حلوووو ام بزه المرتـــــــزهـــــــــــــــــــــــــــــه

[bnt q8 in usa]

مالقيت بصراحه مسمي لي هل حلووو الراقي بصراحه
الا اسميه حلو ام بزه كنايه عن العضوه الاخت ام بزه

اخذت طريقتها بالكيك الي سوته مره وطلع فله بس سويت فيه اليوم شي وايد عجبني يمكن غريب عند البعض ويمكن مار علي بعض


ملاحظه:نحتاج كواب الكب كيك عشان الشكل

المقادير:
كيكة روبن هود
1:قيمر
1\2:حليب نستله المحلي
1:كريمه حمره
2:ملعقه جبن كرافت السائل
3:بيض
1\2:كوب ماي
نص مل فانيلا
الحشوه:بسكوت اوريوو مخلي من الكريمه
الصلصه:1 قيمر+1\2 نستله=ينخلطوون عدل


الطريقه:نخلط البيض+الفانيلا
2:نضيف عليهم الكريمه الحمره +الجبن كرافت ونخلطهم عدل
3:نضيف الكيك البودر ونخلطهم ونضيف الماي تدريجياا اثناء الخلط
4:نحط بالكب كيك قليل من الخلطه +شلفوحه من الاوريووو وبعدين نرد نحط شوي من الخلطه عشان نغطيهااا
تكرر هالعمليه مع باقي الكب كيك بالضبط
ندخلها الفرن ليمن تستوي

لمن تطلع نحط عليها الصلصه+نضيف عليها علي الويه شوية عسل
وبالعافيه

بصراحهههههههههههههههههههههه هالكب كيك شي راقي وخفيف تري
لانه مافي دهن بالكيكه وحتي الكريمه استخدمت الفات فري ونفس الشي الاوريوو استخدمت الي فيه نسبه قليله من الدهن

وبالعافيه انشالله وبنتظار تجاربكم الحلوه يافدعات

 

[nero]

جبن كرافت؟؟؟
متاكدة؟؟
شفيدت الكرافت؟ مالح
اكيد كرافت مو كيري؟؟

 

[bnt q8 in usa]

ايه ابوي كرافت انتي سويها وماراح تحسين بالجبن كلش تخيلي جنج قاعده تاكلين انجلش كيك جربيه وادعيلي

 

[المجره]

تسلم ايدينج وايد مشهيه ............

 

[bnt q8 in usa]

هني وعافيه حبيبه

 

[جارة القمر]

كيكة الروبن هود

مع الجبن كرافت

عجيبه


تسلم ايدج حبيبتي

 

[لولي**]

تسلم ايدج

 

[ضحكة الدنيا]

تسلم ايدينج انا بجربها بس عشان اشوف الطعم اكيد بيطلع شى

 

[جورية كويتية]

والله حركات
بحطها بالقائمه
بسويها ان شالله بس عاد خل تنطر دورها الطابور طوييييييل لوول
^_^
تسلم ايدج

 

[^مزهريه^]

كيك روبن هود اي نوع؟

ومشكووورة

 

[bnt q8 in usa]

عليكم بالعافيه حبايبي :مزهريه روبن هود العاديه الابيض اقصد وتقدرين تسوينها بالبني بس عجيبه