حلويات ام عزيزان المنوعه حياكم وبالصور :)

[ام عزيزان]

اليوم حبيت احط لكم بعض اطباقي واعرفكم على ام عزيزان يمكن بعضكم ما يعرفها ....

وحبيت اعرفكم على نفسي من خلال بعض اطباقي المتواضعه وان شاء الله تعجبكم

لاني احب السهل والمقادير القليله والمتوفره بكل بيت وهذا هو شعاري في اطباقي


حلى الفلوس

انا سميت الحلى بهذا الاسم اشرايكم فيه؟ هههههههههههههههه​

بس فعلا هو شكله مثل الفلوس المعدنيه وسهل ولذيذ وسريع ​

المقادير :​

1 ك طحين​

1 ك سميد ​

نص ك حليب سائل ​

نص ك زبدة​

م هيل صغيره ناعم​

الطريقه ​

نخلط السميد والطحين والهيل ... وبعدها احط عليه الزبده حتى يتشربه الخليط كله ويصير عندي مثل الفتات ​

احط عليه الحليب السائل واعجنه ​

راح تكون عندي عجينه سهلة التشكيل ​

ارقها على سطح مرشوش بقليل من الطحين واقطها بشكل دوائر صغيره​

واقليها على نار متوسط في زيت وسط ... واحطها في الشيره واخليها اشوي لما تتشرب الشيره ... وخليها في المصفى حتى تنزل منها الشيره الزايده ​

وطبعا ممكن تنثرين عليها جوز الهند او الفستق

واصفها في صحن التقديم

============

حلى الشوفان

==================

شابورة اليانسون


المقادير






ثلاث ارباع كاس حليب سائل خالي الدسم



نص م شاي زعفران

3 كاس طحين اسمر 3 بيض 2 بياض البيض 1 ونص كاس سكر اسمر 1 كاس زيت دوار الشمس 2 م شاي بيكن باودر 1 م شاي هيل ناعم 1 م شاي يانسون ناعم (حبة حلوه) الطريقه :

تخلط المقادير الجافه مع بعض ثم تضاف عليها باقي المقادير وتخلط جيدا بالخلاط

نضع الخليط في قالب مدهونه وندخله الفرن على درجة 160 لمدة نص ساعه او حتى ينضج

نطلع الصينيه ونخليها تبرد تماما

نقطع الكيكه بهذا الشكل

ونصفها بصينيه الفرن بهذا الشكل وندخله الفرن ونحمرها من جميع الجهات

راح يطلع بهذا اللون الاشقر ونقلبه حتى يتحمر من الجانبين ... ونخليه بالسله حتى يبرد تماما ... وراح يكون مقرمش الشكل

​

 

[ام عزيزان]

كيكة البسكوت


​

المقادير :​

1 كاس سميد
1كاس زيت
نص كاس سكر
4 بيضات
1 ملعقه كبيره بيكن باودر
1 علبة نستله
1 كيس شعيريه باكستانيه
1 بسكوت شاي 200 غ ​

الطريقه :​

اول شي نكسر البسكوت قطع صغييييييييييره ونخليه على جنب​

نخلط البيض والسكر والزيت بالخلاط ... وبعدها نضيف السميد والبيكن باودر لما يتجانس الخليط مع بعض ​

نضيفه على البسكووووووووت وراح يطلع معاي خليط ثقيل اشوي ​

افرشه في صينية فرن مدهونه ... واحط عليه الشعريه المفتته واغطيه فيها زين يعني كثري منها ... وضغطي عليها اشوي على الخليط​

ودخليها الفرن على درجة 160 لمدة ربع ساعه ( او حتى تنضج ) ... وبعدها افتحي الفرن من فوق حتى تتحمر الشعريه ​

