حلم عمري وحب الطفوله خطفوه بنات عمي

[a5tal7zn]

قوه ومسا الخير عليكم


بنات بقولكم ع طول سالفتي انا احب من صغري ولدعمي تمنيته لي وعشت عمري احلم فيه حسيت انه لي لكن ماتوقعت ان خواته يخطفون هالحلم هذا مني نطرته ورفضت كل الخطاب ع شانه وقلت راح يحس فيني وراح يخطبني ومرت سنين وانا انطر لحد ماغصبوني اهلي ع الزواج من ولد عمي الثاني وماكنت ادري انه خواته بخباثتهم يخططون يزوجونه من وحده غيري واهما يدرون اشكثر احبه ووافقت غصبن علي ع ولد عمي الثاني وانا كارهته واهو تزوج وانا عشت حرتي السنين اللي قضيتها احلم فيه والخطاب اللي رفضتهم ع شانه وبنات عمي اللي اعدهم خوات وأعزهم. يزوجونه من وحده غيري واهما يدرون اني احبه والحين عرسي بعد اسبوعين بس عايشه بهم وحزن ع حلم العمر اللي ضاع وشلون صار لغيري وشلون صرت لغيره. وبنات عمي زعلت منهم حلفت العمر كله ماسامحهم لانهم جنوا ع حلمي وحبي الوحيد قدروا يخلونه يغير رايه ويزوجونه ع شان بس يحروني الحين مو قادره أتقبل اني صرت لغيره وصار لغيري محتره حيل مو قاره انام ولا اصدق ان خلاص انتهى حلمي حسبي الله ونعم الوكيل ع اللي كان السبب تعبانه حيل مو قادره اجهز حق عرسي مو قادره أتحمل ان صار لوحده غيري وانا لغيره بس حبيت اقول سالفتي صارلي جم يوم مو قاره انام

 

[اللهم رحمتك]

خلاص انسيه بالبدايه يمكن تكون صعبه لانج متاقلمه على شي بس الحين انتي لشخص ثاني واهو لوحده ثانيه ماله داعي تخربين حياتج على وهم انسيه وتوكلي على الله ويمكن ماهو خير لج عسى ان تكرهو شيا وهوا خيرا لكم وعسى ان تحبو شيا وهوا شرا لكم احفظي هالجمله زين وكل شي خييييره وقسمه ونصيب لو كان نصيبج اخذتيه بس ماهو من نصيبج بكره وراج عمر لا تضيعينه بوهم وماضي ابني مستقبلج وفكري باللي جاي اسعدي نفسج اولا وزوجج والناس اللي حوالينج اللي يحبونج وبنات عمج اكسسسي عليهم وموتيهم حره بانج راضيه بقسمتج لا تفرحينهم بانكسارج بالعكس بيني لهم فرحتج بالعرس واستانسي وحاولي كثر ماتقدرين تقهرينهم وانسي ولد عمج موفقه

 

[جوري 2007]

يمكن قالوله عنج واهوة اللي رفض !

ماتدرين الله سبحانه اشكاتبلج ،، توكلي على رب العالمين وابدي حياتج اليديده وانسي الماضي

 

[Patcholli]

اولشي انتي ماتدرين مشاعر الولد اتجاهج فخواته مالهم ذنب ..!! يمكن قالوله ورفض ..!!
ثاني شي انتي رفضتي الخطاب بنفسج محد جبرج ولا احد عشمج ولا احد علقج وقالج نطريه واساسا اهو مايدري عن شي
ثالث شي انتي وافقتي على الزواج من غيره فشي طبيعي خواته بيخطبونله ويمكن مابغو يجرحونج ويخطبونله وانتي بعدج بنت نظروج تملجين عشان يخطبونله وحده على مزاجه
انتي على طول اتهمتيهم ان اهم السبب بدون دليل
حتى لو كانو يدرون انج تحبينه شنو بيدهم يعني اذا اهو مايبي ؟؟

 

[روانتي 12]

سلام عليكم

حبيبتي أنتي علقتي نفسج بواحد وحبيته من نفسج . . عشتي سنين وانتي تحلمين فية گ . . زوج لج . .
شلون تعلقتي فية و أنتي ماتدرين اذا هو لج ولآ لغيرج ! . . ترا مو كل شي نحلم فية يصير . . لو صج هالشي كان كلنا حلمنا بأشيئاء و لا قلنا لحد . . لكن الكل عارف ان كل شي قسمة والنصيب . .
مدري شلون صدقتي عمرج و حطيته هو زوجج ؟ . .
ومدري شلون جتج هالثقة يوم قلتي لاخواته انج تحبينه ! شهالجراءه . .
اصلن انتي غلطانة يوم قلتي خواته غلطااااااااااااانه حيييل . . وهم لا قدروج ولا راعو شعورج و راحو يخططون لزواجه . .
شفتي شكثر أنتي غلطانةة . . لو أنج ساكتة احسلج . .
عمومآ الي صار أنتهى و انتي الحين صرتي لغيره وهذا نصيبج من ربج . . ربي مايكتب لنا شي الا و هو خير لج . . ( عسى ان تحبوا شيئآء و هو شرآ لكم و عسى ان تكرهوا شيئآء و هو خيرآ لكم ) سورة البقره ..
هذي الآية من القران من كتاب ربج . . يعني الي حبيته كان شر لج و الي تبين تتزوجينه الحين ماتدرين خير لج . .
لا تعترضين عن حكمة ربج . . قولي الحمدالله على كل حال . . و الحمدالله على صحة والعافية . .
حلمج من البداية كان غلط . . لكن خلي هالشي درس لج بحياتج . .









