حلمتي حلم وتفسر عقب فتره؟ تعالي علمينا

[يبقى الوله]

وآجد آحـلم ,,

 

[brooad]

واااااااايد أحلام... منها حلمت انه أخوي شاري سيارة يديدة و صافطها مكان سيارتي ... بعد فترة يانا أخوي وقال يبي يتزوج! و تزوج فعلا..
ومرة حلمت انه رفيجتي تقولي هذي بنتي مريوم وانا اقول لها انتي بنتج منور مو مريوم (بالصج بنتها اسمها منور)و قمت من النوم و دقيت عليها و قلت لها الحلم وقالت لي لا مابي أحمل قاعدة آخذ حبوب ... بعدها بفترة دقت علي و قالت انها توها محللة و طلعت حامل ويابت بنت

 

[@نوره@]

انا امي وخالاتي احلامهم ما شاءالله
اذكر خالتي قبل غزو الكويت حلمت
كانه الكويت ارتفعت في السما
وطاحت مقلوبه
وبنفس الاسبوع صار الغزو
وبعد وايد احلام عن ناس يموتون بس ما تحضرني

 

[بصْمةُ ضِيَاءْ]

رد : حلمتي حلم وتفسر عقب فتره؟ تعالي علمينا

حلمت من قلبل اسابيع ان الشيخ صباح يطالعني ويضحك وجه ابيض ومرت يومين وبشرونا بالمنحه:eh_s(22):

 

[أم منيـرة]

انا حلمـت بدود .. وقالو لي ان ناس يسببون لي إزعـاجا ..

عاد مادري الله واعلم ..

 

[~Mazuna~]

رد : رد: حلمتي حلم وتفسر عقب فتره؟ تعالي علمينا

بنات بغيت اسألكم عن شغلة ... انا الحمدلله اعرف افسر وجذي ( من كثر كتب تفاسير اللي عندي لوول )

بس دايم اعرف اذا حلمتي انة احد ميت هذا يعني انة عمرة طويل ... بس توني دريت من وحدة انة مو شرط اذا ميت عمرة طويل يمكن صج

يموت .... عاد حدي خاااااااااااااااااااايفة ... مادري شرايكم

اي انا مره حلمت بيدتي متوفيه بعد جم اسبوع توفت

 

[صب القفشه]

رد : حلمتي حلم وتفسر عقب فتره؟ تعالي علمينا

واااايد حلو الموضوع .....

ناطرين تفاعل البنات .....

و اب اب اب اب .....

 

[مملوحه السهول]

رد : رد: حلمتي حلم وتفسر عقب فتره؟ تعالي علمينا

احلام شكثر


بس اللي اذكره

ان عمي وبنته يسولفون عن القبور وان البيت اندفن فيه اموات وما ادري الحلم مخربط



وبعد جم يوم توفى ولد عمتي

 

[مملوحه السهول]

رد : رد: حلمتي حلم وتفسر عقب فتره؟ تعالي علمينا

بنات بغيت اسألكم عن شغلة ... انا الحمدلله اعرف افسر وجذي ( من كثر كتب تفاسير اللي عندي لوول )

بس دايم اعرف اذا حلمتي انة احد ميت هذا يعني انة عمرة طويل ... بس توني دريت من وحدة انة مو شرط اذا ميت عمرة طويل يمكن صج

يموت .... عاد حدي خاااااااااااااااااااايفة ... مادري شرايكم

لا يا قلبي مو شرط ان طوله عمر يمكن العكس


:blueSmCLR:

 

[..<< ندى الورد >>..]

رد : حلمتي حلم وتفسر عقب فتره؟ تعالي علمينا

قبل اسبوعين حلمت ان انا وعمي وجدتي مسافرين

وقالي عمي صوري البطايق المدنيه رحت وصورتهم ونسيتهم

عطيت عمي بس بطاقه جدتي ومشينا ....>>


ثاني يوم اول ما قعدت من النوم قالو جدتي توفت على ايد عمي اللي بالحلم


الله يرحمهااااااااا برحمته الواسعه

 

[رنة جرس]

تحقق الاحلام او عدمها بايد رب العالمين طبعا

ومرا تصدف او تكون رسالة أو تنبيه

بالنسبة لي انا حلمت قبل فترة إن ولد اختي توفى وصج تضايقت بس ما عططيته ذاك الاهمية وبعدها بفترة توفى بالفعل ولد اختي بس مو اللي حلمت فيه لا ولد اختي الثانية وتوفى بحادث عسى ربي يرحمه ويسكنه الجنة اللهم آآآآمييييين

