حلويات لاتارت & بوفيه العميد

[فلافل وبطاط]

السلام عليكم بنات / حريم / امهات

الله يعطيكم العافيه اللي جربت كيك لاتارت
خل تعطيني رايها لان بحجز كيكة عيد ميلاد بنتي

واللي تعاملت مع مركز العميد للبوفيهات وجربته
خل تفيدني
او اذا اتعرفون غيره وزين وسعره بحدود 170 واقل
ل100 شخص ياريت تفيدوني للضروره

 

[الشيخة@]

رفع لعيونش

 

[فلافل وبطاط]

تسلمين يالغاليه

 

[<<لمار>>]

ماعندي فكرة بس الكيك جربي كيك اند بيك شغلعم روعة والبوفيهات عندج موفنبيك رويال تابع لشهريار حلو بعد

 

[فلافل وبطاط]

لمار كيك ان بيك ناااشف ماعجبني

وابي بوفيه رخيص لان بالبيت حفلة عيد ميلاد

 

[zaina alotibi]

شوفي واو يمحون واايد كيكاتهم بس اسعارهم غالية شوي

 

[فلافل وبطاط]

وين صاير ما ادله بصراحه ...
عادي يعني اتكلفني ٥٠ بس تكون لذيذه وحلوه ..
مستعده أقط على شي يسواا
عشان جذي سألت يابنات ...

 

[عيش و مرق]

شوكلت بار يسون كيك على خمسه وعشرين دينار وثلاثين
ويهبلون بشكل والطعم

 

[ام خالد 78]

ررررررررررررفع

 

[فلافل وبطاط]

عيش ومرق ذكرتيني والله ما طروا على بالي

ام خالد تسلمين يالغلا

 

[جمالي ماله حدود]

عندج بوفيه المملكه حلو وسعره زين ومناسب ومعاها الخدمه والعصاير والحلاويات والفاكهه
والطاولات والبارد يعني كامل متكامل والسعر مناسب
والكيك شوفي جوكلت بار
او سابليه او الخباز
واتمنى اكون فدتج

 

[ورده عنابيه]

اب لعيونج

 

[فلافل وبطاط]

تسلمون

ونصيحه حق اللي تصير بمكاني وتسأل بيوم
لاتارت سوا الكيكه بس شكل ومن داخل ربي يزيد
النعمه ،، مع ان حط لي الشمس بإيد والقمر بإيد

والبوفيه روعه شويه عليه ...
ماقصروا والله بيضوا الويه ...

 

[james546613]

البوفية اخذتية من العميد ولا من غيرة وجم طلع عليج لو سمحتي

 

[فلافل وبطاط]

البوفيه من العميد اخذته وطلع علي ١٧٥ دينار
حق ١٠٠ شخص ،، ٢ خدمه مع الشاي والقهوه
والعصير وفطاير التقديم وحلو القهوه..

والاكل ١٠ سلطات و ١٠ حلويات و١٢ سخان على
ماعتقد .. واهم شي كان الاكل حلو ولذيذ ومضبوط
وراهي بالسخانات مو حاط مسحه والسلام نفس
مابعضهم يسوون ..

بس عيبه مايسوي ديكورات وحركات وجذي سوالف

حسافه الصور ماسحتهم .. جان حطيتهم لج

 

[بابونج]

عليج بالعافيه

 

[عنيّد]

وين صاير العميد ؟؟ اهو نفسه بن العميد يسوي بوفيهات والا محل ثاني ؟؟

عندنا حفل استقبال للحجاج وناوين على بوفيه ، ودام مدحتيه ياريت ماعليج امر لو عندج رقمه ومكانه عشان بنعرف الاسعار وشنو الاصناف

يعطيج العافيه

البوفيه من العميد اخذته وطلع علي ١٧٥ دينار
حق ١٠٠ شخص ،، ٢ خدمه مع الشاي والقهوه
والعصير وفطاير التقديم وحلو القهوه..

والاكل ١٠ سلطات و ١٠ حلويات و١٢ سخان على
ماعتقد .. واهم شي كان الاكل حلو ولذيذ ومضبوط
وراهي بالسخانات مو حاط مسحه والسلام نفس
مابعضهم يسوون ..

بس عيبه مايسوي ديكورات وحركات وجذي سوالف

حسافه الصور ماسحتهم .. جان حطيتهم لج

 

[ام اغلى الناس]

يا ليت حبيبتي تكتبين رقم بوفيه العميد
و جزاج الله خير

 

[| تفاصيل |]

خوش تجربه

 

[فلافل وبطاط]

رقم مركز العميد للبوفيه

24567222

97868170