حلم عمري وحب الطفوله خطفوه بنات عمي

[اخت خالتهم]

تـرى الريـال اهو يقـرر يبي والا لا
يمكن اهـو ما يبيـج ..

ان بعض الظـن إثـم


وعسـى ربي يوفقـج يارب

 

[a5tal7zn]

ردودكم جنه الامر بيدي مو بسهوله حب هالسنين هذا أنساه ويصير لغيري يمكن يكون كلامكم في محله وخلاص اهو بيتزوج وانا بتزوج لكن انا الحين عايشه الصدمه المشاعر والحب مو بيد الانسان يقدر يتحكم فيها قلبي الحين عايش بنار واصلا المشكله مع خواته اهما اللي مايبوني من بعد اخوه ماتزو اختي الكبيره واهما مايبونا واهو مكان عنده مانع بس خواته اللي قدروا يفرون راسه انا الحين بس مو قادره أتخيل باجر شلون اشوف زوجته ونظرتي لها وبعرسه شراح اسوي وشنو بيكون شعوري وانا بعد عرسي بعد اسبوعين شلون بتخيل نفسي مع غيره وانا عشت عمري احبه المشاعر صدقوني مو بيدي

 

[الكويت الول]

المهم ذلحين مشروع زواجك الجديد اذا كنتي لاتريدينه بلاشي تتعبي نفسك وتتعبي الاخرين

وقفي المشروع حتى تجدي الشخص المناسب


اما بالنسبه للشخص الاول اللي حبيتيه وحلمتي فيه
يمكن هوه مايبادلك الحب
لوكان يبادلك الحب كان دور عليك

ويمكن يدري ويمكن مايدري عن حبك له

لكن المهم هل هو معجب فيك ؟

 

[nour el denya]

حبيبتي يمكن هالشي خيره لج عيشي حياتج و لا تسيئين الظن في بنات عمج يمكن شايفين أن أنتو مومناسبين حق بعض
ركزي على حياتج اليديده و زوجج و استمتعي ترى هذي فرحة عمر فرحي و استانسي

انه بقولج شي مرات ناس إذا شفتيهم من بعيد تحبينهم بس إذا قربتي منهم تكنشفين انه مو مناسبلج
و العكس صحيح
الله يوفقج بزواجج حبيبتي

 

[blue ocean]

ارضي بالمقسوم ياخيتي ترى اللي يكتبه لج ربج خيره

ودامج قبلتي بولد عمج الثاني لا تظلمينه معاج حاولي اتقبلينه

ومع الايام تحبينه ترى ماتدرين ربج شخاش لج

ادري الكلام سهل والفعل صعب لكن الزمن لو بغينا يبري لنا جروحنا يبريها

بس انتي استعدي وصيري احلى عروس وقطي الماضي وراج

هو راح بنصيبه خلاص وانتي الحين لج نصيبج

الله يوفقج ويسهل عليج ويهون عليج يارب​

 

[cute lulu]

حبيبتي اكيد خيييييييييييييييييييييره انتي ماتدرين ترا عقب الزواج كل شي يتغير حتى حبج له راح يتغير ترا الزواج مو بس حب لا لازم يكون فيه تفاهم وانتي اشدراج يمكن ماتقدرين تتفاهمين مع ولد عمج الي اتحبينه !! وقدر الله ماشاء فعل انت تريد وانا اريد والله يفعل ما يريد <<لوول جنه مالفه اشوي خخخخ

بس صدقيني الي الله كاتبه اهوا فيه الخير لج حبيبتي وموفقه ....

 

[لمعة سراب]

الزواج باطل اذا انتي رافضته من الاساس !!!!!!!!!!

 

[el.mlkaa]

خيرره

 

[brettey]

شوفي حبيبتي
مسأله ان كان يبيج وخواته اثروا عليه بسبه خلافج مع اخته الكبيره ثقي تماما انه مايحبج يمكن معجب فيج بس ماحبج نهائي لانه لو حبج جان اصر وقال يا اخذها يا ما اتزوج مو يمشي على كلام خواته
ثانيا اهو ذكر مو ريال لان الي يمشونه حريم ماينقال عنه ريال الي تمشيه امه او اخته او زوجته
ثالثا انتي على خلاف مع اخته يعني لو خذيتيه ممكن اخته تقعد لج قعده وتحرضه عليج
حمدي ربج الله فكج منه مبين ان شخصيته خرطي اصلا ومو صاحب قرار
ادعي ان الله يحببج بزوجج ويحببه فيج ماتدرين يمكن هذا زوجج بيكون خير لج اصلا لا تشمتين الناس فيج وضحكي واستانسي
الله يوفقج ويسعدج

 

[كويتيه فرنسيه]

يامعوده خيره ربج يحبج

لو يبيج صج مااثرو عليه خواته بس مبين انج ماهمتيه او ان شخصيته ضعيفه وكلمه توديه وكلمه تجيبه

انتي لاكلمتيه ولاقعدتي وياه شلون حبيتيه ؟؟؟ هذا مجرد اعجاب مو حب الحب اكبر من جذي


الحين انتي على ذمة شخص مايصير تفكرين بغيره فكري فيه وفكري بنفسج تجهزي للعرس عشان تكونين احلى عروس ومووفقه

 

[قمرية الفيس]

ان شالله العريس ينسيج هذاك الي مادري ليش تهدمين سعادتج علي شانه وهو ولاداري عن هوى دارج حبيبتي هذا يومج هذي فرحتج صدقيني راح تندمين عيشي ايامج الجديدة بكل حب وسعادة وصدقيني بتنسينه وبتضحكين على ذكرياتج بعدين

