حلم عمري ضاع

[عتام]

كلام البنات .. japanes و حبات الرمان والسلطنه .. صحيح ..

الله يعوضك باللي احسن منه .. وانا والله ادري ان الكلام والمساواه شيء والواقع اللي نعيشه
شيء ثاني .. وادري ان النسيان ماهو بهوانا .. لكن .. تناسيه .. وانا أؤمن أ بالعقل نقدر نمشي
العواطف زي ما نحب ، فكري بنذالته وحقارته ... ألحين انتي تنتظرينه و تصبرين عليه وبالنهايه
يرفضك عشانك كبرتي ؟؟؟ هذا انسان سطحي و تافه .. هذا لو يحبك .. ما فكر في السن !

إسألي نفسك منو تحبين اكثر .. نفسك ولا هو ؟ .. إسألي نفسك هو يستحق هالشيء ؟؟ حياتك مو
رخيصه عشان تضيعينها وانتي تندبين أحلامك على واحد مثله !!

أنتي أعز وأغلا من إنك تخسرين نفسك عشان واحد مثله .. تخلى عنك بأبشع طريقه ..

.
.

​

 

[فّقدّ]

معوضة خير ()*

والله يصبر قلبج

 

[VSVS]

كلامكم صحيح يابنات الله يجزيكم عني خير يارب عتام حبات الرمان هاجر حبي للسطنه تولتي وكل البنات شكرا جزيلا وللاسف هذه هي قيم الحياه والحب والمسامحه والتضحيه والوفاء ينفهم غباء فعلا الحمد لله ع كل حال ولتسوني من دعواتكم ربي يغفرلي ويرحمني ويزقني بالزوج والـذريه الصالحه امانه تدعولي:eh_s(7):

 

[عتام]

والله راح ادعيلك .. بكل وقت ادعي فيه لنفسي ..
ماراح انساك ابد ..

وصدقيني .. إقري كتب .. والله القراءه تغير النفس والعقل ..
والله القراءه .. حياه ..، اذا قريتي اكثر .. تعرفين اكثر .. تدركين الأمور بشكل
أكبر .. كل ما قرأت اكثر ترتفعين اكثر وتشوفين أبعاد الحياه و الناس والمواقف ..

اتمنى ألاقيك في نادي الكتاب بهالمنتدى .. اتمنى اشوف تغييرك ..
انا موجوده .. اذا احتجتي لأي شيء لا تترددين ابدا .. يا صديقتي ..
​

 

[VSVS]

الله يجزيك خير الجزاء عني يا عتام حبيبتي ..انشاء الله اعمل بنصيحتك كلها واقراء واغير انشاء الله

 

[ميـــم]

الله يمسح على صدرج و يهدي النفوس إن شاءالله و يرجع لج

 

[Tom ♥ Jerry]

,


و خير يا طير ؟ خلاج ؟ اهوة الي خسران مو انتي !!
شفييييج تبين توقفين حياتج كلها عشان ريال ما يسوا ظفر ريلج ..

حبيبتي انتي اصلا المفروض تحمدين ربج انج ما ارتبطي فيه رسمي
و انه الله سبحآنه و تعالى بين لج معدنه حتى لو بعد 7 سنين
اصلا انتي كنتي مغشوشة فيه 7 سنين مغشوشه بحبه و طيبه قلبه
عبالج طيب و يحبج و يدور رضاااج و اهوة اصلا لا يحبج و لا يبييييج كان يستلى لا آكثر و لا آقل

عسى آن تكرهوآ شيئا و هو خيرا لكم ... يمكن انتي تكرهين فرقاج عنه يمكن تكرهين قعدتج بدونه
بس صدقيني كل هذا درس لج .. عشان مآ تصدقين الكلام المعسول الي اييلج بالحرآم
ترا الحرآم مآله بركه ياقلبي .. كبري عقلج و توبي الى ربج لآنه 7 سنين ظآلمه نفسج
و يمكن مقصره بحق ربج عشان انسان و لا يسوا اساسا ..

اسمحيلي يمكن كلآمي يكون قاسي علييييج .. بس بصراحه انا آكرهه شي عندي
آنه البنيه تسوي بنفسها جييي عشان وآحد ... آو آنه توقف حياتهآ عشان وآحد

الدنيا دواره باجر الدنيا تسوي فيه مثل مآ سوا اب بنات الناس .. رآح تفتر الدنيا على زوجته اهله خواته بناته
و رآح يعرف انه الله حق .. انتي مظلومه و آهوة الظآلم قولي حسبي الله و نعم الوكيل ...

و استمري ب حياتج طبيعي لا توقفينها عشان وآحد زباله حشااااج !
الهي ب حياتج و انشغلي بآشياء مفيده لج تنفعج و سبحآن الله بآجر ربج
يعطيج على قد نيتج و رآح اييبلج الي آحسن و آحسن و آحسن منه بس صبري و استغفري ربج
و خلي الباجي على الله سبحآنه و تعالى .... محد كفووو ينزل دموعج
و محد كفوووو عقده جبيييينج :**

 

[Tom ♥ Jerry]

والله راح ادعيلك .. بكل وقت ادعي فيه لنفسي ..