طلعيها من الفرن واسقيها على طول حليب نستله ​

وخليها لما تتشرب الحليب كله​

قطعيها مربعات ​

ووزعيها بصحون التقديم​

وتراها لذيذه جدااااااااااااااا​

وكل ما ابردت تصير احلىىىىىىىىىى بس لاتحطينها بالثلاجه خليا تبدر على راحتها​

وعليكم بالعافيه وان شاء الله تعجبكم ان جربتوها ​

​

والحين طلعو لها اسم جديد البسبوسه الفرنسيه ههههههههههه

================

حبيت اوريكم اشلون اسوي عيش السرايا وطعمه لذيذ

اول شي طبقة التوست

لما اعمل اي شي من التوست تزيد عندي الاطراف فاحمرها بالفرن وبعدين اطحنها يصير عندي شكلها مثل البقسماط

اخذ منها كوبين ونص واحمره اشوي بالمقلى بدون دهن

وبعدين ابعده عن النار واكب عليه كوب ونص شيره او اقل حسب ماتحبين الحلى واخلطه جيدا حتى يتشرب كل الشيره

احط الخليط في طبق البايركس واساويه واضغط عليه اشوي اشوي

نجي لطبقة القشطه

كوبين حليب سائل
خمس ملاعق اكل نشا مملوئه
قليل من الهيل
وماء ورد
وعلبة قشطه

احط الحليب والنشا والهيل حتى يثخن عندي وبعدين اكب فوقه القشطه واخلطه بسرعه حتى يمتزج الخليط جيدا
اخر شي احط ملعقتين او ثلاث ملاعق ماء ورد واخلطه

اصبه فوق طبقة التوست واساويه وارتب شكله

نجي للمكسرات

حطي صنوبر والكازو وحمريهم بالدهن اشوي

وحطي لوز مكسر وفستق واشوي جوز الهند

بالاخر حطيها بالثلاجه حتى تبرد وقطعيها ووزعيها

وفي ناس تحب تاكلها وهي دافيه او ساخنه اشوي

وعليكم بالعافيه

وتراها ما تاخذ وووووقت

 

[ام عزيزان]

​

كل وحده ... لها طريقه بطبخ الرز بالحليب​

وانا احب هالطبق وحتى عيالي صارو يحبونه وعلمتهم عليه من وهم صغار ​

احط بالقدر ماء وحليب بودر وسكر .. والقليل من الهيل البودر ... واتركه على النار حتى يغلي​

واحضر 3 كاسات رز اغسلهم وانقعهم لمدة ساعه​

ثم اكب الرز على الحليب المغلي واخليه يطبخ على راحته... واخلطه بالمضرب اليدوي حتى تلين حبة الرز ... ويتشرب كمية الحليب....​

اوزعه بالصحون وارش عليه اشوي جوز الهند ... ودارسين بودر (قرفه) اذا تحبون​

​

ملاحظه :​

طبعا انا ما تقيدت بالمقادير لان مايحتاج للدقه... المهم ان الحليب السائل يكون ضعف كمية الرز​

في ناس تطبخ الرز بالماء ... وبعدها تضيف عليه حليب سائل وتكمل استوائه​

وانتبهي للقدر وهو على النار وحركيه بين فتره وفتره حتى ما يلصق بالقدر​

وبالعافيه​

 

[الكونـتـيـسـه]

يعطيج العافيه حبيبتي على الموضوع والله يوفقج اما بالنسبه لـ عيش السرايا انا جربتها طعمها لذيذ​

 

[ام عزيزان]

معمول ام عزيزان اللي تسويه مره راح تدمنه كل مره


2 كاس دقيق
6 حبات جبن كيري
4 م كبيره سكر بودر
2 اصبع زبده
تمر للحشو

ممكن تحطين مع العجينه اشوي يانسون او بهارات المعمول

الطريقه :

تكون الزبده ذايبه في جو المطبخ وتخلط مع السكر تماما

ثم نضيف الجبن ونخلط

ونضيف الطحين ونعجن جيدا حتى تتكون عندي عجينة قابله للتشكيل

ناخذ كور صغيره من الحشوه ثم نفرغها ونحشيها ونرد نسكرها

نضعها بقالب المعمول حتى تاخذ شكل القالب ونضعها في صينية الفرن المدهونه

ندخلها الفرن على درجه 180 حتى تتحمر من تحت وفوق

لما تبرد نرشها بالسكر البودر

وبالعافيه ​

 