سوري حبيبتي لو تأثرتي بكلامي بس حبيت أوصلج الكلام الواقعي مو الخيالي الي انتي عايشتيه . .
و أستانسي أنتي عروس ومابقى غير اسبوعين و تتزوجين . . فكري بزواجج ولبسج وكشختج و زوجج و بيتج وخلي ولد عمج على صوب لان هو مافكر فيج بحياته و بدال لا يفكر فيج قاعد يفكر بشريكة حياته مستقبلآ . . و بنات عمج الله يسامحهم . . خليج معاهم رسمية جدآ لعدم احترامهم لج و تقديرآ لشعورج . .
لا تتضايقين بتمر الايام و راح تضحكين على عمرج شلون حبيتيه و عيشتي نفسج بحلم خيالي . . موفقة ياعروس وعسسسسى الله يوفقج ويسعدج مع زوجج ويعوضج بكل شي .

 

[مالك عذر]

اولشي انتي ماتدرين مشاعر الولد اتجاهج فخواته مالهم ذنب ..!! يمكن قالوله ورفض ..!!
ثاني شي انتي رفضتي الخطاب بنفسج محد جبرج ولا احد عشمج ولا احد علقج وقالج نطريه واساسا اهو مايدري عن شي
ثالث شي انتي وافقتي على الزواج من غيره فشي طبيعي خواته بيخطبونله ويمكن مابغو يجرحونج ويخطبونله وانتي بعدج بنت نظروج تملجين عشان يخطبونله وحده على مزاجه
انتي على طول اتهمتيهم ان اهم السبب بدون دليل
حتى لو كانو يدرون انج تحبينه شنو بيدهم يعني اذا اهو مايبي ؟؟

:eh_s(15): كلامهااااااااااااااا عين العقل

 

[a5tal7zn]

اهو كان يبيني وقالت امه لنا انها يبيها وبعدين اختي رونتي انا ماقلت حق خواته اني احبه الكل حاس فيني لكن ابد ماصرحت بحبه حق احد بس خواته اهما الي خلوه يغير رايه بس انا صار لي خلاف مع اخته الكبيره واهي اللي خلته يغير رايه وقدرت تأثر عليه حتى اختي الكبيره متزوجه اخوه وتقول سمعتها واهي تقوله ياخذ غيري ولا يأخذني *

 

[كتالونيه]

حبيبتي القدر مكتوب
وخلاص انتي بتزوجين وصدقيني رااااح تنسينه
وراح تحبين زوجج
وراح تندمين انج فكرتي فيه
انا بعد عندي اخوي
بنت خالتي تموووت فيه
واحنا نبيها بس هو مايبيها
فمانقدر نغصبه ع شي وبعدين يحط الوم علينا

 

[غيـــــــروڪ]

الله يعوضك بزوجك يارب

خلاص انسيه حرام تفكري فيه وانتي على ذمة غيره

 

[أنوثه ملكيه]

إللي نساك إنسآه وإللي هوآك إهواه
واللي قدر فرقاك أقدر ع فرقآه ..

يمكن هو غير رايه الرجال مالهم قلب قال هذي بنت عمي حب طفولتي والا حب مراهقتي مو حب حقيقي مو شرط إختلفتي مع اخته تفر راسه وتنسيه حب حياته أكيد صعبه عليها مو بسهوله اللي تعتقدينهآ

بعدين يا قلبي أنتي الإنسان ماله الا المكتوب حتى لو حلمتي كل عمرك إنه زوجك وحبيبك ترى مالنا عن المكتوب هروب

ولا تدرين لعله خيره

وصدقيني زوجك راح تحبينه وتموتين فيه وتعرفين الحب الحقيقي معاه ولا تنسين هو اللي شراك وهذاك باعك
يعني إنبسطي وعيشي حياة جديده ولا تنكدين ع نفسك
و ألف ألف مبروووووووك

 

[pink Barbie]

