+-*-+ حلا قهوه متعدد النكهاات بالصوور +-*-+

[عطور الورد]

السلام عليكم ورحمه الله وبركاته

شخباركم ياحلوات .؟

يبت لكم اليوم طريقه عجينه لحلا القهوه والبسكوت رهيييييبه تهبل

صج العجينه السحريه .. وكل مره اسوي فيها بنكهات غير تطلع كأنها شي يديد ..

اول شي براويكم صوره الحلا من تطبيق البنت اللي اخذت منها الوصفه

العجيينه سسسسسهله وايد ومايبيلها شي

المقادير:

1 كوب سمن
5 كوب طحين
1 كوب زيت
1 كوب حليب
م م بيكنج باودر
رشه ملح

الطريقه

تعجنين العجينه .. لما تصير معاج عجينه متماسكه وحلوه تقسمينها 3 اقسام

اول قسم تحطين عليه كوب سكر خشن ..
ثاني قسم تحطين عليه ملعقه ونص ملح وملعقه حبه سمره (حبه البركه) وملعقه كمون
ثالث قسم تخلينه ساده

--

القسم الاول .. تسوين منه اكثر من نكهه ..
من الاشياء اللي اانا سويتها وطلعت رهيبه
1- تاخذين كور صغيره وتبسطينهم بأيدج يصيرون مثل دوائر .. وتغمسين جهه وحده بالسمسم (تصير نفس البرازق) وتحطينيها بالصينيه

2- ممكن تحطين مع جزء من العجينه دارسين مطحون وتشكلينه يطلع رهيب

3- ممكن تحطين مع جزء من العجينه قهوه فوريه (نسكافيه) او القهوه التركيه .. وتشكلينها

4- ممكن جزء تحطين معاه نكهة البرتقال وتشكلينها

5- جزء تسوينه كور وتحشينه حبه كاكاو هيرشي الدمعه وتسوينه على شكل دمعه

6- جزء تخزينه اصابع بدون ماتحطين معاه شي .. ولما يطلع تحطين عليه خطوط صوص كاكاو

تقدرين بعد تسوين افكار كثيره .. وصدقيني وعن تجربه كل نكهه طعمها رهيب ومحد بيصدق انهم كلهم من نفس العجينه

الحين الجزء الثاني اللي حطينا معاه الملح والحبه السمره والكمون
نسويه على شكل دوائر او على شكل (لا) او على اي شكل ..

الجزء الاخير الثالث اللي خليناه ساده .. نسويه اصابع ونخبزه ولما يطلع واهو حار نحطه بالقطر (الشيره) ونطلعه ونحطه بجوز الهند << رهيييييييب

وعليكم بالعافيه وصدقووني انه طعمه يهببببببببببببببل

هذا صوره لوحده من تطبيقاتي له << سويت اكثر من تطبيق واكثر من نكهه وكلهم حلوين

عليكم بالعافيه .. :klhfl:​

 

[كادي سويت]

ما قصرتي يعطيج العافية

 

[عطور الورد]

يعافيج حبيبتي كادي .. وعليج بالعافيه يارب

 

[كادي سويت]

ما قصرتي يعطيج العافية

 

[جارة القمر]

يعطيج العافييييييييييييييية



حبيبتي

 

[المكسيكيه]

يسلمووووووووووووووووووووو

 

[m!ss.lonely]

وعليكم آلسلآم ..{

آلله يعطيج آلعآفيـه ~

 

[ملآمح شوؤق]

عوااافي ,,,

 

[عطور الورد]

الله يعافيكم جميعا يارب ..

عليكم بالعافيه

 

[إطلالة القمـر ...!]

تسلمين ...

يشووق ..

يامال العافية ..

 

[أحلى همبه كويتية]

تسلم ايديج
عليكم بالعافية
يبيييييييله والله نجربه

 

[لامار ستور]

يسلموووو شكله لذيـــــــذ

 

[OmRashed]

الله يعطيج العافيه .. ومشكوره

 

[اموله111]

يسلمووووووو

 

[حضن امى]

ماشاء الله وايد حلوة

وموفقه ان شاء الله

 

[Snow angel]

يمي يمي شكلها عجييييييييب

يسلموووووووو حبيبتي

 

[عطور الورد]

الله يسلمكم يارب .. عليكم بالعافيه يارب وان شاء الله تجربونه ويعجبكم اكثر

 

[titoo]

ماشاءالله واااااااااايد اعجبتني لا اله الا الله

مشكووووووووووووووووووووووووووووره حبيبتي

 

[عطور الورد]

العفوو حبيبتي وعليج بالعافيه يارب .. ان شاء الله تجربينها وتعجبج اكثر

 

[om mishaal]

روعة شهي
يعطيك العافية