 

[يا عيون جدي]

انا مره حلمت بتكرمون كلب ابيض فسرته قالولي صديق وصج بعد فتره تعرفتلي ع رفيجه والله شهادتي فيها مجروحه
والجين انا معاها 6 سنين بس للحين ما تدري عن الحلم بس جد هذا احلى حلم
يسلموو ع الموضوع

 

[مزن الكويت]

اناا اذكر مررة حلمت انه نسبتي 76 للثانويه عاد سبحاان لما طلعت نتيجة طلعت بالفعل 76

ومررة حلمت انه اصعد درري وانه الدري هذا يووصلني للجامعه وانا كنت واايد خااايفه

وكان فيه بناات قااعدين ع الدري وانا اقول شلوون قااعدين ماايخاافووون وسبحاان الله معنااة انه يبت نسبة ماادخلني الجااامعه

 

[^نوف^]

رد : حلمتي حلم وتفسر عقب فتره؟ تعالي علمينا

اناا حلمت اني كنت بعزاا وكاان فيه نااس واايد واناا احااول اعرف منوو المتوفي مااعرفت

سبحاان الله بعدهاا باسبووع توفت بنت عمي الله يرحمهاا ويغفر لهاا يااارب

 

[مزن الكويت]

اللهم اغفر للمؤمنين والمؤمنات والمسلمين والمسلمات الاحيــاء منهم والاموات ياارب العالمين

 

[نيــلــوفــر]

انا بعد حلمت انه ضرسي انكسر و بعدها بسنة توفى يدي الله يرحمه

 

[قدساويه!!]

متابعة

 

[كوكب الدرر]

أنا حلمت إني واقفة في مكان حلو وفيه حوض ماي كبير

شفت وحدة من أهلنا سلمت عليها وقلت لها عظم الله أجرج

تالي دشيت غرفة فيها حريم وايد لابسين عبي جان وحدة منهم تقولي عظم الله أجرج

بعدها يمكن بثلاث أيام توفى زوج الحرمة اللي عزيتها وعقبه باسبوع توفت عمتي









...............................................

 

[شـ ShOoNa ـونـا]

انا مـره حلمت بـرئيسـة قســمي القــبــليه .. انــها كـانت واقــفه بــمــكــان
و مــره وحــده عصــبت وصـارت تـكرمون جـلب و ركضت بـتهجم علي وركـضت بسرعه
غــرفه وسـكرت البـاب و ظلت تــهجم عالبـاب تـحاول تـكسـره وتـدخل وأنــا مــاسكـه البـاب ,

قـمت من النــوم من الخــرعه ..

الصـبح بالدوام يــتــني تــصارخ علي جــدام بنــات المـدرسـه , ليـن صـكت هوشـه بـيـني وبيــنها بالصـرااخ
و كــملــتها حضــرتها وقــامـت غلطت على بالكــلام و سـبــتني رديـت علي رد , جــان تشــب ضـو ويــت تــبي
تــطــقــني بـس مــســكـتها الابـله الي مـعاي وقـفــتها ولا كـانت يــايــه تــبي تـمد ايــديها . اشوه ان امسـكوها
ولا جــان صـرنا مصـخره بالمدرسه .

و طبــعا مصــيرها الحــجيــه نــقل تــأديــبي من المدرسـه

 

[Air Bag]

رد : حلمتي حلم وتفسر عقب فتره؟ تعالي علمينا

الحلم إلي ما انساه قبل وفاة متولي الشعراوي الله يرحمه بإسبوع
حلمت أني قاعدة أقرأ جريدة ومكتوب بلصفحة الأولى وفاة الشيخ متولي الشعراوي عن عمر يناهز 84 عام
وسولفته حق أهلي وقاموا يضحكووون
عقبها بإسبوع وله يدق علي أخوي الصبح يقولي يا الساحرة قريتي الجريدة
متولي الشعراوي توفى,ألعن خيرج قضيتي علريال
و الحلم الثاني قبل ما أحمل حلمت بأبوي الله يرحمه عطاني هديتين خاتم وإسوارة
قتله مابي الإسوارة عطني بس الخاتم
ضحك وقال لأ بعطيج الإسوارة أول وعقبها الخاتم لأن خاتم بروحه ماله نظرة
عقبها حملت ويبت بنت وبس طلعت من النفاس حملت ويبت ولد