خييييييييييييييييييييره
اكيد خيره انتي ماتدرين باجر لي تزوجتيه شيصير
قولي الحمدلله على كل حال .. وهذا نصيب ربج كاتبه
وانتي غلطااااانه كل هالسنين متعشمه فيه
خلاص راح بحال سبيله
حبي زوجج دلعيه والله يوفقج معاه يا رب

قولي الحياة مو واقفه عليه .. انزين اهوا لو يحبج جان خطبج او ما رضى ياخذ غيرج مو عدل؟؟
الحياة ترى مره وحده وما توقف على ريااااال صدقيني عيشي عمرج واستانسي مع زوجج ويمكن يطلع احسن منه والحب ايي بعد العشره

 

[شندوخه]

ماتدرين يمكن لو ماخذه ولد عمج جان عيشج بهم ونكد وحسر عليج
لاتستبقين الاحداث!! تفائلي بالخير .. ترى هذي احلا لحظات حياتج لاتضيعينها بهم ونكد
ان شاءالله بتحبين زوجج اضعاف اضعاف ماكنتي تحبين ولد عمج
وصدقيني يا اختي الحبيبه .. الله مايظلم عبيده .. واكيد ربي له حكمه في عدم زواجكم
انتي بس توكلي على الله وادعي ان الله يشيل ولد عمج من قلبج ويحببج بزوجج بس والله يوفقج ونسمع عنج الاخبار الزينه

 

[شندوخه]

اهو كان يبيني وقالت امه لنا انها يبيها وبعدين اختي رونتي انا ماقلت حق خواته اني احبه الكل حاس فيني لكن ابد ماصرحت بحبه حق احد بس خواته اهما الي خلوه يغير رايه بس انا صار لي خلاف مع اخته الكبيره واهي اللي خلته يغير رايه وقدرت تأثر عليه حتى اختي الكبيره متزوجه اخوه وتقول سمعتها واهي تقوله ياخذ غيري ولا يأخذني *

حبيبتي قولي الحمدالله ان الله فكج منه
لانه هالريال قراراته مو بيده بيد خواته .. يعني لو تزوجتيه وصار اي اشكال بينج وبين خواته بسرعه راح يترسون راسه ويشيشونه عليج .. قولي الحمدالله وامر الله كله خير وان شاءالله زوجج يكون احسن من ولد عمج ويكسبج بحبه

 

[exanon]

حبيبتي يمكن زوجج يكون أحسن 1000 مرة من ابن عمج اللي تقولين انج تحبينه
أحيانا المرة تعتقد انها تحب انسان من بعيد و هذا صراحة وهم كبير الحب الحقيقي يكون بالعشرة و التفاهم
ان شاء الله ربي ييسر أمورج و يسعدج مع زوجج

 

[عادت ذكرياتي]

الله يكتبلج الخير بحياتج حبيبتي انسي وامشي بطريجج ///

 

[black rose BH]

خلج من مشاعرج

ومشاعر الصبي الي تحبينه

انتي تدرين وين الخيرة من عند الله؟

تدرين مثلا لو اخذتيه راح تتعذبين وتتطلقين وغيره ؟

تدرين ان الله كاتب لج تاخذين ولد عمج الثاني عشان له صلاح لج؟

حطي ببالج كل شي يصير بحياتج

خيـــرة من رب العـالمين
لان اهو يدري واحنا ماندري

اهو يدري ان هالشي يناسبج وهالشي بيسعدج وهالشي بيخليج ترتاحين

فتوكلي على الله وعيشي حياتج

 

[سـمـو الآمـجـاد]

تجري الرياح بما لا تشتهي السفن ..!

 

[قمر بيت أبوها]

لاتصيرين مثل بنات عمي كرهونا عشان يبون اخواني

يااختي نطق اخوان غصب يتزوجون فلانه عشانهم تحبكم
يااختي الولد له وجهة نظر يمكن انتي بالذات مايفكر يتزوجك من بنات العايله
يمكن سال خواته عن اشياء تخصك تفكيرك طموحك ولقي انك ماتناسبينه وشالك من راسه
عزيزتي هذا زوآآآآآج عشرة عمر مااشوف فلان اعجبني احبه واتزوجه غصب عنه وعن اهله
مو فلان اخته قالت فلانه تحبك مات الا يتزوجها ترا الرجال يفكرون غييييييير روحي اسالي اخوانك تنصدمين انك ماتعرفين وش يحبون ويكرهون بزوجة المستقبل
الظاهر انتي عايشه بعالم اخر لايمت للواقع بصله

 

[أبله أريج]

خيررررررررررررررررررررررررررررررررررره

 

[انثى احسساسها]

بس حبيت آعلق عَ شغلة , آهوآ مَ تقدملج مؤ ؟ , مآ آعتقد كآن يحبج آصلأأ , و آخوه يمكن يحبج , حبي آللي يحبج =))
بس سلآمز