[ام عزيزان]

الكريم كراميل السهل والمضبوط وبدون بيض ولا غيره

طلع يجننننننننننننن

ومتماسك جدااااااااااااااا

وتبارك الرحمن من حطيته خلص الطبق على طوووووووول

وغير انه شكله طلع روعه

اشرايكم فيه؟؟

الطريقه جدا سهله

وكانت عندي مشكله لما اسوي الكريم كراميل من البيض مايطلع شكله املس

يطلع فيه مثل الفقاعات ومخرم بعض الاحيان

وما شاء الله لما قلبته وقطته كان متماسك جدا وكانه كيكه

الطريقه :

2 باكيت كريم كراميل

ثلث كاس سكر

2 كاس حليب بودر

4 ونص كاس ماء

الطريقه :


يضاف الحليب على الماء ويذوب جيدا ونضيف باقي المقادير عليه وكله على النار

ونحرك فيه لما تختلط المقادير جيدا

ولما يغلي غليه وحده نسكر عليه

وطبعا نكون مجهزين القالب وحاطين فيه سكر الكراميل .... ونضيف حليه السائل بشويش ونحطه بالفريز مدة ساعه

وبعدها انزله تحت بالثلاجه حتى يجمد تماما

وتقريبا ياخذ له ساعتين او اكثر ... ههههههههههه ماحسبت الوقت

بس طريقته لذيذه ومضبوطه وان شاء الله مايخرب معاج لما تقلبينه

ونسيت اقولكم بعد اذا جيتي تقلبينه شوفي الاطراف مكن تكون لازقه بالقالب فكيها اشوي اشوي عن القالب بطرف السكين حتى يدخل الهواء ويطلع لك بسهوله

وعليييييكم بالعافيه


​

​

 

[ام عزيزان]

يعطيج العافيه حبيبتي على الموضوع والله يوفقج اما بالنسبه لـ عيش السرايا انا جربتها طعمها لذيذ​

جربتي عيش السرايا لي ولا انتي مجربه وحده ثانيه؟؟

وعليج بالعافيه غلاتي

 

[ام عزيزان]

شكلمة جوز الهند لمحبات جوز الهند

هي لذيذه جدا لمحبات جوز الهند ....


ثلث علبة حليب نستله الكبير

1ونص كاس جوز الهند مبشور

رشة فانيليا

وبس

الطريقه :

نخلط المقادير مع بعض .. حتى تتشكل عجينه قابله للتشكيل .. وناخذ بالملعقه قطع متوسطه الحجم

ونصفها بالصينيه المدهونه .... وندخلها فرن هادي 150 درجه لما تتحمر من تحت نطفي عليها ونفتح من فوق لما تتحمر اشوي ... وماتاخذ ربع ساعه لا تخلونها وايد بالفرن حتى ماتصير ناشفه

نطلعها من الفرن ونخليها تبرد وتقدم .... راح تكون مقرمشه من بره وطريه من الداخل


وان شاء الله تعجبكم ... جربوها تراها لذيذه جدااااااااااااااا

​

 

[ام عزيزان]

الكوكيز السهل والسريع

هذى الطريقه اخذتها ام هناء الله يجزاها الجنه

واليوم جربتها

واطلعت فعلا كوكيز لذيذ

وسريع

ومقاديره بسيطه وهي كالاتي :

علبة كيك شوكولاته بيتي كروكر

2 بيض

ثلث كاس زيت

تخلط المقادير جيدا

ثم تكور بقطع صغيره باليد وتصف على صينية مدهونه وتزين بقطع الهيرشي (شوكولاته الدمعه) بس ماكان عندي

وتدخل فرن ساخن 180 لمدة عشر دقائق من تحت فقط


ونطلعها من الفرن ونتركها على الشبك حتى تبرد

ثم تصف في صينية التقديم وتقدم بالعافيه

================

الكنافة الكذابه

نقص اطراف التوست ونفتت الباقي .... ثم ناتي باصبع زبده ونصف سائحه .... ونخلطها مع التوست حتى يتشربها تماما

نوزع نصف كميه التوست بالقالب ونضغط عليه جيدا

ثم نجهز الحشوه وهي عباره عن جبن الموزريلا مع القشطه يخلط جيدا ويوضع فوق الطبقه السابقه من التوست

ثم نوزع باقي التوست على الوجه ونضغطه اشوي اشوي ....

