حل للتبول اللاارادي بسرعه

[اليمامه الحلوه]

ابي حل للتبول اللاارادي ولدي جنني كل يوم يتبول على نفسه حتى اهو صار يستحي وديته للدكتور سواله تحليل يقول مافيه شي عادي يروح من كيفه وعمره الحين9سنوات بنات الله يعافيكم اللي مرت عليها حالة ولدي ولقت حل تفيدني او اذا وحده فيكم تعرف دكتور شاطر تدلني عليه والله لايحرمني منكم

 

[[]نهاوند[]]

والله ماعرف دكتور بصراحه
بس بقولج على طريقه الوالده كانت تتبعها ويانا لما كنا صغار :eh_s(6):
من بعد المغرب لاتخلينه يشرب سوائل لا عصاير ولا بيبسي الا الماي طبعا
وقبل ينام تكرمين خليه يروح للحمام
وحاولي تخلينه يتعود يقوم من فراشه ويروح للحمام
اذا ما نفع حطي له منبه وخل يضبطه كل ساعتين يقوم ويروح الحمام

او قولي له اذا مابللت فراشك منيه لآخر السنه لك هديه ترى بعض الجهال يتكاسلون فيبللون الفراش وهم نايمين

اختي جربت هالطريقه مع بناتها ونجحت طلعوا الخايسات يتعاجزون يقومون :eh_s(13):​

 

[مـسـك العجمي]

عطيه قفشه عسل العويد قبل النوم وادعي لي

 

[hasooosa]

قبل لا تفكرين بالعلاج ما فكرتي من شنو السبب
اكيد متضايق ومهموم ممكن من المدرسه او من اصدقاءة ويمكن من البيت وحاس انه تعبان نفسيا انتي فتشي فيه وحاولي تتقربين منه لانه المشاكل احد مسببات التبول الليلي وقعدي معاة ولميه وكل فترة والثانيه رفعي من معنوياته وتقربي منه وسولفي معاه وحضنيه لا تقولين كبير وصدقيني سوي اللي قلتك عنه وراح تشوفين انه راح يتجاوب معك وان شالله تنحل المشكله وربي يشافيه

 

[*دبدوووبه*]

انا اقولكم الحل

انا ولد اخوي
الحين عمره 13 سنه
من واهوا صغير
كنا اا نعاني من هالمعاناة وياه
سويناله سونار وتحاليل قالوا الولد طبيعي

بعدين وديناه
بوشهري كلنك
الوحده الكويتيه الألمانيه
اللي بالدور الرابع
وعلاجهم المسالك البوليه وجراحة المسالك وعلاج الكلى وجراحة الكلى
معروف اهما ماشاءالله عليهم
عند دكتور اسمه
علي زاده

سأله وايد اسأله
الدكتور قال الولد مافيه شي
ومستغربين ليش يتبول لاارادي عند النوم

عطاه اوراق
فيها غيوم ويا نجوم وشمس
وحركات حلوه تونس
وفيها بيانات لازم تعبينها
مثل الاسم
وساعه اللي نام فيها الصبي
ومتى قام من النوم
وعطاه حبوب صغيررررره
ياخذها قبل النوم
ومعطانا برنامج
قبل ماينام الصبي
تقربيا بساعتين
ياخذ الحبه
بعد ماياخذ الحبه
مايشرب ولالالا شي

اذا قام وكان متبول في نفسه
يرسم الغيمه
واذا ماتبول
يرسم الشمس

والحمدالله بعد هالحبوب بعشر ايام
ينام ويقوم
من غير لا يتبول في نفسه

وانتي وديه بوشهري كلنك
الدور الرابع
عند دكتور علي زاده
وهذا رقمهم
885544 والداخلي228
وان شاء الله يارب يتعافى ولدج
ويترتاحين واطمنين قلبج عليه

 

[bintelhuda]

مشكووورة اختي دبدوووبة على هالمعلومة .انا ولدي عمره 13 وللحين عندة تبول لاارادي . جربت وايد اشياء بدون فايدة راح اوديه بوشهري كلينك انشاالله

 

[ii DareeN ii]

الي اعرفه ان الي عندهم حالات تبول لا ارادي يعالجونهم نفسيا ويحولونهم مستشفيات يعطونهم علاج ويسون لهم جدول لتبول الي ممكن الام تقوم بالليل تاخذ الولد الحمام وياي وحده بالدوام جذي