسلفتها من اختي
ويوم ركبت السياره قال مره ثانيه لاعاد تتسلفين قلت ليه قال مايحتاج
قلت بمزح وبطريقه حلوه ,, اجل مره ثانيه عطني فلوس زياده عشان ما احتاج اتسلف ..

وقد قريت قبل سنتين
موضوع وماتوقعت هالموضوع القصير بينفعني بهالشكل
كان الموضوع يقول : اذا كررتي صفه معينه في شخص وقلتي انها فيك بيتبرمج بنفس الصفه لاشعوريا
والله واقوم واطبق
وهاتك يامدح
لدرجة اني كنت اكذب عليه واقول
انا احمد ربي اني تزوجت واحد مثلك كله رجوله وكرم
وزوجي قسم بالله من جنبها لا رجوله ولا كرم وحتى ولا عقل
حتى اني كنت اتقطع من داخل قهر والكذب واضح بعيوني !!!!,,

واشوفه بداء يتحسن شوي ويرخي الريال شوي ,, يعني تقدم خطوه
الحمد الله نعمه

ومازلت عندي امل انه يتحسن يارب يتحسن

ولاتخلين الفلوس سالفتك انتي وياه لان الرجال كذا يحس انك متعلقه فيه ماديا مو عشان شخصه !!

وانتبهي من المصارحه تراها والله خراب بيووووووووووووووووووووت
استغرب من اللي تقول صارحي زوجك
الزوج لما تصارحينه وتقولين الاشياء اللي مضايقتك فيه يعتبرها اهانه ويعتبرك طماعه ويعتبر نفسه انه انسان سيئ قدامك مهما كانت درجة المصارحه راقيه وذربه ,,, فلا تستغربين عشانه قلب عليك لان عندنا وعندك خير واغلب الحريم مروا بهالتجربه باستثناء الموظفات هههه

 

[ياليتهم يشعرون]

تدرين الريال لمن تكون مرته نفاس يعصب ومايثمن اليً يقوله انشاءالله بس تصيرين عنده يتغير

 

[زوجة عزيز]

مايخالف حبيبتي تحمليه اشوي حاولي تقنعينه انج تتوظفين اريح لج وله

 

[S0oo0s0oo0]

رفع
رفع

 

[مناير ...!]

انتي الغلطانه عودتيه انج تصرفين وعادي ماتهتمين
وهذا غلط ولاشحقه الوانيت؟؟
والاهم من هذا اهلج الله يخليهم لج شحقه يدفعون مصاريف المستشفى المفروض حتى لوبيعطونج ماتعلمينه اتحطينهم بحسابج وتخلينه اهو يدفع تكاليف ولاده ولده
ولاتحسسينه انج غلطلنه او متحسفه بالعكس هذا الصح
والمفروض فلوس تكاليف ولداتج كمل فيها شقتكم يدال وانيته

 

[للصبر أخر]

حبيبتي ريلج اناني مايهمه الا وناسته يشوفج محتاجه وما عندج راتب وشقتج مافيها اثاث ولا عنده التزامات من اجار وماجله
وغيره ومعاش قوي ومع هذا عينه قويه يبيج تصرفين واهو يصرف فلوسه على وناسته!
واتكالي ومايبي يتحمل مسؤليه يقط كل شي عليج وللأسف هذي غلطتج وغلطة اهلج الريال على ما تعودينه وانتي عودتيه
انج تصرفين والحين لازم تحطين خط احمر وتفكيره خبيث يبيج تحسين بتأنيب الضمير وتستحين من روحج ويتزعل بعد
لا حبيبتي خليج قويه وحازمه الغلط عليه مو عليج وهذا حقج وحق ولد ملزوم يصرف عليج حتى لو انتي مليونيره وموظفه
اشلون بعد اذا ما عندج راتب..150 ما تسوي شي واهو عنده يصرفهم عليج وعلى ولدج احسن من طلعته
ومهما يفشلج لا تستحين منه اذا اهو عينه قويه بالغلط خلي عينج اقوى منه بالحق واخذي مصرفج وكل اللي تحتاجينه منه
مره مرتين ثلاث لما يتعلم ويتحمل مسؤليتكم
رياييل اخر زمن