حليب التموين

[توتيه]

سلاااااام لبنوتات احلا منتدى :68_asmilies-com:
تصدقون تعوت عليكم والله اذا يوم مافتحت المنتدى احس فيه شي ناقصني >>>>ماعلينا شنو تبين
لوووووووووووووول
بنوتات شلون اسوي حليب التموين كل ماسويه يصير طعمه مو حلو كل وحده تقولي طريقتها ماعليكم امر

 

[دراما كوين]

نفس المعاناة
احس فيه زفره وما يذوووووب بسهوله




واول ما بديت اسوي مهلبيه سويتها بحليب التموين وانا اقووول شفيها ياربي محلبيتي مو ضابطه وطعمها مو حلو ؟؟؟ جربت سويتها بحليب نيدو طلع طعمها يهبل ,, اثاري حليب التموين اهو اللي كان مخربها

 

[Dandona]

طريقتى بحليب التمويين
كوب حليب بودر+3اكواب ماء= تخلطينهم عدل مدل والسكر حسب الرغبه وتحطينه على النار لما يغلى وعليج باالعافيه
احط مرات معاه دارسين أو هيل يطلع طعمه لذيييذ

 

[جارة القمر]

أنا شخصيا


ما احبه



ما أحب ريحته

 

[<< أزيان >>]

انا مااحب الحليب البودر

من واحنا صغار ممنوع ابيتنا لازم حليب فريش

بس طريقته عندي ومضمونه

كل كاس ماي عليه 3 ملاعق حليب وحطي معاه هيل عشان الزفره

 

[دراما كوين]

يا بنااات يعني انتو بعد ما تستخدمونه لا للشرب ولا للحلويات صح ؟؟؟؟؟؟؟؟؟؟؟



انزين حق شنو عيل نستخدمه ؟ يااااااااااااااربي حسااافته رخيييييييييييص علبة النيدو اللي كبره ب 5 دنانيرجنه وهذا بديناار تقريبا شفتوا الفرق

 

[اخت الغالي الغائب]

انا مثلج مااحبه لشرب بس استخدمه بالعجاين والحلويات وش زينه
يؤدي الغرض ورخيص .احلى حليب بودرللشرب المراعي الخضراء وحليب السعوديه بودر

 

[توتيه]

يعطيكم العافيه وبجرب طريقتكم
وانا بعد ماحبه ودي احبه بس احس طعمه مو شي وعلشان جذي اقول لنفسي يمكن انا ماعرف اسويه

 

[جوي Joy]

شوفي ياقلبي
تقدرين اتسون منه حليب كرك
ويطلع رووووووووووعه

شوفي ياروحي

كوب الماي عليه 3 قفاش كبار حليب ((نفس طريقه ماركيه وكشيخه))
بس اتضيفين عليهم جاي ورق مو لبتن لالا العادي ورق قفشه كبيره
واشويه هيل
حوسيهم عدل مدل نطريه يفور
شخليه وصبيه بكوبج واستمتعي
وادعيلي

والحين وقته عاد مع دخله الشتا

وحياج باي استفسار

 

[<< أزيان >>]

دراما كوين


لالالالالالالالالالالالالا

حبيبتي نستخدمه بكل شي حلويات معجنات

بس مانشربه

والشرب افيد واخف الحليب الفريش

 

[دراما كوين]

دراما كوين


لالالالالالالالالالالالالا

حبيبتي نستخدمه بكل شي حلويات معجنات

بس مانشربه

والشرب افيد واخف الحليب الفريش

حبيببتي ماركيه جربته مع المحلبيه طلع مو حلوو :0bee2e8d89:
يمكن الحلويات اللي تدش الفرن يمشي الحال مثل الالبه استخدمته طلع حلوو

 

[<<لمار>>]

انا استخدمة فى المعجنات والحلويات بس شرب مااحبة احسة زفر

 

[caka55]

سويه عدل وخليه يطبخ علي النار تقريبا ربع ساعه وحطي معاه زنجبيل يهبل ماتشبعين منه مافي لا زفره ولا شي واذا تبين حياج عندي اذوقج اياه

 

[شيري]

اللي يخلي الحليب زفر كثره الحليب البودرجربي طريقتي وماراح يعجبك يعدين الا حليب التموين والطريقه قلاص ماي بارد ذوبي فيه ملعقه حليب بودر و اغليه علي النار واذا برد حطيه يالثلاجه واشربي منه ثاني يوم بعد ما تحلينه بالسكر راح يعجيك

 

[الطموحه]

والله يا خيتي احنا ما نشربه
بس فيه حلويات تحتاج حليب بودر مثل حلو الكابتشينو وغيره من الحلويات

واذا خايفه تنتهي مدته وانتي ما استخدمته تصدقي فيه للفقراء واااااااايد يحبونه ,,, ويستانسووووون بعد

 

[منى قلبها ابيض]

انا استخدم كي دي كاو وايد حلو واحط معاه هيل مرات دارسين وهمن زنجبيل لذيذ ـــ

 

[حرم الحوت]

 

[aqela3]

انا استخدم حليب التموين حق المعجنات وبعض انواع الحلويات واسوي منه روب عجيب مايضبطه الى حليب التموين

 

[توتيه]

مشكورين بنات ماتقصرون
بس شلون تسوين الروب؟

 

[مس يو]

الحمدلله يعني مو بس انا اللي احس بزفره لووووول

الكل مو مصدقني ..

بس ماتصدقون لو اقولكم الحين غرامي حليب التموين اول مابطل عيوني لازم كوب حليب مع جاي..

بس مادري ترا على التعود انا قبل كله اشرب كليم بس الحين خلاص تعودت عليه ...

واهو احس من شهر لي شهر يتغير طعمه مرات حلو مرات يكون ماشي حاله