حلمتي حلم وماطاف الشهرولا?? انت حامل?

[توحه1]

حبيبي قلبي
اتوقع هذا بشاره بالحمل ونشر الخبر
والي بتيي البيبي لها مكانه عزيزه وغاليه

 

[سلطانة روحه]

انا عندي كذا حلم توحه يا ليت تفسرينه لي


صارلي فتره احاول احمل بس ربي ما كتب


الحلم الاول قبل 3 شهور


حلمت اني داشه سوق .. و رحت محل عبايات .. و قلتلها عبايتي عندكم.. و قبل يومين ييتلكم خالصه و كنت بستلمها بس طلعت طويله .. و قلتولي بتعدلونها و تعالي عقب يومين

قالت لي الهنديه : ماما عبايه مافي خلاص

جان اعصب عليها و اقولها انتي قلتي تعديل يومين ليش طولتي

خلصي عبايتي ما يصير جذي

و اشوف في بالمحل مصري يشتغل

يقول ما تخفيش يا اختي حنحاول نخلصها بكير و حنتصل عليكي اول ما تخلص

قلتله شوف ترى حدك 3 شهور


هذا الحلم الاول


و حلم ثاني ريلي يايلي معاه فاتورة محل عبايات
قالي فصلتلج عبايتين مع بعض
جان اتضايق و اقوله ليش عبايتين
ابي عبايه وحده بس مابي عبايتين مع بعض

رجاءن روح كنسل وحده منهم
قال حاضر بكنسلهم
و انقطع الحلم

 

[سلطانة روحه]

الاحلام اليايه في ناس حالمينها فيني و اهم 3 احلام


الاول حلم خالتي ام ريلي فيني

اني عروس و داشه بيت ريلي و متزوجه واحد مطوع و ملتحي و كاسكه ايده

و خالتي تقول ماتستحي متزوجه غير ولدي
و تقول ان بشقتي صندوق كبير

....

الحلم الثاني هم خالتي ام ريلي حالمته فيني ان اهي و بناتها الثنتين قاعدين و بينهم سواره طايحه بالارض

قالو الله تهبل مالت منو

قالت خالتي هذي لمرت ولدي و حطتها بمخباها


....

ثالث حلم و الاخير

امي حلمت اني متزوجه اثنين غير ريلي

و اني عروس








عفيه شنو تفسيرهم..!!!

الله يكتب اللي فيه الخير

 

[مربربة]

السلام عليكم توحه الله يجزاج خير فسر لي .. حلمت اني بزحمه بالشارع وانا اسوق وكنت اشرب عصير حلوو


الحلم الثاني ان خدامتنا مالت امي تخم غرفتي انا وزوجي واحنا نايمين وانها رشة علينا عطر واحنا نايمين انا وزوجي وجني مثل اللي عصبت وبس..

الحلم الثالث حلمت ان زوج بنت خالي قاعد يشوفني بدون حجاب وانا اكل عيش مع امي وملوخيه جدامه ..



.. الله يرزق الكل يارب الذرية الصالحه
بانتظارج

 

[سلطانة روحه]

توحه وينج?

 

[سلطانة روحه]

توحه نستنا هههههه

 

[سميره مملوحه]

الله وناسه ردينا حق المنتدى والله ياحلوه وياحلو سوالفكم

انا عن نفسي اخر حمال لي وادعولي ربي يعوضني بحمل سليم
حلمت انه ابو ريلي يايني وعنده عطرين لونهم وردي ومهدييني العطور
حللت طلعت حامل بتوم بنات بس ربي ماكتبهم لي والحمدالله على كل حال

بس اختي قبل 3 ايام حلمت فيني انه وحده شكلها يخرع جنها اثيوبيه
يايه وقعدت على الارض قاعده تفج عمل او شي
جان بعدين قالت حق اختي التابعه طلعت من اختج اللي اهيا انا والجنين اللي فبطنها عاش
وكانت بنت

وبس هذا حلمها فيني
للعلم انا الحين قاعده ارقي نفسي بالآيات القرآنية واشرب ماي مقري

جان تقول لي الحلم وعساه خير يارب

 

[راحيل العبدلي]

انا حلمت ان في رجال اعرفه بس فالحلم موواضح منو
بس ابالي ان يا من محارمي او من حمولتي بس اعرفه يعني
وكان يطقني فظهري .. قعدت خايفه و لقيت تفسير انها بشاره خير اذا
الي يطق لا من الموتى ولا من الملائكه ..
وسبحان الله نفس الاسبوع وصلت خدامتي الله يسخرها
و بعدها بيومين حللت ولا حامل ..

 

[.:lady bug :.]

انا بولدي الاول حلمت اشتري ملفع بس كنت حامل
ببنتي حلم زوجي انه معطيني عقد

هالحماله حلمت بو زوجي يناديني ولمن ييته قام يبوسني ويلمني

ولدي الثاني ماذكر

 

[Nono83]

انا بشهر تسعه الي فات جتني الدوره عقب اجهاض وحلمت بيوم الوقفه ان احد يقولي نبشرك باحد العمرين يوم الاثنين حللت هالشهر طلعت حامل وبعدين استوعبت اني حللت بيوم الاثنين وهالشي حيل مستغربه منه سبحان الله

 

[توحه1]

السلام عليكم جميعا
انا موفاتحه الموضوع عشان افسر احلام
ولكن عشان اوضح ان بعض الاحلام تعتبر تباشير للحمل وسبحان الله بعضها بنفس الشهر تحلمين وتصدق وتحللين وتطلعين حامل ووضحت لكم
بالصفحة الاولى
وبعد حطيت لكم بعض احلامي

 

[توحه1]

سلطانه روحه
والله اعلم راح تيبين ولدين ورى بعض باذن الله بس موقت الي حلمتي بعد فتره ربي يسرامورك وتحملين بالذريه الصالحه

 

[سلطانة روحه]

امين الله يسمع منج توحه

مادري حسيتج معصبه هههه

 

[سلطانة روحه]

مشكوره على التفسير

 

[أميرة-]

انا ماحلمت كله يحلمون فيني

بولدي حلمت حماتي انه طايحه بالارض مادري ساعة او خاتم فضة ويوم خذته سمعت واحد يقولها مو لج حق فلانه اللي هي انا كنت توني محلله من ايام ومحد يدري

بحملتي هذي قبل ماحمل كنت قاطعه المانع جتني رفيجتي وهي نفس وضعي تبي الحمال قالت بحمل انا وياج قلت الله كريم قالت حلمت انه انا معاها لابسين عبي كتف بس هي عباتها قصيرة وانا عباتي راهيه وكأنه بالحلم ماتبي احد يشوفها وانا عادي مستانسه قلت شنو تفسيرها قالت بنحمل ببنات وسبحان الله صدق حلمها والغريب هي ليما الخامس خاشه حملها حتى عني انا رفيجتها قريبة منها وماتطلع من البيت ماتبي احد يشوفها ��

 

[اخت خالتهم]

شنو تفسير اكل التمر للحامل