 

[عسل سل]

تشوفينه من بعيد ووماتعرفين شخصيته عن قرب يمكن لوعشتي وياه محد يتقبل االثااني
انتي بفتره خطوبه وزواج قريب ف لااا تضيعين احلى ايام حياااتج وتعيشين دور الضحيه من ولااشي
اكرهييه تذكري المشاكل الي من ورااه هو وخوااته وشكثر تعبووج
لاتحققين مراد خوااته ومراده بانج ماتتهنين بزوااجج ولا بحيااتج سوي عكس مايبووووووون

 

[" AMBITIOUS "]

شوفي حياتك ابرك
و خلك عزيزة نفس لا تبينين انك ميته على اخوهم

 

[مـريومه]

حبيبتي بس خلاص لازم تتقبلين الواقع اللي انتي فيه الحين
كل شي قسمه ونصيب
وهذا قدرج بالحياة ولازم ترضين فيه
انسي كل شي وابدي حياة يديده مع زوجج
صدقيني لو ولد عمج يبيج محد بيوقف بويهه

ادري انج تعتقدين انه الامر صعب
ويمكن يكون بالفعل صعب بالبدايه
بس بالنهايه ان شاءالله بتنسينه
تقربي من ربج وادعيه

ان شاءالله تنسينه والله يمسح على قلبج
ويوفقج بحياتج اليديده

 

[غرور 9]

يماما لو كان شعوره من ناحيتج نفس شعورج جان طق بخواته عرض الطوف واخذج غصبا عنهم كبيرة وصغيرهبنت خالتي نفس سالفتج وتحبه بينها وبين نفسها وتقول اهو بعد يحبني
لما سمعت انه بيخطب بنت وياه بالجامعه طاحت ونوموها بالمستشفئ
ياها الولد قالها كل الي يصير فيج من ايدج انا ماحبيتج انتي اوهمتي نفسج بنفسج
انا مستحيل اتزوج بنت من اهلنا << هذا كلامه
انتي نفسها ع فكره
اوهمتي نفس بنفس وشووفيها الحين خذتلها واحد يشتغل بالمطار ومركز وجمال وسمعه ومعيشها احلا عيشه واذا ذكرناها بولد الي كانت بتموت عشانه تلعنه الف لعنه تقول الحمدالله ماصار من نصيبي انا بدون مشاري( ريلها) مابي الحياة كلها


بالاخير الغلط منج وخواته مالهم ذنب
عيشي خياتج وقولي باجر بتهنئ وكلهم بيقولون ليتها كانت مرت اخونا
روحي وجهزي لعرسج واكشخي اخر كشخه ترا ربج مايختار لنا الا كلشي زين والخيره بما اختاره الله

 

[بكمل المشوار]

كل امر المؤمن خير ،، صدقيني بكره يمكن تتذكرين هالموقف وتضحكين وتقولين شقد انا كنت ساذجه ،، الله مايمنع المؤمن من شي الا فيه خير له.

 

[* ليــــدي *]

لو صج يبيج لو كنتي شنو بيآخذج ماراح يهمه كلام خواته ولا حتى امه ..
صدقيني الله بيرزقج بالافضل بإذن الله ..
وخيرهـ لج خصوصا انج على خلاف مع اخته

 

[دانه الدنيا]

عسي ان تكرهوا شيء وهو خير لكم

ماتدرين يمكن لو اخذته بعد فتره راح تتطلقين موكل شي بالدنيا نبيه يصير
ويمكن هذي خيره من ربج ويبيلج الزين
ماتدرين يمكن زوجج باجر يعيشج بحب وسعاده
ادرى ان قلبج محترق بس نصيحه من اخت لاخت في الله لاتحطين هالموضوع براسج ترى ماراح تستانسين بحياتج
تعوذي من الشيطان وصلي ركعتين وقولي من هاليوم خلاص راح ابدى حياة يديده وان شاء الله ربي يكتب لي فيها السعاده ويعوضني بزوجي كل خير

وباجر هالشغلات راح تصير سوالف ويمكن تقولين بعد فتره الحمد لله اني ماخذته وربي رزقني بهالزوج هذا
عيشي يومج واستانسي بتجهيزج وعرسج وراوي بنات عمج ان انتي الربحانه مو اهم
ترى هالليله ماتتعوض
ربي يسعدج ويتمم عليج بكل خير يارب

 

[مهندسة الابيات]

وعسى ان تحبوا شيئا وهو شرا لكم

انتي مومنة بقضاء الله وقدره ترى ربج ما يكتب الا الزين لج
يعني احسني الظن بالله وعسى ربي يوفقج مع ريلج وتشوفين مع الايام انه احسن من حلم حياتج وعلى فكرة اذا كان صج يحبج جان خطبج صح ولا غلط

 

[قلبي وينك]

لو الريال يبى وحده وخاصه من اهله مثل حالتج بنت عمه ياخذج ياخذج غصب طيب ولا راح يلتفت لكلام حد
بس الظاهر انج فاهمه الموضوع غلط ولا هو انتي مو بدنيته ولا على باله علشان جذي ما اخطبخ وخطب وحده ثانيه
لا تفكرين عادي احيانا احاسيسنا جدام ناس تصير مأسوره وتخدعنا نشوف الحقيقه المره
بس احمد ربج ها انتي راح تتزوجين شالتفكير بالي ما يفكر فيج الحين تلاقينه مستانس بحياته وانتي تاكلين بعمرج