حليب اس 26 جولد (؟)

[^kloOot^]

قوه بنات شلونكم


بنات عفيه حليب اس 26 جولد وين احصله لاعت جبدي درت جم جمعيه وماحصلته وحتى مركز سلطان والتموين كله يقولون مقطوع

غيرته وشريت سيميلاك قطيعه كل رغوه فيه وسببلها اسهال قوي

توني وديتها طبيب قالت الدكتوره غيريه مو ماشي عليها توهقت والحين عطيتها نان قالت الدكتوره عادي لانه عمرها 25 يوم والحين توني شربتها نان والله يستر

 

[ϲհҽɾɾվ87]

والله مادري انشالله البنات يفيدوونج ... انا جذي دورته حق اختي توها والده مالقيته

 

[love love]

حماتي هم تشرب بنتها هالحليب وتقول مقطوع عن السوق

بس جنه قالت ليلحين موجود بالتموييل!!!

 

[^kloOot^]

اى والله يليت فيدونا البنات

 

[صدى الأفراح]

موجود بجمعية العميريه بناااااااااااااااااااات

 

[sara-25]

والله حبيبتى هذيلا التموين يننونى صايرين فقر الحليب الى عندهم مافى منه بالجمعيات انا خذت لبنتى سيميلاك ودورت عليه ولا يقولون بس عندنا انزين بنتى احتاجت بعد حليب شلون

 

[أم حمودي**MALL**]

شوفي انا سمعت انه مقطوع من الوكيل نفسه واحتمال يوصل عقب اسبوعين مو اكثر

بس جنه موجود بجمعية الدعيه و جمعية الشرطه اللي بجنوب السره جيكي

وهم اذا ما لقيتي تقدر تستخدم لها اس 26اتش ايه Ha ترى نفس الشي ماكو فرق وهالكلام من مصدر ثقة

 

[RegaLoS]

نفس مشكله بنت خالتي بس رفيجتها قالت لها موجود بالعميريه والرحاب

 

[^kloOot^]

والله حتى التموين مافي

قالو مقطوع بكل الجمعيات

تخيلو في ناس تقولى روحي سعوديه الخفجي فيه

وين قاعدين

 

[الماسه البراقه]

مرااااااااااااااااااحب بنات
نفس مشكلتي انا عندي توأم وكتب لي الدكتور على حليب S26 صرت ادوره من مكان لي مكان حتى ستي سنتر ما في توهقت غيرته عطيتهم نان سوالهم اسهال وانتوااااااا بكرامه وقفته وصرت اعطيهم سميلاك صج متروس رغوه بس اقولون زين اسمن الياهل شسوى بعد جنه قاعدين بجنوب افريقيا الله يعيني وعينكم

 

[ســتارز]

واجهتني نفس المشكلة ودورته بكل مكان ومالقيته قمت وعطيتها نان 1 احسه خفيف احسن من اس 26

الله يوفقك مع بنوتك

 

[اخت اخوها]

قبل شهر تقريبا انقطع بروجرس رقم 3 من نفس الشركة وبدلت حليب بنتي وعطيتها سميلاك بس ما ناسبها حسست منه
وردوه الحين بس العلب الكبيرة اللي سعرها 6 وشوي ورديتها عليه والحين انقع اس 26
فماعتقد تحصلينه بالكويت اخوي يقول شايفه بالحفر موجود حتى يقول رفيجه حمل كمية حق ولده فاذا عندج احد يروح بويوم ويرجع وصيه يجيبه لج

 

[ZajiL]

اصلا النان روووووووووووووووووووووووووووعه ماشفت مثله على كثر ماجربت
اول شي ريح ولدي ثاني شي استمريت على الرضاعه الطبيعيه لي فوق السنه بس بديتته معاه على ال5او6 شهور

والطبيب قالي انه مافي غازات وانه اقرب طعم لحليب الام وفعلا ولدي ماحس بفرق ابد

بس انا كنت اعطيييييه مرتين بالاسبوع بس لمه نطلع بس باجي الاسبوع كله من صدري

تطمني حبيبتي عن تجربه رووعه

 

[LaRa CrOfT]

موجود بالتمويل 00 وحليب نان احسن حليب وسيميلاك متروس رغوه بس يتفخ الياهل ويخليه مربرب شحلاته

 

[je t'adore]

ماكو على النوفالاك عجييييييييييييييييب
ومريح ويهبل
وبصراحة ولدي مرتاج عليه لاغازات ولاامساك

 

[^kloOot^]

خلاص بمشي على نان

بس مادري من امس واهي مرتين اسهال

ماقدر اغيره 3 مرات غيرته لعبت بطنها مسكينه

خل انطر هاليومين واشوف

وبالنسبه ل اس 26 مافي بالتموين ريلي راااااااااااااااااااح يقولون مقطوع

خلينا على نان

 

[AlZeenah]

ام جوري نصيحة خليها على نان
انا نفسج كنت استخدم سميلاك سوا لولدي امساك وعوار قلب
ومن استخدمتله نان وايد تعدل وبطنة صار اوكي
لاتحاتين الاسهال على ماتتعود معدتها على الحليب اليدديد
ولو ترضعينها طبيعي وتعطينها رضعتين صناعي باليوم وايد افيدلها

 

[^kloOot^]

امبيه بنات قاعده احاتى انا مستمره على نان هالجم يوم وليلحين اسهال يعنى مرتين باليوم شسوى

قاعده احاتى لانه سيملاك سببلها اسهال مو طبيعي كان وايد

شسوى؟ اوديها الطبيب