ندخلها الفرن الساخن حتى تتحمر من تحت اولا ... ثم من فوق

نطلعا ونسقيها شيره ونتركها حتى تتشرب الشيره

نزينها بالفستق الناعم او اللوز وتقدم وهي دافئه

​

 

[ام عزيزان]

طبعا مافي اسهل من حلى ام علىىىىىىى

سهله

وسريعه

ومقاديرها متوفره وبسيطه

وتخلص بعشر دقايق تقريبا

ولذيذه جدا

المقادير :

علبة قشطه (نستله)

3 كاسات حليب سائل (وانا استعملت الحليب السائل الطازج )

3 فنجان سكر (او حسب الرغبه)

6 حبات كرواسون (تقطع لقطع متوسطه )

رشة فانيلا

مكسرات منوعه وجوز الهند وزبيب (تحطين منه حسب الرغبه )

ورشة قرفه (اختياري)

الطريقه :

نقطع الكرواسون لقطع متوسطه ونصفه بالبايركس

ونضع عليهم المكسرات وجوز الهند والزبيب

واللي تحب تحط رشة قرفه

نضع الحليب والسكر على النار حتى يغلي

نطفي النار عنه ونضيف القشطه والفانيليا ونحرك فيه حتى يتجانس الخليط

ثم نصبه على الكرواسون .... ونتركه خمس دقايق حتى يتشرب الحليب

ثم نضع الصينيه بالفرن على نار متوسطه ... لمدة عشر دقايق او حتى تتحمر من فوق فقط

انتبهي لا تخلينها تنشف وايد بالفرن
​

​

 

[ام عزيزان]

الاحلام الورديه


حلىىىىى سهل وسريع وحلو لرمضان

2 علبة جلي فراوله

1 علبة قشطه

وسكر حسب الرغبه

ترى القلب سويته بالفوتوشوب يعني ماعليكم منه

نسوي الجلي بالطريقه العاديه وبعدها نضيف عليه القشطه ونخلط جيدا

نوزعه في اواني شفافه حلوه للتقديم

نحطه بالثلاجه ولما اطلعينه راح تشوفين انه صار لونين احمر ووردي

شكل وطعم وصج احلام ورديه
​

===================

واكتفي بهذى الاطباق واذا شفت اقبال وردود حلوه ومشجعه ان شاء الله احط لكم الجزء الثاني
​

 

[أذوب في عيونها]

يم يم يم

اعزمينا المرة الثانية

 

[بشوره الكويت]

الله يعطيج العافيه

فعلا طرق سهله وسريعه

ما تقصرين

 

[أحلى همبه كويتية]

تسللللللللللللللم ايدج ام عزوزززززززززي

 

[يفدونك مطير]

يـــــم يــــــم
لااله الا الله باين عليج راعية بيت سنعه
وانا بعد عازمة نفسي شهيتيني بالحلويات


:eh_s(3)::eh_s(3)::eh_s(3)::eh_s(3):

 

[سمسميه]

روعه تسلم ايدج

 

[زوجة الفنان]

روعه ام عزيزان حفظت الموضوع بالفيفريت عندي
عاد اموووووووووووووووووووت بعش السرايا
ماشاء الله عليج طباخه
نبي الجزء الثاني
لايوقف لايوقف لايوقف​

_03BA:​

 

[78MariMar78]

تسلم ايدك

 

[ام عزيزان]

هلا فيكم حبيباتي

وان شاء الله الجزء الثاني يكون بالكيكات

سعيده بتواجدكم

ونبي تطبيقات عشان تعطوني رايكم

 

[يمي يمي]

ماشالله عليج
شغل عدل
يعطيج العافية