ماراح انساك ابد .. ​

وصدقيني .. إقري كتب .. والله القراءه تغير النفس والعقل ..
والله القراءه .. حياه ..، اذا قريتي اكثر .. تعرفين اكثر .. تدركين الأمور بشكل
أكبر .. كل ما قرأت اكثر ترتفعين اكثر وتشوفين أبعاد الحياه و الناس والمواقف .. ​

اتمنى ألاقيك في نادي الكتاب بهالمنتدى .. اتمنى اشوف تغييرك ..
انا موجوده .. اذا احتجتي لأي شيء لا تترددين ابدا .. يا صديقتي .. ​

آوآفقها الراي 100% :eh_s(7):
الروايات و الكتب يطلعونج من العآلم الي انتي فيه و يودونج عآلم ثاني عآلم مختلف تمآمآ ..
اقري حبيبتي اقري و لآ تنسين القرآن الكريم :rerrerek:

 

[VSVS]

ميم حبي شكرا جزيلا ربي يهنيك Tom ♥ Jerry حبيبتي صحيح كلامك وشكرا لكل كلمة من قلبك ياعمري وانا بمشي بنصائج انشاء الله وكل نصائح البنات ومتوكلة على ربي

 

[عويتقة]

كل شي بينولد صغير ويكبر الا الحزن والالم بيولد كبييييير ويصغر مع الايام احمدي الله وشكريه حبيبتي باجر يجيك سيد سيدو وتضحكين على ايام الحزن الي حزنتيها عليه تدرين ان الله يحبك لانو بعدك عنو ياروحي والله مو مستاهلة انك تعدبين روحك صللي وادعي الله يهون عليك والله يرزقك الزوج الصالح الي ينسيك كل لحضة صعب مرت في حياتك

 

[مدى.]

الله يعوضج بالاحسن

 

[فاطمة 25]

أهليييين

حسيت بشعورج لمن قريت كلامك
((إنك تفقدين إنسان تحبينه)) هذا إحساس يقتل
وشعور مؤلم جداً (بغض النظر عن إذا هل حبيب يستاهل أو لأ)

مرات نبي ننسى .. نبي نكره إلي عطيناهم ثقتنا وخذلونا..
نبي نرجع طبيعيين.. لكن مانقدر ...
هل شغله تاخذ وقت (النسيان مايجي بين يوم وليله)
لاتتضايقين من هل مشاعر .. وبنفس الوقت لاتفكرين فيها


كوني على ثقه
1- مهما طالت الفتره مصيرك تنسين
2- أرضي بقضاء الله وبترتاحين راحه كبيره
3- فكري بالمستقبل وإنه بيكون أحلى من هل7 أسنين إلي مضوا

بيعطيج ربي واحد تموتين فيه وتحبينه أكثر منه
(أنتي أرفعي يدك بالدعاء وسألي الله يعوضك
وطلبي من الله يعطيك الرجال إلي تتمنين .. سواء بالشكل والمواصفات والأخلاق
وبتشوفين الله كريم .. إن شاء الله مابيردك خايبه)

واعرفي إن الله يحبنا أكثر من أنفسنا ..
ومايختار لنا إلا إلي فيه سعاده وخير لنـا

حزنك هذا راح يكون زيادة في حسناتك
وتكفير عن سيئاتك .. فأشكري الله وكفكفي دموعك


مهما عانيتي .. بيجيك وقت تنسين
وتضحكين على نفسك .. تقولين يالله شلون كنت أصيح وابكي على حبي
وأقول ما أبي أحب .. ما أبي اتزوج .. ما أبي أعرف غيره

راح تشوفين قلبك ينفتح من جديد
وتشتاقين للحب وللزواج ..

ولمن ربي يعوضج ويعطيج الرجال المناسب

راح تدمع عيونك من الفرحه .. بتقولين الحمد لله يارب

نحنا مجانين
لمن نفقد حبيب نقوم الدنيا ونقعدها
بينما في ألف حبيب خيره (أقصد حبيب بالحلال . خطوبه وزواج)
الله شحلاتها هل مشاعر تهببل ...

إن شاء الله تلتقين بنصفج الآخـر

أنتي بهل فتره مثل ماقالوا البنات
أهتمي بنفسك .. بأكلك.. بلبسك ..
أجلسي مع أهلك مع قرايبك مع صديقاتك ..

سوي كل شيء تحبينه .. قسمي يومك ..
ساعه لله .. ساعه لنفسك.. ساعه لأهلك ...
كذا يعني حسب ماتشوفين

ويارب نسمع عنج أخبار حلووووه